吞POT 雞煲火鍋.住家菜 (譽發廣場)

營業中

休息中

今日趁半價時段又黎幫襯啦！重慶麻辣雞煲半隻盛惠$198，之後就全部都有半價🤩質素唔會差👍🏼作為常客都係每次對佢地既響鈴念念不忘自家炸響鈴$65同極品手切封門柳$328都係我第一次試，個人覺得封門柳牛味重啲🐮而如果用黎配雞煲湯都唔會蓋過左個牛味，不過個人兩者比較既話我都係中意炸響鈴多啲泰式生蝦刺身方面$80蚊就有12隻，就算係街外既平價泰菜店都唔會食到，同埋佢真係好鮮甜，加埋醬汁，好惹味，加上如果係半價時段過嚟既話真係好抵

都唔知係第幾次嚟吞POT了😋無他，鍾意呢度夠抵食又好食。因為放工時間撞啱吞POT嘅特價時段，所以成日都過嚟食。今次就試吓辣酒花螺雞煲，我哋唔係太食得辣，揀小辣就啱啱好😄花螺爽嫩，送酒一流🍻啲雞亦都真材實料，全部部位都搵得返出嚟😏配料方面，我見枱枱都一定叫爆芝響鈴，我哋都唔執輸，果然係招牌菜😜炸得好酥脆，內藏半溶嘅芝士，真係幾邪惡都要試吓！另外手切騸牯牛都係好正，不需要點任何醬汁或湯底都已經夠晒牛味，厚薄適中，非常新鮮，啱晒我呢個牛肉控。整體嚟講，試過幾次水準都依然keep得唔錯，值得一試的。

平時諗住黎打邊爐🍲但估唔到啲前菜咁吸引，不過當然我地都有嗌埋呢到出名既雞煲啦🌶️好在無俾佢地咁吸引既前菜side track左，淨係忍住手嗌左兩款Wasabi 牛柳粒$80 泰式生蝦刺身$80雖然係主打食雞煲，但佢地既小食都真係幾唔錯👍🏼份量都俾到足，好似生蝦刺身咁，相信出面都比唔到呢個份量。辣酒花螺雞煲(半隻-小辣)$238牛三郎(雪花肥牛、牛肋片、牛柳粒)$298去番正題😂第一次試辣酒花螺雞煲，原來啲花螺都好大粒，唔似平時食既小螺🐚而牛三郎就可以試哂三款牛肉🥩滿足左我三個願望，而我最中意既就係牛柳粒，因為佢個牛味好重🤩🤩🤩 正

本身都無諗住寫食評，但今日去食見到個日落真係好靚，好想同大家share下個喜悅😍因為我完全無諗過打邊爐都可以嘆到咁咁靚既景色，因為呢到都算係居高臨下，所以都望到油麻地個城景🏢感覺都幾特別海中蝦$115@5隻香辣雞煲(中辣-半隻)$198十全大寶丸(五款共10粒)$168👉🏻手打生拆蟹粉墨魚丸👉🏻手打黑松露墨魚丸👉🏻手打黃金海膽黑塁丸👉🏻手打香煎鵝肝蝦丸👉🏻手打芝心牛丸今日就食左呢啲，因為特別時段黎，7:30前埋單，所有火鍋配料同小食半價，食完雖然好飽，但都覺得可以再嗌多啲，因為真係好抵😍而且佢係質素上都keep到正價質素，真係令人好難唔再回訪

同家人去食飯最希望係揾到一間大家都岩食既舖頭👨‍👩‍👧‍👧好彩我地全部都中意打邊爐🍲咁成件事就輕鬆得多啦因為我地都好中意食呢間係譽發廣場既吞POT 雞煲火鍋.住家菜👍🏼話哂同屋企人食緊係要食好啲同食豪啲啦所以我地除左嗌左個極品雞煲翅之外仲有牛肉 蝦肉🦐同十全大寶丸🍢十分豐富 有埋菜菜籃🧺可以滿足哂我今日所需既蛋白質同纖維呀🥬今次屋企人都大讚呢間既食物質素好好佢地既十全大寶丸都真係好值得一試真係自家人手製作齋係手工呢part都已經好worth it la👏📌極品雞煲翅(全隻)$378📌菜菜籃$75📌頂級安格斯牛小排$288📌海中蝦$115📌十全大寶丸(五款共10粒)$168👉🏻手打生拆蟹粉墨魚丸👉🏻手打黑松露墨魚丸👉🏻手打黃金海膽黑塁丸👉🏻手打香煎鵝肝蝦丸👉🏻手打芝心牛丸

一個套餐乜都有，開始有個海鮮刺身，龍蝦同象拔蚌，跟住之後有個海鮮拼盤就可以俾你攞嚟打邊爐煮食嘅，個刺身都OK新鮮，海鮮拼盤就爭少少，之後就上牛肉，我覺得牛肉唔好食囉，仲有其他想食，但係食完之前嗰啲基本上都飽啦

上次食完雞煲翅意猶未盡，今個星期又想再嚟吞Pot🤞🏻今次決定試埋個雞煲比較下😝雞煲上枱不得了，好香好惹味🤩啲雞件真係一啲都唔吝嗇，份量比足👍🏻每舊都大大舊🤣仲要非常入味又滑，真係好有驚喜。食到一半左右，我哋就加湯打邊爐。見到隔籬枱食桂花蚌食得好滋味，我哋又叫一份😁果然爽脆彈牙。跟住仲叫咗西班牙頂級黑毛豬，肉質鮮嫩多汁，又唔會太肥，我中意。最後食埋廣島蠔，咁就圓滿啦🫶🏻總結，價錢唔貴，份量全部都好大碟。兩個人基本上叫少少嘢已經飽🤣所以下次一定要叫多啲朋友過嚟試多幾樣！

今日又去打邊爐，但今次就非常之特別，因為我知道呢到有雞煲翅食🐔對於初嘗既我黎講真係感覺好奢侈💰每啖都好珍貴，但呢啲錢真係幾值得去俾，俾自己做一次貴婦👩🏻‍🦱✅極品雞煲翅(whole)$378 ✅極品手切封門柳$328 ✅紅薯粉$38✅即炸魚肉春卷$68今日試左呢幾款，除左個翅之外，其他餸都款款各有特色，又唔會浪費左個湯底🍜即炸魚肉春卷其實我都當佢係一個小食咁食🤪因為佢炸到熱辣辣，咬落魚肉含量都多，所以非常之彈牙🦷忍唔住一啖又一啖，大滿足❤️

一路都知譽發廣場有好多好嘢食，而且又近地鐵站，所以我都幾鍾意嚟呢度食嘢。今次再嚟到22樓吞Pot🥳每次嚟都食佢哋嘅試招牌菜式極品雞煲翅😝真材實料冇味精👍🏻裏面啲雞件，魚翅超多，所以個湯底咁濃郁🥰之後就開始打邊爐。配料我哋叫咗時令嘅騸牯牛，雜菇拼盤，廣島蠔等等😋價錢都幾合理，而且份量足。第一次食騸牯牛，估唔到原來肉味咁重😍油脂分布均勻，好腍滑。下次一定會再叫！廣島蠔亦都大大隻，熟咗都唔會過份縮水，鮮甜又唔會腥。食咗咁多嘢，人均都係$400左右，真係幾抵食，最重要係食物質素非常好，下次再食佢哋個雞煲👏🏻

雞煲唔錯喎🤩好開心琴晚一班朋友又聚舊，其中個朋友就揀咗吞POT，我都係第一次嚟，都幾期待。原來而家做緊優惠，七點前離座或者九點半後入座火鍋配料或者小食都會有半價👏🏻👏🏻我哋叫咗全隻雞煲😎啲雞爆炒得好入味，又唔會碎濕濕，有頭有腳🤣越食越滋味。跟住加湯打邊爐，我哋都叫咗好多配料，當中封門柳真係最正，擺得好整齊，淥幾下就食得😜好有肉味，有咬口。唔需要點醬汁都好好食。另外我哋仲叫咗一份生蝦刺身，爽彈鮮甜，估唔到個酸辣醬汁調得好出色，絕對唔輸蝕平時嘅泰國餐廳😂幾有驚喜。

一大班朋友約出嚟食飯最好梗係打邊爐，一邊滾下滾下，一邊傾吓偈🫶🏻真係幾開心。呢排食得重口味嘅嘢太多，所以我哋湯底叫得清淡啲😄皮蛋芫荽湯拼鮮魚湯。咁樣夏天打邊爐都唔怕上火😝冇咁熱氣。魚湯亦都有好多骨膠原，夠養顏 。仲要係一啲都唔腥。連平時唔飲魚湯嘅我都鍾意👍🏻見到餐牌有推廣，新鮮本地手切騸牯牛🤩$238即刻叫咗份嚟試吓。真係好高質！牛肉質嫩滑，脂肪油花豐富而肥美。用嚟打邊爐真係最啱，尤其是配上唔係咁濃味嘅湯底，更加食到牛肉本身嘅肉味。一定要keep住呢個配料😜下次都一定會再叫。

一大班朋友上個星期帶咗我去吞pot度慶祝生日🎂今次係我第一次來，整體用餐體驗都好滿意👍🏻想食嘅嘢全部都食到了。佢哋話要食好啲，所以叫咗雞煲翅😍😍😍個湯頭濃郁唔在講，就連裏面嘅餸都真材實料！啲雞件全部都大大件，啲翅亦都一梳梳🥰而家睇到相已經好想再去食🥹我哋都盡量唔叫啲咁濃味嘅配菜，費事污染咗個湯底😂帶子皇就最啱不過，吸收灑雞煲翅嘅精華，好入味，食落鮮甜又啖啖肉。另外每次朋友都必點嘅生蝦刺身都好好食，爽彈又大隻，平時我唔食刺身都食咗兩隻😊成晚都食得好開心，都會介紹其他朋友過嚟試吓。

✏️自家炸魚皮$70✏️辣酒煮花螺$80✏️鴛鴦湯底$98+$10👉🏻香濃沙嗲鍋($90)👉🏻蕃茄薯仔濃湯鍋($98)嗌左雙拼湯底，所以要加$10蚊，但10蚊就可以嘆到2款湯底咁就緊係唔可以錯過啦🤩而湯底方面都好足料同夠味，食得出唔係淨係用味精調配出嚟🍅所以鴛鴦湯底都係必嗌之選，而今次嗌既小食同配料都有半價，因為我地係係夜晚7點半前離座，所以可以有半價優惠，啲野食半價左之後都真係好抵，而佢所俾既份量都係full size份量👍🏼所以唔洗擔心價錢會影響個份量

平時我同friend都係食得辣之人，但係坊間唔少雞煲都係聲稱好辣但食落都係唔夠喉，但呢到既雞煲好sweet咁有分2款味道👅岩哂我呢啲唔太中意食重慶麻辣既人有多個選擇🤤🐔香辣雞煲(半隻)$198👉🏻中辣帶子皇$105海中蝦$115紅薯粉$38而除左雞之外，啲海鮮配埋呢款雞煲都好岩味，不過就要叫店員唔好落太多湯💦用少少湯去煮熟啲海鮮同紅薯粉就可以😌咁樣先可以真正食到個雞煲底🌶️唔會浪費左而煮過既蝦同紅薯粉都好入味，所以如果大家嗌雞煲都一定要好似我咁叫啲會索湯既火鍋配料👍🏼先可以用盡個湯底

食火鍋之前我哋叫咗個辣酒煮花螺，好惹味😉肉質鮮甜爽脆，真係令人食完一粒接一粒😍我見到仲有幾款小食都好吸引，留返下次quota再食😇今次我哋叫咗雞煲翅，啲雞依然keep住嫩滑，亦都唔會切到碎濕濕，幾有口感。個湯一定要先飲一碗，滿滿嘅骨膠原🥰女士養生之選。跟住我哋食到咁上下就叫咗啲配料，有響鈴，茶樹菇，手切騸牯牛等等😎響鈴即叫即炸，夠脆卜卜，茶樹菇亦都同湯底出奇地夾😌騸牯牛非常新鮮，肉味亦都好出，新鮮手切就係唔同。食物高質，價錢亦都好合理。所以你話有咩理由唔愛吞pot🥰