吉列牛忌廉烏冬專門店 (彌敦道) (已結業)

朋友介紹旺角間吉列牛烏冬專門店🍜~今日趁得閒放工就來試😚上到去先發現原來係韓國料理😄開頭以為係日本料理地方唔算大，不過都full house🏠如果想試的就要book位😙🧆必點的當然係招牌吉列牛定食啦(麵包糠鋪滿面炸了定型，上台時肉還是紅色的，自行在爐端燒爐上燒至合適的熟度)🍲忌廉咖喱烏冬，超多忌廉撈埋咖哩又幾好😋烏冬口感都算彈牙🍯單骨蜜糖牛油雞翼~惹味得來唔會膩🍠紫薯latte~唔係好甜味道岩好

今晚又同仔仔出旺角隨便揾食，结果揾咗呢間位於旺角彌敦道726號呢間上樓餐廳。餐廳係17樓，一出𨋢就是撲鼻嘅牛肉香。入座後大概七點半開始，餐廳已經開始滿座，建議大家預早訂座較好。近年特別流行食石燒吉列牛， 勝在牛肉可以自己燒，鍾意生啲、熟啲，悉隨尊便。我哋當然點咗餐廳皇牌「吉列牛肉定食」。定食除咗有主角一大塊吉列牛，仲配有飯有湯、有前菜，都相當豐富。吉列牛面層脆炸粉薄脆。牛肉放上石鍋燒一燒，已經可以即食。石鍋燒將牛肉油脂溶化，釋放出牛的肉香，回味無窮。試埋另一個都係餐廳熱門食物，「咖喱忌廉烏冬」配牛肉。烏冬賣相好得意，表面鋪上滿滿忌廉，完全吾見烏冬。將的忌廉同啲咖喱汁撈勻，咖喱完全不辣，混和香滑忌亷，食落似食牛肉撈烏冬多啲。配料除牛肉，並有香菇及洋蔥。牛肉份量很多，而且很淋滑，難怪是熱門食物。我哋再加多份小食「蜜糠柚子雞翼」，蜜糖柚子汁掛滿雞翼表面，微微焦糖效果，酸酸甜甜十分開胃。飲品我們點了兩杯靚靚特色凍飲，「Passion Punch 」熱情果味甜甜帶微酸。 「Citrus Ocean 」柑橘味入口舒服，甜度適中。食完十分大滿足。

吉列牛忌廉烏冬專門店 (彌敦道) (旺角)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•吉列牛定食 $148+1•咖哩雞肉忌廉烏冬 $78+1•Kobekyu滋味單骨雞翼 $65+1•蜂蜜菊花蜜 $28+1•Passion punch $38+1••••••••••••••••••••••••••••••♥️食評：呢間吉列牛忌廉烏冬相信大家都聽過！吉列牛定食，份量都非常之多，有一塊半左右嘅吉列牛、兩款前菜、麵豉湯同一碗白飯，當日嘅前菜係凍豆腐同車厘茄，兩款都ok，而呢到嘅吉列牛真係大力推薦～因為佢嘅吉列炸皮非常脆，牛肉都幾有肉汁，唔韌都唔會無咗肉嘅質感，配合埋秘制醬汁真係幾好食！咖哩雞肉忌廉烏冬，忌廉烏冬都係呢到嘅招牌之一，可以揀牛肉/雞肉，以為望落咁多忌廉會好濟，但其實撈均連埋咖哩一齊食係出奇地好食！唔會太濟但又好滑～建議同朋友一齊食啊～單骨雞翼份量都唔少，都疊到座雞翼山，味道唔錯幾惹味，鐘意佢夠乾身但又好夠味，呢個大家都可以試吓～••••

位於旺角既呢間吉列牛上網睇都有好多人食過，咁啱又經過附近，咁就一於上去試下啦～餐廳既位置位於17樓，地方都算大，而當日都比較早去食，所以人流未算太多，而餐廳都係以韓式風格為主，而今次就揀左一份吉列牛定食，同埋一份咖哩忌廉烏冬～份吉列牛定食會包埋麵豉湯，前菜同飯，佢會提供埋類似石板既爐比你去燒啲吉列牛，但當擺左幾舊上去都一直唔熟，一開頭都知唔會咁快就熟到，但斷斷續續都等左差唔多一個鐘都唔算係太熟，即使職員幫我地換左塊石板都係咁😅😅😅等待熟既時間真係有啲太耐😅😅而味道就無想像中咁特別，都係似炸過既牛肉而咖哩忌廉烏冬就比較特別，佢表面有一層好厚既忌廉，係直頭睇唔到烏冬既，而忌廉同烏冬又出奇地夾，食落都無乜違和感，反而味道都幾好食～總結嚟講呢間食吉列牛只屬一般，未算話太過特別，價錢亦唔算平～

第一次食是在台灣探我妹妹時，想起家人了。朋友約我去到呢間吉列牛店，一見到個爐就想起妹了。由於見到好多人食忌廉咖喱烏冬，於是試試，因為見到人地枱面嘅都已經攪混晒，估唔到原身係咁靚架，一層打到好forming 嘅泡泡忌廉鋪在烏冬面，因為打到起泡所以唔會食到滯，反而好滑溜。吉列牛上枱時半熟，輕輕煎到外面脆身，入面就剛好熟，又唔會過un 。唔難拿捏。配埋芥末沙律醬更好。飲品方面試左熱情果梳打+紅早特飲。清新的應覺

做完facial都7點，快快行去食野。726成橦都係野食，今次想食烏冬，快快上樓食！Kobekyu牛油蜜糖單骨雞翼 $65蜜糖雞翼嘅蜜糖味都比牛油重，少點罪行佢啲白芝麻打去比較香口。不過唔知係咪因為單骨嘅關係，覺得有少少乾身，好彩佢嘅醬汁補救！吉列牛定食 $148首先上個爐，梅菜有芝麻醬蕃茄、芝麻醬豆腐，另外仲有醬油醬汁同埋芥末！麵豉湯同埋沙律菜，開胃小健康菜先啦！之後就係主菜吉列牛！外層揸咗一層吉列粉，裏邊嘅牛肉半熟，上爐煮幾下再食。更香口！吉列牛帶點咬勁，半生熟既關係牛味好似重d，同內心好軟同多汁！因為大家都鍾意半生熟，所以平時食牛都唔會全熟！依類風格食牛都耐唔耐想食下！咖喱忌廉烏冬 $78白圈圈忌廉上位，以為好厚實。原來唔係㗎，有少少似打忌廉圖嗰啲感覺，一夾起咗融合咗喺咖哩到！冬菇、牛肉同洋蔥配搭，牛肉份量都幾多，厚實濕潤忌廉咖哩汁！烏冬軟身左啲。蜂蜜菊花蜜 $28兩杯都係黃色系列，哈！浮左一層菊花仔，清熱解暑。蜜糖水好潤喉，少少甜特朗普最主要link嚟陪吉列牛食都唔會太熱氣！Passion punch $38依杯就好夏日炎炎feel~ 熱情果比蜂蜜既甜，但水果香！少少熱情果粒，

先前喺網上見到好多人post一碗成碗都係忌廉嘅烏冬，之後係同朋友傾偈嘅時候提起過呢碗烏冬，然後朋友就介紹我嚟呢間餐廳試吓呢個烏冬！我一早已經預先在網上預約今晚既booking，今日同朋友630左右到達餐廳，因為未係食飯時間嘅關係，餐廳入邊既客人不多，我哋都好快可以入座。我哋一坐低就嗌左皇牌忌廉烏冬，好快食物就嚟咗啦，見到俾滿滿忌廉遮住嘅烏冬，真係迫不及待想試吓，雖然比忌廉遮住咗入邊嘅烏冬，但係聞一聞呢碗烏冬，就會聞到好濃嘅咖喱味，亦都有淡淡嘅忌廉味，食落去個味道都好有驚喜，真係好好味，烏冬又好彈牙同香滑

今日去左食吉列牛，貪佢可以玩下食下打下卡，估唔到忌廉烏冬都好有驚喜👍🏻餐廳位置好好，係地鐵出口附近，o個日上到去剛剛太陽落山，餐廳樓底好高又有落地大玻璃，成個日落景睇曬，好浪漫🔅吉列牛定食店員送上個爐同熱石板，我就可以將已經切好左既吉列牛放上去燒，再瘋狂打卡。牛既生熟程度由自己控制，食落口保證熱辣辣，而且份量都好多，可以配埋甜介辣，中和肉既油膩感。🔅咖哩忌廉烏冬一黎到就見到成碗滿滿白雪雪既忌廉，底下原來就隱藏左咖哩汁雞肉烏冬，忌廉份量夠哂多，好creamy 好滑好香。加左忌廉可以令咖哩無咁辣，而且個湯都變到好輕型。一條條既烏冬都可以好均勻咁撈埋D 湯汁食，的確好夠味同滑口🔅味噌蟹蓋配紫菜飯團蟹膏上到枱仲熱辣辣出曬煙，本身蟹膏D 顏色黑黑綠綠，就咁睇就唔多吸引，但試一啖之後就覺得超好食，味道鮮甜甘香，加埋紫菜同飯波波，反而更突出個鮮味，之後我直程加D 珍珠飯落個蟹蓋到，要撈乾淨D 蟹膏食曬先滿足🔅Kobekyu牛油蜜糖單骨雞翼單骨雞翼夠哂方便容易食得多，甜甜地既牛油蜜糖雞翼好開胃，滿滿既一碟，食到停唔到口

之前一路睇相，見到呢間餐廳嘅忌廉咖喱烏冬非常吸引。一直心思思好想試。今日終於有機會約到朋友嚟試吓食佢個招牌股東。呢間食店係韓國嘅過江龍。能夠開到海外都有分店。相信食物嘅質素一定唔會差得去邊。星期二平日嘅晚上。餐廳都算多人。我哋分別叫咗必食嘅吉列牛定食，忌廉咖喱烏冬，同埋牛油蜜糖單骨雞翼。飲品方面點左一杯韓國蜂蜜紅棗茶同埋Citrus Ocean。首先我極度推薦大家要食忌廉咖喱烏冬。首先烏冬一上嘅時候，你會見到隻本係得啲cream喺上面。喺呢個時候我心諗會唔會好滯呢。都夾咗啲咖喱烏冬同忌廉撈埋一齊嘅時候。味道出奇地夾。而且一啲都唔漏。我直情想舔埋碗入面嘅cream。吉列牛定食。首先佢啲牛係會喺外層炸過，但係好奇怪嘅係雖然佢炸過啲牛。但係入面嘅牛又未完全熟晒。食吓亦都可以根據自己嘅喜好，將牛放喺石上面烤熟。而且牛味濃郁。絕對值得encore。而且牛嘅數量亦都合乎比例。牛油蜜糖單骨雞翼，牛油同蜜糖嘅味道入晒雞翼嘅肉。啖啖肉之餘亦都食到牛油同埋蜜糖嘅香味。另外兩杯飲品都非常吸睛。亦都唔算話太甜。下次亦都會再嚟食多次。

我前兩日同朋友去食吉列牛同忌廉烏冬，雖然啲嘢食好好味，但嗰日真係多災多難。嗰日食食下野無端端跌咗個袋，咁我就諗住執返起個袋啦，點知執完個袋又跌筷子，仲搞到成件衫都係油。夾烏冬嘅時候咖喱汁又彈到件衫，真係想哭🥲🐮吉列牛定食($148)呢個定食除咗有飯同吉列牛，仲有其他前菜同麵豉湯。吉列牛切開有十舊左右，每一舊嘅外層都脆卜卜！雖然佢外面炸熟咗，但裏面係未熟㗎，所以要擺上個爐到整返熟佢。吉列牛唔點汁就咁食已經有味，而且十分juicy，當然點汁又係另一種滋味！🍛咖喱忌廉烏冬($78)呢個烏冬上面好多忌廉，但其實食落一啲都唔濟，反而令到烏冬更加滑！烏冬可以揀配雞或者牛，我地揀咗牛。除咗有牛，仲有香菇、洋蔥等等嘅配料。咖喱汁十分香濃，令人食過返尋味！🐔Kobekyu牛油蜜糖單骨雞翼($65)呢份雞翼好好味，而且份量好多，大概有十隻左右。除咗有蜜糖味，我仲食到有少少柚子同埋蒜味，好香！🍹熱韓國柚子蜜($28)柚子蜜好潤喉，食完熱氣野最啱飲翻杯！🍹熱蜂蜜菊花蜜($28)菊花蜜好清新，飲落就好似平時一包包嗰啲菊花茶咁，但係就冇咁甜，感覺健康啲。

叫左3樣野：忌廉雞肉炒麵，passion fruit punch，吉列牛定食頭兩樣都ok，炒麵可以話好食，去到第三樣期待嘅吉列牛真係大失所望，無肉味，好韌，食到最後個三四塊，發覺要煎到好熟先可以擺到入口，不過都係無肉味，定食配料又hea，一塊小小豆腐加芝麻醬，一粒蕃茄加芝麻醬，完。 最後想講下服務都麻麻地，我見有3位客人一入嚟，被人問幾位問左3次，第一次問嘅侍應，問完走。第二個問完要同其他人講，最後有個阿嬸問多次幾位，先安排到坐位。

依間野係以前OT 都有係銅記食過~原來MK都有分店!!!!繼續食佢個主打吉列牛定食~一人份好飽肚~今次塊牛雖然有些少筋但都嫩口! 同埋可以自己控制番幾成熟, 唔怕廚房overcook😌😌忌廉咖哩烏冬雖然都係主打, 但真係第一次試~ 😂😆d 忌廉係令成件事creamy 左~ 咖哩又夠香口~唔係靜係印象中既日本甜咖哩👍至於個蜜糖雞翼估唔到會有蒜香味😏抵讚👍👍 不過兩杯飲品稍為失色~都係sparkling water 加糖漿🙈下次都係要叫番熱飲😆😂PS: 留意番片尾d 燒牛既滋滋聲好治癒😆😂

之前成日喺社交平台見到有人post呢間嘅忌廉烏冬好似幾特別咁所以就諗住去試下♥︎估唔到原來佢仲有埋吉列牛食！.吉列牛定食 $148 🐮除咗咖喱忌廉烏冬之外，呢個都係餐廳嘅招牌菜，定食配有珍珠米飯、前菜及麵豉湯。選用美國熟成牛，牛肉先搽麻油再沾上薄薄嘅麵包糠，炸到外層金黃香脆，裡面肉質依然粉嫩，自行再放上石板燒到自己鍾意嘅熟成度，配上日式甜豉油或wasabi沙律醬。我覺得吉列牛稍為有少少油但味道整體不錯。.咖喱忌廉牛肉烏冬 $78 🍜底層係日式甜咖喱烏冬，可以揀牛肉或雞肉。上面再鋪上滿滿一層厚滑忌廉，食前要先撈勻忌廉及咖喱烏冬。烏冬口感幾Q彈，吸收晒咖喱汁，咖喱汁再濃啲就更佳。.Kobekyu 滋味單骨雞翼 $65 🐥雞翼預先拆成單骨，食落好方便。雞翼沾滿芝士粉和自家製調味粉，微辣惹味，炸得非常香脆，雞肉亦唔會太乾。呢個幾好食。.Citrus Ocean $38 🍹呢杯飲品嘅顏色好靚，梳打水加入柚子蜜和藍色糖漿，柚子香甜，冰涼清新。.綠茶 latte $45 🥛綠茶及牛奶比例適中，口感順滑。.總括而言：餐廳主打日韓fusion菜，食物味道不過不失，招牌嘅咖喱忌廉烏冬都幾有特色，可以一試。.

朋友介紹呢一間烏冬專門店，並非一般既烏冬店，特別在於呢度既烏冬上面係舖滿一層厚厚既忌廉，冇錯! 真係成層邪惡既忌廉! 咁特別既配搭當然要去食啦。坐低時枱面已經放左一個石板燒烤爐，所以決定除忌廉烏冬外，一定要叫一款牛肉來自己燒。吉列牛定食 : 定食包括麻醬豆腐、車厘茄、麵豉湯、白飯、醬油同芥末沙律醬，而且吉列牛肉既份量都幾多。將牛肉放上石板上面燒，自己控制生熟程度，外面吉列皮燒到脆卜卜，裡面仲係半生熟就最正! 牛肉咖喱忌廉烏冬 : 烏冬同牛肉都喺層忌廉下面，烏冬煙韌有口感，牛肉夠juicy，估唔到咖喱烏冬同忌廉係會咁夾，味道惹味再加添一份香滑，雖然好邪惡，但又真係好好食! 牛油蜜糖單骨雞翼 : 蜜糖雞翼再加幾滴檸檬汁，開胃不特止，真係口水都流埋，食前放上石板燒一燒會仲正!

呢間咖喱忌廉烏冬專門店我真係從好多朋友口中聽過，今日終於一探究竟，帶埋男友一齊嚟試吓！好彩我有一早book定枱，否則應該Walk in都會冇位😩餐廳間隔算係比較窄身，坐嘅話唔算話太舒服，亦都未必係一個可以同朋友傾吓計嘅好地方！今次我哋叫咗個二人餐，揀咗個吉列牛定食同埋咖喱忌廉烏冬🤤🤤仲包左兩杯嘢飲，價錢都係$246，唔算話太貴！🍡韓國蜂蜜紅棗茶 （跟餐 +$8）大熱天時飲熱嘅紅棗茶，我都諗緊自己係咪傻咗！但係今日真係好想飲潤下喉嘅嘢🤣🤣紅棗水超級潤喉，紅棗味都好出，甜甜地好舒服！🍡綠茶latte （跟餐加$25 ）飲咗啖超香綠茶味，質地唔算太杰身，同埋都飲到少少綠茶粉！🍡吉列牛定食自從上次食過吉列牛之後，就一直再想食多一次！最鍾意嘅係生熟程度完全由你控制！咁就唔使怕餐廳煮得太老啦！吉列牛定食嘅外皮真係好似平時吉列豬咁脆卜卜，而牛都好有牛味！呢個定食除咗吉列牛之外，仲包左啲日式漬物，麵豉湯，有七味粉嘅白飯，芝麻汁番茄仔同埋豆腐!🍡咖哩忌廉烏冬烏冬可以選擇雞肉或者牛肉，今次我就揀咗牛肉！食完後發覺同我想像中的味道有啲唔同，但我更加鍾意實質上食嘅口感！忌廉味其實唔太重，反而咖喱烏冬嘅咖喱味好