叉燒大王

營業中

休息中

尋晚要出席宴會，因為早到咗，故先去叉燒大王食叉燒飲啤酒，嘆吓先。坐低後叫咗碟例牌叉燒同一支靚女嘜啤酒。叉燒燒得好靚，肥瘦適中同肉質夠淋，故一個人就清晒咗全碟好味叉燒，搞到喺宴會裏都食唔落嘢。

聽說此處之燒味很有名, 早前買了外賣半斤叉燒, 份量十足, 肉質不乾, 沒有焦, 此較合愛健康人仕, 白飯$8一盒,超抵.令次專程試堂食水準, 二人叫了豆卜豆腐及蘿蔔炆牛腩,兩碗白飯,共$100, 沒有加一, 沒有其他收費, 經濟實惠.適合沒有時間煮飯之家庭.兩碟餸份量適中,沒有將貨就價. 豆腐沒有“up” 味, 牛腩很tender, 唯一缺點是有点鹹,豆腐"獻"太稠,個人喜清歡清淡. 鄰枱的海鮮及椒鹽蝦,見到也流口水!座位之間空間有限但卡座座位寬敝, 出乎意料每一卡座也有獨位電視, 從二人枱到十人枱也有, 如此收費, 抵讚! 吸煙及帶寵物者,可選擇坐於室外.沒有過度欣勤招待,反令人覺得自然,吃得舒服.餐單設計有肉,有煲仔飯,有蠟味,有海鮮,也有素食,照顧不同口味. 最好加入甜品.

上菜快~叫左四個''送'',五分鐘全部上哂。叫左例牌叉燒....半肥瘦叉燒好味......伴飯吃一流。木桶雞半隻....好滑,,,,但係望落去唔覺得有半隻law~bb乳鴿.....皮脆肉滑....連骨都食埋。另有椒鹽鮮魷.....好香口....正~

差唔多大部份菜式都好好味,價錢唔貴,而且唔收加一,起菜快,份量夠,水煮牛肉好味,大聖子夠新鮮,芝士鮮尤好重芝士味!!(要親熱食!!)燒味飯都好大盒,好好味!

呢晚又兩條友開餐﹗最後工友想食豆腐，就來左叉燒大王﹗上次食蒸豆腐工友話好好味，今次我地叫左個蟹肉扒豆腐。大大碟﹗豆腐滑溜，真係有不少蟹肉絲在中間，叫得出滑與香的層次，本來我地食飯十分少會叫白飯，今日竟然叫左兩碗，工友仲食左成碗半添，相當好胃口﹗另一樣要讚的是呢度既避風塘炒花甲，花甲大隻份量亦足，出面好多地方吃到的避風塘只係得蒜味，這兒的辣椒份量夠重，岩哂我地呢0的愛辣人士，辣味熨口的感覺十分好﹗惹味﹗不惜是不知做咩佢地話今日無啤酒賣，難到在續酒牌嗎？最後第三樣吃了南乳炸鮮脆雞，雞炸得乾身，不過南乳味不濃，佢地都應該知道呢個問題所以俾多碟南乳醬我地蘸來食，要蘸就有0的失意義啦﹗埋單一人一舊水，現場仲有蘇 GOOD送飯，不錯﹗

收工大家悠悠閒閒，就去叉叉大王食番餐﹗無帶相機有0的後悔，因為今日0的餸幾好食，好想影低佢，只有用低質素的手機頂住先﹗先來個雙拼燒味，要了燒排骨同埋油雞，排骨比較肥不過香口，油雞是雞肶成隻，滑溜不會太油膩，肥膏不算多，蘸0的薑蔥吃很不錯﹗鐵板蔥炒牛肉，牛肉略嫌佢醃得牛太腍太綿，失卻左牛肉的原味﹗最後仲有個胡椒浸花甲，胡椒湯底香濃提鮮，花甲夠多夠新鮮無沙，好食﹗來親呢間野我都一定叫個瀨粉，一碗兩個人share岩岩好，滿意的一餐呢﹗

屋企附近的食肆,不過都係鍾情佢d燒臘,小菜就稍貴,味道一般!最喜歡呢度D叉燒,其次係燒鵝及燒肉。叉燒燒得VERY GOOD,叉燒燒到不乾身,內裹肉質汁液沒有流失,甚有咬口,蜜糖亦落得剛剛好,樣靚味甜,不過表面就稍為少少為美中不足,值得一試。常常在此打包回家加。

成日來河畔吃飯，卻從未吃過叉燒大王，呢次終於可以試下喇﹗時值夜晚九點幾，竟然門口都仲要等位，真係旺場，好在我地兩個人等位都算方便，不消一陣就有得坐﹗環境沒有其他茶記的迫狹，坐得舒服，仲有好幾部電視睇添，岩哂工友﹗梗係試番個叉燒先啦，可以雙拼要了燒腩仔試多一樣﹗叉燒蜜汁味濃，半肥瘦吃落豐腴香口又軟熟，味道確很好，抵佢叫做叉燒大王﹔燒腩仔六分瘦四分肥，吃落陣陣油脂香，再加上來身件件有咬落鬆化的脆片，呢碟做得生招牌﹗最愛吃瀨粉的我作一個單點，嘩十蚊雞一碟大碗得不得了，兩個人share也不為過﹗愛吃豆腐的工友要了個蒸豆腐，用料是梅菜豬肉，豆腐滑溜一夾即碎入口即溶，充滿豆香，帶甜的熟豉油吊出梅菜豬肉的鮮味，工友能吃完整碟飯，呢碟野居功不少﹗很不錯的叉燒大王，食物碟頭亦大，兩個人吃了兩個餸加粉加飯已經飽哂﹗埋單一人70蚊左右，抵食﹗

很奇怪，每一次吃這兒所謂"稱王"的义燒，感覺是每次不同的 ---- 有時是蜜味濃郁、肉質鬆化的，但有時遇到的，卻是色水暗啞、硬崩崩的貨色....是日吃到這份堂食的，正是後者了....反而上次吃到的燒腩，今次就好得到 ---- 皮脆得一咬就聽到口內的啪啪聲，中層的肥肉不太漏，底層的瘦肉是鹹味恰到好處。好吃.....看來應這裡為 "燒肉大王"才對啦.....

唔知道點解, 今日突然好想食义燒, 所以來了午餐, 叫了义燒5寶飯.即仲有咸蛋, 魷魚, 燒鴨, 及雞翼.跟餐有個湯, 係東瓜豬骨, 幾甜.好快上.唉, 但今次大失水準呀, 除了义燒咸蛋, 其他都唔得...魷魚得一條鬚, 再切到勁薄. 雖味都ok, 但太少了吧!燒鴨其實只係皮多, 肉好少, 幾舊骨, 冇肉的.雞翼最樣衰, 有相你睇.同茶餐廳d 下午茶炸雞翼一樣, 仲要係炸到乾晒冇水硬既為止.情況令人震驚.希望下次會改善啦.唔喊唔得呀, 今次...

今日同家人到叉燒大王晚食, 都叫左數樣嫁! 有招牌叉燒啦, 燒腩仔, 銀魚松炒菜花, 霸王雞, 皮旦肉片粥, 蘇梅骨等... 叉燒同燒腩仔肉質都軟, 腩仔的皮都脆和香銀魚松炒菜花咸咗少少霸王雞都入味, 雞肉都滑蘇梅骨個汁不錯(酸甜汁), 但若細舊少少會好D, 易入口呀麻!D粥就稀左少少, D粥加左葸菜味又不錯喎!

我2個月前食過(3個人), 但唔知係咪叫錯野, 所以唔覺得好味.燒腩拼叉燒 > 話要肥叉, 但黎左瘦叉, 仲要無乜味, d燒腩仔又超肥, 兩樣都唔掂.芝士焗鮮尤 > 鮮尤唔係新鮮的, 所以無味, 同埋原來係炸鮮尤, 再落芝士汁去焗, d芝士汁同酒樓d芝士焗龍蝦味道一樣, 又係唔掂.辣酒煮花螺 > d酒無酒味, 又唔辣.炒菜 > 唔記得炒咩菜, 但應該是最好.小菜份量都Ok的, 唔會太細碟, 亦唔係好大碟.但我見人地d小菜就好好食, 唔知點解我地果d就咁差囉!

嚟得叉燒大王~叉燒燒肉米粉一定唔少得~佢d上湯真係好得~加埋叉燒肉另上~good!!!仲有必定的掌翼~千萬不要以為38蚊係貴~抵的!!!而且份量唔少!!今次叫多個口水雞tim~辣的東西~我真係唔識欣賞~辣到我唔多食到乜味但雞肉嫩~皮脆~絶對要加分!!!!!

爸爸推介話好好味又唔貴, 我係叉燒fans一定要試試啦~我要左叉燒豬頸肉米線, b要左叉燒燒腩仔飯...講下米線先...叉燒真係好味呀~ 不愧為叉燒大王呀! 不過小左d姐...豬頸肉...韌了點...mama地~b個飯呢...燒腩仔真係不得了呀! 好正, 皮脆肉滑...又唔會太肥wor, 我覺得好味過叉燒tim呀! 諗起又想再食了~!仲有例湯送...又唔貴...哈哈...不錯錯

嗱~我一路都以為佢d叉燒係最好味的~但今年開始有質素下降的跡象~平時我都係叫叉燒腩仔米的~上2次我叫多個"小"食最係鵝掌啦佢的潮式鵝掌真係好好味呀~搞到我食完一隻又一隻~又大隻又大碟~平時$38蚊一碟會覺得貴的~佢仲貴過個碗叉燒wo~但呢個真係抵~~~