合利潮洲粉麵

營業中

休息中

今次介紹俾大家係一碗十分美味嘅潮州粉..我食嘅係豬肉丸米,其實好食嘅係d湯,因為味道好重,有好大陣魚露味,不過有樣缺點,係味精好重..我依然推介係因為我唔怕味精,只怕無味,所以食前要有心理準備,唔係會口渴死!辣椒油勁辣,少少已經噴火!但都係嗰句..啱哂我!

喺新蒲崗讀左5年書,呢間粉面真係"賣非罰"!f.1食到f.5,最愛係佢啲墨丸河,啲墨丸第度食唔到,即使係自稱墨丸大王都唔夠呢度好味,幾年前都60 or 70幾蚊斤架,仲有就係潮式配料""炸蒜頭粒"",總要落2"gun"至夠喉,再加幾滴辣油就perfect!!!畢業後都有特登返去食架,而加諗起都想食呀,本人誠意推介!!

小時候婆婆住黃大仙一帶，亞媽或者親戚都會帶我到此﹗如今家在黃大仙，間中都會食來到食碗雙丸河﹗味道真的不錯，跟其他地方既雙丸河既味道完全不同﹗不過食完會口渴，落味精比較重手一點﹗但係，間中食碗仍然唔錯﹗

十幾年前住係大磡村個時已經幫襯佢，鍾意食佢啲墨丸河，同埋加辣椒油。後尾搬走咗，有時都會諗起想食，但好唔就腳。直到前二個月轉咗工到新蒲崗。第一次番去都有啲擔心十年人事幾番新，唔係怕佢執咗，而係怕轉咗味。入到去坐低，咁，依然係細細碟辣椒油，墨丸河都同我記憶中一模一樣。不同是我已係社會大學輾轉多年，當年都唔會係中午咁多人時候來食。記得當年一碗墨丸河都係15元，坐係度一路食一路見到老細係度炸辣椒油，好辣但都好香。唔係好食得辣既我都忍唔住加晒一碟仔既辣椒油落碗河粉度，一路食一路流鼻水，辣得好過癮......而家加咗南乳豬手

食左10幾年...真係由細食到大...我最鐘意係食辣椒油,夠辣!haha....慢慢食多d,你會發現...老闆煮出來的麵是淋少少，老闆娘煮出來的麵是硬少少...不過我個人覺得都好食!湯底都好正...用豬骨熬出來....飲完唔會口渴，證明是無咩味精，真材實料...有d鋪頭係好平就食到一碗粉，但係d湯底好味精....老實講，合利的價錢比同類型的是貴少少....老闆娘話唔係人減佢又減..佢要質素！平無用，d野唔好食，留唔住人~所以好多客就算搬到好遠都特登開車出來食...

又是一間我由細食到大的食店,記得細個時記得肥佬老細著住件背心(好似陳冠希在MTV台成日著住個件),一條冷嚮度淥淥淥,令外加多一個顆記執台落單,忙到不翼樂乎,舊時得一間舖,到現在兩間舖打通來造,唔只得一個顆記,可能就係潮州人刻苦耐勞的性格的成功之路.它的墨魚丸墨鬢最為出色,我覺得在新蒲崗那麼多麵檔,無一間及得佢.還有它的米粉非常爽口,不會太淋或太硬,記得要加多些炸了的蒜及荵,但要診熱食,浸耐了神仙都幫你唔到.再要一碟炸魚皮,浸落湯度令它表面軟軟地,內裏還硬的,咬它一口不會立刻粉碎,還有一D「in un」口感.現在肥佬老細無以前咁肥,有時還會向度淥淥淥,但還有他的另一半陪他淥淥淥

我近呢兩個星期都有係到食午餐, 幾好食.....雖然環境一般.....普通茶餐廳......但係好抵食...$20位...包湯, a-e 俾你選一款main course, 重有一杯熱飲...湯...每日唔同.main course...always 有牛排&火腿飯or意熱奶茶&熱鴛鴦.....最正!最好1:15pm 前入座...如果唔係.. 就要等位......

推介食品:1. 墨丸河加紫菜加辣椒油- 墨丸新鮮彈牙! 必食2. 炸魚皮- 新鮮香脆細個住新蒲崗, 全家都食佢!

呢度地方唔大，只係睇舖面會覺得好普通，可能你都唔會入去。但此粉麵舖實為新蒲崗三大粉麵之一。呢度o既牛系列只係普普通通，但油菜好食，豬肉丸、墨丸則好好食。由於係潮洲人主理，潮洲四寶係難得o既好食，可以一試。麵底以河粉最佳，雲吞麵亦係香港僅存o既風味，手製的。咁點解會咁出名咁多人幫襯呢？因為呢度鎮店之寶o既辣椒醬，日日新鮮整而限量配給ga~唔少人駕車o黎呢度都係為o左呢少少o既辣椒醬價錢都一般，唔太貴，粉麵約15-20蚊。加紫菜可以使之更好食，口感更佳~而煮o既師傅有幾個，當中肥佬男人手勢最好~建議大家買呢度o既辣椒醬返屋企看門口~因為真係超正~同埋呢度o既豬肉丸、魚皮餃，買返屋企作打邊爐之用亦為一絕，食過你一定會再買~~鍾意辣椒醬o既人，應該一定會鍾意合利~