味滿

營業中

休息中

做完嘢喺天后電氣街無無聊聊行街見到間舖門面不大，但好多人等住入去食嘢，唔執輸入埋一份，當然入去前知呢間係粥粉麵飯店喇。而入邊幾深吓，都有廿幾個位可坐，最緊要係乾乾淨淨，墙上有D印有“味滿”2字的畫作，低調得來又賣埋廣告，有意思。可選擇的粥粉麵飯好多，加加埋埋起碼好幾拾樣，終於落錘揀咗“薑葱豬粉腸撈麵”和“鯇魚腩粥”两樣主食，撈麵揀咗撈粗，除咗多葱仲有生菜，粉腸好爽冇噏味，食得超開心；鯇魚腩有5大件，鮮味十足，好正“腩汁蘿蔔“，“蠔油冬菇”，“香茅豬扒”和“酥炸鯪魚球”都係跟餐的特價小食，最鍾意香茅豬扒，入晒味嘅香茅，勁有泰國感覺，鯪魚球都好味，好食過某些酒樓嘅出品。