味力冰室

營業中

休息中

每次放lunch 行過附近就見到呢個餐廳排哂長龍，我一個人易搵位，咁岩又唔知食咩好，就黎試下佢既常餐/叉燒蛋飯有幾好食。Turnover快既餐廳，一坐低就有人寫野。野飲好快就黎左，個飯轉頭都黎埋，效率夠高。個飯既size ok，但就唔係好知點解周圍有咁多唔知係蛋汁定醬汁既汁喺度。味道還好，個甜豉油汁正正常常既。蛋都算滑，但個叉燒就真係太瘦。對我呢d注重口感既人黎講，佢既叉燒實在太瘦太韌，唔係好掂。對上一次黎食就係食常餐，都係跟叉燒，印象中都係比較韌既叉燒。唔知食瘦叉係詢眾要求定咩，我就鍾意半肥瘦既。眼見附近愈開愈多類似既餐廳，鰂魚涌站附近多左一間，太古果邊又有敏華，康怡入面又有一間。雖然餐廳多，食飯既人仲多，但競爭都唔細。

真心喜歡這間冰室，誠意推介給大家，平日都已經很多人，週末、假日如無特別活動，起身打點一切後，就會落去叫個早餐或者特餐按時間而定 這天是特餐，有叉燒湯意粉(我轉了通心粉)、雙煎太陽蛋跟火腿、厚多士，跟飲品。回家做點家務後又到下午茶時間，又會落去叫個西多士或者雞脾餐 純粹個人喜好。其實佢地其他野一樣出色，好多舊式小食。經過可以試下。另外一提，佢哋無做晚市，完左下午茶就收舖，喜歡吃下午餐的朋友要預早一點去吃，別去到差不多六點才進店，有些小食可能會賣晒。

本來搜尋咗去太古附近試新嘢，点知未去到就下大雨，現好見到味力冰室好多人排隊，就將錯就錯，就試呢間啦。坐低之後，四周望望推介叉燒，果然大部分都有叉燒，所以好快就決定叫香蔥滑蛋叉燒飯， 味道不錯，咬落去，啖啖肉，野味，令你開胃，餸飯好好，加埋香蔥嘅香味，滑蛋炒得唔錯，都湒身，整體配合，好味另一个是常餐，魅力叉燒湯意、火腿滑蛋厚多士，此叉燒同叉燒飯一樣，所以整體 都係好味嘅，至於火腿多士，正常。地方比較迫，但係整潔，可能係 lunch 時間，所以你一放低筷子，就有人收嘢，但係叉燒的確唔錯 每人52元。 如果你想傾下偈坐耐D，就千祈唔好揀繁忙時間去啦。

Lunch time 時間去食，等左大約10分鐘就有位，我叫左個叉燒炒蛋飯。賣相相當唔錯，最重要嘅係，佢個炒蛋好大，包得曬啲飯。炒蛋食落亦相當滑，叉燒味道唔錯但係就偏瘦。至於個豉油方面亦幾好食，但係落得太多，變得太鹹。

It's a long weekend so plenty of time to relax a bit and explore around. Came across this cha chaan tang around afternoon tea time and we thought 'why not' and marched into the shop.It's a nice little shop with some nice traditional HK stlye deco, definitely makes you feel that you're in HK. Since it's afternoon tea time, there are several choices with reasonable price tag.We ordered the BBQ pork soup spaghetti with ham, toast and egg (the usual cct meal) and a black truffle egg toast (fancy). B

今日系 One Island East 個邊做完 gym 又去海光街個邊食野。 見12 點都未到重系早餐時間咁就走左入去呢間冰室。 兩個人食想食個 brunch 咁就叫左兩個早餐 一個蕃茄通粉加炒蛋多士 同 鮮奶麥皮 加 煎蛋多士 另外再加一個西多士。講講個兩個餐其實都好 up to standard 份量啱啱好而且唔貴。而值得一讚嘅系佢地杯咖啡甜度啱啱好唔會好似其他茶餐廳咁咁甜。而最值得推介嘅系佢個西多士（只不過系 22 蚊）。 首先佢個份量超大，煎得好金黃口咁啱啱好而因為佢個西多夠厚所以切成一格一格再加上牛油同蜜糖，一啖咬落口真系超幸福（當然都好肥）。 有煮開餸嘅都知道西多唔難煮但系要煮系好麻煩（要落超多油去煎）而要煮得好就更加難同煩所一二十二蚊就真系好抵。

做完野黎依邊食野 諗住新開 裝潢又幾得意 就入左去試下啦朋友食常餐 我就叫所謂既必試既 蛋牛治其實同新香園真係無得比我加左錢哄底 其實你收得人兩蚊咁兩邊都哄下丫佢哄係上面個塊 底個塊係無哄既勁快就冧哂⋯ 個蛋係可以既 不過我下次唔會再叫依個必試囉朋友就話佢個常餐同華星無得比其實價錢唔平 係咪可以做好少少呢？做好少少先有味力架嘛！同埋佢班侍應太勤力 太有效率一食完就即刻收碟有效率到令我覺得佢想趕我走多過 真係想幫我清走我既食物💁🏻‍♀️魅力呢？

今晚特地早了下班，因為晚上有節目，要和老公吃一個quick dinner，茶廳廳是個好選擇。味力冰室都應該開了三四個月，但身為鰂魚涌街坊的我還未有機會嘗過，今晚正好要來個快食，就去試一試它的味力。裝潢很夠玩味，水泥牆身夠raw，卻是走懷舊風，掛了舊香港照片，還有舊日用的鐵信箱，貫徹冰室都是走舊懷路線的形象。我們想也不想就點了兩份常餐，夠穩陣！厚多士微熱還是脆，麵包頗鬆軟，不錯！炒滑蛋卻不夠滑，較普通。沒想到味力叉燒意粉竟然如此驚喜，我最喜歡是湯底，用上熟悉的金寶湯，香甜，意粉也彈牙，叉燒肉質也鬆化。吃了一半，老公覺得厚多士著實好吃，再望望餐牌，就加了一份香蔥咸牛肉炒蛋多士。我本來有點卻步，常餐已有炒蛋，又有多士，香蔥咸牛肉炒蛋多士不過是多了蔥和咸牛肉，重複吃不會膩嗎？後來我發現我錯了，這份多士的炒蛋比常餐的滑。蔥花的香、炒蛋的香滑、咸牛肉的咸香，加多士的香脆，不同的香味交織，味道層次豐富，真的有驚喜！聽說另一必吃的是生炸雞脾，即叫即炸，今次沒機會吃，留下一次吧。喝杯茶走，正！

搭丁丁經過鰂魚涌某個路口成日見到間顏色好鮮豔嘅茶餐廳，好似幾醒目咁 😀 發現佢哋啲下午茶餐都幾抵食 🤤 另外見到好多人點佢哋嘅滑蛋叉燒飯，望落都可以同旺記嘅比香蔥咸牛肉炒蛋厚多士 ❤️ ($34)評分：7.5/10.諗咗好耐應該試飯定散嗌，最後決定點下午茶餐可以試多啲唔同嘅嘢 😌 事實證明冇揀錯 😛 呢份 toast 冇咩特別，最特別就係幾好食 😂 炒蛋好滑亦都好滿，堆滿成塊多士有餘 😍 多數呢個配搭都系三文治多難得有 open toast 都幾新鮮阿華田爆脆 ❤️ (下午茶餐加配)評分：7/10.好耐冇飲華田 😉 見到有懷舊華田火山即刻點咗 😙 有粉嘅華田好似食緊糖咁生炸雞脾 ❤️ ($2X)評分：8/10.唔鐘意食雞髀都觀摩吓覆雞髀相呀 😂😂 形狀真係好標準架 😆 其實有時大隻嘅雞髀啲肉炸得老都係一樣唔好食，同埋太巨型有唔知係咪打咗針 😅 都系正正常常足量嘅雞髀就夠 😂 佢哋都炸得幾好唔會過熟 🍗 但皮岩岩好成塊香脆

今天在公司附近的冰室午飯，這𥚃中午有很多人排隊，要有心裡準備點了香蔥滑蛋叉燒飯，貪心的我再加了厚切午餐肉滑蛋叉燒真的不錯，熟度剛剛好，而且我叫了少飯，基本上每口飯都被蛋汁和豉油包圍錯在我不應該加午餐肉。。。比較之下肉質又硬又乾，十分啃胃

如果自問好鐘意食午餐肉，又唔想買成罐返屋企食，味力冰室就是最佳選擇事先聲明，食得午餐肉，就唔好諗住要減肥瘦身之類，因為我覺得味力都係比較適合食肉獸以四十幾蚊既價錢，係鰂魚涌商業區，可以有三蛋三厚切午餐肉飯，加配餐飲，算係好有良心喇，所以每日午飯時間都好多人等位雖然如此，收銀姐姐（相信是重要人士）都好好人，唔會趕人走，落大雨時還會問食客駛唔駛等細雨點先走，都幾有人情味除左三蛋三厚切午餐肉飯，味力仲有叉燒炒蛋飯，炒蛋厚多士常餐等等，感覺主打都是食炒蛋，份量一點也不少，一定夠食希望呢類食店能在租金高昂既商業區撐得住，讓打工仔有多點選擇

生活迫人，而家食個早餐都要接近四十蚊😅 不過自己又為食，唯有慳其他、食好啲啦 今朝又要返公司開早會，梗係要慰勞吓自己 有一段日子無嚟「味力冰室」☕️今日就試吓佢個早餐啦！估唔到 #味力 嘅價錢都拍得住旁邊一間有名嘅茶餐廳👀 望望餐牌，我想食嘅配搭又唔多👉🏻👈🏻 左睇右睇最終叫咗碗餐蛋一丁配茶走。收得$38一個早餐，理應味道唔差，但係 #小秘書 就覺得個麵底鞋咗啲、又無咗出前一丁應有嘅麻油味🤔 不過塊餐肉就認真厚底又幾好味道、杯奶都幾滑，算佢啦！

和同事來到味力冰室吃午餐，午餐時段需要排隊， 由於冰室屬快餐形式，人流快，等了約十分鐘便有位。店內裝修有懷舊冰室的感覺。午市食客主要都要吃套餐和常餐，套餐有A至E五款選擇，今次我點了常餐，可惜未如理想，有待改進。常餐 $42包括:叉燒湯意粉火腿，北海道牛奶炒蛋/西煎雙蛋牛油厚多士咖啡或茶叉燒湯意粉 - 叉燒大件厚切，意粉不會過腍，味道不錯。火腿，北海道牛奶炒蛋， 牛油厚多士 - 牛奶炒蛋略熟，不夠滑; 牛油厚多士扣分，烘得太久，較乾，而且表面烘焦了， 帶點苦味，很失望。請看看圖中對面的牛油厚多士 ，完全不合格，烘到焦黑仍上餐給客人。奶茶 – 茶味過濃，甚至有苦澀味，沒有奶香，不好喝。

第2次黎到呢間「味力冰室」，排隊等左一陣就有位，唔知係米因為落雨的關係，少啲人，等位都快啲？平時每次經過門口都好多人～餐牌上的選擇唔多，就只有幾款野食，照舊點左咖哩豬排飯，塊豬排係剪左做一條條的，同我第一次黎食時不一樣，第一次食是原塊上，好大塊～豬排係微微炸過的，可以見到有薄薄的炸粉，自帶有少少味道，咖哩嘅味道算係保持到，佢的咖哩算係馬拉風味？有濃濃的椰香飯的份量都唔算少，女仔食夠晒飽，男仔都應該ok同事叫左叉燒滑蛋，賣相都幾好～滑蛋夠滑，唔會太熟，叉燒份量亦都夠多。

香港地而家喺茶餐廳食個餐蛋飯原來已經進步到要成$58先有交易😅 小秘書小小嘅人工真係愈來愈唔見使💸💸 話雖如此，我見「味力冰室」日日lunch時間都大排長龍，所以我都嚟趁熱鬧，睇吓係咪咁正！傳聞中嘅「三眼仔飯」外觀睇起嚟又真係幾吸引嘅💯 三隻脹卜卜嘅🐣太陽蛋配三大塊厚切午餐肉，見到個樣其實已經飽咗一半😆 材料質量唔差嘅，不過 #小秘書 本身係唔係咁鍾意食午餐肉🐷，所以有食極都食唔完碟飯嘅感覺😝 加上塊餐肉煎得唔香、太陽蛋又爭咁條燶邊、配飯嘅豉油唔阿好味，所以梗係爭咁啲風味咁囉👉🏻👈🏻 ...雖然我唔係咁鍾意呢種口味，而且真係有啲貴💸 但係以咩都試吓嘅心態，呢餐都算合格嘅！😬