合利潮洲粉麵

營業中

休息中

已經有一段好長的日子無去合利食, 此店深得我個朋友仔阿ROSE的喜愛, 不過最近已經沒聽過佢去當再臨舊地, 吃過其出品之後, 終於知道原因, 因為退步左, 仲係唔少個隻今次食紫菜豬肉丸米, 豬肉丸記得一年前食過, 當時豬肉丸可以食到好香的豬肉味, 仲可以咬出豬肉的肉絲, 但而家呢, 已經無呢枝歌仔唱了紫菜已經變成一PET PET, 湯又變得單調, 蔥花, 蒜泥已經失去蹤影...見樓下食家的COMMENT, 原來轉了手, 食過今次之後, 可以忘記此店了

今天回歸紀念日, 可以花點時間去找些平時不會去的地方吃一些好東西.下午二時出發, 駕車去新蒲崗, 原本想去成記吃那裡自製的牛筋丸, 因為別處沒有, 要專程去, 公共交通不就腳, 駕車平時又沒泊位.今天是有泊位了, 去到又發現成記今天放假, 真氣人. 惟有去次選的合利. 聽說這老店已經易手. 水平已下降, 但也沒法.店內只有半滿, 大圓枱可以獨佔. 阿姐問要不要辣椒油, 當然要啦. 只有一小匙, 少得可憐, 但阿姐說可以加. 不過一試之下, 不香也不辣, 不加也罷!叫了牛腩撈麵, 廿八大元, 五分鐘有得食, 份量也不少, 牛腩有七八件, 很腍, 是雪貨, 鮮牛腩狂貴, 也不意外, 但是味道郤不錯, 有肥有瘦, 不痴牙.麵也很爽滑, 沒有梘水味, 可以收貨, 七分. 湯底是味精水, 沒有傳統的牛骨, 豬骨, 和大地魚味. 那賴以成名的辣椒油也很失敗.不算差, 但是沒有興趣再去, 假如不是成記放假, 其實也不會來這裡.

記得第一次去光顧這潮式粉麵店之時，對放在枱上的那一大樽魚露及一口老派潮式的口味之印象猶深。不過自相熟地膽髮型師告知店舖已轉手後，就很少再過來吃了....是日又去理髮。完事後想起了這一碗潮式粉麵，決定順步走去，吃碗東西作今天的午餐吧....枱上的魚露仍在，但舊日主理的年邁夫妻檔已不在，換來的是一對年輕的小伙子....平常吃粉麵大多會叫碟菜蔬吃吃的我，今天改一改口味，以一碗紫菜湯來代替。喝來只覺是味精水一大碗，紫菜也只是碎碎濕濕的，乏味....炸魚皮亦是小弟吃潮式粉麵時的必然百搭。這裡的炸得也夠脆，但由於屬於是"薄皮"型的關係，沒有像如龍城元合吃到的那般粗條有咬頭，所以亦不太合自己心水....重頭戲是眼前的這碗魚蛋魚皮餃河。湯色擇呈淡褐色，沒多大味道；魚蛋呈不規則形狀，沒很重胡椒香，魚味挺稀薄的，咬口亦一般，看來只是普通貨色；"白片"看上去就像一條粗粗的螺絲似的，吃落有點彈性，但同樣是魚味欠奉的；魚皮餃用筷子一夾之下便馬上五馬分屍了，餡料從軟軟的皮走了出來。皮沒帶韌勁，太差了.....果然一如所料的很不夠水準的一碗東西。看來真的可以死了心了....

阿姨住新蒲崗, 但原來佢係未去過這間叫合利的潮州粉麵, 有一次我在openrice 查到這間食店, 得到不少讚賞, 於是就同阿姨去試食我見食家推介銀針粉, 所以就叫碗豬肉丸魚扎銀針粉食, 阿姨就食一碗墨魚丸豬肉丸的雙丸米食銀針粉的質地好滑, 係滑到用筷子係夾唔到的, 要用更畢嚟食, 湯底係咸魚露, 蔥花豬骨湯, 因為加了很多份量的蒜油, 所以味道係好濃的, 食到一半已經有點口乾, 味精作怪了魚扎中間係豬肉同紅蘿蔔, 味道ok, 豬肉丸幾實淨, 爽口得嚟都幾好食, 點辣椒油食, 都唔錯味道雖好, 但落左唔少味精, 所以阿姨同我都覺得麻麻而已

看了openrice的食評去左食合利, 似乎在新蒲崗是一間都幾多人識的粉麵呢! 因為室內無位, 唯有坐出面, 環境就一般, 比較污糟 不過都係算啦, 食一碗粉, 好快就走.. 叫左一碗豬肉丸米食, 味道係潮州的風味, 因為有好大陣魚露的腥味, 豬肉丸大粒, 都幾有豬肉味, 點勁辣辣椒油食都ok! 碗米粉唔錯, 不過坐得唔舒服, 打左個折扣

很久沒有去合利吃粉了, 今次再去, 竟然變成一間睇足球的食店, 有now的頻道呢那麼是否轉了手, 味道是否不同之前了? 心中最關心的是好不好吃, 雖然自己都賭波, 有足球看對自己來說是credit合利可愛之處係有粘米粉吃, 一種尖頭的粉, 又叫銀針粉, 粗身, 佐口感出奇地滑! 好想吃魚餃, 就來一碗魚扎魚餃粘, 食過一口, 放心了, 湯跟以往一樣, 都是重重的魚露味, 極級辣的辣椒油, 都是細細的一小碟, 吃完之後, 都是口渴的, 但, 味精雖然落得多, 吃得我開開心心便滿足! 我還覺得不夠味, 要一點浙醋來吊吊味呢

已經好耐無嚟過合利食野, 今次嚟, 感覺好似係轉左手咁, 同以前唔同哂最相似始終係碟辣到要搣耳仔既辣椒油, 都係咁細碟, 多左既係部播緊now既電視, 小小店子何以咁揼本買now播放榷...食既係一碗魚扎魚餃河, 湯依然係味精含量高的湯底, 但好像骨味薄弱了很多, 魚扎有點鬆散, 雖然沒有定魚扎是要包什麼, 始終懷念包住紅蘿蔔肉碎的滋味, 而不是西芹..之前淥粉的阿叔不見了, 換來的是一個陌生的大嬸, 始終沒有了昔日的親切感..

考完試後, 吃粉充飢!魚扎墨魚丸河一碗, 連腐乳通菜一碟, 作為是日午餐之選, 意料不到的, 是食完之後, 患上了渴水症! 結果一小時後回家, 都在飲水 渴水的原因, 大抵是太多味精了食的時候湯粉是好有味, 好豐富的味道, 但其實心裡有數, 知道有排頸渴 可是再吃下去係因為食物又算可口, 例如墨魚丸的彈牙, 配合特辣辣椒油, 有一股感覺覺得個口不可以停下來, 但又像吸毒一樣, 知道味道多會對身體有害, 這次真的太多味精了, 吃完有點後悔, 難道唔落咁多真係會無咁好食? 好茅循!!味道是好, 但害怕那種渴水的感覺, 好恐怖

今日下晝食晏既時候唔係好肚餓，食唔落飯，想食一碗粉就夠，就同同事一齊去左合利食湯粉！我自己食既係豬肉丸米，同事要左雙丸沾，大家一齊ｓｈａｒｅ一碟炸魚皮！胃口好番係因為佢個好辣既辣椒油，真係好刺激呀　只係一碟仔太少了，要我開口問佢再攞多碟，湯粉已經夠哂咸，夠哂味，我同事都仲落魚露落醋食．．佩服！炸魚皮一般，同事話碗沾都好好味，因為加左芽菜！

晚上十一點半,看見呢間舖播放足球賽直播,每人最低消費三十蚊...其實我只係想嚟食碗河粉,因為看見食評話唔錯..坐在門口的枱子,老板娘話,唔使最低消費,才放下心頭大石, 一心想試吓墨魚丸占,細細個已經好鍾意食銀針粉,所以一定要叫嚟食墨魚丸沒有特別的地方,唔爽,雖不至於唔好食,只係平凡不過的味道,而湯底係十分之咸既味精湯,結果當晚要飲兩公昇水...辣椒油好辣,唔係好香..最反感係坐喺我左右兩枱都喺度食緊煙,一路食一路睇波,佢地睇得過癮,難為我..

農曆年前習慣到御用髮型師那裏剪剪髮，完成後已是中午，又是找吃的時間。上次吃過對面的牛什店，今次就轉移陣地到街角那邊的合利吃潮式粉麵....自從這兒轉手後都提不起勁再光顧，原因是作為地膽的髮型師說這兒的水準每况愈下。地頭蟲的說話，自然要相信。不過轉念又想，要決定食物是否真的差了，最好的方法去測試自不然是親自去吃吃，那不就一清二楚嗎 ?先來一碗紫菜湯，紫菜份量多得很。味道不會很差也不會很好，勝在夠抵吃....太座要了碗魚三寶河。這兒的三寶有魚蛋、魚皮餃及魚扎，當中以魚扎較好，魚味較濃，魚卷入面夾入紅蘿蔔及西芹條，感覺上沒有那麼單調，好看也好吃；魚皮餃的皮不很煙韌，餡內的豬肉偏肥了點，吃進口滑嘟嘟的，其他人可能會覺得太肥，但小弟這個"愛肥之人"倒覺得不太差；魚蛋魚味欠奉，跟大埔區內眾魚蛋店的出品差了很多....未轉手前吃過這裏的豬肉丸及墨魚鬚，驚為天人。是日重逢，豬肉丸肉味沒有從前的濃，墨魚鬚也不及以前的大條、爽口及重墨魚味，總覺有點今不如昔的。但從前未吃過的，現在來吃可能還不差的。起碼將兩者醮點枱上的那樽魚露來送入口，還是吃到丁點的"潮味"吧

當日去0左旺角照X-ray (For之後"cool"牙用的), 跟進就去Loft 繼續排戲, 不過因為仲未食飯, 所以就趕快去0左我由細食到大的<合利潮洲粉麵>, 整返碗全港最好食0既雙丸河先, Yeah!!! 1. 雙丸河($18) ~ 雙丸河包括豬肉丸及墨魚丸, 其實兩種丸咬口非常好, 加上墨魚丸毫無腥味, 一級水準. 至於河粉都烹調得好好, 因為河粉不會黏在一起, 仲有湯底的調味料真係無得頂, 正正正!!!P.s. 相中的辣椒油係好辣的, 不過記住一定要落呀, 哈哈!!! (落幾多, 視乎自己食辣0既程度)整體評價：好味道, 好味道!!!

上次行完山就同屋企人一齊去食呢間啦, 因為家人都在這區住了很久,都一致應為呢間粉麵貴得好食, 因為有魚卷呀這類特別選擇. 食物既質素唔洗懷疑, 真係好食既, 但因為呢次既經歷我一輩子都唔會再光顧呢間鋪(其實可能係本人心理因素問題)一坐低係店外既桌時, 有位中年女人行過黎, 問我地食乜, 我老公佢地食開既就點左自己心頭好啦, 我第2次去就唔記得有咩選擇, 問下佢我老公點既魚卷幾多錢, 佢既回應係 " 好食既野唔洗理佢多錢啦, 好食就得ga la" (態度係有少少無太友善, 可能忙瓜) =.=" , 全家都靜呢望住我, 我真係說不出聲, 唔知你有呢個感覺, 但我就覺得我想知道有咩選擇同幾多錢姐, 咁都唔得? 好食既就唔理幾多錢, 咁唔去食鮑魚?之後我就走左, 我既家人食完先走, 從此我同我既家人未再光顧這家老店! 我覺得做人無要求, 同條咸魚係無分別既, 食物好食, 但服務咁差, 都會係生意下滑的其中一個原因! 一碗麵都講緊19 元, 唔平ga!

我下午剛剛嚟食過,食的是一碗紫菜雙丸河,雙丸包括了墨魚丸同豬肉丸!墨魚丸墨魚味唔算好多,但係彈力十足,點佢個辣椒油(超辣!)好正,豬肉丸都係一樣咁彈,勁!湯底有些少咸左,但係濃濃既魚露味加上芽菜,不可小看這碗美味既雙丸河!另外食多一碟菜心,加多一罐可樂,好滿足既一餐!p.s.我真係有去食過,唔係做勢架

見d人講到咁好食, 去左試下去到無牛丸, 於是就叫左一碗牛腩河+菜, 一碗墨丸河牛腩一般般, 附近彩頤花園有間仲好食墨丸可能好正, 不過真係唔識欣賞, 我寧願食番cheap野兩碗野最低食係d味精, 食完勁口渴, 味精唔駛錢?下次免費我都唔會再食, 真係差到爆, 希望話好食果班人唔係做勢