千両 (時代廣場)

營業中

休息中

千兩👅食物：❤❤❤的確好過元氣，但又唔算得係好好咁。值得一提，右上果隻係加拿大定北海道海膽，唔記得啦，但我覺得中間果款平時食開既好味啲。左下果個係鰻魚嚟，擺得幾靚，但舊飯好大舊。份量：❤❤❤右下個碟係二人前既餐嚟，我覺得份量一般，我唔加野應該唔夠食。環境：❤❤❤普通，正常。抵食：❤今日好多自家既日式店既，呢個價呢個質素，一般啦。服務：❤❤❤都幾好，有加下茶，見我哋叫左幾份野又無咩人就主動加多張枱比我哋驚唔夠擺。#千兩 #千兩壽司 #時代廣場

同屋企人食dinner,最緊要坐得舒服，食物質素有保證，所以千両係唔錯嘅選擇。叫左兩個特選壽司拼盤($160)，我地share食又可以試多幾款，而且件件都啱食。我最愛係左口魚群邊($19)，另外都叫左兩碟。刺身拼盤($265)亦好新鮮，另外叫嘅大呑拿魚腩($150)好肥美，入口即溶，下次試下supreme嗰隻先得。好似係期間嘅清酒煮生蠔冇影到相，食落好香酒味，因為鍾意食小小生，所以焗左兩分鐘左右，入口滑溜，正！

本來想去CitySuper買點刺身回家吃的，看選擇不多，彷佛是轉變了經營方式了，從前款式特別多，可能是買的人不多吧，就改變了主意去找家就近的吃著好了。肚子特別餓的時候是不會去想那家特別好吃的，只想找家不會太失望的，記得這樓上好像有家千兩，就去了看看。千兩在我的印象中是不怎樣特別的，就像美心集團的餐廳，每次去吃也不會有什麼問題的，但就永遠沒有驚喜。以這食物質素，價錢也是合理的，不貴但也不便宜。魚貨是新鮮的，飯也沒問題還現微暖，蛋也是微暖味道也可以。但最大的問題是吃完一頓飯怎麼就不覺得有什麼好吃的呢。最後去了超市買了隻燒雞回家吃

食午飯叫左Lunch set，價錢正常，但服務好睇人而異。話說2人雖坐低但想排卡位，我明無預訂既walk in好蝕底，甘大家公平排無問題。但當隔離有卡位時，請staff調位，職員話ok等等，但轉頭就俾左個Walk in 西人客?! WTH!! 果種憤怒依家仲計得。

The place was fairly crowded- food was average. As it was quite busy at end we missed few of our orderes but staff were friendly. Vibe was good to have good talks with friendsWill try conveyer seat next time

由於搵食兵團隊員W 一直未試過高級版元氣—千両，所以突然興起就入去闖下啦😌😌話晒高級版，緊係有啲高級嘢睇下嘅🌝就好似新鮮漁獲系列咁～不過價錢呢樣嘢就係咁架喇～-------------------------千両特選壽司拼盤10件🍱（$165）賣相係吸引嘅，用咗唔少裝飾同配料，感受到所謂的''用心製作''👅食材係幾新鮮嘅，不過可能用嘅配料大致一樣，所以某啲唔重味嘅壽司款，例如吞拿魚、帶子等就會比配料味覆蓋🤔🤔喧賓奪主咗，亦難令人記得當中的味道Rating💁🏻:6.5/10豪快蟹卷🦀（$46）其實唔明點樣豪快法😂😂不過蟹肉落得好多👍🏻👍🏻預左蟹卷唔會太重味，所以focus 喺鮮味之上係矛錯嘅～隊員W就對之投以真誠一票啦Rating💁🏻:6.5/10（呢個分數係隊長B比嘅🙈，莫怪莫怪）P.S 由於有唔少款同元氣嘅一樣🤔所以搵食兵團係喺有格價嘅情況下幫大家覓食嘅🤣建議一樣嘅款大家就番老家先食喇，因為係貴好多嘅😂😂好味指數😋：7/10翻啅指數🙆🏻：6/10人均消費💰：101-199服務態度👨🏼‍🍳：7/10乾淨指數🌝：7/10------------------------------

大大話話也許有三年沒來幫趁吧，記憶中很少食物選擇，久而久之也沒有再回頭。始終是念舊的人，是夜跟他首去，他也是第一次來，二人正吃了公司到會才晚餐，所以還飽。迴轉枱望落壽司零吸引，所以menu咁叫。。。千兩特選壽司拼盤10件165主要是我喜的火炙系列，賣相可以，炙後的刺身加分。中吞拿魚腩38件x2可以更好的，還可。炙燒三文魚22兩件飯細，不會一吃就撐。炙燒特選岩鹽大吞拿魚腩56件值得一吃，入口即溶。我叫的店員貪快只幫我下了大吞腩，值46，實在激死人，賣單才發現。特選刺身拼盤590四人用整体味道ok，不過色澤欠奉，我們二人吃也是剛好。

一直都好鍾意黎呢間千両，每次等位都唔駛等超過30mins，店舖也容納到大量顧客。咁餓即刻攞返個枝豆食下先，好美味，帶點咸味，再飲返啖綠茶，好歎。本來不可錯過的海膽手卷，今晚因為佢嘅暗淡色澤而不再吸引，縱使係新鮮即制，但你食落真係一般。蝦蟹膏軍艦係我favourite，每次都點，但係今次蟹膏味有些淡。油金魚sushi油份十足，口感一流！題外話: 今次order幾款都無用大碟放一起，其實很是喜歡，因為咁樣顯得食物更有價值。香葱吞拿魚蓉軍艦真係只溶係口唔溶係手，texture 好creamy。炙燒牛油帶子有驚喜，勁like佢個crispy topping，充滿層次感的享受。Like油甘魚的朋友絕對唔會放過炙燒裙邊左口魚，超級好味，要一追再追！

每次食廻轉壽司，我都一定揀千兩，我覺得佢係連鎖廻轉壽司店當中質素最平均最有保証的。雖然價錢不算最平宜，但相當合理。服務方面則屬一般。千兩所提供的午餐價錢大眾化，賣相吸引，用料新鮮，算是物超所值。今次點的午餐有炸雞，牛肉湯烏冬，燒鯖魚和天婦羅。炸雞没有炸得太乾，仍保留肉汁。值得一讚的是牛肉烏冬，牛肉鮮嫩有牛油味，烏冬嫩滑，讚！燒鯖魚皮香重魚油味。鰻魚牛油果卷清新好味。天婦羅有蝦，南瓜和蕃薯，唯一美中不足的是天婦羅没有付上天婦羅汁，要向職員索取。朋友點的壽司亦新鮮好吃。以一百多既價錢有如此質數，實在不俗！

早兩日同女友喺灣仔行完婚展，就諗住過返銅鑼灣搵食！Times千兩最方便搭地鐵嘅我地，因為一出閘，搭條電梯就到，真係落雨都唔洗開遮每次都實點嘅分別係呢個蒸蛋同埋燒三文魚鮫呢兩味係女友大愛佢話個蛋又大碗又滑好好食三文魚鮫燒到皮微脆，但魚肉依然嫩滑，一啲都唔乾三文魚子軍艦嘅三文魚子唔腥，而且粒粒都勁大粒，漲卜卜咁，好正每次我地都點下唔同嘅壽司拼盤今次特別推介蟹膏蝦肉軍艦蟹膏好新鮮，好鮮甜蝦肉雖然細粒，但蝦肉唔梅，幾好再點左呢個期間限定嘅牛油果軟彀蟹卷軟殻蟹好穌脆香口炙燒三文魚壽司水準一如既往👍🏻 其實我地鐘意黎呢間，除左覺得方便仲因爲啲服務態度起碼收碟自動自覺要求加茶時又唔會黑口黑面

呢間千兩都食過幾次，每次都冇令我失望。(中環ifc果間質素差好多 )千兩算係我最鍾意既中價壽司店質素高過元氣壽司好多(明明同一集團!!) 當然價錢都高好多我最欣賞佢既燒左口魚裙邊壽司。上面一點調味蘿蔔帶微微辣，同左口魚裙邊既魚油香非常合拍。燒過既左口魚裙邊，肉質帶點爽，一咬下去，魚油會bi出來中拖羅性價比就不算高，好食但不算抵午餐大概$150左右整體好評，推介

一行三人午餐 唔洗排隊店鋪干淨 枱同枱之間都近 好彩人唔多可惜服務差 叫人加茶叫左3次先睬我食左半個鐘 食得7788 都未食完行左黎問3次食完未要收碟 趕客？Order左2個刺身飯同1個6格定食刺身飯 麵豉湯有菇同海藻 偏咸沙律正常 主角刺身飯 刺身新鮮 有蛋絲圍邊飯粒外軟 內偏硬 令成個飯失色六格定食（唔記叫咩）鰻魚飯 鰻魚好薄 冇魚香刺身新鮮 三文魚 吞拿魚 甜蝦吉列薯餅 有肉粒係入面 唔錯燒鯖魚 唔熱 偏硬天婦羅蝦 甜薯 南瓜 炸粉超厚關東燒 蘿蔔入味好林 但獅子狗好粉 毫無彈性

Have to share with sushi lovers out there. Senryo do great sushi at good prices. Look at these otoro sushi and Chu toro. Almost guaranteed quality every time. Would recommend to people who want great quality but not break your wallet. Only thing is to go early as the Q builds up very quick at dinner time at most outlets!

前排去完韓國旅行，食得太多韓國菜所以想搵返日本的感覺，就同大少決定食壽司既然要搵日本感覺，質素不能太差，但亦不能太貴嘅千兩其實食過好多次，唔同分店都有食過，但銅鑼灣的話，都係揀時代呢一間 （可能就腳卦，哈哈）火炙三文魚壽司長長三文魚火炙不會太燶，幾好帶子軍艦帶子彈牙，份量都ok吞拿魚軍艦同樣新鮮大少至愛嘅海膽，我依然唔鍾意我最愛的三文魚子軍艦份量略嫌少左啲蟹肉蟹膏軍艦蟹膏唔腥，幾好味刺身拼盤整體新鮮，但就不算厚切魚餅估計係墨魚餅，無想像中好食，但不過不失咁每次一定點的三文魚鮫擠上檸檬汁，好味道另一必點就係蒸蛋蛋蒸得好滑而且內有海鮮令蛋帶有海鮮的鮮味可惜的是今次要同另一pair情侶share一張卡位4人檯，有點迫而且當兩pair人嘅野食都陸續上檯，就顯得唔夠位放食物唯有每樣都好趕咁食，先可以清咁啲碟😩

千両一向是我的壽司飯堂，分店眾多，日系裝修環境舒適，食材質素亦有保證。雖說有築地直送魚生或精選時令推介供應，但其實每次我只愛點選某幾款鍾情的款式。會員還可利用手機程式遙距取票，省卻不少等候時間。<炙燒左口魚裙邊>油香豐腴，入口融化，一試難忘！<柚子胡椒帶子>鮮甜大隻，令人滿足。<洋風八瓜魚>以秘製醬料調味，甚有咬口。<三文魚腩>肥美甘香，不過不失。<炸蝦卷>即叫即炸，賣相吸引，推介之選。<牛油果軟殼蟹卷>新鮮牛油果正好中和了酥脆軟殼蟹的膩感，兩者味道相夾。<辣味三文魚軍艦>切粒的三文魚以微辣醬汁醃過，尤其惹味。<三文魚皮手卷>炸過的魚皮特別香脆可口，但有少許硬。<千両特製厚燒甜蛋>蛋味香濃，甜度剛好。