叉燒大王

營業中

休息中

大前日(14-6-2016 Tue)要去醫院抽血,抽血前至記得,點解唔o係沙田食o野?於是走o黎我同事推介o既呢間.我o黎到睇睇menu,發現有下午茶餐,而且2:00pm已經開始有,於是我要$38.00o既叉燒燻蹄瀨粉,飲熱好立克.等o左一陣,熱好立克到o黎,我唔落糖飲喇,怕甜.佢落o既粉都夠,已經夠味.再等4分鐘,叉燒燻蹄瀨粉終於到o黎,睇吓,叉燒份量唔少,燻蹄少啲,食吓先,叉燒係全瘦,口感腍,蜜味有但唔算好多,雖然係咁,都已經好好,因為我真係好耐冇食過比較好o既叉燒喇.味道: 4分而燻蹄呢,已經熟晒,食到有豬肉腥味,佢俾o既醋,味道偏辣o左,麻麻.但唔蘸,燻蹄又唔掂.味道: 1.3分至於瀨粉,口惑都偏腍,湯o既味道都怪怪地.味道: 1分環境:好大好有空間感,但咁o岩我坐o既位近門口,又係唔多夠涼.抵食係2. 5分其他:之前一個同事話好正;一個話一般;一個話以前食過,但聽人講差o左,之後就冇食.

沙田區有一間叉燒大王幾出名！同朋友相約一起去試下！叫了兩個小菜：叉燒同醬燒脆皮茄子。叉燒正如其名，實至名歸！好腍得嚟有彈性，仲係少少肥！但係不肥膩！味道啱啱好，不鹹！又多汁！的！用來送飯一流醬燒脆皮茄子真不錯！外脆內軟，魚肉攘在裡面，面頭灑上芝亦，燒汁香濃！味道唔錯！！一樣出色！

好懷念叉燒大王嘅叉燒，今晚點左叉燒切雞飯，叉燒肉好實淨，可以講有D韌，嚼落去需要力氣，不過味道不過不失，小小甜甜地，雞胸肉口感有嚼頭，點姜蓉黎食好好味，雞皮夠滑如果叉燒可以再淋D，甜D,焦D，甘就好啦

雞仔肚嘅我，早餐真係好有局限，但係上次試過叉燒大王嘅早餐，我一直都好掛住距嘅奶油脆脆豬原諒我甘愛距，因為真係每次食，每次都驚喜，點可以甘脆煉奶嘅味道滲入包度，每一口都鬆脆又甜甜地，好正，加埋杯熱華田，不落糖，補充每日所需嘅營養，就GOOD啦

放假要輕輕鬆鬆食個靚早餐，細細份，適合女生的就梗系叉燒大王的豬仔包啦，真係無得頂架豬仔包哄得好脆，但係無焦嘅味道，好巧功夫，加上牛油同煉奶，一齊脆脆，味道超正吖，好好味，配杯阿華田，美滿的早餐就完美啦，食了對的食物，心情好到停不了

今日又係瞓到黃朝百晏，一起身又係下午茶時間叉燒大王自從裝修擴充後，樓面大了很多，位子也增加了不少，而且室內開闊，燈光火猛，舒適得很。今天我叫了一個常餐，豬扒麵+奄列多士，老婆則叫了一客雞扒沙律。豬扒麵普普通通，麵條軟硬尚算適中，豬扒亦不會太薄，奄列和多士也沒甚麼特別，是一個踏踏實實的茶餐廳常餐。至於老婆的雞扒沙律，則讓我們有點驚喜，雞扒大大的一塊，皮脆肉嫩而且有肉汁，沙律雖然是傳統的罐頭雜果沙律，但醬汁不算太濃，酸咪咪的有陣清新的感覺，調配適宜，非常開胃。

最近成日系office食埋啲肥叉燒，食到我超級無敵想嘔，所以我好懷念以前有好靚好瘦噶叉燒食，今日休假一定要出去食好好味噶瘦叉！！叉燒王噶叉燒真係好正！！色澤均勻，而且選噶肉比較瘦，終於無好多肥豬肉啦，肉質鮮美多汁，口感好好。~燒鵝，肉質都唔算好肥，而且食落去唔會好油膩，燒鵝皮好脆，肉質乾身。沙田雞粥，真係好大煲吖~味道好鮮甜，而且入面真係有好多雞，有好香噶雞肉味。食完真係回味無窮吖~！食完叉燒嚟翻杯凍檸茶就啱曬啦，有助消化吖嘛~~檸檬味道好濃郁，而且好有茶香！

噚日經過河畔花園嘅“叉燒大王”佢地最出名係燒味，所以我左個切雞飯。切雞份量好多且師傳切工好好，每件大小相若，而雞皮拎立立，雞肉好鮮味，唔靱，雖然係冰鲜雞，但雞味甚濃，再配以姜蓉，值得介紹

每次和超級忙的熊朋友約會吃飯都在離工作地近的沙田區，而我們最愛就是去麗豪酒店後面河畔花園那一區吃飯，因為我覺得每一家都很好吃，都是用心經營的小店哈哈。其中我最愛的一家中餐是這家叉燒大王！每次晚上9點去吃飯還是有很多人呢，餐廳裡面四四方方，不大不小。店員來去就是那幾個，其實每次看到一樣的人還蠻有親切感（笑）。雖然我喜歡試新餐廳新菜式，但是到我喜歡的餐廳可能每次都點那幾樣，熊朋友覺得巨無奈哈哈。餐廳取名叉燒大王，當然叉燒是不可以不點的！我們都點雙拼，拼的是叉燒和海蜇（是不是很奇怪的搭配，完全是熊朋友的獨特口味=.= 叉燒肥瘦均勻，咬下去軟硬適中，甜味也剛好，超級好吃！而且每一次去的質量都很穩定，就沒試過吃到很瘦的那種。 接著這道菜是我的大愛 - 黃金鮮魷！ 雖然這道菜很傳統，但是現在也不是常在其他餐廳可以看得到！黃金就是鹹蛋黃，用鹹蛋黃和粟粉炸出來的魷魚口感超級酥脆！！外面咸咸的，裡面魷魚很爽口很鮮味，送飯一流！！ 最後我們還會叫一碟炒蔬菜。這邊炒的菜很有鍋氣，蒜蓉爆得很香，青菜也可以很好吃呵呵

泊左車向停車塲行岀黎，仲諗緊食咩之時，見到有間食市門口突然有d海鮮，大大隻好新鲜甘嘅樣，就入去試下啦。兩個人叫左幾個餸 ，叫左個鐵觀音，茶一到不用等太耐餸已經不停送上，感覺上幾有效率。首先食下尿蝦先，叫左椒鹽，一食入口好香身，好野味，個蝦尾好脆口，好香蒜頭味。 食 到入面真係啖啖肉，好鮮甜好有肉汁，師父煮得好手勢，真係做到外脆内嫩兩種唔同嘅口感，比個叻你。 蒜蓉開邊蒸蝦 蒜蓉香口，蝦 身好多go,肉質彈牙，鮮甜美味，簡單食唔停口牙。反而個蜆食落唔太野味，蜆肉好像味道一般。蒜蓉勝瓜食落唔老身，依度要讚下個蒜，蒜味真係帯岀成個餸嘅味道，令本身普普通通嘅勝瓜食落好岀色，好特别。勝瓜吸收哂蒜嘅味道，清得黎好香濃，有兩種層次嘅味道，好食。ps，食哂賣單過隔離攞車，車塲先泊左一個鐘十八蚊，可想而知上菜又快我們食得又快，好食到食唔停口

見到呢間店好多人買外賣飯盒所以就試下 , 叫左個肥叉腩仔飯同燒鵝飯。走個陣想拎包薑蓉 , 佢話無 , 都算 , 唔緊要。滿心歡喜咁返屋企開餐 , 一打開 , 肥叉變瘦叉 , 仲要硬到咬唔開 , 之後個燒鵝飯仲嬲 , 燒鵝搭一半燒鴨比你 , 有無搞錯 , 錢就比足 , 料就減半 , 講到呢到真係嬲嬲地 , D燒鵝仲要得雪藏味 , 其他咩都食唔出 , 呢世人唔會再去第二次。

真的是好一般，我们一行五人随意吃了下午餐。很失望。简单评论下：肉质差，分量少，味道很一般，收费贵，感觉不卫生，烧鹅酱汁也太酸。其实稻香，又一城里的店铺做的叉烧都不会比叉烧大王差了。

今日一家四口想食叉燒, 於是去到呢間叉澆大王食晏, 其實之前都食過下午茶, 見都OK咪去食囉.去到叫左三碟燒味飯, 話梅豬手同埋麻辣豬肚絲三碟燒味飯先黎, 五寶飯同叉燒蛋飯都正正常常, 我自己就五十幾蚊叫左個叉燒乳豬飯, 真係驚喜到呢 ! 四十幾歲人都未食過切半叉燒, 叉燒要食到肉汁先好味架嘛, 舊叉燒已經細舊架啦, 仲要切半, 同舊乳豬皮一樣咁, 乜口感都無晒...心諗算啦, 反正仲叫左兩個餸, 耐心等下啦....跟住碟價值五十八蚊"麻辣豬肚絲"黎勒, 一夾入口, 苦到吐左出黎, 跟住搵個待應問下啦, 可能我唔識野, 我問佢碟野係苦架? 然後佢個女人(應該係經理掛)過黎, 個女人話大陸啲辣醬係苦架喎, 完全唔理我食唔食到, 然後走左去, 小弟真係聽都未聽過, 你又唔係辣到好利害, 得過少少辣, 但係多多苦囉...好彩, 救星到勒, 碟話梅豬手黎勒, 食落去得果少少話梅味, 甜囉....我靈機一閃, 將啲話梅汁放入啲超苦豬肚絲度, 諗住仲淡佢講O既"苦辣醬", 點佑都係苦....其實你唔夠賺咪開個貴啲O既價錢囉, 俾舊半切叉燒我做咩?自己失手無洗乾浄個豬肚所以苦咪講囉, 點解講埋啲咁O

黃子華在某次棟篤笑中說過，在座每位，任何你多厲害，不也還是戒不掉對白飯的癮。這句話，於偷敦九天的蜜月之旅感受至深。不說意粉pizza薯條漢堡好吃與否，吃到底，還是只覺填滿肚子，差了一份溫飽。到第四五天，已忍不住要跑到Wagamama，管不得是甚麼飲食大員的店，只知那邊可以吃口米飯。胡里胡塗要了個日式照燒雞排飯，下點醬油，連飯連雞排吞下肚，心中感動不已，終尋回久違的溫飽。回程時，這次不止飯癮，是渾身上下都想吃燒味飯。在新加坡轉機，立時隨便挑家中菜館，坐低揚聲：「燒味拼盤，白飯！」我想，身為香港人，應該都逃不過燒味飯的召喚吧。三不五時，就想吃燒味飯。燒味飯，講究的是飯和燒味的配搭。飯要香，要熱，要軟糯，而燒味，則總讓我頭痛。燒肉，燒腩，油雞，切雞，燒鴨，叉燒，單是這六款中，就有五六款配搭。有時想吃燒腩，又想吃雞，但雞又分油雞切雞；想到這裏，又覺香甜鬆化的叉燒也不錯，可燒味飯從來沒有三拼，而甚麼五寶飯，四寶飯，又太雜亂，吃不出精髓。壞習慣是不好吃，就不必吃。想吃叉燒，離家最近是沙田的叉燒大王。特別喜歡把名字都押上的店，如果這裏叉燒不好，就甚麼都不用再試。來一碟叉燒例牌，特別囑咐：「要半肥瘦，

開頭唸住食隔離日本野，但今日比較晏，我們改咗去食「叉燒大王」。下午茶叫咗：我E碟「叉燒油雞飯」（多汁）$37，叉燒係半肥瘦，少少淋淋地，味道唔錯！油雞亦好嫩滑！雖然係下午茶，但飯其實都幾多下！Nice! 「叉燒燒鴨飯$37」，弟弟叫E碟叉燒比較瘦，太瘦不好食，一般！燒鴨肉少骨多。「星洲炒米$30」，幾足料。味道唔得，好淡口及浄係食到咖哩粉既味，麻麻地！「叉燒油雞瀨粉$29」，忘記叫妺妹分開上。（個人不太喜歡叉燒浸住係湯度）瀨粉比較幼身，湯底可以。「奶醬多」好一般，麻麻地。E度D涷檸水、涷檸茶都不錯！招牌咖啡未試過，下次會試下。以上凍飲或汽水+$3（下午茶不用加一）總括而言：燒味和飲品不錯，其他一般。