南越南咖啡廳

營業中

休息中

今日天氣炎熱同朋友喺旺角，經過旺角道彌敦道交界，抬頭望到一間越南餐廳，即時想食返碗凍檬，上到一樓餐廳裝修時尚予以舒適感覺。睇吓餐牌原來相當抵食，大部分食物都在100蚊以下，我地叫咗多樣食物：南越金絲網蝦春卷，脆米紙薄餅，呢兩樣同係脆米紙同脆米網，但各有特色，脆米紙薄餅加入千島沙律醬食落更清新。越式秘製香茅豬仔骨，足足有5條骨份量不少，有肉味又好惹味，喜歡食豬仔骨一定要試。越式咖哩牛肋條配蒜蓉包，味道好香濃食落似是泰式冬陰功，但就無冬陰功咁酸，蒜蓉包蒜蓉加牛油烘烤非常香脆。鹹檸豬頸肉撈檬，檬粉爽滑彈牙，豬頸肉入味，表面一層蜜糖燒烤超好味，加埋越式酸汁撈檬粉食就更醒胃。最後我飲咗杯凍南越滴漏咖啡，甜度唔高，咖啡好濃郁但唔會苦澀，好甘香。