吉列牛忌廉烏冬專門店 (彌敦道) (已結業)

開頭以為呢間係日式餐廳原來係韓式餐廳呢度嘅吉列牛價錢相當抵食$148套餐已經有好多吉列牛，而且吉列牛燒幾耐都一樣唔會老。外面吉列幾脆，再煎煎塊牛扒夠牛味。仲有Wasabi俾你點、或者芥末加鹽及吉列牛醬汁。性價比超高。忌廉咖喱雞烏冬，呢個烏冬嚟到嘅時候係白色，好多cream，以為會好濟，點知撈起啲烏冬入邊有好多咖喱醬汁，加埋啲忌廉食好香，一啲都唔濟。咖喱香味同烏冬融為一體，好食！蒜蓉蜜糖單骨雞翼，方便食；而且蒜蜜味好香，雞翼炸左面上有蒜蜜醬汁，甜甜地好惹味。呢間店有驚喜，價錢合理，值得再去。