味滿

營業中

休息中

公司附近開了一間粥麵店，經過門面不以為然，唔講仲以為西餐廳，原來主打粥麵。內裡裝潢雅緻，跟傳統粥麵店風格大有不同。肉丸配蠔豉粥粥底綿滑軟糯，加了生菜絲，蔥花，增添了口感。肉丸又爽又彈，肉味香濃。另追加了蠔豉，蠔豉剪碎放入粥內，令蠔豉味道更為特出。魚腩配雞粥大大件魚腩，肉質細膩，甜美。啖啖肉香的雞也不遜色。炸鯪魚球即叫即炸，香口惹味，彈牙口感顯著。蔥花蝦米腸粉薄薄的腸粉只有蔥花和蝦米，簡單就是滋味。

🍽味滿 (天后)📍天后電氣道64號地舖1. 薑蔥豬雜撈麵 🐷（$58）豬雜嘅內容好豐富，有豬膶豬腸豬肚豬腰尺豬肉丸等等！豬什完全冇豬嘅腥味，配搭上薑蔥嘅淡淡香味，真係一絕。我叫咗個粗麵底，面底唔會太乾，佢仲另上一碗大地魚湯，鍾意食豬雜嘅朋友記得一定要試。2.淨菜肉雲吞🐷 （$38）雲吞皮好薄，一眼就可以見到裏面嘅餡好豐富，菜同肉都好新鮮，一啖就食得出佢哋新鮮整。雲吞包住好多湯喺裏面，湯底佢哋都係用佢哋每日新鮮熬製嘅大地魚湯底，十分推薦👍🏻3.鹹肉糭🐷($18)糯米既味道好香，包住厚厚一層嘅綠豆，豬肉佢哋用左半肥瘦既部分亦都用滷水醃過加埋鹹蛋黃，真係一碟天衣無縫嘅鹹肉糭。4.炸兩🍚($26)充滿廣東人特色嘅炸兩，腸粉皮好薄 油炸鬼亦都炸得香脆，配上麻醬同甜醬，真係不得不試！5.蝦籽菜心🦐（$22）佢啲配菜亦都好有心機，充滿水份嘅菜心配上大大羹嘅蝦子，淋上海鮮豉油，點可以唔點。6.香茅雞翼🐥（$30）雞翼真係外脆內軟，香茅嘅味道恰到好處，咬落去有少少油脂濺出黎，冇諗過連香茅雞翼佢哋都做得咁出色。7.薏米水（$8）薏米水嘅材料都好豐富，裏面有蜜棗薏米同埋薑，飲落去都幾暖胃，老闆娘仲話佢哋每日

味滿最近生咗粒大暗瘡，想食返清淡啲嘅嘢今次嚟到位於天后嘅粥麵店店內光線光猛，裝修簡潔企理店員都好nice-------------------------生滾雞粥 $50生滾粥好綿滑，少少鮮黃雞油浮喺粥面，好香雞肉好新鮮，肉質扎實，唔會過度調味，雞味濃郁 😋哩個味道令我回想起兒時樓下酒樓食嘅生滾粥 😌瑤柱牛腩撈粗麵 $50牛腩煮得夠冧，牛筋好嫩滑腩汁好多，撈粗麵一流份量多，好抵食蝦籽菜心 +$22菜心翠綠清甜，蝦籽令菜心更加鮮味香茅雞翼 +$30好香口，雞肉好juicy味道香濃，好食炸兩 +$26腸粉滑溜有彈性油炸鬼口感鬆脆，食落煙韌凍豆漿 +$10豆味香濃，係粥麵店必叫飲品-------------------------整體嚟講性價比算高粥麵店嚟講，食物都多元化👍味滿地址🎈天后電氣道64號地舖

小弟好少去傳統粉麵店，主要係嘢食通常唔啱口味，同埋門面有種舊時代嘅感覺。年輕一輩當然鐘意去連鎖餐廳、西餐、Cafe 等等。而呢間餐廳就一抹左我對傳統粉麵店嘅刻板印象！第一次去係前輩帶我去食，今次自己單挑一定要寫comment！佢前衛嘅裝修已經好吸引我，連舖入面嘅衛生環境，簡潔嘅Menu，各款嘅硬件都符合左我鍾意去嘅餐廳嘅時尚style，未開始食嘢已經覺得好不可思義。然後到食物。首先一定要讚嘅係佢嘅薑蔥豬潤（幼）麵，我係一個唔明白點解會有人食豬潤嘅人，但呢間嘅豬潤真係俾到一個好新奇嘅感覺我。其次係佢嘅薑蔥鯇魚皮，唔腥又爽口，食完一塊好快想食下一塊。（最後先寫詳細食評）。享用完呢一餐之後，我覺想帶出一點，傳統唔一定係懷舊，只要將傳統配合革新，並且保持食物水準，正如呢間舖名「味滿」，將港式飲食文化得以傳承。食評：薑蔥豬潤麵-評分（9/10）豬潤好爽口，唔腥，味道好獨突，幼麵無鹼水味，夠彈牙。爽脆薑蔥鯇魚皮-評分（8/10）爽脆彈牙，完全冇魚腥味，個汁好味，配埋薑蔥辣椒食，層次非常豐富。麻辣墨魚卷-評分（6/10）個麻辣汁好適合唔食得辣嘅人，墨魚卷味道亦唔錯，但係偏淋。

味滿😋😋😋味滿美滿一百分味滿食完完全美滿、店舖以清新綠白木系、連餐牌都以綠色為封面！❤️❤️麻辣牛筋 ： 牛筋炆得好焾好入味配以白蘿蔔⋯⋯白蘿蔔很清甜冇苦澀味加埋麻辣味道剛好、很配合，適合食唔得辣又想食辣嘅朋友。😋一間廣東式提供粥粉麵飯的店鋪、能提供埋麻辣牛筋、麻辣牛腩、麻辣豬軟骨、麻辣腐皮卷較為少見、好特別、值得推介、yummy yummy 、好好味👍🏻👍🏻😋😋艇仔粥非一般粥店嘅材料：粥底綿香滑滑，大大碗材料包括⋯⋯有魚片、牛肉、鹹瘦肉、魷魚和生菜絲仲有脆脆嘅花生、包羅萬有，很滿足😘😘店主推介豬膶粥🥰🥰粥的配搭可選腸粉（有香荽牛肉、豬潤、叉燒、鯇魚片、蔥花蝦米、混醬腸粉、仲有鮮蝦腸)或炸兩，真係好多款揀、腸粉香滑真係叫做皮薄餡靚^_^連街坊都大讃！👏🏻👏🏻味滿天后電氣道64號地舖##

同朋友係天后覓食，見到依間門口好多人等外賣，香港人心態😂多人排隊一定有好嘢，所以就盲衝衝入咗去試堂食😜🐷麻辣牛筋撈粗 $50撈麵同麻辣牛筋分開上，另外仲有一細碗湯俾你點住食🥣我哋就直接將麻辣牛筋倒落個面入面一齊食，咁就可以索晒啲麻辣味😍牛筋好淋入口即溶，應該都炆咗好耐，兩舊蘿蔔都好清甜冇渣🐮🐷艇仔粥 $43咁多款粥揀唔到，咁一於食艇仔粥🛶入面咩都有啲😚個粥底好靚，煮得好綿密，冬天食一定好正，食完即刻暖笠笠🌤🐷香脆炸雲吞 $32 （加配價）一份有六粒比想像中多，同酒樓嘅唔同，佢係偏細粒，但係唔好睇小佢！炸得超級脆，仲要包咗成粒蝦🦐點埋甜酸醬，忍唔住一粒接一粒🐷鮮蝦腸 $34 （加配價）掙扎咗好耐鮮蝦定係炸兩好呢😆三條腸粉每條都包咗兩粒大蝦🦐粉皮都滑lulu，如果個皮再薄啲就好啦！🐷豆漿 $10 （加配價）豆漿濃厚重豆味🫘🐷薏米水 $10 （加配價）唔想飲甜嘅嘢，薏米水清清地都幾啱我飲，咁都有少少薑嘅味道，感覺好健康😆慳妹攻略🐖✨叫任何嘅粥粉麵飯就有得優惠價加小食！優惠咗嘅小食比起正價抵好多，而且依家仲有九折優惠，快啲趁而家試！🫶🏻環境 🐖🐖🐖🐖 4/5 食物質素🐖🐖🐖🐖 4/5店員態度🐖

「禾是窮鬼whita 醉愛買抵野」🛖 味滿🍜📍 天后電氣道64號💰 ～$100一人性價比:🐘🐘🐘🐘/5(窮鬼表示坐得舒服既粉麵店好難得✨)係天后搵緊有咩好食之際，見到呢間店舖門口好多人排隊買外賣，就決定入去試吓🤩，舖頭入邊好光猛💡，座位一啲都唔迫🥰，坐得好舒服！❣️麻辣牛筋撈粗🐄粗麵嘅份量真係有好多！大食嘅朋友都應該食得飽～麻辣汁可能會對怕辣嘅朋友仔來講有少少太辣🔥唔食得辣嘅可以試吓其他配料！🫣同埋佢啲牛筋入口即溶軟林林，唔會好硬🤤❣️艇仔粥個艇仔粥都幾足料💗有好多條魷魚鬚～啲粥都好棉密😋建議加少少胡椒粉落個粥度更加滋味🫙❣️炸雲吞🦐冇諗過小食竟然足足有六粒！每一舊都係1口size，每一啖都食到蝦同外層脆脆✨❣️鮮蝦腸🦐鮮蝦真係每一粒都大大粒！🦐腸粉皮都好滑脫脫～食完即刻想聽日飲番個早茶🫖❣️豆漿 ➕薏米水去粥麵店一定要飲豆漿是常識吧！我食完麻辣牛筋撈粗覺得太辣，可以飲啖豆漿😍！薏米水係朋友叫的，話飲完即刻有養生嘅感覺🤣🤣#天后 #天后美食 #味滿 #性價比之選

位於天后新開業的粥麵店，整條街道都有各類型的食肆，這家中式的粥品、麵食店，有別於一般傳統的粥店，裝潢簡約別緻，環境舒適整潔，燈光光猛，座位也不會太小或逼。餐牌供應選擇甚多，粥粉麵飯皆有，還有小食、腸粉、油菜等。粉麵類：上湯菜肉雲吞 一共有五大粒雲吞，豬肉較突出，菜的餡料相對少。雲吞皮薄，餡料飽滿，配上上湯汁，味道鮮味。生滾粥類：豬膶粥生滾粥綿密，加入新鮮的豬膶，沒有豬腥味，每片都是大大一塊。糉子：鹹肉糉肉糉很大份，糯米飯粉糯，餡料有綠豆、蛋黃、肥豬肉。麻辣類：麻辣牛筋以小食來說，份量不少，牛筋大大塊、很煙韌，白蘿蔔入味，麻辣醬汁很惹味，不算辣。

食過2次，第一次食水餃麵，食完好口渴，甘有味精係正常嘅，可接受。第二次，肉丸粥+蝦米腸，味精指數係足以令到條脷同嘴唇麻痺。俾錢時好細聲同老闆娘反映，老闆娘話無味精，旁邊個叔叔即刻話有時d肉呀，嗰d甘甘甘。。。其實嘢食吾差嘅，希望呢個問題可以改善下，唔好浪費好嘅食材。

睇住佢裝修 有得食喇 趕得切試 因為再過一星期就離開天后工作了 所以我連續食左幾天，天天有驚喜牛腩好濃味 ～腩汁蘿蔔蘿蔔好淡 （可能個人口味不同）鯇魚腩粥魚腩勁滑 好新鮮 粥夠綿 好好味 魚腩十大大舊太好味 連續食左兩日👆🏻🤭水準一樣 一樣咁正隻糭同第二度食嘅味度好唔同 ，試下先喇！爽魚皮～又係好耐無食過，好少地方有，有都好早賣晒，中午12點（🤭最後一份）超正 超爽一定要多蔥多花生先最好味豬什～豬潤（無得頂😋）未食過咁滑、粉腸、肉丸、肉片、豬肚今日勁呀 👇🏻試左三樣嘢，第一豬手老闆勁推介的南乳豬手 夠入味、夠淋第二炸兩之前食過油炸鬼、痴線好味 即叫即炸 堅正所以今日要試炸兩，比一般店的脆（再脆啲就好了），內脆外軟，希望下次食 可以好似即炸咁脆第三樣 炸鯪魚球這東西我好少食 前日見隔離枱食 賣相吸引，一於試下配蜆芥醬⋯👍🏻今餐好滿足，可以食晒 自己都嚇親叫主菜可以優惠價享用其他小食及飲品快啲試下喇推介 豬潤 好味到不得了

與朋友修完指甲扮靚靚💅，好肚餓，係地鐵站附近見到這間新開嘅粥麵店，乾淨企理，係門口望吓個餐牌，套餐都幾多選擇，試吓先。我點咗：牛腩水餃撈粗麵$70、叉燒腸粉+$28、熱薏米水+$8🐮牛腩水餃撈粗麵蘿蔔爽滑、牛腩又夠腍身；水餃亦多料飽滿🥟，撈埋爽口彈牙粗麵，最是滿足～💓。🥢叉燒腸粉即點即做，熱騰騰滑嘟嘟。🥛薏米水以生熟薏米、蜜棗一起煲，有薏米清香及淡淡的薑味，甜度適中，很清潤。朋友就點咗：豬軟骨湯米$42、咸肉糭+$18、熱薏米水+$8🐷豬軟骨湯米朋友好鍾意食豬軟骨，我都估到點這個🤭，有3件豬軟骨，而且都幾入味軟嫩。🐖咸肉糭大大隻咸肉糭，裡面有綠豆、 花生及肥豬肉。🥬蠔油芥蘭+$18芥蘭爽脆，簡單好味。兩個人點到成枱都係，食飽飽，每人96元，幾抵食。

牛腩必食魚皮爽口蝦米腸正老闆娘及老闆好親切，落力。選擇多，有面，有粥，有小食如魚皮，羅白，還有海南雞飯，又有薏米水，不過最好味都係牛腩。粥底好，好滑。值得推薦。

唔廢話，直接講食後感：麻辣牛筋飯，牛筋入味夠淋，麻辣味香而不搶，唔會辣到成頭汗，每碟飯會跟一碗雲吞湯，我超鍾意；炸雲吞屬於細小型，一啖一隻，脆口兼蝦肉爽彈；海南雞夠滑有雞味，豉油汁尤其出色，飯質軟硬適中；腸粉有多款選擇，我哋叫咗炸兩腸同豬潤腸，兩款都堅係腸粉皮又薄又滑，豬潤爽滑彈牙，好食到食完再encore；炸兩腸嘅油炸鬼都好脆；仲有自家製嘅薏米水；可惜今日試唔到鯇魚皮，留返下次；新裝修，地方乾淨光猛，坐得舒服；三個人食完呢個豐富午餐，飽到中秋，先二百幾蚊，依家新開張仲有八折，係咪值得推介先！完

天后呢排開咗好多新餐廳， 今日放假同男朋友一齊試食下 新店開張，新張期內全單八折我哋叫做2個全日套餐侯柱牛腩湯河(6.5/10)牛腩份量多， 好入味但有D鞋會黐牙, 有兩大嚿蘿蔔唔太入味，河粉好滑，正常清湯底豬雜湯麵(8/10)豬雜分量多，有豬潤、豬肚、豬腸, 麵質幾彈牙香茅雞翼(8/10)炸得好靚， 肉質唔算太juicy 香茜牛肉腸粉(7/10)腸粉皮薄環境(9/10)乾淨企理， 座位唔會太迫服務(10/10)老闆好nice,落單和上菜速度合宜性價比高， 會再去幫襯

天后新店開張天后A2出來1分鐘就見到，新店開張有8折，粥粉面飯俱全，麻辣小食都有，價錢適中，老闆好親切。好特別嘅“粥焯”，用粥底焯，豬雜更添多一份嫩滑，豬潤厚身大舊兼爽口，唯豬腸略有些許騷味，多蔥多料，外賣有辣椒豉油可以蘸醬，啖啖豬潤啖啖蔥好滿足必食炸醬粗麵味道正宗，粗麵爽口入味，久浸唔發漲，筷子一卷，一大啖，好過癮，麵身夠薄夠輕夠爽撈汁一流，食完想encore淨水餃38蚊一碗有五粒鮮蝦餃子，都算大粒，有完整鮮蝦，木耳等餡料，餃子皮薄，咬落卜卜脆，啖啖滋味。趁有八折，值得再來幫襯，食勻每一款