吉列牛忌廉烏冬專門店 (彌敦道) (已結業)

【吉列牛忌廉烏冬專門店】#旺角 #吉列牛 #忌廉烏冬上次喺銅鑼灣食完呢間吉列牛念念不忘，今日去到旺角見到有去分店就忍唔住再食一次。都係叫咗個吉列牛定食，有飯、豆腐、麵豉湯、吉列牛。今次另外揀咗香辣忌廉雞肉拉麵、牛油蜜糖單骨雞翼同埋秘製蛋卷。吉列牛依舊香嫩多汁，外層酥脆。忌廉拉麵辣辣地好刺激味蕾。拉麵有嚼勁，外層裹上忌廉格外順滑爽口。蜜糖雞翼落咗唔少蜜糖汁，甜度豐富，醬汁濃稠，可以徹底包圍每隻雞翼。雞肉嫩滑，成碟菜內外兼修。秘製蛋卷同樣好食，芝士多到可以拉絲。芝心同蛋餅比例調劑得和諧，每啖肥而唔膩。———————————————#吉列牛忌廉烏冬專門店 吉列牛忌廉烏冬專門店 (彌敦道) (旺角)旺角彌敦道726號17樓

之前已經係銅鑼灣食過呢間嘅吉列牛，今日同朋友係旺角行街，所以就嚟到呢間旺角分店~餐廳有一半係卡座，今次可以坐係卡位非常舒適~其實呢到嘅set真係好抵食， 二百幾蚊已經可以食到 餐廳鎮店之寶：吉列牛定食同咖哩忌廉烏冬仲配餐飲定食吉列牛已經有微微熟，放係爐上輕輕燒可因應個人需要要控制，食落外脆內嫩， 非常惹味！定食亦配有白飯、前菜同麵豉湯，2 個人好夠食！再加個忌廉烏冬(小), 雖然話份量係小，但係其實一啲都唔少，2 個人食剛好😆 忌廉香或攪勻咖哩之後，令到烏冬掛汁，口感軟滑煙韌！ 加忌廉後冇中和度咖哩嘅香濃， 反而令咖哩味道更適中~小吃仲加咗個滋味單骨雞翼，上面鋪滿芝士粉，食落芝味濃郁，單骨雞翼非常入味，食落方面，好岩我呢啲懶人"😆飲品要咗蜂蜜菊花蜜，味道菊花非常香濃再配蜂蜜，唔會太甜，又可以下火！

朋友想黎食呢間吉列牛好耐啦，但晚飯成日都大排長龍，是日放早就黎試下佢先，下午茶時段黎唔使排隊，但卡位都全部滿座嘅，我地坐左窗口旁張二人枱。好好天的一日，店內陽光十足，自然光好舒服。當然要點呢度個名物～吉列牛定食啦，旁邊有醬汁、涼菜等，個賣相幾靚，仲好和風添。份吉列牛幾靚仔，睇見就想食啦。放上個爐到燒一燒就食得，個人覺得唔使燒咁熟，要半熟咁啲牛先正㗎。個餐附上的白飯，軟綿綿好味。仲有麵豉湯，大大塊海帶係入面夠鮮味。朋友點的咖哩忌廉烏冬，佢不嬲都係忌廉嘅fans，鍾意到甚至買左一支忌廉吱入口食㗎，哈哈。入面係咖哩烏冬，個烏冬好彈牙好正，餸就揀左要牛肉，雖然無吉列牛咁正，但呢個牛肉都唔錯。由於佢呢個烏龍係無湯嘅，等啲忌廉漫漫溶，再混埋啲咖哩變成忌廉咖哩湯，好滑好綿，咁食法好得意呀。仲點左份小食牛油蜜糖單骨雞翼，都幾大碟喎。蜂蜜牛油好香，雞翼已經切成單骨好易食，甜甜的好味。飲品加左杯蜂蜜紅棗茶，好香紅棗味，唔算好甜喎，加左冰涼涼的好好味。加埋一呢個價錢有啲少貴嘅，但真係好好味。

差唔多成年無黎呢間旺角既吉列牛忌廉烏冬專門店，即管黎食個lunch試下有無進步到。呢度餐牌除左招牌菜式吉列牛同忌廉烏冬之外，都有釜飯，Shabu-Shabu，冷麵，炒飯，韓式牛肉飯，主食，小食，沙律，亦都有午餐，套餐，同各樣飲品。吉列牛定食 $148 另加一吉列牛係必食之選。除左主角吉列牛之外，定食包兩款前菜，分別係一粒車厘茄切開兩半加左胡麻醬同一細磚加左胡麻醬嘅豆腐。仲跟一碗白飯，上面撒滿飯素，同一碗味噌湯。吉列牛一客13件，外皮香脆而入面嘅牛肉就三成熟左右，等你自己喺個爐仔上面烤到自己鍾意嘅熟度先入口。個人覺得完全唔燒就咁食其實仲嫩口。跟吉列牛有蒜蓉mayo同甜酸燒肉汁等你點，仲有wasabi，個人最鍾意蒜蓉mayo，因爲令到塊牛更香滑。伴碟有少量胡麻醬梛菜絲沙律。咖哩忌廉烏冬 $78 另加一招牌咖哩忌廉烏冬係另一必食之選。大碗烏冬上面滿佈白色忌廉同少少蔥花。咖哩加忌廉好滑又唔太膩，味道其實係日式咖哩既甜甜地，好好食。餐牌寫明小辣，但係我覺得基本上完全唔辣。烏冬係粗身而有少少嚼勁同勁滑，好好味。其他配料有唔少牛肉粒，都算幾腍吓。另外仲有少少西蘭花同洋蔥。我地都唔停口係咁食。最後我哋

今次過黎食吉列牛定食日式定食風格,足200克既煎牛肉套餐 係韓國已經有好多分店既品牌用上厚鐵板比大家自行燒想要既牛肉熟度,唔痴底仲溫度熱,無油煙,食完無油味牛肉用牛肩位,先包炸粉炸至1成熟再切件上,食客自己放上鐵板煎20分鐘就食得牛肉好嫩滑之餘,帶肉筋位有煙韌嘅口感套餐包埋沙律醬,豉油,芹末,配埋一齊食唔油膩仲幾特別,吉列皮好香脆定食份量相當豐富,一碗麵豉湯一個白飯,小番茄和芝麻一口豆腐食完一定大滿足Kobekyu 17/F, 726 Nathan Road, Mong Kok平均消費$150評分7/10

吉列牛忌廉烏冬專門店 (彌敦道) (旺角)旺角彌敦道726號17樓 (全層)咖喱忌廉雞肉烏冬 $78忌廉空氣感十足，稠密的泡沫泥狀，好輕身，唔會覺得膩，隱約感覺食落有極輕微嘅薯仔味(?)烏冬煙靭～份量算多～咖喱類似即食包日式咖喱口味，唔辣～炸芝士薯仔年糕 $38凍，但尚算煙韌日式炸雞 $45炸衣十分硬！雞肉嚡，而且見到炸漿咁深顏色，想像到係翻炸又翻炸過🙈舖忌廉在面層的烏冬都算幾少有～可以帶未食過嘅朋友去試一次～～

一向鍾意食牛排，比我發現牛排原來有另一食法，就係吉列牛排，所以就去試一試。黎到一定唔使諗就叫吉列牛定食，個定食都有前菜，麵豉湯同飯，主角嘅吉列牛排都唔算太薄，外面炸到脆卜卜，入面仲係生，再放上陶爐上面煎一煎，生熟程度可以自己調教，我自己鍾意食生少少，所以煎一煎就可以食，牛肉咬落好淋，脂肪分佈均勻，都唔錯。咖喱忌廉牛肉烏東，上面嘅忌廉非常滑，而入面嘅咖喱烏東有好濃嘅咖喱味，d汁掛晒喺烏東上面，好滑。Kobekyu 牛油蜜糖單骨雞翼，雞翼煎到塊皮有少少脆脆地，加埋d牛油蜜糖汁，好惹味。Passion Punch，有好香嘅熱情果嘅香味，加埋有汽嘅梳打，好解渴。蜂蜜菊花蜜，雖然係蜜糖，但唔會過甜，加埋好香嘅菊花，清熱一流。

收工過黎MK搵fd子食飯，俾我搵倒呢間餐廳MK都有分店，之前試過cwb分店令到我念念不忘，忍唔住想再食多次。 吉列牛定食（推介）呢個吉列牛係佢地嘅signature dish，係自己燒嘅牛肉，一set定食有湯、豆腐、沙律、飯、醬汁，牛本身有吉列炸皮，令到個邊好香脆，燒熟左之後配上白飯，味道香口，無油膩感。咖哩忌廉烏冬（推介）唔好睇佢面頭成舊cream，其實佢口感似蛋白泡泡，幾light。烏冬布咖哩味，我認為咖哩味好出，夠濃得黎唔會太咸，而且入面仲有好多牛肉同配菜，好豐富。 Kobekyu牛油蜜糖單骨雞翼雞翼拆左做單骨，食起上黎比較方便，牛油蜜糖醬汁好有韓國嘅感覺，上面仲有少少芝麻，充滿韓風。 飲品：蜂蜜菊花蜜、Citrus OceanCitrus Ocean係清新嘅薄荷加埋酸酸甜甜嘅味道，好fresh，好開胃嘅感覺。 菊花蜜好清香，兩個飲品都好夾今日嘅野食，好refreshing。

🍜kobekyu 吉列牛忌廉烏冬專門店又去旺角找吃，這家上次去吃已經好年多前了，之前媽咪問過什麼是吉列牛，我說太難形容，所以直接帶去吃吃看就會懂。🍜咖哩忌廉烏冬上桌時我媽傻眼了，應該是因為白色一碗，壓根看不出是什麼來著吧？味道在水準內，不過烏冬我個人偏好彈牙的，這個是比較軟，牛燉得不錯不柴。🐂吉列牛我很久前就吃過，去台中時也有吃過吃家比較有名，所以就覺得..還好，米飯不夠粒粒分明。🐔kobekyu滋味單骨雞單骨雞的好處就是方便吃，味道也不錯🐂蒜片牛吞芯....這個是比較失望，份量少的可憐，不太建議點。🫓南瓜薯餅雖然明知都是冷凍的，但還算炸得不錯💲Hkd 200@人🏡旺角彌敦道726號17樓🏡銅鑼灣耀華街3號百樂中心22樓

這家店舖名字沒有花巧，直接了當用自己兩款招牌菜做店名，令人不其然地對這兩款招牌菜有極高期望。來得的都一定是衝着吉列牛和忌廉烏冬兩款。首先 Menu 第一頁已經有套餐，一份吉列牛 + 一份忌廉烏冬 + 兩杯汽水要 $246；好奇望望散叫價錢：一份吉列牛 + 一份忌廉烏冬只需 $226，即套餐中兩杯汽水索價 $20。套餐價錢沒有便宜到，感覺有點小家。店家採用 QR code 自助下單，店員帶位後就放下 Menu、熱水和 QR code ；食完後要自己出去付款，整個感覺都是茶餐廳半自助形式，但是餐廳卻收取10％服務費，這樣有點講不過去。咖哩忌廉牛肉烏冬味道正常，說穿了咖哩和烏冬這個配搭根本不會不好味。牛肉份量合理，內裏有少許配菜如菇、洋蔥、西蘭花等豐富口感。然而忌廉味道沒有十分特出，也沒有令到咖喱味道層次更豐富。可能忌廉的唯一用途是防止底下的咖喱烏冬冷掉吧？整體來說這是好味的，但試過一次打過卡就好。餐廳另一主打吉列牛，上菜的時候我整個傻眼！可能因為碟子太大，更顯得牛肉份量超少的！旁邊的椰菜更是可憐的一佗……牛肉味道十分普通，肉質普通，無論份量和味道都對不住 $148 這個價錢（還要加一！）。

服務質素同食物質素都欠佳叫左個吉列牛set 同 牛既黑糯米炒飯個吉列牛平係冇其冇咩特別 不過不失係需要好多耐性去燒熟佢 因為個火都幾細隨此之外都冇乜嘢但係個炒飯先係大問題一開始黎到個炒飯完全係唔熱既咁你唔會expect一個炒飯係凍嫁嗎之後問啲staff啦, 我估佢係新來或者炒散問佢個飯應該凍定熱嘅,佢竟然答我係而家咁樣㗎,而家咁樣即係咩意思,唔凍唔熱係正常嘅? 問咗一陣佢話甘係正常,係唔凍唔熱. 跟住佢搞唔掂換咗第二個Staff過黎,我再問應該係凍定熱, 佢話係熱嘅, 跟住我咪同佢講話一啲都唔熱囉,跟住佢話換個個俾我, 咁我都覺得合理嘅佢解決問題咪算囉都冇嘢. 然後過一陣佢俾返個飯我啦, 個飯係炒返熱我啱啱食剩個個,問我點解知？因為頭先我夾走晒面頭啲菜放埋一邊,啲菜又黃睇落又污糟冇打算食. 佢呢碗新嘅都係冇菜既. 咁我都覺得算嘅你幫我炒返熱咪算囉, 但係除咗啲飯係熱嘅,其他配菜都係凍嘅……然後極多油.最後我都懶得叫佢, 佢都唔會解決到問題總括嚟講呢餐飯完全係搞唔掂,食完成肚都係油, 而家個喉嚨超乾同有啲頭痛

旺角好多間美味食肆，今日揀呢間Kobekyu好有特色，咖喱忌廉烏冬（牛肉）如雪忌廉呈螺旋狀鋪滿，忌廉下面係濃郁咖喱香味，粗烏冬好Q彈，拌勻後，烏冬掛汁微辣咖喱同馥郁忌廉互相平衡，一點都唔會膩，讓人欲罷不能。吉列牛定食：牛肉外皮炸好，生肉放在迷你石上烤，生熟度自己控制，烤好啲肉炸皮薄而香脆，肉汁豐腴，再配上自家制甜豉油或有濃香wasabi嘅沙律醬，惹味十足！甜辣醬單骨雞翼：雞翼香脆可口，且單骨好方便食，甜甜辣辣嘅好味。雞軟骨餃子：餃子炸得金黃色，食落去「咔咔」聲好有趣。骨付豬肉腸：有骨好方便拿，豬肉腸唔會太鹹，且香口多汁。

一直都對小型鐵板牛好有興趣, 好似唔多油又好香咁, 一於就試下呢間, 係旺角既樓上餐廳餐廳都好多人食，但座位絕對唔迫，都坐得好舒服，小文青地點，同Friend黎都正~吉列牛定食 套餐牛肉外脆內鮮，皮炸得好靚，所以都唔洗用好多時間去煮, 一咬入去D肉質腍熟，唔會有根，而且肉味口感十分豐富!定食仲有日式御飯, 少量前菜, 味噌湯超好飲! 呢個套餐一人剛好, 好惹味!香辣忌廉雞肉炒麵一睇佢白雪雪, 點知食落辣味香濃, 忌廉泡沫打得十分綿密，又辣又Creamy, 口感同味覺都一流! 而且炒麵麵底好彈牙，正!單骨雞翼炸粉十分香濃，一咬落去，雞翼肉都好正!!! 食到唔停口~飲品Passion Fruit: 好清香, 唔會太甜, 陣陣熱帶水果味, 又有D菠蘿香!Citrus Ocean: 爽! 食到辣辣地既時候飲, 酸酸地又有汽, 正!

食過一次就會愛上的吉列牛忌廉烏冬專門店， 今次到旺角分店， 位於旺角彌敦道726號17樓，店內近窗邊位置有自然光滲入非常舒適。 今次午餐點吉列牛定食$148， 還有咖哩忌廉烏冬$78 和牛油蜜糖單骨雞翼$65、 韓國蜂蜜紅棗茶$28、Passion Punch$38。⭕咖哩忌廉烏冬🍜 ～ 厚厚的一層白滑忌廉， 裏面有煙韌彈牙的烏冬，加上菇和牛肉，咖哩味香濃。⭕吉列牛定食🍱～ 餐廳提供迷你鐵板火爐讓客人可以按照自己喜歡的生熟度來烹調吉列牛， 大約每邊八至十秒已經做出香濃美味的牛肉， 外脆內嫩的口感，配上沙律醬和芥末吃更加滋味。⭕牛油蜜糖單骨雞翼🍖 ～ 雞翼香脆可口， 濃郁的牛油味和微甜的蜂蜜，美味的小食。⭕Passion Punch🍹～ 清香的熱情果， 夏日炎炎之選。⭕韓國蜂蜜紅棗茶🥤～ 香甜滋潤的蜂蜜紅棗茶， 好適合女士們飲用。每次到餐廳必點吉列牛和忌廉烏冬， 兩者都好味。

一入門口嘅服務員只講咗一句：「求其一張兩人枱」之後就走咗，諗咗幾秒先知佢同我哋講味道係好味嘅，忌廉好香，配微微辣味嘅烏冬，再加上非常林同牛肉味重嘅牛肉，口感非常特別。吉烈牛都好好味，外脆內軟，牛味都好濃郁，稍有不足係塊塗滿油嘅石板由入去已經係每一張枱上，衛生上感覺麻麻。本來食完仲想叫個甜品或者嘢飲，一時唔記得之前係用QR CODE落單，叫咗個waitress落單，點知佢指一指張紙就走咗。其實可以講多一兩句，服務態度好少少，況且個waitress 走開之後其實都係返返收銀位玩指甲，又唔係特別忙