南越南咖啡廳

營業中

休息中

今日行完花墟便跟朋友落旺角的彌敦道726号 的NAM VIET NAM CAFÉ 南越南咖啡廳晚飯, 睇openrice介紹佢哋係越南 Fusion 菜主題餐廳, 食物賣相呈現非常有特色及吸晴。荔枝雲朵咖啡一嚿玫瑰雲騎在咖啡液體上, 底下是荔枝汁, 外觀配搭很有美感, 令我對這個配搭充滿期待感, 攪拌咖啡及荔枝汁後喝一口, 先感受到的味道是冰凍香濃的咖啡, 隨後而來的是滿滿荔枝的果汁香甜, 朋友就飲班蘭龍眼茶。 扎肉心內美米紙卷顏色配搭鮮豔, 米紙卷配料豐富, 內有紅蘿蔔絲、大件扎肉、豆芽菜、青脆青瓜及紫蘿蔔片, 伴花生粒芝麻醬食, 清爽健康。越式咖哩牛肋條配蒜蓉包牛肋條炆得腍滑鬆軟, 肉味濃郁, 還有爽口牛筋, 越式咖哩汁辣度温和, 反而咖哩香味強勁, 蒜蓉包脆卜卜, 蒜蓉香氣飄逸, 就咁食已經好好味, 如果想再香啲, 可以加少去香辣咖哩汁伴食, 更惹味, 個人覺得不加汁蒜蓉包脆口啲, 好食啲。脆米紙薄餅很有創意的越南薄餅, 米紙做pizza薄餅底, 加上大量越南臘腸粒、紅蘿蔔絲及青瓜絲, 上面喞上千島醬, 越南臘腸跟香港臘腸不同, 越南臘腸除咗有臘肉的油香, 味道還有少許甜味, 米

上次同一班朋友尼過呢度所以再來依然桌紙係玩味濃厚風柑桔檸檬茶加冰。冰涼想拎走慢慢飲，原來瓶子飲品是只限dine-in use今日27度。呢杯冰涼！粟米條配特調甜酸醬餐前小食完全唔飽肚食完開胃。。。。。NVN餐廳咖啡骨。第一次食咖啡熱煮的食物外面咖啡味入面豬肉味。扎肉米紙卷。餐前食。入面蘿蔔絲已經醃咗酸。開胃。炸素肉春卷。配生菜粟米條個甜酸醬太春卷配生菜都點埋一齊豬肉串檬粉。炸豬肉串。。。。。。。。。

今日放假，約咗舊同事食飯，佢帶我去旺角一間好有特色嘅越南餐廳Nam Viet Nam Cafe首先呢度樓底好高，有大玻璃望出街，傾偈食飯好啱，至於食品，竟然不停有驚喜呀！先食小食開胃一下，火龍芒芒蝦仁配脆蝦片，冇錯，小食名已經講晒裏面有嘅材料，首先我未試過火龍果芒果一齊食，甜甜哋唔錯喎，相信揀選生果都落過功夫，加埋蝦仁同脆蝦片，幾樣唔同咬口嘅嘢，一齊放入口，好精神好開胃跟住點咗惹火上身咸檸豬頸肉，想睇吓點樣惹火法，原來上菜嘅時候，有菠蘿墊底嘅豬頸肉，正當奇怪豬頸肉上面有塊黑色嘅片唔知係乜嘢，然後店員行埋嚟用火槍點一點，塊黑色片就即刻着咗火，好好玩喎，過火輕輕熱灼一下啲豬頸肉，點埋個鹹檸汁入口，酸酸鹹鹹嘅感覺好爽喎，呢度選食材真係有一手，菠蘿非常之鮮甜，將菠蘿同豬頸肉一齊放入口，口感最佳又有第二樣嘢玩喎，叫咗NVN咖啡骨，一個杯有好多白色嘅泡沫，跟住店員將熱咖啡倒入去泡沫就用晒響裏面嘅豬軟骨，常常覺得咖啡入饌，係一個難度高嘅動作，除咗咖啡要選得靚之外，仲要食材嘅味道配合得到先至得，今次試呢個咖啡甘香可口，提升咗豬軟骨嘅味道有多一個層次，同埋豬軟骨本身都處理得好好，唔會韌口，正食埋個飯就啱

.南越南咖啡廳 NAM VIET NAM CAFE ☕️ 餐廳侍應服務態度非常之好，好快就安排咗我哋入，餐牌都好清晰所以好快都落好單。火龍芒芒蝦仁配脆蝦片 $58 (4.5/5⭐️) 火龍配蝦仁味度清新，再搭上蝦片脆口而唔油膩，係一個唔錯嘅開胃菜，適合做頭盤，顏色鮮艷用黎打卡一流招牌金邊粉 $88 (4.5/5⭐️)金邊粉爽口，牛肉丸、牛肉、牛筋同油炸鬼等配料熬製出嚟嘅湯汁夠晒濃郁而油炸鬼吸滿濃郁嘅牛肉湯又唔會太油膩Shake shake 雞軟骨 $42 (4/5⭐️)同Shake shake薯條相似，自家製紙袋加入特製調味粉，令每一粒雞軟骨都均勻沾滿調味粉，口感香脆可口而味道剛剛好，怕濃味就可以落少量調味料NVN 咖啡骨 $78 (4/5⭐️)初初以為係咖啡，原本係煲湯骨，湯底燉煮時間充足，令到牛骨味道好出眾，湯底加上棉花糖，有鹹鹹甜甜嘅味道非常特別野食份野足夠，以上食物是兩個人份量，非常足夠！下次多d人可以要叫多d🫶🏻

越南菜天花板「南越南咖啡廳」開設係一樓，位於彌敦道726號一座食肆林立的大廈、一出LIFT 見到座無虛席，好睇有訂位相約朋友品嚐美食，聽聞餐廳注入新元素，主打創意越南菜、而且迎合香港人口味、仲有自家製咖啡骨，一於大快朵頤。甫踏進店內店員殷勤有禮，直接帶位入座。不時會更換碟同清走枱面多餘碟子，十分細心。而且仲有自助斟水🫗水吧位，可以自行添免費飲用檸檬水。Citrus Blossom :一大個泡泡🫧係杯面，打完卡之後可以篤爆佢，好有儀式感。飲落有梳打汽水和冰涼感，西柚顆粒增加甜度，含維生素、礦物質及植化素，有少少酒精但不算濃，好易入口，打卡一流。荔枝雲朵咖啡：雲朵泡沫香香甜甜，平衡越南咖啡的甘苦，冰涼可口。南越蟹肉醬配脆球餅：脆球餅仲係咁香脆，南越蟹肉醬鮮美特出，蟹肉的鮮甜味是這道醬料的核心，帶來豐富的海鮮風味。加入使醬料帶有清新的酸味，平衡了蟹肉的油膩感，仲有醃製酸爽紅蘿蔔條和青瓜，好開胃。越式咖喱牛肋條配蒜蓉法包🥖：法包烘至干脆，蒜香十足，牛油香味撲鼻。牛肋條炆得好軟焾，啖啖肉，蘸上配料極多的黃咖喱，香料味特出，最喜歡有九層塔的獨有清新香氣，咖哩比較流質，但調味好有層次，法包吸引精華食

昨天與同事A商討午餐食咩時，同事A話想食越南野，同事B介紹咗呢間喺公司附近既越南餐廳，仲可以仲openrice book定位添，讚！今日上到餐廳，發現環境唔錯，幾有情調，又有大玻璃窗彩光，感覺乾淨、舒服。去到餐廳掃QRcode落order，發現午餐款式都唔少，仲款款都好吸引，兩個同事叫咗「招牌金邊粉」，佢地話好好食，尤其是個油炸鬼好脆，個越南湯底都好好味。由於我唔食牛，所以我叫咗「苗族椰汁淡咖哩湯米線（炸蝦卷、扎肉）」，碗米線一到，果陣椰汁淡咖哩已經勁香，令人食指大動，啲湯掛上米線，真係好好味。3個餐都包飲品，咸檸7都唔駛加錢，仲要原罐7起上！

今晚，我和太太在旺角彌敦道，光顧了一間叫NAM VIỆT NAM CAFÉ（南越南咖啡廳）的高級越南餐廳。這裡的環境優雅，食物更是色香味俱全。我點了扎肉沙律，配上新鮮的生菜，口感清爽，令人開胃。接著是惹火上身鹹檸檬猪頸肉，味道鹹香可口，豬頸肉的質地軟嫩，配上檸檬的酸味，真是絕配。還有NVN咖啡骨，肉質嫩滑，咖啡的香氣滲透其中，令人回味無窮。嫲嫲南越湯的招牌金邊粉，湯底鮮美，粉條滑溜，讓我一口接一口。飲品方面，我選了黑糖生薑香芋檸檬茶，甜中帶點微辣，清新爽口，特別適合這個季節。最後，我們還試了南越蟹肉醬配脆球餅，蟹肉的鮮甜搭配脆餅，簡直是完美的開胃小食。

今天 下午， 我們去到旺角NAM VIET NAM CAFÉ(旺角) 午餐。在這家餐廳，我们品嚐了幾道美味的菜餚。首先是烤萋葉雞配青蘋果條，鮮嫩的雞肉搭配清脆的蘋果， 配上酸甜醬， 味道一絕，又開胃。接著，南越蟹肉醬配菜球餅，蟹肉醬香濃，餅皮酥脆，讓人回味無窮。越式咖哩牛肋條，配班蘭椰香飯，則帶來濃郁椰香。牛肉軟嫩，飯粒吸收了咖哩的精華，令人陶醉。此外，扎肉心內美米紙卷，清爽可口。南越蛋咖啡的獨特風味，更是讓我驚喜。最特別是NVN咖啡骨，上面舖滿白色的粉，慢慢倒入咖排，看着粉末慢慢沉下及融化，很特別及有一種治愈感。咖啡骨入口鬆軟，有一獨特風味。最後，品嚐了雞尾酒 Tears of Mermaid，藍柑桔的清香與蘭姆酒的醇厚相得益彰，完美的結束了這頓美食之旅。另外要稱讚一下，服務非常周到，讓我們的用餐體驗更加愉快！

今日午餐好滋味，我喺旺角彌敦道726號1樓，去咗一間叫NAM VIỆT NAM CAFÉ（南越南咖啡廳）嘅高級越南餐廳食午餐。一入去，就覺得環境好有格調，服務態度都好好。我點咗越式惹味粟米條，粟米條外脆內軟，沾上特製醬汁，味道一流。再嚟個惹火上身鹹檸猪頸肉，有點火儀式，猪頸肉好鮮嫩，鹹檸味好醒胃。嫲嫲南越湯招牌金邊粉，湯底浓郁，金邊粉好有咬頭。生炸蒜香雞翼，蒜香四溢，皮脆肉嫩，好食到停唔低口。最後甜品我揀咗富国岛之椰子奶凍，口感絲滑，甜度適中，還有個很好看的乾冰噴霧儀式。仲有本店自家製柑桔檸檬凍綠茶，清新解膩，認真完美。食完呢頓，實在係太滿足啦！下次一定會再嚟。

間餐廳會送刮刮咭，入邊可能有免費小食，但係用嘅時候要俾佢審問，佢會問你係咪之前嚟過？係唔係隔籬枱俾？有冇book位？ 好心你啦，冇心做優惠就唔好搞啲咁嘅嘢出嚟，使唔使show返上次張單俾你證明我嚟過？ 嘢食唔係話唔好食，但係個湯就太濃味，但係啲牛丸完全冇牛味，唔明憑咩咁鬼串。上餐速度一般。正常味道，態度太差，請我都唔會再嚟食。特別係樓面審問我嗰個阿姐，我而家同你講我唔會再嚟食拜拜。你啲垃圾刮刮卡擺咗喺樓下。記得逐個客審問。

放假前夕既Lunch time，終於同同事試咗討論咗好幾次嘅越南餐廳🍴無令我哋失望呀👍🏻越式惹味粟米條 $48粟米粒粒飽滿鮮甜，甜辣醬汁好惹味同時比例控制得啱啱好，唔會搶走粟米本身嘅甜味。南越蟹肉醬配脆球餅 $68好鐘意個脆球餅唔會太油膩，有两粒放到最後食都仲系脆！！蟹肉味道都幾岀，夾埋紅蘿蔔青瓜口感好豐富！越式咖哩牛肋條配蒜蓉法包 $88賣相吸引好IGable📸 牛肋條超軟腍入味!! 系惹味嘅香辣咖喱🤤 仲有唔少牛筋、粟米芯、茄子、翠玉瓜！蒜蓉包幾香入口脆，蒜味好濃郁🧄配咖喱湯汁好食惹火上身鹹檸豬頸肉 $70老闆好nice好幽默😹一上枱就會問你準備好相機未，準備火燒豬頸肉啦。雖然只係一兩秒短暫時間，但係都好震撼😼豬頸肉肉質好嫩滑有肉汁👍🏻NYN 咖啡骨 $78一層棉花糖喺面，倒入咖啡，每嚿豬軟骨都好入味，系香濃嘅咖啡焦香。幾得意特別👍🏻烤萋葉雞配青蘋果條 $90烤雞真係做到外脆內嫩，萋葉味道適中唔會太重。青蘋果條味道好濃烈，適合重口味人士，入口清脆。香茅青蘋果茶 $25好欣賞佢哋嘅自家製飲品。包裝好靚好有特式，健康得黎唔會淡而無味嘅感覺。飲到茶嘅清香同天然果香嘅青蘋果、香茅，隻味好夾

優質餐廳美食我和家人一起吃飯用餐。點了好幾個菜和一些飲品：接骨木花茶青蘋果（熱） 這款茶飲清新可口，接骨木花的香氣與青蘋果的酸甜完美融合，讓人輕鬆享受。熱參參愛梨熱飲花旗參中加入梨，清熱降火止喝生津，帶來了溫暖與甜美，讓人感受到季節的變化。 NVN 咖啡骨 煮得柔軟又腍的排骨，在碗底內，上面蓋着棉花糖，把熱辣辣香噴噴的咖啡倒進去，讓棉花糖溶再香濃的排骨上，咖啡香氣濃郁，搭配嫩滑的肉質，讓人一口接一口。 南越炸豬肉春卷 外脆內嫩的春卷，搭配新鮮的生菜和特製的醬汁，口感層次豐富！脆米紙薄餅 這道薄餅香脆可口，米紙的獨特口感讓人驚喜，搭配的醬料和腸更是增添了風味。扎肉心內美米紙卷（5件） 米紙卷內包裹著豐富的餡料，有酸薑紅蘿蔔扎肉等，口感鮮嫩，令人一試成主顧。嫲嫲南越湯粉【招牌金邊粉】 湯底濃郁，金邊粉吸收了湯汁的精華，有嫩滑的牛肉片和牛腩、牛筋，讓每一口都充滿驚喜，十分推薦。順化豬肉串（2串） 這道豬肉串肉質鮮嫩，經過精心醃製後的香氣四溢。越式發酵茶葉沙拉這瞓大大份的沙律清新爽口，發酵茶葉的獨特風味令人難以忘懷，是飯後的理想選擇。總結這家餐廳的菜品多樣，每道菜都展現了越南料理的獨特魅力，無

整體來說，其實都不錯，但最緊要訂位。當日我們沒有訂位，但係好好彩，最後兩個四人坐朋友們都可以坐到，但係7:30後，已經需要等位了。所以建議會去呢間餐廳，最好訂定位。叫咗個豬頸肉，一開始以為佢嘅火焰咪係可以燃燒好耐，點知一點，唔夠2秒就熄咗😂，個味道係好食嘅同埋都好亂唔係啲好鞋嘅豬頸肉。另外叫咗佢嘅咖喱加蒜蓉包，有啲後悔，冇試到佢嘅飯，原因係第一次落order，見到有得揀蒜蓉包同飯，就叫蒜蓉包先，之後食完啲蒜蓉包，仲有啲咖喱漬就諗住嗌個飯，點知佢個飯賣晒，所以最後嗌多一round蒜蓉包，不過蒜蓉包要另外搵服務員落單， QR code落單係冇得整嗌蒜蓉包，不過佢個蒜蓉包都幾香幾好食，不過剩係得四件有啲唔係好夠😂另外仲嗌咗個雞肉淡咖喱湯金邊粉，意想不到嘅好食，跟啲粉好滑，個湯都幾好飲，幾香椰香味，唔係平時啲咖喱辣辣嘅感覺，不過夾埋起嚟都幾好食。我想講，個沙律係比較失望，叫咗個發酵茶葉沙律，其實都唔知啲發酵茶葉去咗邊，沙律菜係新鮮，不過冇想像中咁特別好多蕃茄酸酸地，呢個可以叫或者可以叫。

呢間餐廳天花板掛滿霓虹燈箱，裝修有特色，但地方較窄。脆米紙薄餅薄薄脆脆嘅米紙，上面有越南臘腸、醃製蘿蔔絲同青瓜，味道似pizza，咬落去超脆，必試！惹火上身鹹檸豬頸肉豬頸肉打卡咁嘅場面，肉質正常，味道一般，但醬汁開胃，仲有燒菠蘿解膩。越式咖喱牛肋條配斑蘭椰香飯咖喱濃稠香滑，牛肋條腍，斑蘭椰香飯清香，完美組合

- 招牌金邊粉 $88- 炸豬肉春卷扎肉撈檬 $68- 惹火上身鹹檸豬頸肉 $70晏晝食太飽 夜晚無乜衝勁諗食咩 求其搵咗呢間餐廳😂第一樣上枱係豬頸肉 識着火嘅豬頸肉第一次睇gimmick呢樣野我欣賞 豬頸肉真係好檸檬 朋友仲要唔小心擠多咗鹹檸汁🫨之後另外兩碗粉都嚟埋 份量好足 望見已經飽咗 (本身真係飽)炸豬肉春卷 炸得唔錯 扎肉正正常常餐牌入面呢個招牌金邊粉有分辣同唔辣湯底 朋友唔食辣 所以叫咗唔辣 但我始終覺得辣係會過癮啲🥹 佢啲餸有好多 有牛肉片 牛筋條 牛筋 牛尾 牛肉丸 同油條 樣樣牛都可以試少少 呢間我覺得幾抵食 用料唔馬虎💡$226 + 10%服務費