吉列牛忌廉烏冬專門店 (彌敦道) (已結業)

與友人接近兩年無見了，雖然平常都有通訊，始終都係見面好嘅，由於友人先生飲食好健康，煎炸嘢都唔陪友人食，咁呢個任務就交比我啦😂友人希望回憶下以往日本嘅美食，咁我地就去左食吉列牛啦一人一個吉列牛定食，薄薄一片片嘅牛，嫩滑好味，外脆內軟，食嘢又食得慢又掛住講嘢嘅我成日一係唔夠嘢食，一係就啲嘢食凍晒，食吉列牛就唔怕啦，因為有爐可以加熱及加熟，可以大大滿足唔同人對牛生熟程度嘅需求唔好諗住薄薄一片唔夠食呀，份量好足呀，落單時唔記得叫少飯😂🤣吉列牛吉列豬真係要唔同時候交叉咁食下先得🤤

記得第一次食係韓國，去唔到旅行又掛住韓國既你可以試下依間係香港開了一段時間既韓國過江龍餐廳✨ 餐廳環境寛闊，有唔少座位，窗邊既卡位空間較寛闊舒適，仲可以望到街景。主打吉列牛及咖喱忌廉烏冬，仲提供多款日韓主食、小食及飲品～✨Set 2✧ 吉列牛定食 +咖喱忌廉烏冬或香辣忌廉雞肉炒麵+汽水x2 ✧❀ 吉列牛定食 🐮招牌菜式✨吉列牛份量都算多，上枱時見到吉列牛好粉嫩，可以自行係石燒爐燒，控制生熟度。吉列牛炸皮薄，外脆內嫩，蘸上旁邊既豉油、芥末或者wasabi沙律醬食更惹味。定食仲包埋凍胡麻豆腐、車厘茄、湯及飯，飯上面仲加了飯素呢～❀ 咖喱忌廉烏冬 🍜依款烏冬可揀雞肉或牛肉，今次叫左雞肉。咖喱微辣，唔太食到辣既都可以食到～烏冬食落都幾彈牙，加埋忌廉令烏冬更creamy，口感好滑溜。雖然整碗有滿滿既忌廉，但食落又唔會太膩。烏冬入面除左雞肉，仲有洋蔥及菇，口感豐富❀ 紫薯latte 🍠 (跟餐+$25)紫薯味好香，會食到少少紫薯蓉，質地唔會太稠身，甜度適中❀ Citrus Ocean🍹 (跟餐+$18)漸變藍色賣相好吸睛😍 依杯係柚子味梳打，柚子味香濃，杯底仲有柚子肉，加了少少薄荷令味道更清新❀

今日約咗朋友去旺角，就揀咗去吉列牛忌廉烏冬專門店食lunch^^當然顧名思義要order返吉列牛同埋忌廉烏冬。我哋揀咗咖哩牛肉忌廉烏冬吉列牛定食，小食要咗牛油蜜糖單骨雞翼，飲品有韓國蜂蜜紅棗茶同埋Rose Gerden。咖哩忌廉烏冬好creamy，烏冬亦都好滑，索曬咖哩同忌廉味原來可以好夾，牛肉又好食，果然係招牌菜。吉列牛定食有前菜，豆腐、蕃茄及麵豉湯，配埋主角吉列牛真係冇得輸，牛柳外脆內軟 ，自己石燒，可以控制喜愛的生熟程度，啱曬鍾意食牛嘅我。蜜糖單骨雞翼就好方便，而且用咗韓國特製醃料做，分外惹味。兩杯飲品亦同樣出色，可以打卡亦十分解渴，有機會一定要嚟再食。

平日夜晚都幾多人食，最好嚟之前電話book左位先～1️⃣吉烈牛定食 $148🤍4/5🌩切好一件件牛俾你自己燒，確保每一舊都係啱啱燒好熱辣辣咁放入口⭐️⭐️🌩牛肉份量幾多，比起”秘”呢間切得偏厚，不過唔會好厚實好韌✨肉質好腍有肉汁，配上吉列糠碎更有層次感😋🌩白飯上配搭飯素，就咁食飯都唔單調🤣🌩定食有埋麵豉湯同小食豆腐蕃茄，小食份量有啲少，味道不過不失😃Ps 如果唔大食嘅又想同friend夾可以叫一份吉列牛定食再加一份淨吉列牛會花算啲🤣2️⃣ 忌廉咖喱烏冬 $78🤍4/5🌩咖喱烏冬上邊鋪住一層厚厚嘅忌廉，望落去超級邪惡🤣不過食落又唔會覺得好膩✨反而忌廉嗰種creamy同奶香好match咖喱烏冬😍🌩雞肉份量都唔少，每舊大小易入口，而且肉質嫩滑👍🏼🌩咖喱係我愛嘅甜咖喱😋唯一可惜嘅係咖喱味唔夠突出，有少少被忌廉搶左💦

今晚接完朋友收工就同佢去咗旺角食晚餐，相信呢間大家都或多或少聽過。我哋嗌咗一個吉列牛定食，佢有一大舊炸嘅牛排，食前可以放上石板上面燒，熟度可以自己選擇，燒完之後牛肉肉汁仍然保留，定食有幾款小食例如有豆腐，白飯上面有飯素，配埋麵豉湯。我哋仲有個香辣忌廉雞肉炒麵，一上菜就覺得非常邪惡，個香辣醬炒個麵真係冇得輸，非常惹味，溝埋忌廉原來都幾夾，一個定食兩個人食其實已經好夠。不過我哋仲有叫kobekyu秘製蛋卷，蛋卷有個特別嘅醬，係一個芥末沙律醬，用嚟點蛋卷就唔會怕膩。

去唔到日本, 唯有喺香港食吓日本嘢解解饞🥲 去咗旺角呢間好出名嘅吉列牛, 之前都食過1次, 突然好想食, 就拉埋friend去😂叫咗最出名嘅吉列牛($148), 上枱果又陣未係全熟, 全已再燒返熱佢, 成個過程好正😍食落好濃牛味tim!另外仲叫咗咖哩忌廉烏冬($78), 都係另一個classic菜. 因為朋友唔食太多cream, 所以叫咗小忌廉. 食落去真係好夾, 咖哩同埋忌廉味都出到嚟😌仲有叫咗2杯drinks-Overall: 水準ok, 食7點都90% full house, 建議先訂座🤔

吉列牛牛好耐冇食。其實香港都唔多店有吉列牛牛，鍾意佢有鐵板，然後可以自己慢慢燒。佢配飯、前菜等等，。午市吉列牛定食只需$148，都幾抵食！另外叫咗咖喱忌廉烏冬配雞肉$78，忌廉溝咖喱味道好香好滑。咖喱唔會好辣，味道都唔錯！小食叫咗牛油蜜糖單舊骨雞翼$65，面上好多蜜糖，可以自己加檸檬汁。雞翼單骨容易食。飲品叫咗Rose Garden $38、少冰少甜，啱啱好。粉紅色好靚。蜂蜜菊花蜜，蜂蜜味幾香凍飲唔錯。

餐廳好細，枱與枱之間冇距離，靠窗全是6人卡位，我和朋友2人星期六晚上7:00到達時全部冇人坐，因為所有2人既迫埋一齊坐中間，寧願全部排排坐都唔會開放比其他人坐疏啲隔遠啲，好似好有寶咁。最差是冇抽風系統，一出lift已經勁大油煙，而當所有人迫埋一齊坐中間兼一齊燒牛肉，大家可以想象啲油煙有幾大。限食75分鐘，我和朋友拿拿聲食完40分鐘後埋單，離開時全身頭髮衣服連袋充滿油煙味，衰過去BBQ。食物非常一般，實物同相差好遠，一定唔會再幫襯。

今日同朋友去旺角度行街，上網見到依間餐廳評價好高，之前食過銅鑼灣分店，今次想過嚟試吓新野食，估唔到質素都係一樣咁好，完全冇令我失望😚💕講返地理位置先，餐廳喺旺角B出口，行一陣就到，平時行街過嚟都超方便，而且呢度價錢勁平，我哋過嚟食晏晝，每個餐平均都只係幾十蚊👍🏻性價比極高，而且嘢食種類多元化我哋第一次叫下吉列牛滋味單骨雞翼離到嘅時候，估唔到咁大碟，有好多隻，而且味道食落去勁香脆可口，有少少似避風塘嘅味道，外層炸到好香好脆另外離到梗係要食忌廉咖喱烏冬每次嚟到都必食！濃濃既忌廉底下有濃郁嘅咖喱烏冬，口感好豐富另外必食呢度嘅吉列牛套餐吉列牛肉質鮮嫩，外層有一層炸過嘅脆皮，裏面嘅牛肉肉質鮮嫩，非常高質另外依個餐仲有麵豉湯、飯，仲有好多醬汁可以點住食😆

呢度本應係食📍忌廉牛烏冬，可惜.......搵匀成個menu…..都好似冇~📍咖喱牛肋肉飯配蒲燒鰻魚個咖喱唔似日式....好似加咗忌廉，可能係韓式啦😅 唔算辣，係正常嘅味道啦～個牛肋肉都ok 嘅，算燘得幾入味，唔算硬📍流心蛋鰻魚炒飯全碗得3嚿仔鰻魚... 流心蛋ok！ 唔可以走洋葱同葱😰📍日式芝士年糕正常的，粉略嫌少少厚，但算比較好味*服務= 0自己用QR code 落單都算，用熱水壺斟水，開咗個蓋，倒水時見到啲熱水向自己湧過來，好驚驚......

今日黎試下呢間超人氣既餐廳，吉列牛忌廉專門店先。去到都要等左一陣先有位，建議大家可以提早預約左枱先。我地一行二人，但由於三人餐好似望落飽肚又抵食，我地就叫左個3人餐。點餐係佢會比個qr code你落單，十分方便。吉列牛係炸好左外面，再自己放上石板上面燒，感覺新奇，有種參與感係入面。忌廉咖喱烏冬上面鋪滿左厚厚一層忌廉，撈勻後同咖喱毫無遺和感，十分好味另外個飯就比較偏硬，最後試左幾出啖就比左男朋友食，但味道係好食的。

一上到去就聞到好香嘅燒肉味道之後好快就可以坐底叫野食我之後叫咗個定食同埋一個味增蟹蓋配紫菜飯團吉列牛肉用炸粉炸到外表金黃之後放上石板再燒一燒口感好似棉花糖一樣味珍蟹蓋紫菜飯團蟹肉酸甜夠晒濃郁再配合埋個飯團仔一流

話說之前小編已經食過一次呢間鋪頭 今次帶埋另一個小編再黎食過😂不過今次小編係衝住佢既烏冬而黎 因為小編既烏冬癮發作🙈兩個女仔都食得幾多野下 我地叫左一個吉列牛定食🍱忌廉咖喱烏冬 kobekyu牛油蜜糖🍯單骨雞翼🐤同牛舌👅吉列牛定食🍱$148除咗有主食吉列牛🐮同飯🍚之外 仲配有胡麻醬嘅蕃茄🍅同豆腐 麵豉湯 吉列牛嘅份量都幾多 而且仲可以自己燒 你想食幾成熟都得😃由於佢係吉列牛 所以我地燒到五成熟 甘就可以有外層脆脆 而肉嫩嘅感覺 牛肉嘅味道都幾濃郁🤤 食落有肉汁 不錯👍🏻忌廉咖喱烏冬🍲$78佢有得揀牛肉或者雞肉 本來我哋揀咗雞肉🐔因為諗住已經有吉列牛定食但點知佢嚟錯咗俾咗牛肉烏冬 小編唔想煩於是就冇改 好彩總算冇失望😝佢嘅牛肉味俾吉列牛嘅牛肉味更加濃 面頭鋪上一層厚厚嘅忌廉 白雪雪甘 忌廉溝咖喱 味道非常夾👍🏼雖然佢有好多忌廉但係食落唔會漏 只係想一啖又一啖繼續食😙 拎黎送飯一流😍kobekyu牛油蜜糖單骨雞翼$65小編係一個雞控🤪所以去邊食嘢都好想食雞嘅食物 雞翼雞髀雞肉等等 但呢個小食相對失色左d 雖然佢份量多 佢嘅味道都唔錯嘅但只在於雞翼表面 簡單啲來講即係唔夠入味😅蒜片牛舌芯$5

呢間吉列牛忌廉烏冬專門店絕對係賣飛佛之一😍位於彌敦道726 位置方便 而且絕對平靚正◾吉列牛定食吉列牛輕輕喺熱石上煎兩下就食得 好香💕而且仲有兩款醬汁比你調味 特別喜歡帶有少少wasabi味嗰個◽咖哩雞肉忌廉烏冬忌廉好輕盈 一啲都唔膩 咖哩夠香濃 而且烏冬都算彈牙◾Kobekyu滋味單骨雞翼少少辣 好惹味 單骨食起嚟好方便◽炸芝士薯仔年糕入囗煙煙韌韌 仲有流心芝士喺入面 邪惡得嚟超滿足咁多野食 兩個人加埋都係三百幾蚊 好抵食

#去到邊食到邊系列 #旺角食咩好 ___🌟咖哩忌廉烏冬 (牛🐮/雞🐔) $78突然心血來潮想食咖哩烏冬，之前係CWB食過一次好食，就今次試下旺角今次揀左雞肉食，入面仲有啲洋蔥和西蘭花🥦，有一層好厚既忌廉，食落唔膩，減少左罪惡感不過略嫌冇咩味😩，比較淡同埋感覺唔太rich，但咖哩既香濃都加返唔少分，分量都好多，食完好夠飽🤣_______🌟 吉列牛定食 $148🐮餐廳必食推介，餐廳上牛肉個陣都係生的，要自己放係熱石板上面燒熟，肉質就較為韌，勝在牛肉味重搭夠成個定食仲有小食、麵豉湯、同飯素白飯🍚，份量就少左啲，牛肉都比較細男仔就未必夠食😣😣_______🌟Kobekyu滋味單骨雞翼 $65🐔超多芝士粉係上面，香濃香辣🌶️，單骨好方便食，有10隻，即係有5隻雞翼，都推薦大家試下！_____總結黎講，呢個價錢都抵食，但唔好抱住朝聖既心態黎，簡單食一餐夜晚都ok~呢幢726號本身都好多好野食，下次再介紹俾大家~唔知大家有冇另一間吉列牛推介呢🤔________#吉列牛 #忌廉烏冬 #旺角 #單骨雞翼 #旺角夜晚食咩好 #726號 #咖哩烏冬吉列牛忌廉烏冬專門店 (彌敦道) (旺角)旺角彌敦道726號1