印尼沙爹屋

營業中

休息中

小的到筲箕灣食團年飯 未開團年飯前小食一下事前都check左附近有咩野食 ☻小的是濃味怪 所以黎試下 好易搵筲箕灣MTR B2出口 一出就見到 即刻order左沙嗲牛+沙嗲豬+沙嗲豬頸肉 不消一會就有熱辣辣 唔似南丫島個d甘 沙嗲味濃!!!! 絕對要去試!☻沙嗲豬頸肉 - 爽口!一定要試☻沙嗲豬 - 小的都唔係好鐘意食豬 不過呢到既豬串唔差☻沙嗲牛 - 加埋濃濃既沙嗲 簡直係絕配!以上。

去開筲箕灣,更要到東大街搵食啦!這間還未試過,試下先.店舖很細,但對出的空地就成了它的露天雅座了.我倆一到達,就有人為我們開枱啦!因為是食晚飯,只叫串燒是不夠的,綱好有一款沙爹串燒飯,我女朋友要印尼炒粉絲,黎多碟炒通菜,加多杯珍多冰.印尼炒粉絲--->炒得夠干身入味,又唔會痴住,$28抵食.沙爹串燒飯--->有三串沙爹,雞、牛、羊各一串,沙爹汁濃,肉大粒,好有口感,不過牛羊的分別唔係好大,即羊肉唔係好靚,不過咁嘅價錢仲想典,我絕對收貨,但如果佢能夠加幾粒青瓜落碟飯度,用來餸吓口,中和吓沙爹的濃烈,咁就無得頂啦炒通菜--->夠鍋氣,脆嫩,平...珍多冰--->這杯珍多冰在一頓美味的晚飯上添上左污點.$10一杯,留番黎買珍珠奶茶好過喇!

28-8-2009難得呢日「下場」前大把時間, 一個人食 dinner 當然死都唔喺西灣河, 轉戰 10 年唔去一次的筲箕灣, 到步先整串沙爹羊肉 ($8) 止止口痕.即叫即燒, 勁熱辣又香噴噴, 好吸引. 沙爹汁味道極濃郁, 微辣, 比其他地方食到的無咁甜又無咁重花生味, 勁正 羊肉極 juicy, 羊味幾香, 夠腍又唔嚡口, 正 一向最喜歡九龍城廣場對面嗰檔 (http://www.openrice.com/restaurant/commentdetail.htm?commentid=1947883) 的出品, 但呢度的比九龍城更出色, 絕對值得試試!唔好睇佢 up up dup dup 又要「立食」, 阿姐阿叔們又好似好「粗豪」, 佢哋幾友善的, 食完串燒後阿叔仲會主動遞上一盒紙巾俾你抹嘴, 感覺不錯.唔知下次去筲箕灣會係幾時, 不過嚟的話一定會再幫襯 -- 下次食豬頸肉!

went there last night in pouring rain, it is a big hassle unless live near there or travel by mtr...the location stated is actually not correct, it is at keng shan lane just outside exit B1.satay price needed to be updated as they are not selling $2 a stick like previous eater posted, it is $7 and I feel it is expensive, taste is good but there are places who can make better satay.

加辣沙嗲羊肉串有少少辣，不過真是好夠味，而且羊肉一D騷味都無，好正豬肉/雞肉串都好唔錯鍾意加喇好野味~~印尼炒米粉都幾好味，炒得夠干身，而且唔會好油，好濃嘅香味只可以企住食，不過都幾好啊，別有一番風味下次帶埋D friends一齊去食一邊傾計一邊企住食，感覺應該都好舒服噶

2009年05月29日，16:30踏著自己三數年前的足跡，從太古城走到東大街。來次個人回憶。本不想花分文，但進地鐵前，仍受不住誘惑。到沙嗲屋，來串加辣的羊肉串。羊肉羶味不濃，不算嫩滑，但志不在肉。而是那和味的的沙嗲醬，仍然夠香、夠辣、夠惹味。題外話：太安樓小食店的據點，但竟不見牛雜佬開檔，四眼仔仍賣他的雞蛋仔和炸大腸。。東大街，東區的食街，新食店如雨後春筍。多了幾家日式、泰式、越式和小食店。老店金記已改名做華記，但員工不變。進取的阿糊雖佔了老牌安利舖位，但拍烏蠅。大記的分枝，"果心心"進駐東大街，但生意一般。(在筲箕灣道亦有分店)街尾的王林和安利生意俱佳，吞食本色仍健在。

掃罷小雲吞就來到這裡吃濃味的串燒…當食友點了雞牛羊豬頸肉紅腸鴨腎各一的時候…被店員阻止拍攝店面…我想大概買了回來的串燒就不能阻止了吧….串燒來了…所有串燒都淋上一樣的沙嗲醬…醬很多…幾乎把串燒都蓋過…印象中我大概是吃了牛, 雞和羊…其實我也分不清楚那些到底是什麼肉…因為那些沙嗲醬實在是太濃了…把肉本身的味道都掩蓋…唯一有些分別的會是羊肉串…少少羊羶味…羊肉半肥瘦的…很不錯~在我而言…我覺得沙嗲醬是一串串燒的靈魂…串燒的成敗都是在於醬汁…這裡的沙嗲醬欠了點辣味和花生碎粒…應該可以做得更好的~

今日經過一見舖前人頭湧湧，就知今日(年初六)老細有開舖。因為唔係住晌筲箕灣，有時黎到老細無開門，每次都叫做碰下運氣啦！ 兩串牛肉沙嗲：係用炭爐燒既。肉嫩、沙嗲汁好惹味。因為味濃，每次都係一串起，二串止。至於其他飯類，因為舖位細，只可以晌較夜時閒晌舖外放摺枱，所以呢幾年只食過一次，印象中還可以，希望下次有機會試真d啦！環境：無得要求，企晌舖外食﹐本身係一個非常陝小既舖位。服務：老細本身係印尼華僑，通常同另一位助手做沙嗲，老婆晌舖內。31/1/2009

十多年來見證了老闆從街檔搬上舖，每逢新年必定再擺街檔，與其他小販爭一日之長短。本店街邊一樣人頭湧湧，可喜可賀。這次買了雞髀($12)，肯定比便利店的大，雖然放在架上再燒，但不太熱。最喜歡的還是沙嗲汁，花生多又不辣。

第一次跟朋友來吃是吃那個沙爹豬頸肉飯, 很多豬頸肉, 沙爹醬汁也很多。我吃不了辣的東東, 這個沙爹醬汁是不辣的, 甜甜的, 能吃得出有花生醬味, 非常好吃!!之後也來過幾次, 但沒有拍照吃過其他不同的東東, 沙爹羊肉牛肉豬肉雞肉串燒, 炒通菜, 沙爹飯(雞牛豬串燒+沙爹汁+飯), 印尼炒飯, 燒雞翼, 雞脾...什麼也可以配沙爹汁, 果然是一間沙爹屋! (朋友曾叫了不知是咖哩汁還是辣的沙爹汁, 我吃了一啖覺得很辣)這次來了就試試老闆娘炒飯, 因為很多人也叫這個吃。味道不錯..但未算超級好食..至於那個串燒...豬羊牛雞也有...但沙爹汁也蓋過了它的樣貌, 你也看不清楚是什麼肉, 肉味不是超級惹味, 但那些甜沙爹真的很好美味, 喜歡吃沙爹的人應該會覺得不錯吧... 豬頸肉用來送飯會更好味可惜這店子在黃昏後才開鋪...要去試吃的話別那麼早到喔!一個飯+4串串燒+豬頸肉+汽水 大約 $70

為了找這店,來回走了兩次,沒有清楚記低街號,還以為已閉店,原來在MTR出口點了一牛一羊,即食....沙爹汁好味,但好滯.D羊好淋,應該比D奄肉粉奄得好利害,而且無羊味,好失望.串牛我記食咗一淡,無咩突別.

跟朋友到東大街吃晚飯, 又怎能錯過沙嗲串燒?我們吃了:羊肉串-朋友認為要大大嚿食才有羊味, 我覺得幾好, 唔太鬚.豬肉串-好入味, 肉很稔, 我最喜愛的串燒.牛肉串-我覺得略嫌硬身一點, 但朋友說好吃.雞肉串-相比以上三樣肉串, 我覺得雞肉不及其他入味, 但都好味道, 雞件頗大塊.沙嗲醬, 實在是太太太美味了. 有花生味, 不咸, 味道很適中!! 老細問要唔要辣, 我們無試, 下次一定要試試啊!

睇完此家店舖的食評決定幫襯下。 結果是「正」!試過以下菜色:- 沙嗲串燒豬, 雞, 牛 @ HK$2/串: 完全十分同意其他食評人的評語。 印尼炒飯 @ HK$28: 這個無乜特別,一般水準。不至於話超正Law。 印尼炒米粉 @ HK$28: 反而這個做得十分好, 炒得乾身,無乜油。正! 建議外賣好啲,因為店外只得一張摺枱。不如安座屋企進食比較好。下次一定試下其他菜式!

2008年5月30日，印尼沙爹屋第一次來, 叫了印尼炒飯(28元)和雞牛豬肉沙爹個一串(各7元)。印尼炒飯只是一般，不太出色。但肉有碳燒的香味，沙爹醬也弄得不錯，很香。

朋友推介這裡的沙嗲串燒已久, 可是之前每次路過的時候它都還未開始營業.今次我接近黃昏時路過, 終於可以一嚐這裡的串燒了!我買了一串沙嗲牛肉, 一串沙嗲豬肉和一串沙嗲雞肉,原本想和家人共享這三串, 讓我可以試試哪一款串燒較好吃.怎料家人已急不及待試吃, 只剩下一串牛肉給我. 這裡的串燒真的很好吃, 尤其是那甜中帶少許辣的沙嗲醬, 濃而惹味,連我這些怕吃辣的人都接受得到!不過如果讀者們想吃得辣一點, 就要記得叫老闆多加一些辣醬了!至於串燒中的牛肉, 不算十分彈牙, 但肥瘦均勻, 不難咀嚼.最驚喜的還是那沙嗲醬, 味道竟然停留在我口中縈繞不散!下次一定要試試那沙嗲羊肉!! P.S. 不知是否近日通漲加劇, 沙嗲牛肉/豬肉/雞肉已加價至每串$7, 而沙嗲羊肉則加到$8一串!