吉列牛忌廉烏冬專門店 (彌敦道) (已結業)

開頭以為呢間係日式餐廳原來係韓式餐廳呢度嘅吉列牛價錢相當抵食$148套餐已經有好多吉列牛，而且吉列牛燒幾耐都一樣唔會老。外面吉列幾脆，再煎煎塊牛扒夠牛味。仲有Wasabi俾你點、或者芥末加鹽及吉列牛醬汁。性價比超高。忌廉咖喱雞烏冬，呢個烏冬嚟到嘅時候係白色，好多cream，以為會好濟，點知撈起啲烏冬入邊有好多咖喱醬汁，加埋啲忌廉食好香，一啲都唔濟。咖喱香味同烏冬融為一體，好食！蒜蓉蜜糖單骨雞翼，方便食；而且蒜蜜味好香，雞翼炸左面上有蒜蜜醬汁，甜甜地好惹味。呢間店有驚喜，價錢合理，值得再去。

YUMMY吉列牛男朋友話想試吉列牛忌廉烏冬專門店好耐，不過近期旺角都比較危險，所以都好少出沒旺區，今日收工加上平日，見比較安全少少，就滿足男朋友既胃口，食下鳥冬。去到１７樓見到已經有好多人排隊，不過吾知係咪我地８點半左右先入座，變左好多人都食完準備離開，等一陣就有位。我地叫左2個野食，都係食主打野，咖喱忌廉雞肉烏冬，煮熱吉烈牛同單骨蜜糖雞翼。咖喱忌廉雞肉烏冬男朋友叫，睇落勁邪惡！因為面勁多cream，Cream係漩渦紋～咖哩辣度其實好少，汁好濃嘅咖喱味， 配埋忌廉仲將本身嘅咖喱變得更加滑身，好似撈烏冬咁一啖一啖就好快食完，好多雞肉好足料。煮熱吉烈牛我就先來了這個是用來煮熱吉烈牛的火爐，吉烈牛上枱時是只有外層係DD熟，因為微微炸左，大概有八成生，可按自己喜愛煮熟牛肉。牛肉十分嫩口，冇筋，又有肉汁，即使煮至全熟也不會太DRY，個人覺得六，七成熟最好吃。套裝跟飯，湯，同小食！抵食，飽肚。單骨蜜糖雞翼有濃濃蜜糖不太甜，有D芝麻粒，味道好日式，單骨雞翼好處係食個陣真係正好多，易入味又JUICY～

今晚約咗食吉列牛，聽講呢間水準一流，所以無懼交通不便，都嚟食一食！吉列牛水準一流，外皮夠晒脆口，而且炸粉唔會太厚，內裡仍然juicy，保留牛肉嘅鮮味，而且無雪藏味！當我將塊牛放上爐，就聽到咋咋聲，非常治癒！仲好適合打卡！忌廉咖哩雞烏冬，真心好食！簡直意料之外！從厚厚嘅忌廉，以為會好油，點知食落就覺得好食到停唔到，因為忌廉味好香，令到烏冬味道層次更豐富！而且同咖哩雞係絕配！我哋仲叫左牛油蜜糖單骨雞翼，必叫！首先單骨已經好體貼，方便女仔食，而且牛油蜜糖香甜，雞翼又炸得夠火喉，perfect match!!!!

之前向銅鑼灣食過吉列牛忌廉烏冬專門店 ， 原來旺角都有一間， 昨晚放工同朋友一齊去食。這是一間來自韓國的吉列牛專門店，大約下午八點到達 ， 場內已經坐滿客。 我們當然點主角吉列牛定食$148， 還有 咖哩忌廉烏冬 （牛 ）$78 和 牛油蜜糖單骨雞翼$65。 吉列牛定食🍱～ 定食有蕃茄仔，麻醬豆腐，沙律菜，麵豉湯和飯，客人可以用枱面上的迷你鐵板火爐來燒吉列牛， 控制自己喜歡的生熟度。 吉列牛的面層佈滿木糠粉， 放上火爐燒的時候大約每邊8至10秒， 牛肉味香濃， 肉質粉嫩，外層帶點脆。 配上沙律醬和芥末， 味道的確唔錯。咖哩忌廉烏冬（牛 ） ～ 厚厚的一層軟滑忌廉， 裏面有煙韌彈牙的烏冬，咖哩味香濃，再配上菇＆牛肉， 令整體好味度加分。牛油蜜糖單骨雞翼 ～ 單骨很方便食， 牛油味重， 帶點微微的蜜糖香， 雞翼炸得香脆可口。之前食過吉列牛覺得幾好食，今次為佢而來，仲發現咖哩忌廉烏冬都唔錯， 推介畀喜歡吃吉列牛的朋友。

今日突然好想食烏冬～諗諗下想試下Kobekyu吉列牛忌廉烏冬～都想食好耐～7點幾去到都幾爆滿～坐左一陣我地就點餐～真係要食忌廉烏冬系列～真係好特別～叫左三樣野食～兩個主食同一碟小食～咖喱忌廉牛肉烏冬 （可以自選雞或牛）見到厚厚一層既忌廉真係好邪惡～但永遠邪惡既食物都係非常美味～忌廉下層就係咖喱同烏冬～將忌廉同咖喱烏冬攪勻之後味道好融和～好creamy 好滑～咖哩味好香唔會太濃～除了牛肉仲有香菇同洋蔥配菜～加上烏冬又幾煙韌吉列牛定食一上菜就覺得好豐富～有味增湯，芝麻醬番茄仔同豆腐，伴飯素飯～吉列牛比我想像中份量多～同埋炸得唔錯唔會好厚粉～大約炸了五成熟比我地～店員會再比一個爐我地～可以由客人自行再煎到想要既熟度～煎完都唔會韌～肉味都好出～醬汁我偏愛忌廉～同吉列牛好夾～Kobekyu牛油蜜糖單骨雞翼單骨雞翼真係好貼心～剛炸完熱辣辣好好食～上層啲醬酸酸甜甜幾開胃～仲加埋啲芝麻就更加香口～但雞翼可以醃耐少少就更加出色～P.S.咖哩忌廉牛烏冬真係必點～比我想像更好食😋

今日與朋友到旺角，來試這間有幾個朋友推薦，吃吉列牛和烏冬的餐廳。看了餐牌，食物選擇頗多，很多食物都想吃。最後我們都是選擇了一個吉列牛定食、一個咖喱忌廉烏冬和一個牛油蜜糖單骨雞翼。吉列牛上桌前已將表面炸得脆卜卜，吃前將吉列牛放上石板上煎熟即可，自己可控制熟成。吉列牛肉質嫩化，外邊鬆脆。咖喱忌廉烏冬上面有一層滿滿的忌廉，下面就是香濃的咖喱烏冬，烏冬面質煙韌，雖然有一層厚厚的忌廉，但一點都不會膩，反而令烏冬更加滑溜。牛油蜜糖雞翼加上檸檬汁，酸酸甜甜很開胃。

成日聽到呢間忌廉烏冬個樣好特別今日lunch終於有機會同同事一齊去試一試除左烏冬佢都有其他lunch set既個烏冬個樣好岩打卡白雪雪好似舊雲咁好得意睇個樣以為會超漏但原來唔會 加上咖哩濃味平衡返都幾好食另外亦叫左個吉列豬扒茶漬飯 茶漬飯可選清香抹茶湯 蔬菜鰹魚湯 及 豚骨湯。抹茶味道唔算重 有淡淡茶香飯加左湯都唔會粘到一舊舊 👍🏻上面D蛋都幾嫩滑 加埋飯唔都錯至於吉列豬扒就係正正常常無咩特別。午餐價錢唔算貴 如果有野飲會更好(可樂需+$5)

自返工後好耐冇同男朋友出街食飯，今日即興快閃旺角，佢就好厲害搵到一間網紅餐廳。其實聽聞間餐廳名好耐，但一直唔知係咁熱門同係旺角有分店～我同男友係異類，一般人黎到都會叫碟吉列牛，但怕生痘痘嘅我地決定唔叫。反而，除咗都有叫忌廉咖喱雞烏冬外，我地叫咗一般甚少叫嘅牛肉黑糯米炒飯同紫薯latte。我嘅食評真正由以下開始：讚：忌廉烏冬係睇得又食得。上碟時佢係一團團白色蓋住個面層，比好大驚喜我，賣相係好令好吸引，令人好好奇入面有咩食。試撈後，發現裹面其實係普通香濃日本咖哩，而雞份量係多嘅。只係從未諗過忌廉加咖哩喱嘅配搭會係幾唔錯。過咗一陣，烏冬開始吸汁，入口更美味超讚：牛肉黑糯米炒飯真係好好好好食！發現得好好少人推薦，決定要落力推一推。佢單係價錢已經好吸引，只係80多就食吉列牛肉（份量相當理想xdd) 想食牛但怕熱氣絕對值得食呢個炒飯。重點係炒飯加咗唔炒蝦仁，令整體口感好好。本身糯米飯炒得唔乾唔潔濕，再配蝦仁同牛肉完全係雙重口感～正：唉，認真唔建議叫佢嘅飲品，如latte。我地係見圖入面賣相唔錯，仲有兩枝pocky插係上面，就試一試。但事實係...冇果兩枝pocky，賣相唔好加味道太淡。我見佢上碟時

平日番工咁辛苦😖放工就決定約埋個同事去旺角食餐好既🤣今次就揀左間出名食吉列牛同忌廉烏冬既韓國餐廳🇰🇷-🥘咖喱忌廉烏冬 (牛/雞肉) $78今次既配料簡左雞肉🐤忌廉烏冬一黎到已經聞到好香既咖哩味而咖哩烏冬上邊係一層超厚忌廉😍濃厚的忌廉同咖哩配合得好好呀🤤烏冬食落好彈牙即使有咁厚既忌廉都完全唔覺得油膩!! 加分👍🏻-🍱吉列牛定食 $148定食一黎到已經覺得好豐富😚除左吉列牛 仲有飯、湯同配菜🤰🏻本身的吉列牛係未完全熟透🥩會另外配一個爐放牛肉上去燒食落口外脆內軟啲牛完全唔韌 口感好好🐮用黎送飯真係一流🤤🍚-🍯牛油蜜糖單骨雞翼 $65一黎就聞到好香牛油味😋炸起脆脆既雞翼再加埋牛油蜜糖汁食起黎勁開胃😝重要係單骨雞翼超方便👍🏻-📍旺角彌敦道726號17樓

期待左好耐去食嘅忌廉烏冬，見人影相就好靚喇，真係好想知夠竟係咩味😂😂😂上到餐廳門口先知原來係韓國🇰🇷餐廳，一直以為係日本😂😂😂🧡雞肉咖喱忌廉烏冬 $78烏冬上面有一層雪白厚厚的忌廉，夾起烏冬後先發現有濃郁的咖喱香味。咖喱、忌廉和烏冬攪拌後， 入口的咖喱汁更加Creamy，烏冬彈牙，超滑超好味👍🏻👍🏻👍🏻🧡吉列牛定食$148呢款定食近乎每一枱的客人都會點。定食包含：素飯、味噌湯、番茄仔和麻醬豆腐。吉烈牛份量足夠，厚度適中，放上石板煎一煎就可以。記得先等石板燒熱再放吉烈牛呀😂😂咬落口感脆身，牛味濃郁，但咸了一點。🧡Kobekyu牛油蜜糖單骨雞翼 $65食單骨雞翼真係好方便，入口啖啖肉。外皮非常脆，撒上了芝麻。入口有好香牛油和蜜糖味。外皮就好夠味，但雞肉就不夠入味。

約2個好耐冇見嘅朋友出黎食晚飯，其中有個朋友指定話要食呢間，一於黎試下佢好冇食前菜小食嗌左個玉子燒，個蛋幾厚實、不過不失。但面頭灑左啲飯素落去，感覺反而即刻hea左。個醬係黑松露醬，幾好食！呢個set等左好耐，可能嗰晚太多人太多單嘅關係。個set有啲沙律、麵豉湯、飯同吉列牛。個飯又係灑左飯素，個醬又係嗰個黑松露沙律醬，冇咩變化又冇咩驚喜！將塊吉列牛放上爐輕輕燒下兩邊，就食得！其實味道上就冇咩特別！個吉列表面雖然係炸左，但炸完應該放左太耐，林左！成件事就好鬼多餘，又要炸，又唔係即刻食，多油又冇脆卜卜嘅口感二人份，多肉啲嘅忌廉咖哩烏冬，呢個烏冬又係枱枱都有嗌咁濟，一舀起，啲忌廉起泡😥我地估應該汁太多太水所以搞幾下就起泡喇，同我想像嘅creamy sauce 爭好遠，味道就係普通嘅咖哩烏冬

依間忌廉烏冬吉列牛係想試好耐嘅餐廳，但係因為太多人嘅關係，次次都放棄無試到，而今次下定決心要食到，就終於俾我試到喇😜吉列牛•忌廉烏冬套餐依個餐應該係大家必食嘅組合喇！吉列牛係由店家幫手炸好吉列表面，但係入面依然係生牛肉，客人要自己係個石板上面燒熟啲牛，有得玩有得食架👍🏻 見到啲牛有少少雪花紋，食落都有牛味，即燒即食都幾好味~ 當然啲牛再多啲就好喇🤣忌廉烏冬係另一個必食推介。上枱嘅畫面都幾靚，好似有一大堆雲咁，當然啲雲就係打起左嘅忌廉啦!!! 而下面就收埋左熱辣辣咖哩烏冬喇哈哈。我地揀左咖哩雞烏冬，雞肉份量真係唔多，但係烏冬份量真係好多好夠食，咖哩唔算好辣，我都仲接受到另外我地叫左個蜜糖雞翼，有驚喜原來係單骨雞翼!! 依家多左餐廳會有單骨雞翼，食嘅時間方便好多，真係好細心呀~ 雞翼蜜糖味道都重，好入味，而且加埋啲芝麻就變得好香口喇。好鍾意碟雞翼只可惜我地太飽都食唔晒，浪費左食物呀😩要提一提因為有好多人都食石板燒牛，餐廳都會有啲油煙味，如果大家去記得唔好著吸味衫例如冷衫去呀~~~

琴日係旺角搵野食就比我搵到呢間咖啡烏冬我睇下佢既相最吸引到我既就係，我平時食既咖哩係黃色為主，但呢間鋪係全白色加埋忌廉非常特別，所以我就黎試一試佢地方位置都易搵既，成棟大廈都係食野為主，下次都可以試食下其他野上到去都算多人要等位，我大約等左20分鐘就有位都唔算耐既坐底左就叫左個2人set，有燒吉列牛加烏冬咁我就無影個吉列牛同平時個d差唔多都好食既重點來了我最想試既忌廉咖喱烏冬即刻食左一啖好意外好驚喜好好食呀因為加左忌廉落去令到咖哩味唔會好重但又有咖喱味而成個烏冬係白色，烏冬嘅煙銀度啱啱好食到停唔到口但兩人既set餐唔多夠食，唔太飽肚

我同朋友都係第一次嚟呢間食，坐低睇餐牌先發現係韓國餐廳我地冇book位，好彩7點左右去到仲有位，不過再晏少少就多人等位既然呢間個名叫吉列牛忌廉烏冬專門店，咁就緊係試吉列牛同忌廉烏冬啦，講到專門咁勁我地揀咗套餐：吉列牛定食+咖哩忌廉烏冬（小辣）+2罐汽水吉列牛外邊炸到好脆，入面仲係生嘅，我地一邊放上爐燒，一邊傾計，每一塊都感覺要燒好耐先得第一塊食落似室溫，感覺麻麻，所以跟住都燒耐啲，搞到個火好快就熄，成日要叫侍應過嚟換，佢個樣都有啲驚訝我地咁快冇火不過服務態度都唔錯呢個咖哩忌廉烏冬睇落好漏，但食落又唔係，好滑咁幾驚喜忌廉下面就係咖哩烏冬，有得揀雞肉定牛肉，我地揀咗牛肉，啲肉粒粒都好細粒味道比想像中好食，好過吉列牛佢話小辣但我唔覺得辣本身諗住切埋生日蛋糕，但原來要額外收一百所以就放棄咗同埋呢到油煙味都幾勁

第一次用呢個app叫外賣自取，都算方便，原來對方（餐廳）都係第一次接呢個系統外賣自取。可能餐廳係因為第一次，我落單5分鐘左右即時有位餐廳職員打俾我確認訂單，我諗最重要一個問題係問我係咪已經俾咗錢，哈！咩系統冇顯示咩？！如果我未俾錢，咁個系統又會俾我落單嘅可能餐廳係第一次，餐廳不能於指定取餐時間完成，我準時到後都要等8分鐘才可取餐可能係餐廳第一次，我叫了炸牛扒定食當然有沙律、前菜、飯及主食炸牛扒，還有有豉油另上，咁個湯呢？！去咗邊？明明見人哋堂食有湯跟架！可能係餐廳第一次，我落單時已要求不要餐具，最終俾夠兩對快子我，另外已要求少飯，但仍然俾一大盒飯，始終我食唔哂，大哂鬼。炸牛排定食嘅食物味道：飯一睇就睇得出係溝珍珠米，軟硬適中，好食。沙律同前菜正常，主食炸牛排外賣算不錯，起碼外層仍脆；因為靚牛排係唔需要太多醃料，但面層洒鹽太多，有啲咸；可能因為堂食會有爐俾食客再加熱已切件嘅炸牛排，但外賣就冇爐，所以明顯用咗火熗燒熟牛排中心點，但反而令牛排冇哂肉汁，更有幾件牛排太乾，變咗牛肉乾。其實牛排質素係好，如果於堂食會好食好多，但始終覺得價錢調得太高。試過一次就夠，唔會有回頭客。