味力冰室

營業中

休息中

喺鰂魚涌呢度搵到一間冰室，食個下午茶係一個唔錯嘅選擇！我同朋友叫咗一個生炸雞髀拼薯條，另外仲有個秘制沙嗲牛肉包。兩樣野加埋都只係幾十蚊，超級平。冇幾耐炸髀準備好啦，我見佢個賣相非常之吸引，金黃色外表炸到外脆內軟，食落去口感好結實而且冇冰鮮嘅感覺，第一次食炸雞髀食得咁舒暢，配上粗身炸薯條，沾上茄汁，真係超好味呀！另外沙嗲牛肉包出邊好少見，通常見到沙嗲牛肉麵，佢用咗熱狗包，沙嗲醬好濃郁好惹味，牛肉嘅份量亦都算多，熱辣辣非常新鮮。仲有我好鍾意佢嘅西多士，真係好厚切，加埋花生餡料同埋糖漿，正呀。最後嘢飲方面加錢要左枝鮮奶，好耐無飲啦！

晏畫黎開鰂魚涌做野，就去地鐵站A出口附近味力冰室。一入到就聞到陣香濃生炸雞脾味道，於是點左隻生炸雞脾加常餐。常餐配味力叉燒湯意、火腿滑蛋，牛油厚多士，飲椰汁雪糕紅荳冰+$15。味力叉燒湯意:叉燒入味，配上較清淡湯意味道剛剛好。椰汁雪糕紅荳冰:上面有球雲妮拿雪糕，加埋椰汁紅荳冰，適合喜甜人士，啖啖食落好有童年回憶﹗生炸雞脾$26:由於係即點即炸關係，所以需時較耐。雞脾椒鹽味香口，雞皮外脆，雞肉內嫰，伴碟沙律青爽﹗ 

🍴珍寶豬扒飯配秘製咖哩汁 HK$58、煎蛋（另加） HK$6秘製咖哩唔似港式唔似日式，偏近印度咖哩，香料味較有層次，但可以再濃d同辣d，而且唔太夠撈飯，見佢另加咖哩汁都要10蚊，唔知可唔可以就咁叫多汁。珍寶豬扒好厚，唔韌，脆皮脆得黎堅實。🍴香蔥滑蛋叉燒飯 HK$56豉油鹹甜剛好，叉燒肥瘦適中，滑蛋滑得黎唔會生得滯，份量足，不過蛋香唔突出，好彩叫左多蔥，好鬼香。🍴生炸雞髀 HK$26即叫即炸，要等15分鐘，熱辣辣大大隻，皮脆肉滑，無血水無雪味，不過唔夠調味，淡左d，如果落d椒鹽或者辣粉就無得彈。法蘭西多士 HK$22夠晒厚，入面幾軟熟，可惜表面炸得唔夠香脆。🍴椰汁雪糕紅豆冰（跟餐） HK$15、凍檸水（跟餐） HK$3雪糕紅豆冰消暑一流，美中不足係幼飲管有d難啜。📍味力冰室鰂魚涌芬尼街2D號僑英大廈地下3號舖

最近經常到柴灣演岀，可以順道發掘港島東美食🤤在鰂魚涌轉車時發現這家味力冰室，是家新式茶餐廳，比一般茶餐廳更乾淨、裝修精緻。👉🏻食物:4.3/5全部食物份量多，極有飽肚感👍🏻▪️炸雞脾超級大隻🤩 極有滿足感！即叫即炸，雞皮香脆、肉質嫩滑有肉汁🤤▪️黑松露炒蛋多士炒蛋嫩滑，黑松露份量多，但味道不會過重，與蛋香均衡👍🏻 多士厚身，烘得香脆！▪️牛油果炒蛋配農夫包、沙律菜沒想過茶餐廳都有這種如All day breakfast 般的茶餐🤩 牛油果熟度剛好、口感軟滑，炒蛋嫩滑，農夫包非常特別，有一粒粒藜麥，健康之選👍🏻☺️▪️雪糕紅豆冰大大杯，雲呢拿雪糕配紅豆冰，解暑之選，夏天飲一流👍🏻！

差不多過咗中午時段1:45店外都仲人頭湧湧，就試吓排隊大概10分鐘後有位，坐低嗌左個滑蛋叉燒飯同埋秘製口切咖喱豬扒飯，一上枱未食都已經俾佢賣相吸引住，厚砌秘製咖喱豬扒飯嘅豬扒唔似得出邊醃製過咁滑，但佢就有豬扒嘅肉汁同有趙口，加上秘製嘅咖喱汁味道就一流，咖喱香濃而不辣好好味，滑蛋叉燒飯就更加不得了，一大片嘅滑蛋加叉燒蓋住啲飯，加上秘製豉油，令整碟飯的味道提升了不少，叉燒軟滑而不硬，真係正到不得了，呢間會係我喺呢頭食午餐嘅首選

味力冰室幾日前去咗屋企附近呢間冰室食嘢入去之前，店員會首先幫客人量體溫，然後再請客人消毒雙手，而且坐低之後會抹一次抬，防役措施滿分。🈵💯講返食物，下午茶時間去，叫咗以下幾樣野：牛油果沙律拼炒蛋農夫包 （$58）（8.3/10）牛油果份量好多，應該有成個，拼上沙律，非常健康牛油果沙律上面嘅汁應該係醋，感覺清新炒蛋炒得滑，連埋搽咗牛油嘅農夫包一齊食，唔會太重口味，味道恰到好處-下午茶：炸雞脾薯條 （$36) （8/10）炸雞脾份量合理，咬落去有肉汁，幾好食。薯條唔係好油，但係係好食的伴碟嘅菜唔似普通茶餐廳咁油膩，係沙律菜，為呢份邪惡嘅下午茶添上健康嘅氣息。-下午茶：沙嗲牛肉包 （$36）（6.8/10）份量夠，但我略嫌牛肉份量有啲少。個汁如果熱少少會好食啲而且個汁同我期望有啲落差，同我預期之中嘅沙嗲唔係好同，唔係好夠香個包係好食的，但餸就普通啲-以上嘅餐都有配飲品，轉特飲就加$15今次我飲咗忌廉溝鮮奶店員指細介紹點樣溝會更好飲，不俗-總括嚟講係一間唔錯嘅餐廳

作為阿華田粉絲，每朝一杯阿華田一定唔少得，平時見到阿華田係列，真係開心到不得了😆今日有嘢做去到鰂魚涌，兩點幾嘅時候肚餓到不得了，諗住求其搵間茶餐廳以下肚，點知都比我遇見阿華田系列，真係好開心呢😍😍😍<阿華田茶餐$28>究竟阿華田茶餐包啲咩呢，就係一份阿華田脆脆多士，再加一杯阿華田超級濃郁凍飲阿華田脆脆多士上面佈滿左阿華田脆脆，中間夾住一層煉奶，再加烘到脆卜卜嘅多士，真係人間極品凍飲真係非常之濃郁，阿華田迷必定鍾意

食物質素都幾好，飲品夠大杯，價錢方面都可以。但係服務方面就比較黑面唔係好友善嘅感覺！常餐嗰啲叉燒好大舊，但係冇咩味！有時重好肥吓！炸雞髀餐就幾好味，新鮮炸！奶茶，咖啡都好滑！

早排有日咁岩早餐時間經過，入去坐底食個早餐。因為平時Lunch Time好多人排長龍，一直苦無機會試一試。今次嗌左早餐B - 鮮茄餐肉轉配一丁，番茄湯濃稠有驚喜！整體無咩好彈，好好食，我不斷推介朋友黎食。

再一次經開飯喇訂外賣😂第一係貪方便，第二，這間外賣自取減$10，第三，先落訂，去到立即有得攞，唔使等。慳返好多時間，可以返公司慢慢嘆呢😉叫咗個珍寶咖喱豬扒飯，另加柚子蜜都係$48，真係抵食。原來佢哋會將咖喱汁分開用杯上，這樣做真係值得一讚👍🏻，客人食炸豬扒的時候，可以自行點上咖喱汁，仍可以保持豬扒香脆！而豬扒真係好大塊，亦不會食到太濃的醃料味😋也提一提，這店舖坐位放得好密，坐咗喺店舖內食午餐總是好迫，現在買外賣反而樂得舒服😌

係鰂魚涌有事要處理，先食個早餐吧! 叫左肉丁煎蛋一丁，由於本人愛好華田，見到有華田爆脆就即刻加錢試，另外加左份黑松露炒蛋厚多士。丁蛋面比一般茶記有誠意，肉丁比一般重味，相信來貨不錯，煎蛋一望就已經好吸引，好少茶記冰室會煎得咁靚，仲要流心的。期待既華田爆脆也合我口味，原來爆脆係面頭既華田脆脆，浸得耐都唔會淋，味道也夠，很怕沖得淡茂茂的! 多士也不錯，牛油味很香下得足夠，炒蛋也很滑，吃前先把松露醬查開，但包身偏淋應該算麵包吧，炒蛋也偏粒狀，所以吃起來有點兒狼狽，整體也值得再次到訪

成個月,出街食飯日子大減唔食晚餐,轉為食下午茶一來人數比午餐少,也不用排隊價錢又抵食好多!味力冰室下午茶有13款都係30幾蚊起即點即做,水準高,味道好肉燥煎蛋撈意粉 $45 凍檸茶加$3炸雞脾薯條 $36, 黑松露炒蛋多士 $36雪糕紅豆冰 跟餐加$15肉燥煎蛋撈意粉 $45下午茶餐牌有一款撈意粉,想食飽少少所以試呢款,一隻太陽蛋加滷肉燥味道出奇地夾,蛋黃既汁撈埋肉燥汁濃郁既肉燥汁拌勻意粉~非常好吃!仲有半份沙律菜食,可以平衡一下~黑松露炒蛋厚多士烘過焗脆既厚多士加上芝士,牛油,炒滑蛋,黑松露醬食之前唔知底有芝士片同牛油一咬開有濃香既牛油香味同松露醬香味道好豐富,有層次,炒蛋好鮮嫩滑另外真心推介呢款紅豆冰甜香既椰汁底,加多一球雪糕！粒粒紅豆口感豐富，好飲到想追加！雞脾薯條，即時炸，１０分鐘左右上菜上碟都好有美感有炸雞脾，薯條，同沙律菜炸得外皮脆香，肉汁豐富薯條無灑鹽，可以自己調味或加茄汁食雞脾啖啖肉，無醃得太過咸味食落無咁油膩～

🙆🏻‍♀️下午茶時間到啦🕒 🍚香蔥滑蛋叉燒飯$56超多蔥🤩🤩有無朋友仔同我一樣係蔥控🙋🏻‍♀️🙋🏻‍♀️🙋🏻‍♀️另外叉燒都好足料 成碟飯份量十足👍🏼👍🏼👍🏼 🍗🍟生炸雞髀配薯條$36超超超超耐冇食炸髀😈😈😈真心依到炸到好好味落左少少紹興酒好惹味 肉又嫩又juicy 層皮吾會炸到好乾 想encore 多隻🤤🤤 🥪香蔥鹹牛肉炒蛋厚多士$34見好少冰室有就叫黎試試 蛋夠滑不過我地顧住傾計最後先食 個包已經林哂🙈🙈 PS: 3個都係餐☕️熱飲唔使加錢 我加左$15轉椰汁雪糕紅豆冰🍨但紅豆略甜 .

新轉黎呢一區返工, 同D同事又未熟, 所以呢期Lunch都係自己一丁友食lunch我鐘意去d茶餐廳之類食, 貪佢快靚正, 食完可以返公司補一補眠呢間味力冰室我都黎得幾密, 皆因佢有個滑蛋叉燒飯幾得我歡心本身我自己都幾鐘意食炒蛋, 佢呢度又炒得真係幾靚仔同埋有時係其他餐廳食既滑蛋叉燒飯唔一定係炒蛋黎架好多都係用俗稱「玻璃芡」既加啲零碎既炒蛋再加叉燒就係滑蛋叉燒飯對於呢種「玻璃芡」真係極度反感, 用黎送飯都嫌浪費quota幸運地呢度係貨真價實既滑蛋叉燒飯當然就唔好奢求佢用咩3.6牛奶同日本蛋啦, 不過都煮得幾唔錯, 炒蛋幾嫩滑唔會過熟或太生, 可以做到有少少蛋汁撈下飯既效果叉燒都俾得算多, 大大舊, 唔韌唔鞋食完肯定夠飽肚, $56連埋熱飲12:15前埋單仲減$10添~堅抵

當早上返工, 簡簡單單食個麪包嘅我, 在中午想有個彌補心靈上空虛的午餐。所以去咗公司附近嘅味力餐室。常餐:叉燒湯通粉叉燒, 香, 滑, 甜, 好食配通粉最好, 可以每啖通粉有飲到味美嘅濃湯,正!雙蛋火腿厚多士你睇, 雙蛋煎得剛好, 蛋皇又大又紅, 非常吸睛呢!若可逐隻蛋完整地放入口到瀑醬.. 哈哈, 幾有成功感!!!其實食這個常餐都好飽肚, 因為仲有塊厚多士, 再加杯香濃嘅奶茶, 簡直滿足一日所需。女士們一定夠飽, 男士也可不妨一試啊~