南越南咖啡廳

營業中

休息中

今日同男朋友拍拖，預早喺openrice book咗呢間新式越南餐廳。 因為身邊好多朋友食過都話價錢合理，而且好食，強烈推介我去試。所以一於帶埋男朋友仔嚟食下。地方好易搵，喺地鐵站出，行一陣就搵到，搭𨋢上到去就已經喺餐廳啦。 餐廳地方唔算超級大，但枱同枱之間都隔得幾開，坐得舒服 ，裝修幾新式簡約，好有印象呢隻啤啤熊好可愛。因為我哋咩都想試下所以叫咗好多嘢：差不多一尺蝦😍果然係名不虛傳，呢隻蝦超巨大，真係差唔多成尺長架，切落好厚肉，食落超新鮮好彈牙。蝦上面有啲蒜蓉，而且伴碟有好多脆卜卜嘅芋頭絲，配埋黎食口感好豐富，個底係有一啲微微甜嘅醬汁，食食下我仲有少少覺得似龍蝦肉嘅錯覺！Shake shake 雞軟骨 呢個雞軟骨有得玩又有得食，嚟到嘅時候雞軟骨用紙袋裝住 ，入面已經有好多香料， 仲有一小碟嘅辣粉畀我哋到入去shake ，shake完倒出嚟，雞軟骨炸得好香脆，而且味道係鹹香，唔會太辣，唔食得辣嘅都絕對可以食惹火上身鹹檸豬頸肉🐷差唔多每一枱都有叫到呢個豬頸肉，店員拎到嚟嘅時候會提我哋可以錄影，因為佢會用火槍燒一燒豬頸肉，嗰下嘅火真係好搶眼，打卡一流。豬頸肉本身質素絕對都唔差，嫩嘅唔會韌，

環境擠迫，枱與枱之間近到非常清楚聽到隔離枱講咩，枱亦都好細，唔好坐 食得好唔自在樓面員工亦都唔夠，個個都好忙好慘咁，一個喺水吧位係咁出飲品，之後又走返去樓面，另外兩個樓面帶位收錢送餐一腳踢，所以等比錢等入座等落單都耐同難搵職員，辛苦哂啲職員😫食物方面嗌左兩碗招牌金邊粉，咖啡骨，炸雞翼，蛋咖啡同滴漏咖啡 唔算好多野食但逼到只想快快食完快啲走（本身上菜都好快）招牌金邊粉唔夠熱，湯底比較淡，牛丸食膠波咁，但係牛肋條同埋牛筋就唔錯，其他配料就無特別咖啡骨幾得意，有棉花糖喺頂，倒咖啡落去熱溶佢叫有啲gimmick , 味道唔特別，但煮得幾軟身加返啲分炸雞翼幾好肉大大隻好香口，最正常係佢滴漏咖啡正正常常，蛋咖啡面頭嘅焦糖燉蛋泡沫就幾好味，但同咖啡唔夾，攪勻前後飲都係唔夾唔好飲，就咁食泡沫就好食個個都吹到咁大，會唔會太誇張？

火龍芒芒蝦仁配脆蝦片芒果、紅肉火龍果同蝦仁🍤，芒果唔酸食落甜甜地，蝦仁幾彈牙，前菜食呢道菜式幾口胃，好適合炎炎夏日嘅夏天食☀️，加埋蝦片一齊食口感好豐富，而且蝦片唔會軟晒。脆米紙薄餅有紅蘿蔔絲、青瓜絲同臘腸，連埋個汁夾埋個脆米餅一齊食，一啲都唔會覺得太油膩，反而食落好fresh，配埋臘腸一齊食幾特別，值得一試👍Shack Shack雞軟骨會連埋個紙袋同一啲辣嘅香料比你一齊shack，倒出嚟啲雞軟骨混合埋香料，食落口有少少辣，炸得好酥脆，略嫌唔夠鹹，如果鹹啲就好好食。炸豬肉春卷，扎肉撈檬個炸豬肉春卷好出色，外層好酥脆，裏面啲豬肉餡料好好食好夠味，而個檬粉撈咗啲醬汁一齊食略嫌有啲淡味，重口味人士可能未必太喜歡食個檬粉。苗族椰汁淡咖喱湯米線（扎肉配炸蝦卷）個湯底飲落有少少似喇沙幾好飲，炸蝦卷好好食外脆內軟，口感好彈牙，而米線方面係比較腍身。鹹檸豬頸肉撈米線加咗少少花生碎同花生醬，係豬勁肉串到口感好豐富，食落好惹味，連埋旁邊啲菜同紅蘿蔔絲撈埋一齊食幾唔錯。

一向都好喜歡 NAN VIET NAM 哩間餐廳🥰 真心好味👍🏻 今次見到有新菜式，一定要去試吓！😍火龍芒芒蝦仁配脆蝦片 $58有三件，顏色吸引，每件都有滿滿的蝦仁😍 非常爽口鮮甜😋 配上脆蝦片，口感更佳👍🏻惹火上身鹹檸豬頸肉 $68上菜之後，店員會幫手點火🔥 幾特別👍🏻 豬頸肉好香口，配上醬汁，非常惹味👍🏻 仲有一件好甜嘅燒波蘿😋NVN 咖啡骨 $78好特別呀😍 上面係棉花糖，下面係豬軟骨，自行加入咖啡，棉花糖即刻溶化，每一口都覺得有咖啡香，少少甜，好特別👍🏻🤩招牌金邊粉 $88當然唔少得每次必食的招牌金邊粉啦👍🏻 水準保持咁好🤤👍🏻富國島之椰子奶凍 $52新甜品🤩 又係視覺同味覺的雙重享受😍 椰子奶凍，甜度啱啱好，正👍🏻🤤😋金桔檸檬綠茶 $23/ 香茅青蘋果茶 $23清新解渴👍🏻😋有時間一定要再去👍🏻

👧🏻好耐無食過越南菜啦 今次試下人氣好既南越南咖啡廳 全部Fusion菜好有特色 仲好啱打卡添😆👍🏻-🍴脆米紙薄餅 $54諗左好耐叫唔叫既菜 因為聽個名覺得好奇怪🤣但真係好推薦 ✨係脆卜卜既米紙上面佈滿青瓜絲、蘿蔔絲等 仲有臘腸肉 加埋千島醬 意外地夾 好開胃🤣但係食個時有少少麻煩 因為真係太多料同太脆了 🍴Shake Shake雞軟骨 $58本身炸雞軟骨已經好吸引 Shake Shake雞軟骨仲有得玩又好味🤤❤️ 炸到剛剛好的雞軟骨再配埋d香料 好惹味👍🏻🍴惹火上身鹹檸豬頸肉 $68上菜個時記得準備好相機📷因為一上菜 侍應就會點火 雖然得一秒🤣但都值得影 豬頸肉嗅落幾香檸檬味 但食到就中規中矩🍴NYN咖啡骨 $78又一個呃like之選🤣 個豬軟骨會用咖啡杯裝著 杯上面有一舊好似雲既綿花糖 要自己用咖啡倒落個綿花糖上✨ 成杯豬軟骨都充滿咖啡既味道😋豬軟骨仲好淋 唔錯🍴烤蔞葉雞配青蘋果條 （半隻） $88烤到個皮脆卜卜既雞 雞肉仲係多汁👍🏻 但仲欣賞既係佢個配菜 酸酸甜甜既青蘋果條🤤好開胃 仲有一個好香椰子味既醬🤣 係咁用個醬點其他餸 🍴生炸蒜香雞翼 $48好香蒜香同牛油味 但比起其他餸

位於樓上鋪的越南餐廳，臨近旺角地鐵站，環境舒適，設計有別於傳統風格，原來呢間餐廳主打Fusion菜，滿有驚喜感！我地揀左靠窗位置坐，光線柔和，可以望到街景，亦十分適合慢生活的感覺，好正。

旺角新派南越餐廳 Nam VIET Nam CafeNVN Cafe有別於一般傳統越南風味餐廳，將各種越南菜食材及創意放在一起，擦出新滋味。餐廳裝潢都貫徹主題，融合多元化元素，以綠色為主調，加入型格鎂光燈、木系椅餐桌，新舊融為一體，入口處仲有隻超大Bear Bear，雖然佢同餐廳Cyber主題冇乜關連，但又充滿開心氣氛。少去旺角嘅我，專登去呢間特式南越餐廳食晚飯，因為佢哋七月份有新菜式推出，所以好想試哂佢。主菜～～NVN咖啡骨（棉花糖雲朵）惹火上身鹹檸豬頸肉差不多一尺蝦PHO～～［嫲嫲南越湯］招牌金邊粉（牛肉片、牛肋條、牛筋、牛展、牛肉丸、油條）小食～～NVN 南越法式麵包脆米紙薄餅南越蟹肉醬配脆球餅飲品～～斑蘭奶蓋咖啡啤酒南越蛋咖啡柚子雲朵咖啡甜品～～富國島之椰子奶凍香蕉薄餅

與朋友相約吃午餐，見這間越南餐廳在網上得到不少好評，便建議來這裡吃一頓新派 Fusion越南菜。餐廳位於旺角食廈彌敦道726號1樓，環境不俗，餐廳中間位置的霓虹燈箱和坐在天花樑上的一隻巨型泰迪熊，就最為吸睛。先來三杯飲品，男友人點的是特別的「南越蛋啤酒」（$42），我和女朋友喝的都是同樣特別的凍「柚子雲朵咖啡」（$32）。前者把瓶裝啤酒倒進已下了打勻了的雞蛋的高身玻璃杯中，帶來的，是與別不同的啤酒體驗。後者在上下兩層顏色截然不同的柚子汁與咖啡上隆起了一堆高高的白雲狀泡沫，喝時把整杯飲品搞勻，讓東子汁與咖啡融為一體，味道清新帶點微酸，不苦澀也不甜膩，也是不錯的飲品。富有特色的「NVN咖啡骨」（$78）冠以南越南的簡寫，以線條突出的杯子盛載，侍應先為杯子徐徐倒入熱燙的咖啡，隨著杯口上把裡面的豬軟骨遮蓋著的白色棉花糖被咖啡融化，裡面的豬軟骨隨即曝露在眼前，早已炆得極之軟腍的咖啡骨雖然咖啡味不算很濃，沒有咖啡香那麼突出，滲透出棉花糖甜味又有點咖啡味的豬軟骨，都幾好食。麥當勞的 Shake Shake薯條食得多， 「Shake Shake雞軟骨」（$52）還是第一次吃，吃時先將內有粒粒雞軟骨的大

呢間餐廳已經吾係第一次嚟，耐唔時就掛住下佢，就再上嚟，又睇下有冇換下新menu ，又可以試下佢啲新嘅特色食物。餐廳環境幾好，綠色為主，中間吊有不同顏色的燈箱。角落天花仲有隻巨大啤啤，十分有趣。今日天氣好熱，所以坐低後，二話不說先叫兩支消暑凍飲先。《柑桔檸檬綠茶》微酸醒神；《香茅青蘋果茶》清甜舒服可口。每次必食佢嘅 《Shake Shake 雞軟骨》，因為夠香又惹味。香口嘢永遠都咁受歡迎。雞軟骨香脆、配上香料和金不換，的確係零舍不同，好啱送啤酒。阿仔就鍾意食豬頸肉，今次就試下《惹火上身咸檸豬頸肉》，見到個名都諗唔到佢點樣惹火法，直至送上檯，店員叫我們小心啲，然後拎出火熗，突然火光一閃，真係嚇一嚇，好彩個火一迅即世，原來惹火上身就係咁嘅意思。因為我本身都鐘意咖啡，所以有啲好奇《NVN咖啡骨》係點嘅味道。送上檯時睇到個賣相，真心攪到我都一舊雲。因為店員送上一個咖啡杯上有一朶雲，然後配上一壺咖啡，然後將咖啡倒入杯中，雲朶就漸漸化。原來杯中有已經煮淋的豬軟骨，加有大大薑塊，然後最後由我倒入咖啡，令到惹淋的肉骨增添了咖啡香味，雲朶就添加了甜味，令整個肉骨味道豐富。咖啡香、微辣及甜好獨特。建議可以改

彌敦道726號呢棟大廈就出名多嘢食。而呢間打卡又靚，菜式又新穎嘅越南菜唔知你又去過未呢？火龍芒芒蝦仁配脆蝦片(3件）前菜黎講，食物嘅配搭十分出色。有芒果、洋蔥嘅鮮甜清新，配上爽口彈牙嘅蝦仁，再以米餅底盛起。酸甜又開胃，為炎熱嘅夏天降降溫。惹火上身鹹檸豬頸肉上菜嘅時候店員會為呢道菜點火，真係名符其實嘅惹火上身啊。豬頸肉厚身又爽口，彈牙得黎又唔靭，一咬已經油香四溢。醬汁酸甜帶辣，拌碟菠蘿嘅清甜更加可以中和味蕾。NVN 咖啡骨咖啡配豬軟骨呢個配搭好新鮮，食落竟然令人驚嘆。豬軟骨用杯裝起，面頭放左一舊棉花糖。當Expresso淋落去嘅時候。棉花糖瞬即溶化，中和咖啡嘅苦澀味。豬軟骨吸收杯中咖啡汁，甜甜帶甘趕走肥膩感。口感偏腍易咬，配合特別嘅汁，實在令人大快朵頤。脆米紙薄餅菜式以脆米紙作為薄餅底，配料有紅蘿蔔絲青瓜絲同臘腸粒，唧上清新嘅沙律醬，簡直係令菜式再昇華。食完主食再食脆米薄既唔油膩又可以過口癮。紅青絲清新配搭臘腸粒嘅甜令脆米紙唔再單調。整道菜式嘅口味都平衡得好好，令我再次驚嘆。斑蘭奶蓋咖啡啤酒奶蓋配啤酒又試過未？奶蓋口感creamy，甜度適中。咖啡啤酒比一般啤酒更甘，但連埋奶蓋入口竟然減低

香港越南餐廳何其多，要數好食既數曬十隻手指都數唔曬，但同時要好食又要有新意既就小之有小🧐今次難得搵到一間好食既fusion越南菜，緊係要去試下啦🤣——————🐽 shake shake雞軟骨用袋裝住炸雞軟骨好有gimmic，雞軟骨用咗金不換一齊炸，再落埋啲辣粉落去一齊shake，倒出嚟好香🐽 差不多一尺蝦隻蝦無誇張，真係差唔多一尺長，店家已經好貼心咁剪開左個殼，所以食落啖啖肉，肉質爽彈又滿足🐽 nvn咖啡骨有少少似肉骨茶嘅感覺，店家好貼心咁俾咗越南咖啡我哋根據自己嘅口味嚟到落去啲排骨度，食落好香咖啡味🐽 惹火上身鹹檸豬頸肉豬頸肉燒得啱啱好，食落好爽口，唔會太肥膩🐽 順化麻辣鴨血金邊粉牛肉湯底好濃味，飲落中有小小辣，牛肉亦比得好足料

今日中午去旺角試一下fusion越南菜。本身沒有booking walk-in碰運氣，點知剛好有位。見到很多客人也是OpenRice book位的，本身店舖的裝修也很時尚，不象傳統的越南餐廳，符合返fusion的概念。叫了: 差不多一尺蝦: 138, 越南大虎蝦，炸金不換和芋頭絲，下底的汁似蒜香蕃茄醬，蝦上的是蒜蓉醬，蝦肉彈性十足，惟份量太少。招牌金邊粉: 88, 生牛肉片稍為太肥，有牛尾，牛腩，牛筋，油炸鬼，湯底偏酸，粉有點攬埋一舊，個人覺得麻麻。南越法式麵包：78, 包皮外危而不摻口，味道豐富，惟肝醬有點吃不慣。越南蛋咖啡: 35, 果然是fusion了的蛋咖啡，味道較甜，去除了蛋腥味，這值得一讚。荔枝雲朵咖啡：32, 有荔枝王玫瑰花味，咖啡味不是太出，如果加了梳打會更好。整體上菜緩慢，要追才有，食物方面有創意，打卡一流。

Nam Viet Nam Café ———————————— 1. 火龍芒芒蝦仁配脆蝦片開胃又清新嘅前菜咸甜交雜：芒果同火龍果酸酸甜甜，蝦仁爽口，好夾2. 惹火上身咸檸豬頸肉 上菜嗰陣會點火🤣 雖然只係一秒 但都幾好睇，豬頸肉有厚薄適中，夠腍，有油脂，加埋醬汁少少酸辣，好味～ 下面舊燒菠蘿都比我食埋🍍3. 招牌金邊粉湯底勁濃帶少少甜味；金邊粉彈牙有咬口，配菜有油炸鬼、牛肉片、牛筋、牛丸，整體都好高水準！4. NVN咖啡骨|$78呢個好有驚喜'， 估唔到咖啡同豬軟骨咁夾！有綿花糖去中和咖啡苦澀，微微帶苦豬軟骨，煮得好夠時間，完全骨肉分離～5. 富國島之椰子奶凍 打卡甜品～加咗乾冰有啲煙霧，奶凍椰香味好濃郁，有啲沙田柚同西米係下面，好味～叫咗兩杯cocktails，一杯班蘭奶藝咖啡啤杯同一杯deep sea fantasy，兩杯都好高水準，唔講以為係酒吧飲緊嘢🤣🤣———————————— 南越南咖啡廳 (旺角)📍旺角彌敦道726號1樓#yummyfood #hkfood #hkig #hkfoodie #foodie #delicious #hkgirl #hkrestaurant #hk

朋友介紹咗一間特別嘅越南餐廳比我，一入舖頭已經被招牌燈箱同霓虹燈衝擊到，果然係視覺系，裝修以木系同綠色為主，感覺幾舒服！餐牌上面嘅菜名全部都好特別，好多未聽過嘅菜式，好彩呢度係自助落單，可以慢慢揀！越式發酵茶葉沙律（$52）沙律菜上面淋咗新鮮蕃茄同香料煮成嘅醬汁，加上炸蠶豆、茶葉，撈匀食會有淡淡茶葉香，係幾特別又惹味開胃嘅前菜！惹火上身鹹檸豬頸肉（$68）一上枱店員就提醒我哋小心，因為佢要點火，雖然只係好短暫時間，但火都幾猛。豬頸肉燒到外面半焦，入口先係甜酸咬落會有鹹檸味，味道層次幾多，最下面仲有燒得超靚嘅新鮮菠蘿！差不多一尺蝦（$138）超大隻又新鮮彈牙嘅燒蝦，咬落係超重牛油蒜香，醬汁係越南風味嘅蕃茄醬，同蝦肉好夾，蝦面舖咗炸芋頭絲，香脆到好似食薯條甘，可以送酒！NVN 咖啡骨（$78）見到隔離枱有一隻靚靚咖啡杯加上一大舊棉花糖，好夢幻，仲以為係甜品，原來又係驚喜！棉花糖杯入面係炆到好腍嘅一字骨，另外有一壺熱咖啡，將咖啡倒入棉花糖杯，棉花糖就會慢慢融化。一字骨咬落有淡淡咖啡味加上少少甜味，非常特別！招牌金邊粉（$88）號稱嘅神級湯底，熬煮24小時果然牛味好濃郁，配料好豐富，有牛肉片、

之前食過，一直念念不忘，今日約朋友喺旺角食飯，即刻諗起呢間餐廳！我地叫左：1️⃣脆米紙薄餅香脆嘅米紙薄餅上面鋪咗青瓜絲、生菜、蘿蔔絲同埋臘腸粒，加上酸酸甜甜嘅千島醬，食落好開胃！2️⃣越式惹味粟米條粟米炒得咸香，鮮甜多汁，令人食到唔停口😆3️⃣差不多一尺蝦賣相好靚，隻蝦真係好新鮮，肉質非常彈牙可口！蝦頭裏面都有好多蝦膏蝦肉，記得切開嚟食啊！同埋我好鍾意佢嘅炸芋頭絲，卜卜脆！4️⃣嫲嫲南越湯 招脾金邊粉湯底用上牛嘅五個部位熬煮，好鮮甜！牛肉好嫩，牛筋口感腍，牛丸爽口彈牙，仲有牛面頰、牛腱，夠晒豐富！佢嘅金邊粉都做得好好，食到最後都唔會腍曬，仲係好好味😋推薦！5️⃣越式發酵茶葉沙律口感非常豐富嘅沙律！估唔到都幾辣，但係又好惹味，為味蕾帶來刺激！6️⃣cocktails 兩杯都係打卡之選，上面放左勁可愛嘅波波1.DEEP SEA FANTASY呢杯係有gin 嘅，裏面有石榴同埋海葡萄，飲落甜甜地，帶啲酸，好易入口。溝埋杯邊啲鹽飲，又咸又甜，幾得意😎2.TEARS OF MERMAIDRum酒加藍柑橘、荔枝、梳打，顏色好夢幻，飲落幾有層次。呢度啲嘢食同野飲都好有特色，都有唔少打卡位。平日都就嚟滿座，值得一試！