印尼沙爹屋

營業中

休息中

平時來此店都係叫沙爹串燒飯喜歡他們會供應大量醬汁拌飯食.友人上次食過印尼炒麵都唔錯, 是日晚餐就來個印尼炒麵試下炒麵用上似上海粗麵既麵類來炒味道都唔錯, 成個麵都充滿黃薑味道配料用上雞肉, 蝦同什菜, 不過d蝦肉大部份都係"梅"唔好食幸好個炒麵唔算多油, 而且有大量蔬菜作配料, 整體都唔錯

這是我經常幫襯的店子!沙嗲非常惹味! 撈飯一流!試過叫沙嗲飯, 有豬牛羊串燒各一 (見圖), $30, 不過散叫一串都只係$7, 計下數即係個白飯+菜, 額外加咗$9...所以近排我改為點沙嗲豬頸肉飯 ($30), 豬頸肉分量比三串串燒多, 感覺抵食D 同埋近排佢地改咗沙嗲汁另上, 唔會撈埋落D飯度, 食起來仲好D,不過唔食得辣的話, 要叫佢走辣 (有次叫佢小辣, 都係太辣...)

食完糖水，友人說想搵野食，所以夜媽媽來了這裡買串燒，春節其間，東大街有做生意的廖廖可數呢，順理成章就來了這裡~~平時過了8點我就不吃東西了，一場黎到，不可以掃興呢，所以我吃了兩串，一串牛一串羊~~友人又吃牛又吃腸又吃腎~~~牛和羊都很嫩，今次要了不辣的沙爹，甜甜的很好味，不過我相信辣的會比較好吃~~價錢也合理呢，7蚊一串牛，算係咁la~~~其他飯類都是幾十蚊而已~~~有機會再黎試試

元旦日晚上要孤身食西北風,惟有到東大街填填肚想起印尼沙嗲屋 , 即前往一試1830 人不多 點了一牛一雞的沙嗲和一碟印尼炒飯自己在街邊的膠櫈坐下等了10分鐘, 牙姐便將食物送上先試沙嗲 , 肉質普通 ( 只是$7 將貨就價吧) 不過散發出炭燒之味而且上頭的沙嗲頗濃味 , 辣中帶花生香, 不錯不錯至於炒飯則普普通通 , 分量不算大 , 材料不多 , 勝在夠鑊氣雖然印尼沙嗲屋僅是街邊小店, 服務卻是一流先是筆者落單時忘記告訴老闆娘堂食 , 其後老闆娘把外賣盒送到時我告之她隨即笑笑口把食物轉回碟上之後我只希望添加沙嗲汁, 老闆竟把那串串燒重新烤一烤 , 再淋上沙嗲汁 , 實在細心離開時我在附近逛逛, 之後再遇老闆娘 , 她竟大大聲說 : 多謝哂靚仔如此服務 , 令人窩心至極

聽說這間串燒好好味，所以買來試吓，果然名不虛傳！肉質嫩滑，不會燒到乾爭爭，沙嗲醬惹味濃郁，同新加坡老巴刹有得比！分量方面也算多，吃多幾串也會飽肚。推介：串燒羊肉

在恆河食完飯餐，走過來巡一巡，睇睇有咩小食可以吃，我總是這樣的貪食。到了印尼沙嗲屋，買了一串沙嗲牛肉。是炭爐燒的，很香，而且沙嗲醬亦做得不錯，惹味濃郁，牛肉不韌，只是欠缺肉味。但是街頭的幾蚊雞小食，不能挑剔太多了。據報這裡的炒飯也好吃，要搵機會試試。$7/串的沙嗲牛肉，食得過。

以前曾和友人來吃過印尼串燒，感覺非常惹味！這次來試一試別的東西： Markisa Markisa 不知道如何發音，它是由熱情果造的飲品，在杯內清楚看到一粒粒的熱情果籽，酸微微很開胃。 印尼串燒 ( 牛 / 雞 )牛和雞一上了碟都分不了 全都被濃厚的醬汁淹著。店主一點都不吝嗇，每一份串燒都會給予很多沙爹汁的，這裏單買一杯沙爹汁，也要廿幾三十元哦！這次串燒很辣很惹味，平時落單要叮囑要辣或者是不辣的。 印尼炒米粉 一億個讚！這個印尼炒米粉簡單有點驚為天人，與一般中式炒米粉不同，這個炒得很亁身很爽口，吃光後，碟上沒有絲亳的多油！很讚！夾雜了蔬菜，香料，很香口很惹味！我和友人吃了一整碟仍津津有味！順帶一提，這裏的店主和店員都很和藹可親！

幫襯這家店都有幾年時間，間唔中經過會買串燒食... 今晚亦買左幾串做宵夜...這裏的串燒不是日式的那一種，而是馬來西亞、印尼式的那一種...重點係個汁度...基本上係筲箕灣地鐵站內，都會聞到陣陣燒肉的香味...最欣賞係佢個醬汁，好重花生味，有少許甜，好惹味...可以媲美係新加坡串燒街食到的串燒.. 我覺得呢間個汁仲好味少少...不過因為個醬味濃味，會蓋過左本身的羊或牛的肉味... 總體來說好唔錯，幾年來水準都保持到...

其實是友人介紹來吃.我是陪友人一齊食.坐街邊吃我最愛"其實叫左幾過菜(印尼炒米粉 = 不錯幾有咬口)(XX炒蛙蛙菜 = 普普通通)(無敵雜錦串類 = 我地叫左乜串燒我都唔係好認得,因為被濃厚的醬汁蓋過晒.其實只係食到他的汁味 !)

吃完晚飯, 還未夠飽就跑來試試Openrice排名不錯的印尼沙嗲屋.我們六人一共買了八串. 記得羊肉的比較好, 有一點酥. 但豬頸肉卻沒甚麼肉味, 可能是沙嗲汁太多(因為好香濃*), 結果只能單靠肉質分辨出各種串燒.(已分不清兩張照片內的串燒 : p )抵讚的是舖面好乾淨企理. 即使只點了一串, 老闆都會用碟盛好以免醬汁滴到周圍係

對於人生路不熟的地方~地鐵站出口是最好的朋友~~這間在SKW有點名氣的沙嗲屋~原來正正對著地鐵站~都未走完出口的樓梯就聞到串燒味~~而且還是炭燒的啊~!不禁又吞一吞口水~~試試看~~幫襯的大多是有計傾的熟客~都會買埋飯麵~~如我等生客好像不多~對於小比影影相都顯得有點惡意想阻止牛刀小試只要了一串唔辣ge牛肉~~等上一陣子翻燒的過程~~~就算只叫一串都會有碟~這個policy實在太照顧客人和夠整潔~!勁加分~流量大所以不會放到肉質收縮而變乾韌~沙嗲汁雖不及蘭英的濃和惹味~但稠度適中花生味夠~算是水準之作~簡單的店名已經讓人留有深刻的記憶

4月8日（星期四）晚，接完女友收工後，我倆都煩惱著去哪裡，突然我有一個即興的念頭，就是坐電車去到筲箕灣尋找美食，女友當然贊成。由中環坐電車落到筲箕灣，感覺很舒暢，遊完“電車河”後我們心情也覺得好些，在總站下車後就行去東大街，因為筲箕灣的美食大部份集中於這條街。當我們行到中途，就聞到很香的串燒味道，看見這小店後就被它吸引著，待我們由街尾行到街頭後，我們仍是想念這裡，於是就來這裡吃。這串燒店基本上是外賣店，店內完全是廚房重地，坐的地方是露天的幾張摺檯，幾位阿叔負責店鋪內外事務，看似分工混亂，實則很有默契，談天說笑間總能把食物送到你面前，街坊式的招呼亦來得很親切。我和女友商量過後，就寫紙仔點了老闆娘炒飯、燒白鱔和沙爹豬、牛、羊、雞各一串，還有一杯印尼Marquisa果汁，後來再加一串豬頸肉。印尼Marquisa果汁應該很足料，女友知道我不愛喝鮮果汁而奉勸我不要喝，我試了一小口就知道女友的話是真的，果然「不聽女友言、吃虧在眼前」；老闆娘炒飯比串燒更快來到，外表看似很平凡的炒飯，食落才知炒得很有鑊氣，飯粒分明且軟熟，調味亦恰到好處，這裡的炒飯比起不小食肆的炒飯還要好吃；相反串燒就失色得多，雖然沙

周五又是二胡團，學完後打電話俾老友問佢筲箕灣有咩好食，佢同我講呢間印尼沙爹屋最多人食﹗吃完後我開始懷疑呢個老友係用耳仔來食野，呢條東大街咁多野食，上次佢介紹我食0個間咩第一站串燒，難食到無人有，今次話呢間好食，就逐樣同大家評一評﹗店子細細，門外開住露天摺枱位，衛生就一定麻麻架喇﹗一向都無咩所謂，見佢以串燒出外，當然咩都試番串，再加多個老闆娘炒飯及炒雜菜﹗串燒等十分鐘就有得﹗賣相麻麻，一大堆食物埋在一起上面再加多一大pat沙爹汁﹗先試雞翼，肉質超鬆散，我望望友人佢又咬一啖之後又望望我，明顯有同感，一吃便知是先烚熟再係咁易燒兩野就叫串燒，雞肉明顯烚熟了發脹，那一pat沙爹汁是甜甜的帶濃厚花生醬味覺，似食沙爹汁多一點﹗再來試埋佢地既豬牛羊，同友人完全O哂咀，0的肉醃到鬆鬆爛爛，如我合埋對眼吃的話，真係分唔到到底邊一串係雞，邊一串係牛，邊一串係豬，只知放入口的是一舊肉咁大把，一路食的時候見到客似雲來，不少兄弟哥兒都排哂隊在買一兩串串燒吃，其實佢地係來吃沙爹醬了吧？0的肉真係有味？仲有咩燒海蝦仲誇張，又係隊pat沙爹醬落去，那是海蝦明明是死蝦，咬落去是霉霉爛爛的，吃一啖已吐了，又是為吃沙爹醬味而

久聞這裡的沙嗲十分好吃，於是今晚放工後專程來這裡買串燒沙嗲。沙嗲豬肉($7)、沙嗲雞肉($7)、沙嗲牛肉($7)：幾款肉類的肉質夠焾，而牛肉的肉味最濃。沙嗲汁可選辣和不辣，我選了不辣。雖然不辣，但已經十分香濃野味，真是十分正！有機會一定會再光顧！

Recently don't have time or energy to post much reviews. So, just digging up short ones to get some out of the way. Its a never-ending saga! SATAYS -From memory I ate pork, beef and lamb all at once. The Pork and the Lamb were the best. Satay Sauce is the highlight here. Its thick but buttery smooth, and quite unlike the ones I'm used to eating in Malaysia or Singapore. NICE! 4.5/5NASI UDUK -Not very good in comparison to satays, but nevertheless acceptable. Rendang was not rich, nor tas