南대門韓國料理

營業中

休息中

今日又落金巴利街食飯，因為係公司附近所以成日夜晚都會黎，呢度咁多間韓國餐廳，我覺得呢間最抵食。今晚同同事一齊食，黎到都唔洗等位，一坐低就有4款前菜， 有泡菜，芽菜，炒雜菜同蘿蔔，係可以添食的， 前菜正正常常， 味道ok 我同事叫左個海鮮豆腐湯， 有蝦同蜆， 仲有泡菜，湯有鮮味加辣味， 豆腐又滑，好食我就叫左泡菜豆腐湯飯， 唔算辣， 豆腐真係非常滑，D 半肥瘦豬肉都好正，夠腍，份糧都好足夠， 我同同事都食哂d 野， 食到好飽埋單$72一個人既晚餐，食到咁飽，抵啦。

無韓國人做店員的韓國菜小店! 公司小妹立志要試盡尖沙咀韓國街既韓式餐廳, 終於嚟到最後一家了! 而這家亦係唯少有一個韓國人店員都無的韓國菜餐廳! 自己寫紙仔落單, 2個人有4小碟前菜, 小妹食炸醬麵 $58, 我食烤豬肉蓋飯 $58! 先講炸醬麵, 麵身彈牙! 醬就有點太差, 水汪汪好稀, 掛唔到麵之餘太甜, 可能因為洋蔥太多, 所以成個醬都太甜! 反而個豬肉蓋飯比較好少少, 份量多, 肉菜比例平均! 不過菜太多水, 浸到半個飯都濕晒, 如果鍾意撈汁食飯既會好 like! 煎蛋係全熟黃!註 綜合意見, 以後去韓國街只有1家店可選! 

過嚟呢頭睇韓國食材，順便食埋晏。舖頭簡潔明亮，寫完紙仔落單，飲啖茶，望吓街，hea 住等食。麵豉大醬湯，餐牌上用英文寫成 Miso Stew with Crab and Clam。現實版係見唔到有蟹，主要食材係蜆、實豆腐及疑似番薯。湯好熱，滾住上枱，舖頭的強勁冷氣幫手將佢快速降温，入口比較鹹。韓式湯麵即係齋麵，麵身幼滑，口感唔錯，多啲紫菜更好。懷念喺首爾的舖頭仔食麵，成盒紫菜碎放喺枱面任加任食。呢碗麵份量大，好夠飽，清湯底味精算輕手，略嫌鹹咗啲。枱上最好味的，係幾款小食。泡菜有蒜香，夠辣又爽脆，食落新鮮，係最喜歡的韓式原味，由於份量少，要同老友搶食。以為白蘿蔔係酸的，點知係鹹架，好有趣，食到蘿蔔的清香；用青豆做小食唔常見，遇到會特別開心。

友人突想食人參雞，所以即組團去左尖沙咀韓國街度食一食料理，間間餐廳人流差不多，只有新派的韓式餐廳要等位，之後隨便找一間餐牌有人參雞的。食物價錢普通，餐廳不大但坐位仍算鬆動。落單需要自己寫號碼落紙仔比職員，職員都很NICE提醒左我落錯單之後開始我的地獄來回又折返人間之旅啦!其實我初頭對餐廳期望不大，但品嚐到五個小前菜後開始很有期逞，因為前菜味道不俗，特別是泡菜及薯仔，個人十分欣賞。可惜，紫菜飯團將我的期望狠狠破滅可能前菜品味道有點濃，反映個紫菜飯團好像沒有味道一般不過，泡菜餅的味道又令我十分滿足泡菜餅的味道跟我在韓國食的一樣，水準十足!不過其後無論人參雞湯、牛肉湯、水冷麵及炒年糕都令我有點失望。其實牛肉湯、水冷麵本身味道沒問題，但係塊牛肉真的硬到媽媽聲，勁有咬口!但個人參雞真係完完全全不行，除左燸米飯OK，湯只得一點點人參味及隻雞食左一啖都無意欲再落手。不過，最後1個菜泡菜炒豬肉再令我跟友人失望中回來，味道需要略咸，但十分好食，豬肉片很薄及易入口整體而言，對我來說這餐廳的菜色名中帶有泡菜的仍令我有沖動再次品嚐(除芝士泡菜年糕)，其他菜色的吸引力真的不足

I was having lunch by myself and decided to have Korean. Walking along Korean street, I chose Namdaemoon One Korean Restaurant.During lunch time, they have a lunch set menu. Menu is in English, Korean and Chinese.  Just some basic Korean rice and noodle items. There is no 10% service charge during lunch time. You order by writing on the tiny pad of paper found at each table.They provide appetizers: kimchi, minced beef with green beans, daikon. The appetizers lacked  bit of seasoning. The kimchi

天寒地凍想食下又熱又辣嘅野，韓國野都係一個選擇。尖沙咀韓國街嘅食店林林種種，好多選擇。而我因爲唔想食炸雞同芝士，就揀左呢間。前菜有五碟。五碟都幾可口，最喜歡白蘿白。天氣太凍想暖身加補補。呢個人參雞有成隻雞喺入面，加一片片人參，紅棗等等。單單食呢個都好飽。佢雞湯味高過人參味，可能因為人參湯未夠入味，食人參嘅時候仲有幾重嘅甘味。泡菜飯加流心蛋唔錯。辣味中等。有少許腩肉同牛仔骨，都幾香口。泡菜餅其實都唔錯但泡菜飯更香。第2張圖可以睇到佢真係好大塊。2個人食有啲太多。7點幾坐滿哂人。係幾抵食嘅小店。

心血來潮想想食韓國野，諗住放lunch既時候去食幾中意果間韓國餐廳度食（係婚紗街既😊）但當日去到摸門釘，因為佢而家平日係開3點lol但唔緊要，行番去韓國街啦... 友人見到呢間餐廳話想試下，我冇咩所謂⋯⋯因為覺得應該韓國野都整得差唔多味道既心態去食😬而且南大門又咁多分店...4小碟...（茄子幾好食）我地4個人order左1.泡菜煎餅 煎到好香好脆！感覺似脆餅😂😂幾新潮既感覺，中意食脆卜卜野既我覺得幾好食！但係一點都唔正宗，因為佢做到完全失去左韓式煎餅果種煙韌感😂😂而且我真係唔係好食到有泡菜係入面，可能係佢刀法太好，切得太碎/mix埋左？😂2.海鮮辣豆腐湯豆腐是嫩滑的，湯一點也不辣！海鮮也足夠（蜆），但係湯既味道只係咸3.牛肉海帶湯幾鮮，但又係太咸喇救命🤦🏻‍♀️🤦🏻‍♀️🤦🏻‍♀️牛肉幾香 但柴口4. 辣炒年糕拉麵賣相正常，但醬汁太水..年糕掛唔到汁，而且年糕份量好小...10條都唔知有冇但驚喜既係魚糕份量比其他餐廳多👍🏻5.水冷麵湯底太甜，唔酸... 雖然佢有比醋我地自己加..但湯底真係唔合格lol4個人食左$3百幾，係平，但唔好食！

間間南大門味道唔一樣ga, 之前食過金巴利道，今次試下韓國街(金巴利街)入面果間，都係韓國人打點，點菜寫號碼啦，餐牌有圖，韓式餐前5小碟，最好食係薯仔，泡菜有陣魷魚香，但太咸呢叫3樣野已經好飽下1，大醬湯 ~ 有粒粒麵豉，蔬菜都好多，但蜆就少左少少啦，味道唔錯，跟個白飯2，辣魷魚蓋飯 ~ 個蓋即係隻蛋，名呢家野唔洗深究，好食咪得咯，可能迎合香港人口味，唔夠辣咯，香味就夠，好多蔬菜3，炆牛胳骨 ~ 以最最快上，食晒湯同飯先黎，呢樣最似屋企餸，食完唔口乾，無味精2個人$320左右埋單，係坐得迫少少，其他都唔錯

自從厚福街平時食開lunch嘅韓國餐廳唔見左之後，已經好耐冇係尖沙咀食韓國野。心血來潮，係韓國街行左一轉之後，就鎖定左呢間。不過，視乎中伏了。。。首先，入到去見到個餐牌點解同出面果個有d唔同，原來係價錢可能佢有好細隻字要加錢我冇留意，但都冇可能咁，因為入面個餐牌已經直接顯示貴嘅價錢，根本2幅圖。。。不過重點嘅始終係食物，首先係4碟小食，冇驚喜，正常野，係個薯仔比較入味。跟住就係大醬湯，只能講同之前食開果間味道争左d，味道偏淡，要知道大醬湯整到偏淡其實係失敗之作。。。講到淡，點走得甩呢碗海鮮刀削麵。個師傅唔知係趕落場定為我地健康著想，真係好淡，至於其他餸，只能係一般到冇其他形容詞🤦🏻‍♂️PS:愈食愈熱，原來個職員開左門唔關，而且懷疑佢地熄左冷氣

去到尖沙咀韓國街，間間都係韓國野，其實沒甚麼款式可選，只有價錢及門面可選，行到尾，見有間韓國街坊格局的，還有韓國姨姨問阿囡女食紫菜卷，中正下懷，吸引小朋友就入去了。街坊快餐格局，樸實簡約，甫坐下就送來兩杯熱茶和4碟泡菜，好豐富，可能我們兩人有4碟，一人都有三大碟，真的在韓國街，韓國前菜一點不吝嗇。見餐牌除了紫菜卷，還有海鮮刀削麵，有阿女喜愛的蜆蝦，來到真係好豐富，滿滿的材料，麵也有很多。蝦像脫殼蝦，甚至有蝦膏，蜆有6-7隻，食到阿女滿足哂。阿囡很積極咁食，好少見。後來仲玩選麵最長。麵煙韌，有點似烏冬，但又有刀削麵口感，少少甜好滑，好易入口，也可以雪雪聲咁食，但韓國禮儀就唔好食出聲，所以自己雪住食好了。食完佢碗細碗,加多一大堆都都食得哂，不過食完兩碗仔話辣，真係小朋友先知的敏感味覺，阿女辣住都要食，證明都幾好味，湯底是蜆湯，少少蝦味，好清甜。麵都好食，韓國姨姨也好人。不過店面實在簡單，冷氣也因間中開大門而不夠冷，實屬快餐，不是慢慢歎慢慢傾偈的高價餐廳。

今晚約左朋友食餐好，本來想去大商場的韓國餐廳，但朋友建議去韓國街吃正宗韓國菜，而且價錢抵好多可以試到更多美食！！前菜有五碟不同款式，大多唔辣又開胃，幾滿意。平日去韓國餐廳一定會點紫菜飯團，今次也點。這裡的飯團很大碟，涼食加上芝麻很開胃，我和朋友好快吃完最驚喜是這裡的炸醬麵好好食，不會太咸同太酸，雖然很大碗，但食極唔厭，下次來想再點吃完濃味，我們也叫了清湯牛肋骨，湯底超清甜，牛肋骨也很多，唯多筋，有點難咬，但也好味最後加了海鮮薄餅，皮夠軟化，趁熱吃有點脆，有八爪魚、蔥同埋辣椒做料，口感豐盛，加埋酸甜醬更加好吃！下次可以叫多些朋友來吃，因為每碟份量很大，而且比出面抵食

中午約左人係尖沙咀，本來想去買盒魚仔乾俾個仔食，見未夠鐘就跟住個LUNCH 先去買，行左成條街最後先到街尾入左呢間。本來想又有得食辣, 又有牛肉食幾好，因為見好多間如果辣麵就會係得海鮮。所以就入左呢間試下。可能因為得12.30左右所以未有好多人，見到甘抵食48蚊又有牛肉又有麵，諗住今次無去錯地方了。點餐後馬上送上3碟前菜，係幾好食嘅。但個麵一到感覺完全伏左！唉！牛肉呢？心諗會唔會另上呀？過左一陣都未有，攪下碗麵發現有粒米甘上下大嘅牛肉碎係度 甘我就知我真係諗多左喇。碗麵有好多蔬菜，同有蛋。但個湯係唔係好辣。食左半碗最後統計係有4粒牛肉碎。個麵就無乜特別，不過係尖沙咀算係抵食之選

一心諗住來韓國街搵食，點知個朋友話唔好搵啦⋯⋯搵一間唔需要排隊，因太肚餓呀。咁就入左這間人不多的小店，好快就選擇左，最基本的韓國料理：豆腐泡菜鍋、炸醬麵姐姐也好快手送上三小碟冷前菜給我們，味道都唔錯。豆腐泡菜鍋- 泡菜好少、豆腐一般、小小豬肉，只食到小小辣味。先不跟係首爾的地道小店相比，之前係附近的其中一店都好味多得炸醬麵味道較淡口，麺太林，有點黏在一起。炸醬係整碗麺的主要味道，可惜還有好多進步空間。如果下次有機會再來幫襯，可以輓回少少評分。

同阿仔去尖沙咀攞完Passport，行過隔離金巴利道韓國街搵食，呢問間Kamdaemoon One 好多人氣，應該唔錯！唔係太肚餓，於是三個人叫了兩份餐，一個辣魷魚飯，一個牛肉雜菜炒粉絲。附送前菜四小碟，味道不俗！尢其個薯仔，唔知點解咁香，特別好味！牛肉雜菜炒粉絲$58配上個韓式醬汁，炒粉絲甜甜地好香口 。辣魷魚飯$58開頭食只覺少少辣，好醒胃，點知食到一半覺得真係幾辣下，最後都係由愛辣嘅老婆完成佢！

每逢happy Friday, 朋友們都會周圍搵嘢食，一齊去happy gathering!!!韓風仍然未減，我哋仍然好鍾意食韓國菜，所以上個月就去咗韓國街睇吓有咩食，點知可能係星期五關係，全部都座無虛席，反正間間都要排，就揀間最長龍嘅隊來排！🚶🏼🚶🏼‍♀️所以選咗呢一間試吓🤣誰不知食物又幾好味！特別推介泡菜煎餅！外脆內軟，食完一片再一片！但反而比較貴的海鮮煎餅都不及泡菜煎餅好味！韓式紫菜卷就冇乜味，要夾住泡菜一起食先好食點，但平平淡淡嘅湯辛辣麵反而很好吃，如果想簡簡單單食一餐韓國快餐，呢度錯嘅選擇！😋👍🏻不過呢間小店座位非常狹窄，非常不舒適，食完就要即刻走啊。