吉列牛忌廉烏冬專門店 (彌敦道) (已結業)

心思思又想食吉列牛同烏冬，近近地去旺角分店，店內地方都大，樓底高，感覺舒服！人氣吉列牛定食，平時食都係吉列豬扒較多，用美國靚牛，鬆化的吉列脆皮，裡面肉半生熟，生熟自己選擇！邊食邊燒都幾過癮！分別燒了2款肉質，全熟肉層分明、軟稔易咬；生熟參半食落就煙韌d、肉汁juicy！山葵沙律醬，Wasabi，特製燒肉汁前菜仲有胡麻醬豆腐、蕃茄、白飯！咖哩忌廉烏冬選了牛肉，一層厚厚既軟綿cream響面，咖喱更香，烏冬滑溜，好易成碗食曬，絕對唔膩！牛油蜜糖單骨雞翼，好香又唔甜，單骨又方便食，停唔到口，加上小小檸檬汁，自己食曬一碟🤭

一向都鍾意去726覓食，貪佢個view靚得黎又多餐廳揀，今日想食特別少少所以揀左呢間吉列牛忌廉烏冬專門店吉列牛定食 $148定食會有前菜 (蕃茄仔、麻醬豆腐)、味增湯同白飯，加埋大大塊吉列牛其實幾抵。吉列牛係要自己燒的，佢會有塊石板擺喺個爐上面熱住，想要幾成熟都可以自己控制～D牛好腍滑，就算唔小心燒耐左都完全唔韌～包住牛嗰層吉列皮加左炸蒜，煎起上黎會聞到好香蒜味，同牛肉好夾，唔洗額外點醬已經好夠味～其實淨係食牛已經飽左一半，但白飯加左飯素又令人忍唔住清埋🙈咖喱忌廉烏冬 $78見牆身痴左D有關忌廉烏冬嘅報導，見幾吸引就叫埋黎試。一上枱見到成碗烏冬都係忌廉確實又驚又喜，驚嘅係感覺會好膩，喜嘅係因為好鍾意食忌廉🤪好彩D忌廉算輕身，加上烏冬用咖哩煮過，撈均左都仲香辣惹味；撥開左d忌廉發覺底下仲有大量牛柳粒、少量洋蔥同西蘭花，非常飽肚～

週末的下午悠閑地吃了一頓午餐。想吃這個忌廉咖哩烏冬（$78）很久了，之前引起了一片熱潮，但為了避免排隊，今天才來一試。咖哩混和忌廉會是甚麼味道？是出奇的配搭！有咖喱的惹味和忌廉的濃香，兩者混和口感非常豐富，入面還有很多牛肉，份量和味道皆令人滿意。到重點的吉列牛定食（$148）配白飯一碗、芝麻醬蕃茄、芝麻醬豆腐和味噌湯，還有一小碟青芥味醬。吉列牛已經切件了，食客可以自己燒自行決定熟的程度，牛肉外脆內嫩，令人食不住口。最後還點了峰蜜雞翼作小食，很滿足的一餐！

話說年幾之前個個ig都係影住石燒牛肉、忌廉烏冬嚟打卡，我嘅速度就好似IE咁，終於到我試吓！🤣不過唔止打卡靚，都好好食，果然冇令我失望👅吉列牛定食 ($148)吉列牛定食除咗有吉列牛之外，仲包括麵豉湯、冷豆腐、車厘茄、白飯配飯素。吉列牛輕輕炸過，外層脆口，內裡仲係呈紅色，生生地。會上埋個熱石俾你自己燒，可以自己決定牛肉嘅生熟程度。我哋就鍾意燒熟啲，可以冇咁韌～但肉味仍然濃、肉汁依然爆👅💦咖哩忌廉烏冬 (雞) ($78)上枱只見一片忌廉，咖哩烏冬就藏身於其中😛忌廉唔算話好濃味，但質感滑溜，配上彈牙嘅咖哩烏冬，超夾！✨Kobekyu 牛油蜜糖單骨雞翼 ($65)單骨雞翼冇平時啲雞翼咁難進食，更加可以食完一舊又一舊👅雞翼炸到外脆內軟，表層沾滿牛油蜜糖，超級可口！-Menu:

《吉列牛忌廉烏冬專門店》之前喺銅鑼灣食過咖哩忌廉烏冬🍜，已經係好食到不得了😋，尋日喺旺角搵野食嘅時候，發現旺角都有🤩今次食嘅係吉烈牛定食🐂🍱，絕對係強烈推介👍🏻👍🏻落單之後野食好快就到👏🏻成個定食有吉烈牛🥩，味素飯🍚，麵豉湯🥘，凍豆腐◽️同芝麻醬番茄仔🍅，十分豐富🤩侍應放低個爐幫我點左火🔥可以先食佢嘅前菜🥗等個爐熱就正式開餐喇🍽吉烈牛本身已經半熟，每塊都砌得厚薄適中，份量又足⭐️，放上爐到一陣間就食得，因應你想煎得幾熟自己控制時間就好⏱，每塊吉烈牛邊邊已經炸到香脆，我鐘意有少少生，所以煎兩下已經忍唔住要放入口😆，入口都幾有牛肉味，最緊要係唔會韌又唔乾😙煎完之後仲有好香嘅牛油味，配埋味素飯，仲有另一個層次添。牛肉本身有一個點牛嘅汁同埋芥茉醬🍵，兩款都同牛十分匹配，唔會食到好油膩感，之後飲埋湯，成個定食好完整，性價比十分高🤭

朋友講吉列牛忌廉烏冬好好食, 忌廉同烏冬呢個組合真係好特別,一直都想試.收工約左朋友去旺角就一齊去食.地點方便,坐卡位都好舒服.我地叫左吉列牛定食, 咖喱忌廉烏冬配牛, 牛油蜜糖單骨雞翼.吉列牛定食好多配料,有車厘茄,麻醬豆腐,麵鼓湯,飯素珍珠飯.主角吉列牛,牛肉肉質幼嫩,好靚既粉紅色,外皮炸得好酥脆,仲可以放落石板上燒,燒完更加脆,自己炮製過特別好食^^又好食又好玩. 豆腐好滑, 加上飯素既珍珠米好好食.咖喱忌廉烏冬配牛,表面D忌廉好澎湃,好夢幻既感覺,烏冬粗身,口感彈牙,而且有咖喱味,混合忌廉,口感更加滑溜,咖喱又中和左忌廉既膩感,原來可以咁夾,仲有嫩滑牛肉粒,好好味.牛油蜜糖單骨雞翼,單骨方便食,炸得香脆,帶有蜜糖牛油香,加上檸檬汁,酸酸甜甜咁,正!

餐廳座位唔算好多，裝修主要係以木、黑同白色為主，舒適。好彩來得早，走嘅時候已經接近滿座。美式頂級牛里脊套餐大啡菇配上芝士一齊烤，好香，軟軟的，好有菇味，可與洋蔥一齊進食。牛里脊店員提醒只有一成熟，需放上已經預先熱好嘅鐵板再燒一燒，燒嘅時候牛肉香氣撲鼻而來。牛肉食落好鬆軟軟腍，牛味亦好濃郁，冇多餘嘅肥肉，而肉汁非常豐富。咸蛋薯條上枱時熱辣辣，食落夠鬆脆，同埋有好香嘅薯仔味同咸蛋黃味，配上黑松露沙律醬，正！不過就有點邪惡感，哈哈！咖哩忌廉牛肉烏冬一層軟滑嘅忌廉係面，裏面其實就係煙韌彈牙嘅烏冬，份量不少。烏冬配以香濃咖哩，其實忌廉同咖喱味都幾夾，而忌廉甜度唔高。牛肉、西蘭花同蘑菇等配料，已好入味，尤其牛肉，而且係唔韌，忌廉可以令烏冬更嫩滑易入口，口感同味道確實吸引。

一年前食過呢間韓國大熱嘅吉列牛料理同埋忌廉烏冬餐廳，覺得非常神奇同埋有創意 ，今日捲土重來再度朝聖美味嘅吉列牛！✨吉列牛定食($148)吉列牛一定係呢間餐廳嘅鎮店之寶亦都係我今日食嘢嘅主要目標，餐廳率先送上一個石板爐，上邊鋪上一層博博嘅油為吉列牛料理預熱。吉列牛定食包括有麵豉湯，豆腐，沙律等等，當然最重要嘅就係主角吉列牛。吉列牛嘅部位係選擇咗比較瘦嘅部位，怕肥嘅朋友有福了！ 吉列牛係炸粉嘅部位都放咗調味料所以唔駛怕牛肉冇味，調味亦都是恰到好處 ，吉列牛煎完之後好似外脆內亂嘅口感，真係好幸福啊！✨咖喱忌廉牛肉烏冬($78)另一款期待之作咖喱忌廉牛肉烏冬，賣相平平無奇係一浸忌廉，但係內有乾坤喺厚厚嘅忌廉入面包住濃味嘅咖喱牛肉烏冬，忌廉為成份烏冬帶上幼滑同creamy嘅口感,令到烏冬嘅味道提升一個層次！✨牛油蜜糖單骨雞翼($65)蜜糖單骨雞翼性價比都幾高，單骨雞翼沾上一層口口嘅牛油蜜糖好惹味，好適合同朋友吹水慢慢食一年後黎再食，味道質素沒有減退依然保持到水準，真係唔簡單 ！

咖喱忌廉烏冬烏冬十分之彈口，忌廉好Creamy，下面嘅咖喱烏冬又熱辣辣，沾上上面嘅忌廉特別滋味。好彩兩個人一齊食，如果唔係就太飽食唔到其他野。吉列牛定食性價比十足，大約有七八片生牛肉。外層已經炸得香口，內裏既生牛肉生可以用熱石板烤熟。鍾意五成熟有得七成熟有得。定食仲有飯同麵豉湯十分低食。牛肉的質素普通，但呢個價錢和體驗是可以的，但想食高質既牛肉就要揾令一間了。我地7點去到等左唔係好耐，幾分鐘就入得。

旺角吉列牛上樓店，另一名菜係忌廉烏冬。「咖喱忌廉烏冬」滿滿香滑忌廉鋪滿在咖喱烏冬上面，將佢同咖哩汁混合，咖哩更添奶香，烏冬入口更順滑。只是牛肉烏冬的牛肉量沒有太多。「kobekyu牛油蜜糖單骨雞翼」，方便食用嘅單骨雞翼，炸得香趣，牛油味香濃，蜜糖甜香令人食不停口。「吉列牛排定食」係店內主打，牛排份量都算多，微微吉列了一下，大約兩成熟，可以自己在爐上煎至自己想要的熟度。定食內包括麵豉湯，涼拌豆腐，小番茄，味飯，細食女生會覺很飽，所以二人同行，點烏冬，吉列牛套餐，分享食用更好。

呢間既咖哩忌廉烏冬同牛吉列都係佢地既招牌菜，十分出色，一定會再去幫襯，完全高CP值，香港有2間店， 今次地點揀左就腳既旺角，地鐵站行去都係幾分鐘既事~咖哩忌廉烏冬 $78有得揀牛肉/雞肉，上菜好快，摸落碗烏冬度暖笠笠，鋪滿左忌廉既烏冬好CREAMY，唔捨得破壞咁白雪雪的忌廉><~ 一夾起,咖哩烏冬同忌廉形成鮮明對比，烏冬又香辣又夠曬滑(雞肉亦然~吉列牛定食$148咁既價錢已經包埋沙律、熱湯、小食同我好中意既芥末沙律醬，同味道香濃、外脆有嚼勁既吉列牛係prefect match!牛油蜜糖單骨雞翼$65 單骨雞翼食起黎好方便，  甜甜地既烤雞翼食落好開胃~而且落單用qr code好方便~性價比超高的一餐，很滿足~

聽過很多朋友提過KOBEKYU吉列牛忌廉烏冬專門店的忌廉烏冬，後來才知道原來也有吉列牛吃，今天下班在旺角附近，便來試試看!食物款式都不少哦，但今天我已有明確目標，於是點了咖哩忌廉烏冬（雞肉）和吉列牛定食，另外看到牛油蜜糖單骨雞翼也好像很不錯，於是也點了一客!食物很快就陸續上菜了，首先是咖哩忌廉烏冬（雞肉），第一眼看到會很好奇到底這層厚厚的忌廉下面是怎樣的，同時也很怕會很膩，因為忌廉真的很多很綿密的感覺!稍為將下面的咖喱烏冬撈起來，看到雞肉、西蘭花和洋蔥等食材。雞肉很嫩滑，煮得剛剛好，而原本擔心會很膩的情況也沒有出現，因為咖喱中和了忌廉，反而變得非常夾!接著吉列牛定食也上菜了。除了主角吉列牛外，還有很豐富的配菜、飯和麵豉湯。配菜有芝麻醬豆腐和芝麻醬車厘茄，另外還有沾醬芥末和醬油。上菜時店員同時幫忙點火，等一會兒就可以開始烤肉了，這樣子一塊一塊地烤，也挺有樂趣的牛肉切成一口一塊的大小，外面的吉列皮脆脆的，裡面的肉挺嫩滑的，而且價錢合理，值得一試!最後是牛油蜜糖單骨雞翼，賣相100分牛油味比較重，另外值得加分的是雞翼已分成一半，吃起來非常方便!

早前忌廉烏冬在香港可謂轟動一時，一直都很想試試，可惜抽不到時間，這天機會終於來了。「吉列牛忌廉烏冬專門店」顧名思義，就是以忌廉烏冬作招徠，餐廳位於彌敦道726號，正正就是T.O.P.對面，位置就腳。咖哩忌廉烏冬(牛肉)碗內放了厚厚一層忌廉，下層則是咖喱烏冬，入口時烏冬煙韌，充滿奶油香，又不失咖喱香味，配上牛肉，感覺剛好。吉列牛定食定食內容包括味噌湯、涼拌豆腐、車厘茄、飯素珍珠飯及主角吉列牛。以女生來說，吉列牛的份量有點多，但對男生的話可能有點不夠，吉列牛送上來時只有半成熟，所以要自己動手，用小石爐煎熟，我愛八成熟，入口外脆內嫩，讚。Kobekyu滋味單骨雞翼雞翼外層香脆，內層嫩滑，再加上上層灑上一層滋味粉，超級惹味。

今日帶媽媽去食好西，一路都好想試下呢度既咖哩忌廉烏冬，覺得個樣好得意🤤。呢度除左吉列牛出名，原來仲有涮涮窩，釜飯食～✨咸蛋薯條：等食之際叫左個邪惡咸蛋薯條食下先，價錢$38 真係幾抵食大大份。薯條熱辣辣，真係勁鬆脆同埋好香薯仔同咸蛋黃味，咸蛋黃夠晒多一d 都唔孤寒，連黑松露沙律醬都係勁大兜，真係好好食😍。✨美式頂級牛脊里配大啡菇（$178): 見到最鍾意既大啡菇就好開心，食落勁juicy 面頭仲有芝士。個牛本身只有一成熟，所以切開要再燒一燒。媽媽唔鍾意食太生，不過燒到熟晒既顏色，咬落去個心都仲好軟腍，牛味幾濃有驚喜🤩配埋d 洋蔥更加香。✨咖哩忌廉烏冬（$78): 可以㨂雞肉同牛肉，開頭以為咁多忌廉會好漏，撈混左之後食味道又啱啱好，香而不膩。本身唔食得辣，不過呢個咖哩微微辣又幾好食，烏冬滑嘟嘟又好彈牙。除左雞肉，仲有西蘭花，洋蔥，娃娃菜，yummy!

呢間餐廳我自己食過三次 以前都都係夜晚嚟 今次諗住午市上嚟會少啲人
但不旦冇午市優惠 啲牛唔知點解炸得好差 一邊放塊牛係個石板上面燒 一邊有一粒粒炸粉跌出嚟 結果燒完舊牛 已經冇晒外面層炸皮 好失望伴碟椰菜份量少到好似俾人偷食左咁麵豉湯感覺略濃個咖喱忌廉烏冬我係第一次食覺得好好味忌廉嘅感覺唔算太heavy 咖喱同埋忌廉嘅香滑完美咁結合不過啲雞就有少少韌我哋叫左兩杯野：紅棗蜜糖水同埋綠茶latte紅棗蜜糖水略嫌有啲甜 不過我哋自己加咗水稀釋完之後覺得好好飲杯綠茶latte都非常之出色 連啲冰融左之後唔會覺得太淡Btw 可能午市人手唔夠 所以上台速度略慢而且見到有侍應除左鞋放對腳係櫈上面 攞住手機打機 感覺略有礙眼