古琴雅苑 (利舞臺廣場)

營業中

休息中

買套券要三思呀。推廣每份套券600蚊有九折實付540蚊。當消費滿800元就可以扣600套券。但如果一次性買兩份600蚊套券實付1020。只是平左60蚊。但係就有一個伏位要特別小心啦。原來推廣入面有細字列明第二份的600套券，每一次只可以用300蚊，條件都係要滿八百蚊才可以用套券。咁樣不如每一次来先買一份套券著數仲大啲啦。已中伏，買咗兩份。第二次去買，當埋單時先知有咁嘅條例。問咗經理，佢仲大大聲話套券已經推行咗兩年。好似有好多水魚咁。下次為了三百蚊套券，要再去食多一次，動力真的是不大囉。食物唔會有什麼負評。北京填鴨熱食就好味啲，但啲食物好快就會凍。一凍啲嘢就唔好食。兩次都坐同一個位，但每次的食物都好快凍。但體溫上又唔覺得個位好冰凍。所以總體覺得食感一般。本來打算用完二份套票，都唔會再去喇。點知中伏，套券用極都仲有，好似迫你要去消費咁。

佢哋唔係漏單，而係好遲出單…叫左條炸魚半個鐘到，但上湯娃娃菜同炒年糕要等成個鐘😩問佢淨係答你整緊，態度亦欠奉。其實上次去已經得兩個企堂，不過客人人數唔多，亦無爆場情況，但今次係等到唔想食，叫又無人理…雖然硬件上有問題，但佢地食物質素唔差、所以每次話完都會繼續幫襯，每次都會必點片皮鴨、雲吞雞、小籠包子同上海炒年糕！片皮鴨半隻已經夠我哋四個大人食，但膜膜就要兩底先夠，雲吞雞份量都好多，雞亦唔會「鞋」炒年糕亦非常入味

烤北京填鴨（半隻）外皮非常酥脆，最中意沾砂糖，感受到它變成油脂在嘴裡化開，入口即化～另外，仲可以沾秘製的蜂蜜黃梅醬/京醬，搭配京蔥、哈密瓜、青瓜等配料一齊食，平衡了鴨肉的油膩感，餅皮帶少少煙韌，有口感層次，推薦要食！！南翔小籠包呢款小籠包咬下去時，外皮都幾薄，瞬間釋放出熱騰騰的湯汁！豬肉餡料柔軟而富有彈性，可以加入醋，能中和油膩感，可以食多幾粒～瑤柱蛋白炒飯炒飯粒粒分明，加入瑤柱、大蝦、蛋白等，增添了嚼勁口感，整體都健康，味道都唔錯～仲有訂座優惠，送左一碟花雕醉雞，味道都唔錯，淡淡花雕酒香味，雞肉幾滑！

古琴雅苑係一家傳承自北京「全聚德」嘅高檔餐廳,專注於正宗北京填鴨🦆呢度烤鴨選用上乘食材,經過傳統掛爐烤製,保證每隻鴨子新鮮出爐,外皮脆嫩,肉質鮮美。🍴搭配清新嘅青瓜、京蔥&哈蜜瓜,蘸上秘製嘅蜂蜜黃梅醬+京醬,超想再食🤗🤗除咗烤鴨,餐廳嘅瑤柱蛋白炒飯都唔錯架,咸鮮味道,好開胃。而南翔小籠包就咸香風味,回味無窮。搭配一壺桂花烏龍茶,成餐都升華咗🆙🫶而家餐廳推出現金禮券套裝,更加抵食,大家快啲約埋親朋好友茶聚下啦🍵🫖@ZitherGarden 📍地址:銅鑼灣波斯富街99號利舞臺廣場8樓B號舖#古琴雅苑 #北京烤鴨

午市時段有多款套餐選擇每款套餐已經包晒茶芥同免加一我哋揀咗午市全包宴二人套餐A -$398-ღ 精品雙小拼有兩款我都好鍾意食嘅小食滑滑嘅雞絲粉皮同嫩口嘅揚州水晶肉ღ 烤北京填鴨（半）香氣四溢✨皮脆肉嫩，肉質柔軟多汁，入口肥而不膩，包上餅皮同多款配料，實在令人回味無窮ღ 開水白菜食完肉肉再配返個白菜，好清爽————ღ 南翔小籠包（6件） $85戳破雪白嘅面皮，滑溜溜嘅湯汁一下子流出嚟好吸引🤩內裏滿滿粉嫩嘅肉餡，好鮮美餐前小碟 $18

上次係灣仔買左幾疊現金卷，但時限比較短所以今次轉去銅鑼灣分店食（因為灣仔員工態度冷淡、淨係掛住吹水唔理客），訂左位唔算人多，員工亦忙得不可開交，但唔會有黑面情況，上菜速度亦不錯，質素也保持到。

7個大人叫左10個餸菜，食物上除左片皮鴨比較好之外，對其他食物無太多印象，反而最後係對佢地員工印象深刻好多。1）未食完已經係咁趕收枱，其中有碟未食哂已經收左2) 女收銀員工計多小費和使用現金卷，改完用手寫，相關商場有儲積分計劃，但不容許人手改動的賬單。家人上次嚟已經因其賬單以手改而被拒儲積分，因此要求佢以電腦更改，我地反而俾人大聲夾惡問反我地想點..我地叫佢印過，就不停話唔得同問我地想點。另一男員工走埋嚟幫佢㩒幾下就出左張更改單，完全無歉意，只講果張內部用，自己培訓不足就嘈d食客。食餐團年飯好地地係都搞到人成肚火。

家人聚會外賣左一隻片皮鴨，喺利舞臺度攞。隻鴨味道一般，但其中一份醬汁味道唔錯！可惜個餅皮唔好食偏乾，連平時好鍾意食餅皮嘅小朋友都唔鍾意！鴨嘅味都係麻麻地！諗住近公司放工就行去攞，可惜真係唔會推介！外賣有八折，額外加咗一份餅皮$38 （但等咗好耐都冇找錢就由佢啦）買單共$400，講真我寧願俾多2-3百蚊去食北X樓仲好！不過因為公司附近冇，唯有揀呢一間！但真係唔會有下次！佢嘅質素就好似平時屋企樓下酒樓食飯加128有一隻片皮鴨嘅質素一樣(可能仲好食過佢）最好係佢有埋哈密瓜！其他都冇可取之處😂😂

晏晝食lunch，喺利舞臺廣場，試吓呢間未食過，外賣自取咗個宮保雞丁客飯，價錢$40，應該係因為喺foodpanda自取有折，算係呢間嘢嘅便宜少少飯。味道一般，正正常常咁。但係份量極少。啲雞粒好細粒。炒菜有兩條。有啲腰果。有啲辣椒片。少少辣啦，少少開胃。但係，性價比不高。揀咗少飯好似一樣咁多飯。不會再試，一次就夠，食lunch 就唔抵囉，都係行高價路線，服務都OK，職員幫到手，但係食物嘅味道好一般。

店名: 古琴雅苑地址: 銅鑼灣波斯富街99號利舞臺廣場8樓B號舖銅鑼灣站A出口，行3分鐘環境: 4/5價錢: 4/5味道: 4.5/5古琴雅苑主打北京烤鴨，一直聽朋友推介佢地嘅烤鴨皮脆肉嫩🥰今次終於同朋友有機會去試下😌烤北京填鴨（半隻)❤️❤️❤️❤️❤️$228北京填鴨作為招牌菜，當然要試下，烤鴨新鮮出爐，鴨皮脆嫩，肉質鬆軟嫩口，附上青瓜、京葱、哈蜜瓜等配料，一定要試下秘製蜂蜜黃梅醬😋可以解除油膩感，帶黎清新感，唔夠嘅話可以免費無限添加，包埋餅皮，整體口感層次豐富😍砂鍋雲吞雞❤️❤️❤️❤️❤️$218砂鍋雲吞雞作為清淡之選，以雲吞、雞、娃娃菜煮成☺️娃娃菜煮至軟腍入味，雞肉十分嫩滑，加上雲吞，整體清淡又暖胃😙茶芥❤️❤️❤️❤️❤️$18/1位叫左桂花烏龍，入口有淡淡嘅茶香之餘，飲落亦有桂花香，清新可口😆餐前小碟❤️❤️❤️❤️$18

餐廳店面雖然不大，但空間闊落，我們被安排坐卡位，坐位寬敞愜意。📌烤北京填鴨 (半隻)烤北京填鴨不愧為招牌菜式！外皮酥脆鬆化，鴨肉嫩滑可口，以一隻鴨子形的盤子盛着，蠻可愛呢！將一塊熱騰騰的餅皮包裹著香嫩的鴨肉和油香四溢的鴨皮，再配上青瓜、哈蜜瓜、京蔥、傳統京醬及蜂蜜黃梅醬等佐料，味道一流，令人忍不住想多吃幾塊！📌木桶包菜飯木桶包菜飯散發出誘人的香氣，飯粒吸收了菜和咸肉的美味，入口清爽飽滿，一口接一口，很快便吃完一碗，木桶盛着的飯原來份量是出奇的多，添飯再添飯夠晒飽。📌高力豆沙香蕉高力豆沙香蕉外脆內軟，豆沙與香蕉的融合恰到好處，每一口都令人驚喜，甜而不膩，飯後來一客，替今晚的京滬晚餐來個完美的總結。📌瑰荔堂煌瑰荔堂煌的茶香四溢，顧名思義，這茶散發着玫瑰和荔枝的芬芳，兩種味都很均衡地滲出，餐後享用能消滯解膩，味道清新。餐廳目前推出限時優惠：堂食飲品買一送一，啤酒類買二送一。另外，還推出現金禮券套裝，一套享9折，兩套享85折，每套附贈烤鴨優惠券，計算下來非常划算呢。

✨烤北京填鴨點左半隻 烤鴨皮脆肉嫩 肥瘦適中薄餅皮濕潤有彈性 配料有三款分別係爽脆青瓜 清甜哈蜜瓜同京蔥醬料除咗一般嘅京醬之外仲有秘製蜂蜜黃梅醬 酸甜清新配烤鴨食可中和油膩感另有一細碟淨鴨皮 可以沾上砂糖食 口感酥脆 油香十足 好甘香 整體唔錯✨花雕醉雞醉雞 雞皮爽彈 肉質軟腍 夠入味 酒味較清香 如果酒味再濃啲就更正✨椒鹽黃魚一客有兩大條 黃魚炸到金黃色外層酥脆 魚肉嫩滑 味道鹹鮮惹味總結：食物選擇唔少 味道可以 環境正常服務唔錯 價錢可以而家仲有訂座優惠同生日優惠搵多幾個朋友去食飯慶祝都係個唔錯嘅選擇

做冬專程去試吓。首先地方真係好細7位坐枱好窄！點咗個6人鮑魚海鮮餐再另加一個蜜汁燒火方,埋單$3295。首先服務一般連碟都唔會換、乜嘢都自己攪！食物最期待嘅燒北京填鴨一隻！係分2碟唔知點砌比您！不是一整隻係面前切！同味道一般！非常失望！成餐最好係京醬大蝦！其他都係一般般⋯⋯應該唔會再食、因為味道同普通酒樓都係食倒！不過價錢就不成比例。

我早已久仰古琴雅苑的大名，這回剛好朋友相約我來古琴雅苑生日聚餐，因為古琴雅苑正好推出生日優惠，我倆十一月生日當然不會錯過這優惠，就算不是生日，古琴雅苑亦有訂座優惠及Openrice外賣自取精選菜式低至42折優惠，朋友笑說優惠一詞就是古琴雅苑的最佳形容，我最期待當然是北京烤填鴨，每年生日最少要吃一遍。金腿濃湯津白是經典名菜之一，以雞湯及金華火腿去浸煮，讓津白嚼起來有雞的鮮美，金華火腿的鹹香，津白的甜潤，金腿濃湯津白清新的蔬菜甜味與金華火腿耐人尋味的鹹味巧妙地交織在一起，整體鹹鮮帶清甜，咬下去脆軟，飽含豐富水份。上海粗炒麵最為講究就是大火快炒的鑊氣，才會產生焦香風味，因此成為上海菜入門，上海粗炒麵配合爽脆的椰菜絲、嫩口的肉絲、濃香的醬油一同熱炒，滿嘴上海粗炒麵的香氣，麵條甚為彈牙不油膩，朋友想起年少故鄉品嚐上海粗炒麵的感動。半隻烤北京填鴨片好了，排起來美觀也可口，鴨肉本身肉質細緻，軟嫩的鴨肉鮮甜不柴口，不論單吃或搭配薄餅皮吃各有春秋，烤北京填鴨包著薄餅皮大口咬下也是一種幸福，豐腴的油脂在嘴裡滑動，夾入清爽的蜜瓜、青瓜、蔥絲平衡了味蕾，加上甜麵醬和梅子醬，烤北京填鴨有著多層次的味道。焦糖色的

利舞臺都有北京烤鴨可以食！喺OpenRice訂座夠晒方便，而且仲有折扣室內環境乾淨整潔，有唔少卡位、四人枱、同埋超級大圓枱。放工晚飯時間黎到，非常熱鬧，有唔少外國人瑰荔堂皇，係玫瑰荔枝茶，咁樣嘅配搭第一次見，都幾得意，幾好飲好鍾意佢哋嘅肴肉肉嘅份量好多，而且分布得好平均，所以口感非常好！北京烤鴨，非常推薦！薄餅皮做得超級薄有提供哈密瓜，可以增加多一份清甜味道。烤鴨切得好靚，厚薄均勻。另外仲有一小碟，全部都係最香脆嘅皮，咬落去烤鴨油脂大爆發，超正！有精緻嘅美食，再食埋個鑊氣十足嘅炒飯，成個人就夠晒舒服，夠晒滿足！