合利潮洲粉麵

營業中

休息中

上次去合利，己是個多月前，但所食的仍是牛腩及牛根．該店牛腩及牛根都十分腍．而且牛味十足．配上辣椒油，真是絕配．在粉麵上加了牛腩汁，令粉麵更為美味．跟女友來食，他一食便愛上，從此常嚷著要來．

十八個笑臉,0個喊面係我嚟食既原因幫襯左一碗豬肉丸米,米粉加入芽菜,爽!湯底幾咸,不過又幾好味!辣椒油超少,不過超辣,食到成頭汗,加上正值三十幾度既天氣...都幾辛苦,因為要坐埋門口添!豬肉丸都好食,有五粒,真係好有豬肉味!睇嚟我要俾第十九個笑瞼佢!

合利由细食到大，但我已搬離SPK 所以近1年已小左去豬肉丸同墨丸最正，豬肉丸好小粉好有肉味同爽口，口感好似旺角樂園D 牛丸一樣。墨丸有幾粒墨魚肉，同樣落左好小粉打成。另外D辣椒油加D魚露黎点丸食一流。如果喜歡多D 乾蒜同葱可以自助添加。不過近年D河粉差左無以前咁滑同薄。7月合利已轉左手 , 個肥老板重有D員工都唔見哂。好做係对面間小食店頂左黎做。唔知水準会否有變呢？

今次去到新蒲崗食野,食既係合利潮洲粉麵既雙丸沾雙丸包括墨魚丸同豬肉丸,丸本身味道ok,豬肉丸比墨魚丸更優勝!碗粉最好既地方係加左芽菜,令到口感更佳更爽口!大量既冬菜,蔥同蒜椒把味道再提升!辣椒油十分好味,好辣,不過俾既份量很少,要要求店員再加,其實一小碟係唔夠架!沾米粉唔係好多地方可以食到,呢度有得食,而且配合埋佢地個夠哂味既湯底絕對係要一試再試!

同rose兩個人搵食,rose提議試吓呢度既墨魚丸,聽講幾好食!我自己嗌左一碗墨魚丸河,味道都幾咸,味精落得幾多,其實阿rose都有喺度寫食評,今次我就唔係咁認同佢既意見,不過口味個個唔同;辣椒油真係好辣,落得多過頭會頂唔順!雖然湯比較咸,但係墨魚丸都算唔錯,芽菜既選用有助提昇碗粉既口感!

上次食完,對佢都仲係念念不忘,因為佢既湯粉真係好好味!今次食左碗墨鬚占!占即係銀針粉,銀針粉係潮州野,好滑身,要用匙更食,因為用筷子夾佢會周圍走,可想而知有幾滑!味道?當然係好好好!湯水都係一貫地好味,蔥蒜落到足,想唔好食都難!

再去field site視察，來呢度食碗粉...一坐低，望見枱上嘅潮式樽裝魚露，再聽見熟客及老闆之對話，就知潮味極重...再望一望...咦...唔見有辣椒油，原來係碟仔另上。醮點試試...嘩...驚為天人，又香又夠辣，如果再醮多D食實行出晒汗都似。好耐冇食過咁刺激嘅辣油..再試一口魚露，夠鹹香。如果用佢嚟浸五花腩肉，跟住切片食用嚟送啤酒，人生一大快事...噢..掛住講醬料...粉麵水準又如何?豬肉丸呈橢圓形，夠肉味亦爽口，就算中間有溝粉都係極少；墨魚鬚新鮮彈牙，仲食到淡淡魚味；湯加入紫菜，多咗一D甜味....水準極高嘅潮式粉麵，值得推介...

落新蒲崗找朋友，他帶我到此店吃粉！佢話呢間店值得食，因為味道很好！我就叫左個紫菜雙丸米，雙丸係豬肉丸同墨魚丸，味道方面，真係幾好食，最欣賞係加左芽菜，食起上嚟爽口好多！湯底咸左少少，可以話係味道濃，都可以話係咸到令人有點口渴，但係無辦法，好味同重味有時係成正比．．．

我已經短時間之內寫左兩次,今次係第三次,真係怕比人詰我係佢地既打手.....點解要寫?因為之前兩次都係食墨丸,但係今次食完豬肉丸,發現唔寫唔得!個豬肉丸好有豬肉味,襯埋個辣椒油,真係好好食,最重要係個辣椒油夠辣,湯,豬肉丸,辣椒油,湊成左無敵鐵三角!

豬肉丸占係我今次食既野好好味既辣椒油係我朋友同我講唔可以錯過既,仲要咬開粒丸先好點,咁粒丸d肉先可以索到d辣椒油...我當然照做,但發覺...好辣,辣到我標眼水!勁!碗粉好食既地方係d湯好夠味,占米粉好滑!好好食!係水準之作!

又再到此店食粉!今次係食紫菜墨丸尖,湯底係豬骨湯,的而且磪係味精多左d,但係好鍾詫嗰種豐富既味道!又係把d墨丸點我最鍾意既辣椒油,好辣,少少條利已經痺,好正!我諗我會長期捧場!

我最鍾意既一間辣椒油,暫時係合利出品!夠辣.夠香,後者比前者更緊要,唔係一尾得個辣字就得,辣椒油要香點起墨魚丸嚟食先好食,佢就做得到!個湯好好味,味精係落得比較多,但係好食就話知佢!

墨鬚粘,好味!呢到d生菜都特別好味,重有佢自製嘅辣椒油,鍾意食辣一定要試!(記得問佢攞多碟)環境唔靚,但好乾淨!

點解會突然寫食評,就因為剛剛收到fd既email,話突然好想返去食呢.回憶一下讀書時的快樂心情.係到讀左十幾年書,一星期總會去幾日,就算而家搬左入Tuen Mun,都會間唔中返黎食. 最好食緊係肉鬍河(豬肉丸+墨魚鬍) 再加埋紫菜湯.一流.連對面間郵局摺左佢都未摺,就知佢有一班捧場客啦.

好耐冇食呢度,星期六放工同事梨食,我叫左個魷魚鬚拚魚皮餃銀針粉, 好似冇已前咁好食,不過撈埋d熟蒜加辣椒油就幾好食, 加埋盒裝檸檬茶, 埋單每人24蚊,不過天口熱食到標哂汗, 暫時都唔會梨住.