台灣麵

營業中

休息中

9點晚MAMA, 等朋友放工, 是但搵D野食佢提議肉燥飯, 就黎左呢間一試叫左2個飯SET, 同一個小食1. 腐皮絲: 凍食的, 腐皮切到好幼, 配少少火腿絲, 麻油蔥花, 好好食2. 娃娃菜: 清甜, 面頭洒上炒過的蒜粒, 夾埋一齊食唔錯 3. 滷水蛋豆腐肉燥飯: 成碗得飯係熱. 肉燥基本上係無醬得肉碎, 得少少好稀的汁, 一上枱已經俾飯吸哂, I DONT LIKE IT. 滷水蛋好SALTY. 豆腐一面炸過, 食落偏酸, 我以為係醬汁關係, 到我夜晚肚柯無覺訓就知咩事了4. 台式滷肉飯: 朋友食, NO COMMENT. 我眼見配上唔少椰菜, 挺有好感~XDTOTAL$95落樓開頭2樣真係幾好食, 飯真戚麻麻地但食完肚柯一定係NEVER BACK

台灣麵係一間售賣各種台式食品及飲料餐廳,現時o係元朗,荃灣及佐敦設有四間分店荃灣分店位於通往地鐵站富華中心出口o既天橋旁邊,開左大約四年我地當晚大約 8:30pm 去到荃灣分店,見到門口有塊牌扁寫住"蔡瀾常去食肆",當時正在係繁忙時間,店舖就算多人幫襯都唔會安排客人搭檯,再加上冷氣機滴水令到少左兩張檯,我地只好等位 不過,佢地門口近收銀位置設有兩個坐位俾人等候,都算係一個唔錯o既安排,我地大約等左十分鐘,店員話有位坐店內環境以淺綠同埋淺黃為主,感覺清新,都算舒適,梳化坐位,大家坐得鬆動,又有多部電視機俾大家送飯早前o係網站用每張$18 價錢買左兩張台灣麵 coupon,每張 coupon 可以換到一碗台灣麵,可以選擇原味台灣牛肉麵/台灣紅燒牛肉麵/台式鹵肉麵/台灣海瑞貢丸麵 (原價$36)本人留意到餐牌上台灣紅燒牛肉麵係有辣椒標示,問店員有冇分小辣,中辣抑或係大辣,店員話冇分辣度於是我選左一碗台灣紅燒牛肉麵,至於 BabyBamboo 支持者一向都唔食得辣,所以選左一碗台式鹵肉麵原來我地可以選擇粗麵,拉麵,米線或者飯,我地問店員通常係俾邊款客人,佢話若果客人冇特別要求,建議食法係最好配

荃灣很快就會變成我倆每天出沒的地方~~ 那一晚我們來到看看新居，在沒有電力的情況下我們都沒有久留，直接去吃飯更好!! 小妹因早前一間團購公司結業有了心理陰影，手上有團購券還是快快處理好了，所以當晚放棄了吃西餐，先來這裡吃碗牛肉麵~ 券是$18一碗麵，我們要了原味牛肉麵和紅燒牛肉新竹米粉。一客麵有牛肉4-5塊，很慷慨。每塊都是帶著根位的牛"月展"，原味的是台式滷水味，我倆覺得有點過鹹。紅燒的則帶點辣味，比較吸引! 麵方面，我的新竹米粉吸了湯很好吃，這也是我點新竹米粉的原因。MP的麵則彈牙、重麵粉味，也叫他吃得開懷! 只吃兩個麵的話二人都不會滿足，所以要了兩客小食:拍黃瓜及鹽酥雞黃瓜用了辣椒，大蒜和醋來pickle，很醒胃，這樣一碟素菜不能差到那裡去。鹽酥雞是MP最喜歡的台式小食之人，記得我倆第一頓二人晚餐也在台式餐廳吃。事隔多年，小妹仍然記得MP當時是吃鹽酥雞! 這裡的鹽酥雞炸得也很香口，粉不會過多，也沒有太多的調味，與在台灣夜市吃到的有點不同。在這裡看著電視吃著麵，過了小妹真正做業主的第一晚~

對上一次去食,食物同飲品質素都一般,但今次再幫襯,就好好多,好滿意呢!大概晚上8點鐘,唔洗等位,我哋一行4人坐卡位.我哋叫咗凍飲2款共4杯,我飲嘅凍蜜桃紅茶好正,紅茶味重,有蜜桃味同唔算甜,啱啱好.我同其他朋友叫嘅紅燒牛肉麵,雙拼米線都好食,麵質好彈牙,個湯底好香,牛肉肉質煮到啱啱好,仲大大件,雞翼大隻之餘,我食嘅蒜香雞翼都好入味,讚好.我覺得雙拼麵套餐能夠試到2款唔同麵質同餸係好好,仲可以試有辣同唔辣.今次有大進步呀!會繼續支持,因為要食台灣牛肉麵嘅食店唔多,荃灣區都冇.

同朋友食晚餐,大約9點,見到得幾枱客,地方都闊落,就入去試下.先有小食鹽酥雞上枱,肉質一般,炸粉好厚,仲有紅油抄手,豉油唔辣,兩款都好一般.朋友嘅紅燒牛肉麵就正,個湯底好香,牛肉肉質煮到啱啱好.自己嘅雙拼麵就普通,湯底清淡,貢丸大粒,但唔算香,一般貨式.珍珠奶茶就普通,珍珠硬身,奶味多過茶味,我嫌唔夠甜,味道好淡.

今日早上，口淡淡唔想食野，不過個胃有d痛，行過m記，又唔想食，行過大家樂大快活果d，都冇咩特別，之後行過一間叫台灣麵既餐廳，企係鋪頭面前，睇下餐牌，我最中意就係鋪頭面前有牌睇，可以有個預算，睇左一陣間，就有個人出黎同我介紹有咩好食，我見佢幾有禮貌，又好傾，就試下喇，入去坐低睇餐牌，好多選擇，好過其他餐廳好多，我就叫左個豐富早餐喇，加一杯珍珠奶茶，等左一陣間，杯奶茶就黎喇，勁好飲，勁中意佢既奶味，真係有台灣既地道，因為我自己本身曾係台灣住過^^好似返左台灣甘~再等多一陣，個早餐就黎喇，又真係好豐富，我都有d食唔曬，d waiter服務好好，同d食客有講有笑，好有屋企feel，應該係個老細訓練d waiter要以客為先，我完全感受到佢地既以客為先，為食客諗多一步，佢見我食唔曬，就主動問我要唔要個膠袋入住，依個好好依間野比我既感覺係好清新，好乾淨同埋好舒服，坐得好舒服，唔會用臉色趕你走，因為我都見到有好多食客坐係度睇報紙，睇電視，個feel好好，我會再介紹多d 朋友去試下我一定會再去食的，下次影d相喇!!

今(19-2-2011 Sat)朝同男友起身食早餐,落荃灣食啦,因為佢趕趕地時間,落o左車我畀佢揀左邊o既翠苑或右邊o既台灣麵.佢話好啦,畀多次機會台灣麵,希望上菜唔好咁慢.嗯,好.我o地入到o黎唔係好多人,坐低後睇menu,花多眼亂,我要$28.00o既豐富早餐,要蒜香雞翼,腸仔,雪菜肉絲米線同厚角吐司,飲熱胚芽奶茶.男友要$21.00o既芝麻手撕雞公仔麵,飲熱檸茶,重有厚角吐司.3分鐘後,兩杯飲品到o黎,我唔加糖落奶茶o度喇,味道o岩o岩好,不過茶味都係淡淡.之後我o既雪菜肉絲米線先到,唔太大碗,米線算彈牙,可以.男友o既芝麻手撕雞公仔麵亦到o黎,我試試雞肉,好有鮮雞味,不過冇乜芝麻味.我食完的o既米線後,蒜香雞翼,腸仔同厚角吐司至到o黎,原來雞翼同腸仔都各有兩件,唔怪得侍應即問廚房,廚房即刻o係多士機攞一件出o黎畀我.我呢件明顯牛油多啲,食落都脆口,OK.而我杯奶茶飲到最後,原來有好多胚芽,都唔錯喎.服務:唔計追返o既吐司,所有o野上齊都要花最少18分鐘,而呢個時間都未full,我諗係佢o地廚房同客人座位o既比例唔o岩,廚房太細太少人喇.上次食評: http://www.open

2:30pm入場,經理安排我地坐店內好入的一張桌,之後就完全無職員理過我地 又完全無俾menu及水!! 真係可惡呀....唯有叫職員俾menu我地...我order一份鮮茄肉片拉麵,咖哩湯底有好多職員也是新人吧...落單的速度都好唔掂,又唔太醒目..仲要上菜果陣「cake」到張椅子..... 我地等左差唔多15min才上菜 芝麻奶綠茶我杯飲品仲要係冰多過水...可惡!!冰的份量過多~冰粒又巨大........我地3人點的3杯飲品,仲要分3次先上晒d飲品..哼!!朋友點的那一杯 蘋果綠茶的顏色呈暗綠色..到底咩料????飲品來到之後,manager問「你碗麵係咪要咖哩湯底??」我碗麵的tes set number係8號,menu上寫明4-15號tea set可轉湯底,即係我果碗鮮茄麵可以配咖哩湯底啦... 另外職員又唔知除左4-15號麵款可轉湯底,其他麵唔可以轉湯底....唉~佢地都無熟讀個menu o既.. 點train 新人架????咁就比佢地做野????好嬲我碗麵真係等左好耐先來...個個女職員由廚房的枱上,扲碗麵放在托盤中也可以慢吞吞的...佢地仲要完全唔識點樣將碗麵扲起來上

5:54pm 趕住行去食tea,事關下午茶去到6pm only...哈哈~~點個咖哩牛肉飯 $26 的tea set,我諗住配豆漿,點知個男manger話無晒豆漿,咁我就揀凍木瓜奶綠茶,need +$3,味道很好,有木瓜味同埋綠茶淡淡的芳香,但甜左少少,可能有牛奶成份的關係吧...下次都係叫少甜為妙.....飲完覺得很飽肚呢~那個男manager很「好客」,親力親為,過左tea time,佢自行出去鋪頭門口揭去dinne牌咖哩牛肉飯 個飯幾快上菜,不過牛肉的確有d韌.....咖哩汁的辣度ok,份量又幾多,加上唔會太稀,醬汁上仲有適量的薯仔粒,白飯唔會硬巴巴環境good!付款果陣....原來計少左凍木瓜奶綠茶那$3.....

一入去坐,係坐最入面的那1張卡位桌~幾hot,仲要無冷氣果隻...加上我地睇menu無幾耐,聽到鄰座的太太話等左杯奶茶勁耐都唔黎,係咁鬧個waiter,但waiter都無黑面,....但我地想落order果陣揮手揮左好耐都無人理我地......無奈....waiter明明話左「好」,但佢之後都無埋黎寫單囉..l( 近門口那邊的桌子全full了~唯一只係得返1張2人桌,但我地1行4個人....點個早餐set-- 湯粉/麵+牛油多士/厚吐司+飲品 番茄湯芝麻手撕雞通粉 $20通粉都幾快上菜~但我聽到有好多張桌的客人都話等得唔耐煩..話d野咁耐都唔黎又0係道嘈tim呀!!幸好我地算係避過呢d煩惱事情...通粉幾多,但口感真係一般般喇....tomato味唔夠....有一棵小棠菜,good! 手撕雞都幾多,好味的~呢樣就好滿意喇~ 厚吐司真係大大件,塊多士很好味,有淡淡的牛油香味,烘得很不錯,真係幾厚!飽肚呢!**有桌客人共2個,佢地以為1份厚吐司共2件,佢地見黎左2件only,所以以為等咁耐都唔黎....我都覺得應該分開2碟盛厚吐司較好,廢事惹人誤會吧........飲品配 薄荷綠茶--少

好鍾意食常餐/早餐, 一個星期都會黎一兩呢間野食早餐, 因為地方大,坐得舒服, 有歌聽又有電視睇! 最重要係個早餐去到11:30a.m., 啱晒我呢d瞓得晏o既人.每次都係食omelette+厚多士+沙爹牛肉面果個早餐, 幾大份,個多士都烘得好, 個面質地亦似出前一丁(但應該唔係,因為好多餐廳轉一丁要加錢)另外腸仔煎蛋果個都ok,有2條腸仔, 炸菜 肉絲米線都good!除左早餐其他都無食過, 因為無咁抵食

平時常常和同事去它家吃午飯，大家想不到要吃什麽的時候就會去台灣面，至少不會失望。中午有很多套餐供選擇，我們都比較喜歡台灣牛肉飯或者紅燒牛肉飯或者紅燒牛腩飯。牛肉飯的牛肉是一片片的，牛腩飯的是一塊塊的。。。其餘沒吃出來有什麽區別。套餐有一碗不大不小的台灣肉燥飯，一盤不大不小的菜其中一半是蔬菜一半是牛肉或者牛腩。個人覺得牛肉味道【偏咸，但是口感都還不錯，處理得比較嫩，還蠻酥的。至於飲料，新出的抹茶紅豆冰我第一次試就愛上了。下層鋪著甜蜜蜜的紅豆，上層是抹茶味的，味道很自然~~~完美搭配。環境還不錯，我們常常是6個人去，座位也不擠，還蠻寬敞的。環境以淺綠和淺黃為主，感覺很清新。服務也OK，沒什麽不好的感覺~~還會常常去。總之，只要不是期望很高，去吃應該不會失望啦。

D櫈坐得幾舒服，又有電視機，人唔太多可以Hea一個下午....咖哩湯芝麻手撕雞麵，薯仔夠淋，咖哩又夠味，不過雞肉就唔太多，但主要都係食咖哩既啫~野飲就揀左蜜桃翡翠(薄荷+水蜜桃)，一般般，但勝在夠大杯。

今日，同朋友一齊去荃湾逛街，見都有D肚餓。睇下個錶就來12點半，有朋友話不如食台湾嘢，我第一時間諗起去台灣麵。因為我之前都幫嚫過我哋三個人一入門口，就有人招呼我哋坐係A17號枱；我叫咗個LUNCH糖醋排骨飯十珍珠奶茶，兩個朋友叫咗椒鹽排骨飯十珍珠奶茶，10分鐘左右Ｄ嘢就來啦！碟糖醋排骨飯買相一般，6粒大大粒排骨，食落無物味，飯又小，D珍珠奶茶無物茶味，食食吓我見到有個高高大大，大約20歲的侍應企係水吧前不停用手指搞耳仔兩邊頭發；又搞頂帽又照吓鏡又再搞過頭，我睇住佢搞吓又擰杯嘢飲比人；又來搞過，睇咗20分鐘，佢不下50次搞頭發。真係睇到都唔想食；帶咗頂帽，勁似快餐店，Ｄ人又全部生面口，無物笑容，元郎個間好似無帶帽，可能唔同老細，元郎個間好食D，Ｄ人臉帶笑容。下次都係去元郎食！！！怕怕怕

今日(30-7-2010 Fri)同男友食早餐返工,唔知食邊間好,行到天橋男友諗境呢間,於是提議.啊,好啊.o黎到近門口o既位都冇晒,我o地就行入去,冇早餐o既餐牌,男友自己行出去拎.然後我o地落單,男友要$18.00o既奶醬吐司,加$2.00要凍奶茶.我要$20.00o既腸仔炒蛋通粉配吐司,亦加$2.00要凍奶茶但拎走.等o左4分鐘,男友o既奶茶至到o黎,接住係我o既通粉,都幾大碗o架,味道夠鹹,o岩o岩好,裡面亦有粟米粒同生菜.食食吓,另一個女侍應拎我o既凍奶茶o黎,佢問我要唔要膠袋,我答唔使lu.而杯奶茶大大杯,飲吓先,有茶味,但奶偏多,否則係好好o既港式奶茶.(到晏晝我o係公司有輕微肚痛,應該係太多奶o既緣故喇.)10分鐘後,重未見吐司o黎,我要返工o架,問問侍應,佢至話我知吐司機壞壞地,所以要多啲時間,問我要唔要轉其他.點解唔ｏ係落單時講?之後又冇講,要等到我開口問,我問要等幾耐?佢話都一段時間o架.唔係o掛?咁我轉多士啦,男友都轉.再等多4分鐘,我o既多士到o黎,得半件啫,佢o地好似冇乜塗牛油,好乾但脆o既.而男友o既奶醬多士到o黎,睇見有好多粒粒花生醬同煉奶,有啲似一片大