古月

營業中

休息中

星期五下班後再來古月，一入街口，遠遠見一群人在門口等候，再等一會，有位再來幫襯。我記得以前來這餐廳，餐廳細細但係仍然覺得有空間感，服務員都不錯，但是現在古月再得到第四年米之蓮餐廳的榮耀，所以食客多了很多，但是餐廳內常滿屋，人貼人，空間感相對窄，而且服務員也比較忙，結賬也要自己走到前台結賬，像是茶餐廳般。至於食物質數係高，因為香港島吃好味肉骨茶的店舖不多，如果平日可以在六點來應該比較好。今次吃這個，好味道加上這個欖汁，更加開胃，值得一試！

今次室友帶我去食米芝蓮推介餐廳🍴，唔係我推介㗎，係真係果個米芝蓮呀🤭睇吓我同佢嘅標準一唔一樣先🙈1️⃣招牌辣椒板麵🌶 $50用咗秘製乾辣椒🌶️，肉碎，魚乾，溫泉蛋🥚同蔥花，加上爽口彈牙嘅板麵，口感層次豐富。辣度係譚仔中辣🤪撈勻d材料同麵之後，一定要一啖麵一啖湯！如果就咁喝d湯就會有少少腥，但係一啖麵一啖湯嘅話感覺完全唔同，味道好特別。湯入面嘅魚蛋都幾彈牙。🙆🏻‍♀️美味指數:7/102️⃣咖央厚多士 $24呢個厚多士真係好多事🤭佈滿咖央醬嘅厚多士鬆軟，不過我覺得茶記嘅咖央多士好味啲啦🤭🙆🏻‍♀️美味指數:6/10💡整體來講，板麵幾特別可以一試！古月地址🐾: 北角錦屏街後街29號A舖地下

這間是連續4年都獲得米芝蓮推介，食物的質素上有一定保證。主打新加坡菜的餐廳在香港都算少見。晚飯時間都是滿座。都要預留時段。牆上畫上了很多可愛的公仔，都非常有新加坡特色。包括了獅身人象和雙子塔。新加坡風味特濃！古滑雞飯無骨的雞件真正的啖啖肉，而且非常滑嫩。海南雞飯的醬汁好濃，又有少少咸味，搭配油飯一流。重點是雞件下面，還有隱藏鴨舌，超軟笪笪。藥膳肉骨茶藥膳味道不算太濃，蒜頭作湯底很有蒜味。對於習慣淡味的人已經製足味。再加上有兩大件五花肥豬肉、金菇、豆卜和油炸鬼。肥豬肉很入味，而不會過於粗糙。油炸鬼不夠脆身，但出現於肉骨茶很特別。三色奶茶 和 青檸鮮橙芒果梳打三色奶茶比較甜身，但茶味較少。青檸鮮橙芒果梳打是少少酸，但非常開胃。

由於是小店，食物種類唔算夠多，不過食物質素就好好啦。味道一流，又平。晚餐食飯都只係一百蚊左右。又吾洗等位，坐得又舒服，很適合普通家常便飯。圖中係古滑雞，除咗雞，仲有鴨舌，個鴨舌整得好入味，一流！另一邊就係肉骨茶，都好正。另外我哋叫咗炸雞小食，串燒。都唔錯架！拉茶，飲品冇得跟餐叫，全部散叫嘅。熱飲$20杯，凍飲大概$30。仲有個冬瓜茶龍眼冰嘅，唔記得影相，呢杯飲品都幾滋潤幾好味，喺呢個啱啱入秋天嘅時間飲就真係剛剛好，潤喉。

係北角同女朋友食飯，見到呢間米芝蓮推介既新加坡菜，小店貼滿明星幫襯既相，口碑咁好，我地都忍唔住要入去試下。古滑雞飯雞如其名，肉質真係幾嫩滑，唔肥，調味亦唔會過鹹；點埋佢個汁就更好食，個汁酸酸甜甜，好開胃，亦唔怕食太多雞會膩；佢個飯係雞油飯，好香！而腫下面仲有啲滷水豬耳，滷得入味，爽脆！鹵麵佢既腩肉肥瘦均勻，而肥膏既部分肥而不膩，唔會食到成口油，係有膠質既感覺，蛋、豆腐、鴨腳都滷得入味又唔會太鹹；麵就有啲似油麵，湯底係鹵水味再唔係好鹹，小小甜豉油味；整體黎講都唔錯！青檸芒橙梳打好重芒果味，加埋青檸同橙既酸，好fresh好岩夏天飲！

米芝蓮推介既餐廳唔一定好貴，古月係其中一間，位置有點隱蔽，要朋友帶路先識去🙈餐廳主打星馬菜，受歡迎既有新加坡肉骨茶、辣椒板麵、椰漿飯等，我個日去食都不用等位，但餐廳都接近坐滿－－－－－－菜式1. 椰漿飯配雞翼、雞鎚 4/52. 古滑雞飯 3.8/5椰漿飯配雞翼、雞鎚、江魚仔、花生以及辣醬，咸咸既江魚仔好酥脆，再加埋花生配飯一流，雞翼同雞鎚不油膩，炸得好脆口🤤飯雖然聞唔到椰漿香氣，但食落每啖都有濃濃椰漿味古滑雞飯其實係冇骨雞配上油飯，雞肉既分量唔少同埋真係幾滑，上面既醬汁有少少甜，仲有隱藏既雞腎🤤

月頭第一次黎食，叫左個古滑雞飯同馬來西亞肉骨茶跟飯，雞飯飯底係有味飯，帶少少咸香同超惹味，而雞又夠嫩滑，配埋個醬汁幾好食～不過肉骨茶味道唔算太濃，無太濃嘅中藥當歸味，而湯用上原整成個蒜頭煲，但入口又唔會好大陣蒜味，而豬肉剛剛好唔會煲到太“鞋”，仲會送多2粒油炸鬼做前菜，幾特別。 特色野飲都唔錯，叫左杯雪梨乾柑桔，真係有雪梨乾係入面，幾護喉。另外冬瓜龍眼水都好好飲，有冬瓜蓉又有龍眼好足料，唔會太甜，大推介。

很久以前嘗過米芝連推介的古月，一直念念不忘馬拉的味道，和男友決定再戰一下。六點多到，我們竟然是第一枱！這兒用上原木裝飾，有可愛的壁畫，很溫暖～.餐牌主打都是肉骨茶～秘製魚露雞翼灑上炸蒜超香口，又juicy，咸鮮中帶甜，很有東南亞特色！韮菜花比較少見，配上秘製醬油（比較像甜豉油哈哈）不算特別，而且份量偏少，可以不叫。重頭戲！男友叫了「咩都有」的藥膳黑肉骨茶，比平常肉骨茶多油，呈黑色，微甜，唐排燉得夠冧，金菇豆卜吸了湯不錯，但藥材味其實頗淡，比記憶中差了不少。我叫的鹵麵配米粉，米粉爽口，掛湯好味，芽菜解膩，湯底咸咸甜甜，但蛋和五花肉都不算入味，令人失望。更為滿意是它的飲品，大大杯又足料，清甜清熱的感覺，有家的感覺～價錢相宜，但食物質素下降了不少，果然回憶的味道是最好的～

朋友係晝就試完古月餐廳嘅「古滑雞飯」後，覺得10分好味，所以晚上就買咗外賣過黎同我一齊試吓（10分感動！感謝！）食嘅一刻真係覺得：名不虛傳！ ！ ！佢嘅雞肉10分嫩滑，上面冧咗佢秘製嘅「古滑汁」，兩者配合得啱啱好，令人食完一舊，又想即刻想食第二舊。我好少會出聲讚啲食物「好味」，但係試佢嘅古滑雞嘅時候，我就忍唔住讚佢：「好好味！」另外，佢得飯仲係用油飯，都係野味滋味之選！朋友仲買埋佢嘅「招牌古月肉骨茶」黎一齊試食。用得「招牌」兩個次，令人好期待！一打開蓋，就見到好大粒嘅蒜頭係正中間，好搞笑！唔理啦，首先梗係試吓佢嘅湯，比較重胡椒味（味道就好似豬肚湯嘅味），同想像中嘅肉骨茶有少少出入⋯雖然佢嘅湯同我哋嘅想像有啲出入，但好欣賞佢材料十足，湯料肉質嫩滑得黎好有口感（唔知道佢揀嘅哩個部位叫咩名）P.S.上網睇返，原來間餐廳請左聽障人士做職員。我未去鋪頭，但如果係真，算係良心企業，值得支持！

男朋友話呢間攞左好幾屆米芝蓮推介,所以就山長水又遠咁過黎試下啦~一入到餐廳,我淨係俾個鳥巢吸引左,佢牆的畫有部份係3D,例如個鳥巢~好可愛!我嗌左個椰漿飯,因為未食過;所以個飯同我想像中有D唔同; 椰漿飯好香,好似用椰青水煲飯咁,飯有配雞翼雞槌、炸脆小魚、同一個我覺得辣的醬(我怕辣); 成個飯好印尼風,配菜同飯好夾冰梅橄欖汁第一啖係酸酸的,飲落就覺得有D淡呢間餐廳我唔知係以咩地區作主調,因為椰漿飯似印尼風,佢有其他野食似馬拉~重點其實都好食,值得一試

I decided to follow the Michelin guide and visit all the restaurants around my area. I've always been a fan of noodles so I immediately decided to give Ancient moon a try. The store isn't very small but it's located in a small alley so it took a while for me to find it. I never would have noticed this store if it wasn't the Michelin guide. The ordered their most famous pawn noodles and it's the first time for me to try Singaporean noodles in Hong Kong. The noodles were just as good as I've expec

之前去北角食羊肉麵已經有見到呢間餐廳，終於有機會試！因為同幾個朋友嚟所以就可以食多啲唔同嘢！當日食晚餐嘅時候都幾多人，大家要有心理準備要等下。一入到去，即刻同朋友點餐！當晚大家都好肚餓！特別推介古滑雞飯！啲雞真係好滑好好味！暫時係我係香港食過最好味嘅海南雞飯！另外，我認椰香雞都好值得試！雞係炸嘅，但係依然多汁，亦唔會話全部係炸皮 椰汁入面加入咗香茅，成事十分惹味呀！其他菜式好似Nasi Lemak, 咖喱雞都做得幾出色，不過相比起就冇咁特別，但係多人都可以嗌嚟試下！價錢方面十分合理！我記得同朋友share最後每人唔使$100埋單！

每次行過北角都想試下呢間主打新加坡菜嘅小店，今日終於有機會同男友嚟試下。餐廳嘅裝修好趣緻，牆身畫左好多得意嘅公仔，好有特色。餐廳食物款式唔算多，我地今次主要都喺嚟試下招牌嘅滑雞飯同肉骨茶。古滑雞飯 $60雞件滑嫩而且仲喺無骨啖啖肉，岩哂我呢啲懶惰鬼，加上伴雞嘅醬汁味道濃郁，用嚟送飯食一流。而呢碟飯最古惑嘅地方，在於雞件入面原來收埋左幾件鹵水鴨舌，鴨舌腌得入味之餘肉質亦都軟腍易咬，很好吃，而另外一旁的並不是普通白飯，而是帶有淡淡蒜香的有味飯，令人更易入口。古月招牌肉骨茶 $80今次呢款肉骨茶胡椒味好濃郁，飲落舌頭仲有陣陣椒麻的感覺，同大眾食開帶藥膳味嘅肉骨茶有好大分別，冬天飲完成個人應該會暖笠笠。蒜頭炆到好軟腍，本身濃烈嘅辛辣味都融合於湯中，同我地平時食開嘅蒜頭口感好唔同。另外食得出連住骨嘅豬肉幾新鮮，肉質彈牙好易咬開。亞羅街沙嗲串(雞) $35/3串雞肉串燒燒得比較乾身，肉質硬身同鞋口，加上份量少而且價錢貴，所以唔太推薦。

平時成日出入呢頭，都唔知有間咁既野。咁岩呢日同同事食飯，佢地就帶我去食。中午時間都好多人等位，我地大約等左20分鐘先入到去，所以建議人少少先好黎。本人鍾意食雞，叫左個古滑雞飯。其實都想試佢既招牌肉骨茶，但因為身體唔係咁舒服，啲熱氣野下次先。啲雞肉都真係幾滑，個雞汁有啲𠎀，中間加左少少生抽，我覺得清清地，但都幾鮮味。本身個雞飯比較清，個餐有附送醬汁，酸酸甜甜咁，完全係我個味，不過都幾辣下。個飯應該係雞油飯，整體有少少似海南雞飯，但個味有啲唔太一樣。會再返兜。

諗住平平地食個蝦麵，細細碗無野飲，盛惠80大元。唔算好特別。一般般。蝦少又細隻，叉燒又少，麵反而多啊。咁就無配菜架啦。前菜小菜都無碟。好唔抵。餐牌係無寫價錢既，所以都知奶野。所以覺得呢間唔係好誠實既餐廳囉。唔明點解叫佢良心小店。話係米之連，咪又係普通餐廳一間。野飲方面，十杯野飲有九杯野飲都要盛惠$30大元一杯。但野飲同食物質素其實跟茶餐廳無分別⋯分分數茶餐廳仲好味。另外又唔收信用卡，只收現金好唔方便。