南대門韓國料理

營業中

休息中

天寒地凍想食下又熱又辣嘅野，韓國野都係一個選擇。尖沙咀韓國街嘅食店林林種種，好多選擇。而我因爲唔想食炸雞同芝士，就揀左呢間。前菜有五碟。五碟都幾可口，最喜歡白蘿白。天氣太凍想暖身加補補。呢個人參雞有成隻雞喺入面，加一片片人參，紅棗等等。單單食呢個都好飽。佢雞湯味高過人參味，可能因為人參湯未夠入味，食人參嘅時候仲有幾重嘅甘味。泡菜飯加流心蛋唔錯。辣味中等。有少許腩肉同牛仔骨，都幾香口。泡菜餅其實都唔錯但泡菜飯更香。第2張圖可以睇到佢真係好大塊。2個人食有啲太多。7點幾坐滿哂人。係幾抵食嘅小店。