台灣麵

營業中

休息中

星期日行完山已經接近2點, 好肚餓, 見呢度吾洗等, 快快入去醫肚二人叫咗:台灣牛肉麵配特飲 ($44) - 牛肉係牛展黎, 好入味, 吾錯, 至於麵呢, 就要咗粗麵, 口感好似上海粗麵, 都幾好..而特飲味道就酸酸的, 都ok榨菜肉絲粗麵配珍珠奶茶 ($36) - 味道幾清, 榨菜好好食...但最好既竟然係-->珍珠奶茶, 好香茶味, 而珍珠又好有咬口...正呀, 真係好好飲另外我們加咗個拍"清"瓜, 好好味, 有少少辣, 但好脆..吾錯吾錯, 呢度上菜好快, 真係無選擇錯..不過唯一吾好既就係冷氣太凍喇...

星期六兩點都未夠, 離遠已經見到有一堆人等緊位, 不過好彩, 等左2-3張已經到我地, 之後陸陸續續都仲有好多人等..............叫左2個lunch set, 雖然好多人, 等左都係好耐就到, d味道同元朗果間都差不多, 都係幾好.......... 鮮茄雞扒湯粗麵 -> 唔會太酸, 真係有新鮮蕃茄, 有3大舊雞扒, 好厚肉, 正!!! 粗麵口感幾好~ 椒鹽排骨湯粗麵 -> 有2塊冇骨豬扒, 味道唔錯, 又林, 但又唔會乸到冇哂豬味, 拉麵唔會煮到太爛~ 珍珠奶茶 -> d珍珠好煙un, 典型台式奶茶, 即係奶味太重~

中同聚…其實去邊度食都冇所謂….最開心係見到d fd…..一行人就好隨意的走入了呢間食…意外地又幾好食wor前排先去完台灣黎….咁當然係掛住台灣野食啦….呢間d野真係幾好食wor…..如果話同度小月差唔多會唔會好誇…咁又冇…不過真係唔錯^^….好滿足..一行6人…叫左2個餐……再叫多2個麵…..哇….好夠飽…個餐有好多小食簡….叫左個涼拌…..一個用酒煮的雞翼…. A菜(有菜心亦有西蘭花)..其實都唔知點解叫A菜.….仲有雲吞…滷味……總之多到都唔係好記得…每人叫一個麵…我叫左香酥雞拉麵…都OK好食..加少少$就可以叫到台式特飲….有個FD叫左個會爆的粒粒…唔記得左個名..藍咩子咁上下...…不過都幾得意…其實比幾多$就會EXPECT幾多野….呢個價食到咁GE質數真係OK的~我地坐個位冷氣大左D…..服務一般啦…食物是最OK的~

到12點8左右到達,以為1定會無位tim,好在又有位姐,keke可以坐裡面果d,隔黎又無人,唔會坐得迫,真係好好!!而且又好clean ge呢~之後我地揀左好耐,都係點2人餐真係好多choices呀,好野=DDDD不過好多都係魯水的牛展之類...我們不太喜歡的..所以我地都係要滷水豆腐啦~不過呢款前菜最遲先黎,但真係勁騰騰的~有6片又好大塊~好多蔥同埋肉燥喔幾有滷水味~要雲吞,有6隻,仲好好味tim呀>33< 裡面好多料,有白菜同埋肉 滋味仲有排骨麵,我以為真係好大舊骨ge tim原來真係好似豬扒咁樣仲要完全無肥肉呢,又有好多塊tim呀真係好正呀!! A菜,原來就係油麥菜喔~真係幾大碟不過用平底碟黎盛...d菜汁又好易會倒瀉...但份量真係多的!!蜜桃<非>翠,真係幾好飲真係好綠bb呢^^果然又有薄荷同埋蜜桃呀,yeah成份餐真係好多野食不過d chair同chair之間見人地扲野埋黎真係好辛苦似的~因為又驚整到人地個頭,><我地講話落錯單果d,點知經過果個哥仔聽到仲好醒話<什麼?>我地唔係講緊佢喔,誤會了,勁觀察能力真係

上星期日同男友行街行到累累地 ~~ 見到有個卡位近門口就諗住入去試下 D 位都坐得OK 舒服 不過無諗過既事就發生左 佢一開始放低兩杯水 我男友飲個杯就無事 但我飲落去就有點那個, 望真D, 有D 疑似辣椒油既野係杯入面 好似之前裝過辣椒油咁, 洗得唔乾淨 呢D 係無心之失, 但係衛生呢樣野好重要既 ~~ 有咩理由裝過辣椒油既話, 洗杯個個會唔focus D 注意下呢 ?! 不過之後D 野食同service 都OK, 我未食過擔仔面 ~~ 都唔錯A 男友就食左個擔擔面, 都OK 架 ~~ D 飲品就好得我比較中意飲D 珍珠奶茶 ~~ ^^ 同埋坐得都OK 耐, 無人催~~

上次同個friend 黎呢間台灣麵食個下午茶，叫左個台南擔仔麵，唔係好掂，但係杯野飲就唔錯，而且爹左成個鐘都唔會有問題 ，好能個場唔係太旺啦。今次就試多佢一次，發覺比起上次有d進步...白菜肉水餃麵餐$36 - 又係估佢唔到的surprise，餡的分量比例同皮的厚度幾適當，煮出來皮唔會太硬或太軟，而且d餡係熟得透 又唔會淡晒個隻。麵我就冇試，no comment。椒鹽豬扒飯餐$37 - 呢個我就覺得一般，豬扒係幾軟同埋煎到剛剛好，但係味道就怪怪地，因為唔係太食打得出有椒鹽的存在，同埋有微微的酸味+少量的鹽，完全唔係台灣食到o個種排骨飯或豬扒飯。豆槳唔使加錢，但係我個百香果(passion fruit) 綠茶都只係加$2, 仲要係好大杯添(我諗有20oz).環境方面，有兩部大電視lo 飯，又係座得好舒服的，唔會嘈，係d燈暗左d。

日期：2009-06-12 在"台灣麵(Taiwan Kitchen)"(荃灣分店)買了"台灣牛肉麵"( $31~加$2外賣費)。牛肉麵和湯是分開盛載。台灣牛肉麵---內有7塊牛腱肉和上海粗麵。麵質彈牙，牛腱肉質鬆化嫩腍，滷味濃郁，鹹味適中。整體質素很好。

其實已經來過幾次tea, 因為近做gym既地方, 碟頭大, 味道不俗, 又有特飲! 不過今次中伏......食得咖喱雞扒飯太多, 今日叫左:吉列豬扒拉麵 配 咖哩湯: 拉麵同咖哩湯都好味, 吉豬賣相亦得, 點知咬落好硬, 唔脆的! 塊豬扒又勁薄, 好失望! (1分)胚芽奶露: 面頭落左好多胚芽, 好味; (4分)張單一來, $29元? 次次都只係收$26咋喎......問下至知星期六日飲品要加$3蚊! 睇多次個"茶餐menu", 又真係寫特飲要另外加錢, 原來係平時"著數"左! 但始終有d被"搵笨"既感覺! 將來唯有weekday至來食啦!!!

想坐得舒服一點,便入來吃lunch。咖哩牛肉飯+菜。咖哩沒有橙金色的油,一貫港式咖喱汁,味道很對板。可惜牛肉韌又無味,靠汁撈飯。另外一定要讚吓碟油麥菜,蒜+豉油汁,惹味得像加左腩汁既油菜。香酥雞扒麵,夠香,而且雞油好像已逼走七七八八,正!麵就質素一般。胚芽奶茶,有點驚喜,因為之前老公光顧過,整體覺得麻麻地,而家飲埋杯奶茶,印象好左。我喜歡佢飲下,味道好香…..後來覺得香到好似三合一沖劑,沖出來既味道,都唔知係好定唔好事,好似唔係飲緊珍珠奶茶,即叫即泡的風味。

星期二的中午去左荃灣搵男朋友食lunch我太鍾意食台灣野,就試1試呢間台灣麵當日人客唔係太多所以有得坐卡位滷蛋豆腐肉燥飯：豆腐外皮鬆脆；肉燥味道唔錯，可惜份量略少。整體味道一般。香酥雞扒飯：份量大，初時以為只係得塊扒做餸，點知白飯上面都有少量香肉燥。雞扒味道幾好但好薄同較乾身。茉香珍珠：好香！因為小妹識沖台式飲品，可知呢間店既綠茶應該唔錯！不過珍珠就無乜味，但尚算有咬口同埋細細粒！苤芽奶茶：味道似好立克第1次幫襯,唔肯定會唔會再去過,因為仲有好多地方食物同飲品水準好過呢度

經常夜收工, 所以住荃灣既筆者間唔中都會搵下野食, 之前見佢新開其實都想試下因為一個人食既關係, 只係叫左個餐滷蛋豆腐肉燥飯 - 此店推介, 個人覺得無乜特別, 當然唔係同台灣地道既比啦, 同港式台灣餐廳比都只係一般, 不過荃灣呢類鋪頭唔多, 而且佢份量ok, 都唔算會比下去既北海道芋頭牛奶 - 其實我叫凍的, 唔知點解少冰到我食完都仲係暖的...

** 此 食 肆 的 第 四 個 OK **今日(6-12-2008Sat)男友過o黎join我同我出去,順便買o野食,我唔知食咩好,由佢揸主意.佢o黎到,嘩!買o左好多o野.呢間佢就買o左:1. 担仔麵有碎肉同牛丸,牛太得一粒,奇怪.食落,麵腍o左少少,肉碎我只食到少少,而牛丸,都係咁啦,冇乜特別.2. 3隻滷水雞翼好入味,但又唔太鹹.3. 小籠包唔會期望有好多汁o係入面,豬肉大大粒,OK啦.4. 炸豆腐皮已經腍晒唔脆,但豆腐滑冇味,要蘸蒜蓉豉油食.5. 台灣A菜大大棵o既,又有蒜蓉,攪到我粒’啡滋’好痛,不過菜係新鮮o既.6. 薑奶茶從未聽過有呢樣o野,我飲落,只有薑味,奶茶味呢?好似冇乜喎,重有啲飲中藥o既感覺添.男友話order完後等o左好耐至有,因為係即叫即整.埋單大約$130.00,失晒控,其實因為男友買埋我爸o個份,點知我爸唔o係屋企.其他:佢o既外賣碗太大個,唔係好環保.

因為有希望，所以失望。以為打正旗號做台灣麵的，應該有一定水準，豈料，還是失望。我叫了香酥雞排乾拌麵....雞排算是合格的 (不過還可多炸一點)，但麵就不行了。麵雖然滑，但質感一般，不夠咬口，而且乾拌麵的麵應該做得幼一點..這裏的, 太粗了，乾拌麵的的湯只有一點，麵條很難吸收鮮味。不過最大問題還是湯頭 - 台灣的度小月乾拌麵, 也是只有一點點的湯頭，但人家的就鮮甜很多 (應該是放了蝦或蝦頭煮的) - 這裏的，雖然呈鼓油色，好樣是調味了，卻是淡而無味，令整碗麵都愔然失色。為甚麼香港總是做不出台灣的味道呢？一來是心思不足，二來香港人怕豬油怕肥豬肉，食肆也都避之則吉；因此很多台灣菜，做得再有水準，出來的味道還是比台灣差一截(在台灣吃過魯肉飯呢？夾雜了很多肥豬肉粒，但入口即溶，幾乎隨便找一家做得比香港好吃)，很是可惜。不過此店，既然兩者皆沒有(對不起，我實在感受不到他製麵的心思)，也沒有甚麼值得可惜的而且也不便宜，一個晚餐要35-39元，要台式飲品還是另加差價 - 老實說此價錢在荃灣可以有更好的選擇 - 就算一些沒如此明目張膽聲稱是"台灣麵"的台式食肆，也做得比他好。

今日同mama together去的。~*因為mama想try下新野,so就食呢個啦~*food>>mama既係唔知咩台灣noodles(?我已經完全唔記得佢個名....""")mama話唔錯,佢話幾好味。~*我要既係香酥雞排米線(我個個係set lei ge),都唔錯,個雞排同米線係分開上既(~gd)。最初塊雞排lei既時候,我見佢以為係好粗糙個d部份,但食落去,又唔係wow,幾好食wow,而且幾香口,同夠哂味。米線mai...一般既貨啦,不過會有d肉燥響上面,um,算係gum啦。~*另外mama叫左個小籠包,okay啦,d小籠包裡面都有肉汁(雖然唔係上湯,hahha).但gum平,都okay啦~而且都幾好食既~*另外我跟set要左1杯hot chocolate,幾好飲,唔錯。~*服務>>唔錯既,仲會好主動,佢地好主動gum俾左d我地可能需要既野我地,而我地本身係無講過話要架。~*環境>>okay啦。~*衛生>>~*okay,toliet既衛生環境都可以接受。~*

與男友閒逛荃灣後, 最後決定來這家嚐嚐好彩有位, d坐位都坐得幾舒服, 不過多人傾計係會有少少嘈一路食都keep住有人入黎同等位其中一位肥肥地帶眼鏡的女侍應幾好人幾有禮貌我地叫椒鹽排骨飯+梅子紅茶(set), 牛肉飯+奶茶(set), 醉雞翼拼海蜇同小籠包(佢都記得話我地知小籠包要等15mins)椒鹽排骨飯-- 飯同餸分開碟上, 有2大塊(6小塊)梅子紅茶-- 好好味, 一黎既時候飲第一啖即刻話好好味, 叫男友試佢都話真係夠味wo! 酸酸地, 我好鍾意, 有驚喜~~ 再黎既話一定會再試牛肉飯-- 牛肉=牛"月展", 2個飯都有半碟椰菜, 合乎唒健康飲食123, 哈哈奶茶-- ok, 男友說感覺比較多奶醉雞翼拼海蜇-- 海蜇好味, 雞翼唔太重酒味, 4隻雞翼都好大隻小籠包-- 冇穿, 入面有湯, 唔唒點汁都夠味不過臨尾另一個女侍應冇出聲就收左我碟海蜇, 嗚嗚, 我仲想食架!! 雖然得返唔多, 但收野都單聲先呀所以食物ok以上, 唔係馬虎之作, 會返轉頭的