合利潮洲粉麵

營業中

休息中

本來想去試成記，特登搭車過去。點知去到成9:30 時，佢貼出休息一天。由於做完野未食飯，所以求其搵間食算。見到附近有呢檔合利潮州粉麵就試下。牛筋幾夠稔。牛腩帶少少肥膏，所以唔太柴，都有少少牛味。河粉略嫌厚身同唔算滑，飽肚角度可以但食感就差少少。腩河嘅湯普通，冇乜特別。阿姐有問要不要辣椒油，原來枱上冇得自己加。可能因為辣椒油係店的主打之一，有得買樽裝，所以只會俾少少。圖中那碟就是我得到的。老實講，如果好味想人買，可以俾多少少，等食客可以試真些少啦。味道不算太特別，但這價錢都唔可以要求太多了。

從小就住在這家店附近，還記得以前放學就會和好朋友一齊黎食銀針粉，真的是由細食到大，不知道是不是媽媽是潮州人的關係，所以自小便很喜歡吃銀針粉，而我每次都會點這個墨魚鬚墨丸銀針粉，它的墨魚丸非常有墨魚味，不像方間過多麵粉，還會有墨魚粒的口感在裡面，而墨魚鬚也是非常彈牙，湯底清淡得黎又唔會無味，完全不是味精湯的感覺，我個人認為重點是辣椒油，加在湯裡整個味道更加分，現在每次想不到要吃什麼，都會落街買一碗來食

仲記得以前屋企人係會特登駕車入來食合利，今日難得係九龍做野，梗係黎呢間食！同以往一樣，我都係點左豬肉丸銀針粉。細個既時候揀呢一個組合食係因為覺得全程唔洗用筷子係一件非常方便既事，漸漸地每次來既時候都係點呢個銀針粉。一坐低，未點餐時職員已經放低左辣椒油係枱面，隔左10分鐘左右，食物就來到，D蔥花係直接放係匙羹上面，想落幾多，就視乎番自己既口味。豬肉丸係爽口，銀針粉就正正常常，加左辣椒油之後個湯變得有味，整體來講都OK！

認識依間粉麵鋪都係因為花先生！以前好夜先食飯就會來，每次都係花先生帶我來的。我倆都鍾情魚蛋河/米，有魚蛋，魚片同扭紋魚蛋。三款都夠爽口彈牙，有魚味唔係一團粉！湯底清甜，雖然我唔敢講無味精，但至少食完唔駛飲好多杯水！辣椒油係精髓呀！花師奶唔食得辣，用筷子尖沾兩滴，成碗米粉既味道即刻提升呀！花先生就話依度既辣椒油夠香、夠辣、夠惹味！雖然附近開左好多新餐廳，但每次黎依區都會去食！銀針粉同墨魚鬚都好好味的！

用匙食就得, 方便丫~辣油香得黎 超級辣~ 細細一碟 夠曬!!!有時真係忍唔住加幾滴, 會成個咀熱曬... XD每次必叫豬肉丸銀針粉~全走 淨係要多冬菜~ (YumYumYum!!!)btw, 墨魚 so 我覺得都 ok 嘅, 有時會叫, 但唔多時會叫, 因為雙拼大碗盤咗, 我食唔曬~唔捨得唔叫彈牙有肉汁嘅豬肉丸丫麻~豬肉丸真係幾好~所以朋友們都會叫呀!唔好叫菜 唔好叫菜 真係千其唔好叫菜!!!呢度嘅菜真係咩菜都伏!!!佢份量係好 ok, 係但渣筋多到不得鳥~ 多年如是... 每次同新朋友黎, 大家都會堅持叫菜...(為支持多菜嘅朋友, 咁我梗係夾一條食下, cfm 佢係 quality 持續唔 arm 口味咁囉... )btw, 近幾次食完 都 比以前口渴呀, 點解會咁架~ T^T

賣簡簡單單既粉麵,但係簡單既野係要有一份堅持,先可以一直保持水準!尼間店伴我成長,細細個麻媽就帶我黎食,麻媽鍾意食麵加辣椒油,佢既辣椒油係自己炒既,辣椒油辣得黎有陣陣香味,因為我食過其他店既辣椒油,試過有幾間啲辣椒油辣得黎有陣油益味,小店自家制既辣椒油真係頂呱呱,每次落單後"遮遮"都問要唔要辣椒油,我即時答: 要呀!(個心暗叫,好想要,大羹啲呀!!!)而今次叫左碗豬肉丸銀針粉走葱走蒜(要冬菜),本身佢既豬肉丸已經好好味,加埋冬菜就可以吊起啲肉味,即刻提鮮,再蘸多少少辣椒油,真係超好味!!!(佢既豬肉丸真係有肉味,唔係麵粉丸,良心小店!)1碗份量對於我黎講係啱啱好~而男仕應該加多幾個餸就夠飽!

每次來都是點同樣的，就墨魚鬚魚角銀針粉。我個人太喜歡吃銀針粉(狗仔粉)，但坊間實在太少選擇。墨魚鬚新鮮爽脆帶鮮味，但份量不算多，而魚角彈牙有魚味。如果你嗜辣，請記得要碟辣油 (枱面沒有的)!!! 合利的辣油比主菜粉麵更出色、比大角咀英記更惹味(英記辣油已經不香不辣了其實)，墨魚鬚和魚角沾少許辣油更能帶出味道最後我習慣會將辣油和紅醋加入粉麵，每啖銀針粉就更加好味，而湯西洋菜都是難得的選擇，胃口大的不妨一試，所以我每次經過新蒲崗都會忍不住幫襯。

合利的墨魚丸是𦬊𦬊的最愛。從前理工上課時，下課後很愛吃漆咸道的雞記，獨愛他們的炸墨魚丸，但他們搬店易手後，水準大不如前，已再沒有光顧。合利的墨魚丸有鮮墨魚鬚粒，口感有層次，很鮮味又不會太韌，而且墨魚味鮮， 不少人專程來買生料做火鍋。墨魚鬚則軟嫩鮮香，湯頭鮮甜可口，配搭河粉米粉更易盡吸湯頭的美味精華，很好吃！家製魚皮餃也是不容錯過的美味選擇。自家製魚皮餃的肉餡料新鮮，亦非其他粉麵店用平常來貨可媲美的。除一般粉麵外，合利更有特別如銀針粉以供選擇。油菜選擇亦廣，一般也有三至四款，其中西洋菜是一絕，也是我必點之選。自家辣椒油，非常足料香口，辣味濃郁惹味，也是不容錯過的賣點。

兒時至愛。每次經都食。魚三味銀針粉。我好鐘意佢有銀針粉食。好少粉麵鋪有。湯底清清地 唔太咸。魚三味有魚蛋 魚片 扭紋魚片同魚皮餃。魚蛋魚片比起以前其實冇咁彈牙 但魚味依然濃。魚皮餃好食 個皮煙韌 舊餡夠滑。辣椒油必食 超香 又夠辣。👍🏻

很久沒有幫襯，昨天下午茶時間去光顧，門外攢地大工程，風沙滾滾，大門沒做阻隔措施，工程聲浪亦大到聽不到的說話。 今次叫了個墨鬚魚蛋腩河，加碟炸魚皮。魚皮仍保持水準，皮薄香口辣椒油仍然又香微辣但到碗粉，牛腩意外地好食，有筋位，味道甘香，墨鬚新鮮爽脆，但魚蛋魚片就😳😳😳😳很實很硬，無鮮味，竟然仲酸酸地😖以後不會再叫魚蛋吃

夜晚去開新蒲崗記得之前朋友介紹過呢間合利就嚟食個麵先，叫咗個四寶河、腩汁芥蘭同炸魚皮， 四寶河唔應該叫四寶應該係六寶先真，因為有魚皮餃、魚旦、魚片、雲吞、豬肉丸同墨魚丸這六寶，河粉就唔太好食，要用匙羹先容易食到， 不過佢哋個牛腩汁非常之好食，連河粉一齊食好好食， 魚旦同豬肉丸非常之爽口， 不過肉味就冇乜， 墨魚丸好好食好香墨魚味， 魚片就普通通好薄一片， 魚皮餃都係冇乜特別 不過幾好咬口， 雲吞雖然唔係好大粒但係好好食有成隻蝦喺度， 炸魚皮就好普通有大部分都係好硬放左係湯好耐都比較硬，腩汁芥蘭啲芥蘭煮到非常之淋加埋啲腩汁一齊食幾好食

今日趕時間就事但搵間鋪坐低食野。我入到去已經2點幾，冇咩人食野。我第一次食，唔知咩叫魚三寶，問下呀姐，佢好嬲甘答我仲吹我幾次落單😢我坐低5分鐘都冇😢😢。我就勁快手叫左碗魚三寶河($29)，等緊既時候 多左兩台人入黎，有台叫左同我一樣既野食，但俾佢先。我再望住廚房整魚三寶既食物，我估今次到我掛，但原來又係人地既，人地差唔多齊曬野食，我就得個望字，我見佢再出魚三寶河就追個呀姐啦，佢叫我等等，整緊追完佢先去追廚房整俾先，要我再等等等等。。。。我碗河足足等左20分鐘但佢味道唔差既魚片係爽口彈牙既，而且唔似凍肉鋪，街市果類。而魚皮餃都唔係普通凍肉鋪買果種，係彈牙，冇話好粉。但職員態度同漏單真係有問題。佢俾既辣油，超少，得幾滴係個細碟到😢😢😢

十二，三年前好鍾意嚟呢間潮州粉麵茶餐食佢嘅銀針粉，今日同個朋友專程去食多次，當然我食我至愛嘅魚角銀針粉，朋友就叫咗碗墨魚丸銀針粉，但食落已經無以前咁好味，魚角都叫幾好味，但銀針粉真係名副其實好“粉”，同埋個湯底無乜味，唯有落佢指定份量嘅辣椒油，叫做有返啲味，佢嘅辣椒油就無變，一樣好香好辣而朋友就話墨魚丸同銀針粉完全食唔到有味，加上個女職員又超級無禮貌，仲晦晦氣氣攪到朋友話我介紹錯，真係無下次了。

每次去食都只係食牛根米，因為米粉索哂d辣椒味，湯底濃，湯我覺得可以清d，我去食既原因只因為那辣椒油，但每次都得一小兜，叫佢比多d都係多一小兜。如果冇左辣椒油，沒必要去吃，但食物都ok的。

工作路經此地,見餓,就入去醫肚...食飯時間,好多人,好不容易搵到張檯搭,係就係逼啲,普通粉麵檔,係咁ga喇,又唔算特別污糟,ok啦...要咗碗雙丸河,牛丸&魚蛋,唔得,得個"實"字,無味,個湯重味精,食完好渴,不過喺街食,預咗咁...河粉都無乜要求吧...$20碗,喺呢區嚟講,唔算特別平...服務唔算太差,因為阿姐都唔得閒理你,唔好預有咩特別好就得...