千海水產海鮮火鍋放題

營業中

休息中

一直看網上平台有留意這間任撈活海鮮，一直心心念念 終於硬著頭皮走來試試 上星期還288現在已298了應該又找幾個youtuber推廣後再加價了 算了也曱10塊錢walking 1130等到1210成功入座 2種蝦 2種蟹 多款蜆殼類 個人是蝦控一口氣撈10隻蝦3個蟹 4個蜆 4個鮑魚以上排了10分鐘 店員說25分鐘再回來結果是25分鐘 算了3小時一定飽 結果旁邊遲我入座還比我早10分鐘取回 當我去取就知店員弄錯了 這桶沒有蝦 有2蟹1飽一堆蜆及螺 我也不想再重新撈先下鍋再來吧 個人不少吃螺但也是鮮甜的 飽魚應該沒有洗 蟹是鮮甜 這次看沒人交桶時交也看清楚桶號是否跟手上相同 再去2次我也這麼看 大約成為陰影了 有一次其他人說自己桶是錯的 店員即給他撈並優先洗 原來可這樣 九節蝦頭有膏 蟹就沒有不是當造吧 也點了m5牛真心贏過大多數日式台式的cp 吃到2點要結帳排了10分鐘隊 回來1415店員通知1430不能再點餐也提供自助區包括飲料雪糕水果任何自助的 那2點半中場休息先吃雪糕再吃火鍋了 3小時體驗只有2.5小時 還要扣除排隊進場10分鐘付款排10分鐘第一轉海鮮也10分鐘會不會太小氣了

想喺香港搵到真正生猛海鮮嘅天堂？即刻嚟千海水產感受豪氣撈海鮮嘅快感！🦐🦀🐚 你可以隨心撈走多款新鮮海鮮，包括蝦、蟹、蜆、鮑魚同螺，撈完仲有店員貼心幫你10分鐘內清洗乾淨，真係又快又方便！💨 因為海鮮會不斷補貨，唔洗怕晏啲既時段就冇貨，保證每刻新鮮滿載！💯除咗海鮮，仲有自助區提供火鍋配菜、熱葷、點心等，款式多到數唔晒！✨ 太花多眼亂即睇小編必食推介：✅ 澳洲M5和牛，牛味濃郁，入口即化，值回票價！🥩✅ 大隻新鮮蠔，淥完仲係肥美飽滿，啖啖鮮！🦪✅ 九節蝦，爽甜彈牙，蝦味極濃，翻本之選！🦐✅ 爽脆鮑魚，口感一流，食過返唔到轉頭！🐚✅ 烤榴槤，香甜馥郁，榴槤迷必試！🍮而甜品區更加係天堂，Häagen-Dazs、Movenpick雪糕任你食，仲有Made in HK嘅雪芭，清爽又冇咁有罪惡感！🍦小貼士：撈同煮嘅時候要小心，因為好多蝦蟹會跳動，唔小心熱湯會淺出～🔥

自助撈海鮮區域好多新鮮生猛既海鮮，店員係甘補貨，清洗海鮮都無停過手。海鮮區有大頭蝦，蝦頭勁多橙黃色既蝦膏，肉質爽口，紅蝦肉質較鮮甜，草蝦好乾淨。鮑魚，花甲，白蜆肉厚，蜆類都好香甜。我們叫了龍蝦頭湯拼金湯花膠雞鍋，龍蝦頭勁多膏，湯頭有不少菇菌，重蝦味，花膠雞湯底鮮甜，有唔少花膠。我諗住上次有滾生蝦的經驗，點知。。。D蝦真係好生猛，就算落熱鍋都仲掙扎，記得要按實蝦身先至離手，仲有真係要穿上圍裙。熟食都唔錯，叫了川味燒鮮蠔，蠔肉飽滿又大隻，蒸蓉辣椒滿滿的。乳鴿王外皮香脆，仲好有肉香。鐵板鵝肝多士都叫左2碟，多士香脆，煎到微微金黃。澳洲m5和牛肉質嫩滑，夠薄片，滾兩滾就食得。自費有單據

千海水產已經bookmark左好耐，今次終於抽到時間同朋友去食。午市3小時任食，時間充裕。店內有養殖池，環境光猛衛生，全部可以任選任撈，職員即場幫你洗乾淨後，就可以烹煮。活海鮮款式超多，全部都非常生猛。藍蟹，三點蟹都夠大隻，食落的肉都好紮實，超鮮美。鮑魚半隻手掌咁大，厚肉彈牙，好鮮甜。花螺亦都好出色，另外仲有大頭蝦、九節蝦，新鮮蠔及多款的蜆，花多眼亂，基本上好易回本。店內亦有澳洲M5和牛， 象拔蚌，花膠等多款火鍋配料，而飲品和甜品都有Häagen- Dazs雪糕、生啤等。今日真係好滿足，海鮮控一定要黎試下。

喺荃灣食咗個即撈海鮮火鍋放題店，火鍋店位於荃灣廣場B1樓，地方非常大，餐廳主打即撈海鮮任飲任食火鍋。自撈海鮮區有多個魚缸， 有海蝦、大頭蝦，蟹都有3-4種，多款貝類、鮑魚、東風螺、翡翠螺，仲有白鱔件，而且所有游水海鮮任撈任煮任食，不停補貨保持最新鮮狀態，揀選海鮮後可交店員清洗處理再煮食。除海鮮外自助區有多款火鍋配料選擇，亦有即食熟食、點心、甜品、飲品、 häagen-dazs雪糕、 Mövenpick雪糕全部任食。肉類有澳洲M5和牛、美國牛肩胛、澳洲羊肉片、美國豬梅片，M5和牛脂肪唔多肉味濃且有質感。川味燒鮮蠔、蒲燒鰻魚、燒羊鞍、芝麻雞翼、鵝肝多士、乳鴿皇、西京燒比目魚，全部都係必食項目。火鍋海鮮食材新鮮，食物選擇超級多，一個價錢有海量食物選擇，而且味道非常之好，鐘意食海鮮係好選擇，的確係食得非常滿分。

成日聽朋友話去千海水產放題新鮮又好味今次卡卡同鍾意食海鮮的朋友去大擦一餐最讚的是這裡自助撈海鮮區會不停補貨‼️實行無限量任撈任煮的海鮮任食自由呀！估唔到的是我眼見有好多桶海鮮等緊刷身當我取完熟食、火鍋配料及飲品回座位後拿著號碼牌的我到海鮮區已經可以取得到洗海鮮區的哥哥姐姐洗得又乾淨又快手‼️ 我們班媽媽們揀中午去中午比晚餐長多一小時慢慢食，時間剛好接仔湯底有 9 款之多供選擇我們選了清甜椰子雞鍋下次選超吸引龍蝦頭鍋先講海鮮區有大量新鮮游水海鮮真係好新鮮‼️好新鮮‼️好新鮮‼️蝦、蟹、鮑魚、蜆、翡翠螺、花螺等任君選擇每款蝦蟹蜆都有不同種類可以選擇真係梗有一款有自己喜愛的種類最愛九節蝦及大頭蝦最鮮甜多膏蟹肉鮮嫩細緻，朋友大讚好鮮甜鮑魚新鮮嫩甜，肉質柔軟又爽口 另外自助區有不同火鍋配料選擇必食有花膠、新鮮蠔、帆立貝等必食澳洲M5和牛及美國牛肩胛片更有澳洲羊肉片及美國豬梅肉片揀 就連菜都有超過15款，相中有幾款好少見必試炸物必點香脆乳鴿王及芝麻雞翼爽口鹽燒牛舌、大大隻川味燒鮮蠔、鵝肝多士、燒香草羊鞍及蒲燒鰻魚必點‼️甜品除了有一櫃甜品、成櫃雪糕兼軟雪糕仲有海燕窩椰汁燉木瓜及烤榴‼️💁‍♀️卡卡有個小貼士分享👍

想試好耐😍 呢度玩「活水海鮮池」，自己拎網撈，仲要全部生猛到跳跳紮！ 蟹：多肉！蟹蓋一揭有黃，肉質鮮甜唔霉 大頭蝦：手掌咁長，頭位多膏，淥完仲識彎腰（即係新鮮！） 白蜆+沙白：冇沙！一開始就搶，蜆有好多款鮑魚：爽口彈牙，唔係橡膠級別 撈完仲有人幫洗，好方便👍🏻🍲 其他必食位1️⃣ 烤榴槤：一上枱成班人尖叫！流心肉，超正2️⃣ 原個木瓜燉雪燕：女士恩物，木瓜好淋又好甜 3️⃣ 火鍋料：和牛切得夠大塊又淋，仲有火鍋生蠔 👍 加分位- 海鮮補充快，唔會俾你撈空池 - 環境夠闊落，唔會逼到倒瀉嘢 - 員工主動換碟，冇黑面

呢間人氣爆燈既火鍋店，終於有時間過黎食 而且早去吾洗排隊。呢間有好多海鮮食，而且啲海鮮系魚缸內，仲識郁幾生猛，可以自己任揀任夾，揀完之後拎比姐姐，會幫忙即時清洗！我見啲海鮮有refill，個量都幾多！海鮮食得出真系新鮮！鐘意食海鮮又食量大既朋友就岩哂！啲蝦都有幾種款式，例如大頭蝦、九節蝦、基圍蝦等等。啲蝦食落好爽口彈牙！不過要小心，因為太生猛，放落鍋時好易彈哂啲湯出黎，建議放落去時固定一陣，等佢煮熟一半先好放手。湯底揀左椰子雞湯同麻辣湯，味道好濃郁，麻辣湯揀左小辣都好辣！除左海鮮新鮮好食之外 牛肉都好食，都質素，最愛食M5和牛！另外熟食款式都都好多，我地叫左川味燒蠔，隻蠔好大隻，後勁有啲辣。出面自助區都有好多野食，多到食吾哂，2個鐘好似吾太夠，下次再黎要食2個鐘45分！

荃灣廣場的千海水產是一個非常受歡迎的海鮮放題選擇，這裡提供自助撈海鮮的獨特體驗。餐廳的環境寬敞舒適，讓人感受到海洋的氣息。進入餐廳後，可以看到琳琅滿目的新鮮海鮮，包括各種貝殼類、蟹類和蝦類，色澤鮮豔，令人垂涎欲滴。自助撈海鮮的過程相當有趣，顧客可以自由挑選自己喜愛的海鮮，然後交給廚師烹調，無論是蒸、煮或燒烤，皆能保留海鮮的鮮味。此外，熟食自助吧提供多種料理選擇，搭配新鮮的海鮮，讓每位食客都能滿足自己的味蕾。值得一提的是，這裡的飲品選擇也非常豐富，啤酒和清酒的無限供應，讓人可以在享受美食的同時，舉杯暢飲，增添用餐的樂趣。總的來說，荃灣的千海水產是一個適合親友聚會的好地方，無論是食材的質量還是用餐的氛圍，都讓人感到非常滿意。強烈推薦給愛海鮮的朋友們！

終於朝聖到嗰間人氣爆棚嘅打撈活海鮮火鍋放題！作為一個海鮮控，聽到有自助撈海鮮任食邊爐，早就忍唔住想試！今次去到真係唔失望，成個體驗正到爆！🤩 平日午市任食3個鐘，時間夠晒長，12點未到已經見到人龍排隊等入座，氣氛超熱鬧！🔥巨型海鮮池區🪣🦐🦀🦪🐚餐廳地方好大，座位寬敞舒適，仲有卡位可以坐，環境真係幾chill！👍 最大賣點當然係巨型海鮮池區，好多款游水海鮮，例如鮑魚、蝦、蟹、貝類等超多選擇，全部都生猛得扎扎跳！😆全部新鮮到爆，仲見到店員keep住補貨，無限量任撈任煮，撈完仲可以交俾專人幫你清洗，乾淨又方便！👍🏻海鮮推薦♥️♥️♥️大頭蝦🦐：拎起大頭蝦仲見到佢郁緊，鮮到不得了！ 蝦肉爽彈，勁多甘香濃郁嘅蝦膏三點蟹🦀：一梳梳飽滿嘅蟹肉，滑順鮮甜鮑魚🦪：大隻又彈牙沙白🐚：肉厚、味道鮮湯底🦞🍲揀咗龍蝦頭鍋，大大個龍蝦頭真材實料😱，熬出嚟嘅湯底香氣撲鼻、香濃鮮甜，無論淥海鮮定肉類都好夾！湯底甘香鹹鮮，滾完海鮮之後湯底愈滾愈鮮甜，飲啖湯都係滿滿嘅精華！🤗QR code 可以點選肉類同熟食肉類推薦🥩🐮🧡🧡🧡澳洲M5和牛：油花均勻，牛味濃郁美國牛肩胛片：入口即化！🐮熟食推介 💙💙💙鐵板鵝肝多士🪿🍞：鵝肝油脂豐

鍾意食海鮮嘅你😋必到荃灣呢間《千海水產》即撈任食海鮮火鍋放題！重可以網上訂位，共有兩間分店（荃灣、九龍灣）！環境和坐位都特別闊落，設有任撈海鮮區，亦有大型自助區和飲品區域👍🏻！3百幾蚊一位的確抵食😋！一坐低即用QR Code 先點湯底和小食，湯底已有多款選擇，豬骨鍋、椰子雞鍋、龍蝦頭鍋、藥膳鍋等等．．．攞埋枱面個鐵筒去自助撈海鮮區域～蜆、蟹、蝦、螺、鮑魚，餐廳會不停補貨，亦有專人或自助清洗，真正無限量任撈任煮🥰！另有冷藏區，多款高質海鮮、蔬菜、火鍋配料選擇！點心專區～蝦餃、燒賣、小籠包，熱辣辣夠新鮮👍🏻！而自助區基本的飲品、甜品、冷盤、水果、麻辣龍蝦樣樣齊！每樣食一款其實已經超飽😋！

食過晚巿就想食午巿3小時，慢慢食。CP值極高✅千海水產海鮮火鍋放題▶️荃灣大壩街4-30號荃灣廣場B1樓B126號舖午巿提供三小時的海鮮任食火鍋，平均每人只需$298，#海鮮控 主攻海鮮真係岩哂。價錢靚，食物質素一樣靚。鍋底選了龍蝦🦞頭鍋，成個龍蝦頭上枱，夠哂足料，鮮香撲鼻，湯底好鮮甜。海鮮有多款選擇👏🏻東風螺、藍蟹、三點蟹、鮑魚、翡翠螺、基圍蝦、大頭蝦、九節蝦、花螺、沙白、白蜆、美國蜆自助撈海鮮區域會不停補貨，無限量任撈任煮，真係可以食到你唔食。每款海鮮旁邊都有清晰指示，標明每款海鮮實際煮食時間，咁就唔怕唔知等幾耐同埋可以安心咁食。我哋就主攻大頭蝦，蟹同花螺。大頭蝦勁多膏，蝦肉爽口彈牙，蟹肉鮮甜味美，花螺爽脆清甜。鮑魚扎實鮮嫩，蜆肉肥美飽滿。火鍋配料仲有✅澳洲M5和牛～油花均勻，滿滿牛香✅美國桶蠔～大大隻鮮甜飽滿自助區有前菜，熟食，火鍋配料，飲品，甜品，水果等等自取任食，必食✅軟淋鮮甜烤榴槤飲得兩杯仲可以飲杯生啤啤一啤🍻雪糕又有MÖVENPICK同 Häagen-Dazs 食，我兩樣要哂。🤣而QR code 仲可以點熟食，個人就必食❤️✅芝麻雞翼✅鵝肝多士✅川味燒蠔✅海燕窩椰汁燉木瓜

最近呢間《千海水產》都真係幾hit😍聲稱主打任撈任食海鮮‼️仲有專人幫你清洗乾淨👍最平午市都係$288起食3個鐘😵當然第一時間梗係去鮮活海鮮區撈海鮮啦🤩雖然海鮮區唔算好大，但應有嘅海鮮佢都有👍例如：基圍蝦｜大頭蝦🦐｜花蟹｜藍蟹🦀｜鮑魚｜東風螺｜沙白｜美國蜆｜白蜆等等我最愛係佢嘅蝦同鮑魚，蝦非常新鮮；鮑魚亦都十分大隻爽彈我朋友就最鐘意食蟹🦀，肉質鮮甜又有膏👍除咗海鮮外，仲有多款火鍋配料任你夾最推薦係田雞髀同脆鯇片👍真係又鮮又滑自助熱食區：烤榴槤｜烤雞槌｜小龍蝦｜煮豬手｜糖水｜粟米魚肚羹🌽｜台式滷肉飯🍚｜蝦餃QR Code手機落單：澳洲M5和牛｜美國牛肩胛片｜澳洲羊肉片｜美國豬梅肉片｜皇牌燒乳鴿王｜醬爆糍粑｜芝麻雞翼脆皮鮮奶卷｜鹽燒牛舌｜燒香草羊鞍｜蒲燒鰻魚｜燒比目魚｜燒生蠔｜鵝肝多士等等所以就算你唔太好海鮮，都有好多火鍋熟食任食‼️性價比真係超高👍

聽到朋友話呢間現撈海鮮好好食，今日即刻約佢嚟試吓我哋8:30左右入座，揀咗個花膠雞湯底之後即刻去睇吓有咩海鮮，有花蟹、翡翠螺、鮑魚、九節蝦、大頭蝦、蜆等等，即刻揀咗啲蜆翡翠螺同埋蟹，然後交俾姐姐佢會俾個牌你2分鐘就拎得😆之後就揀嘢飲，佢嘅飲品係比普通放題都好多，仲有熱飲櫃、清酒梅酒都有，拎咗支茶就返去撳手機落單咁就落咗個M5和牛、牛肩胛、鵝肝多士、燒生蠔、燒牛舌，個鵝肝多士超級出色，佢個鵝肝厚過我個手指😍食完即刻encore咗兩次，另外佢個燒生蠔都好大隻好惹味，我哋一共食咗一打☺️呢度連自取都多好多嘢食，例如平時打邊爐冇見過嘅牛黃喉蘭花蚌象拔蚌，平時蚌同黃喉都要加錢叫😆於是我又食咗好多牛黃喉蘭花蚌同埋鵝腸😍海鮮特登夾咗隻好生猛嘅蟹，食落去好食，一啲都唔會霉😍仲拎咗大頭蝦、鮑魚、都好新鮮最後唔少得梗係要食雪糕，雪糕係Häagen-Dazs、Movenpick,仲有好多其他唔同牌子起初好擔心鮮撈海鮮會成地濕晒，個環境好差，今次睇到好乾淨好企理，而且食物嘅品種都好多性價比都好高，下次會再食

自助海鮮區有好多種類，鮑魚、蟹、蝦、扇貝、花螺同蜆 ，而且蟹🦀、蝦🦐、蜆都有幾款 。蝦好生猛，已見到幾枱，蝦跳左出黎😂絕對要食多幾round海鮮，因為係活捉，所以好新鮮，夠哂鮮甜 ，而且每次出去拎，個缸都是滿滿的 ，仲有職員幫你沖洗 。簡左龍蝦頭鍋，之後煮埋海鮮，整個鍋更甜 。澳洲M5和牛叫左兩碟，都唔錯 。Oyster🦪好正，之前黎過係放出自助區，而家要掃qr code點，感覺更衛生 。燒香草羊架燒得唔錯，火喉岩岩好，羊架肥瘦適中 。川味燒鮮蠔每次黎都會點，好好食😍飲品有生啤、清酒、梅酒、茶、汽水等，仲有個熱飲櫃，為唔飲得凍野既人而設 。甜品有布甸、乳酪、芝士餅、豆腐花、雪糕、雪條 。