十大碗粥麵專家

營業中

休息中

睇其他人嘅食評都狂贊呢度。上一次泊車泊喺門口，俾人抄咗牌，所以食咗一餐極貴嘅雲吞麵。被嚇怕咗一段日子。今日路經此地，竟然喺大南街有錶位，泊低架車之後，兜咗一個圈，最後尾都係揀返十大碗。 😋😋😋嗌返碗蝦子雲吞麵。非常之鮮味。特別粒雲吞，裏面嘅蝦簡直係咬落去，爽脆，有肉汁，新鮮！ 個大地魚湯，好似其他食評一樣，味道做到啱啱好，鮮甜。叫咗個炸兩，玻璃一樣嘅粉皮！嘩，超正！入邊條油炸鬼，正落超脆！加埋個甜豉油，食過之後包保冇得返轉頭！😋😋😋最後一提，一定要識喺枱上面放嗰一甖免費嘅酸蘿蔔。個蘿蔔超新鮮，隻甜酸蘿蔔，調教到味道啱啱好！唔會太酸，又唔會太甜，仲要係免費任食！超想開口問阿姐，買一甖外賣走！😘😘唯一係阿姐竟然叫我要用QR code落單，同佢講人手落，唔知佢點解佢硬係要我用QR code自己落。感覺勁煩，始終覺得，擘大把口落單最方便。😅

之前上幫襯佐敦那間出名的雲吞麵店，但奈何遊客越來越多，每次經過都大排長龍，最近網上有些關注組介紹這間雲吞麵店，昨天路經太子決定去試一試一。單看價錢已經完勝佐敦那間名店，食物上枱時的確有驚喜。一碗雲吞麵（$38）有四粒大鮮蝦雲吞，的確是皮薄餡靚，蝦肉新鮮彈牙，麵上更灑上蝦子粉，大地魚湯底上倍添香濃蝦子味味道。而店舖有免費酸蘿蔔供客人享用，的確有心思。總括而言，店舖內環境以地道小店來說也算不錯，自助下單亦十分方便，論價錢性價比亦算高，所以肯定會再來幫襯。

今日下午落咗深水埗做嘢，諗起上月外國朋友回港，說想食「十大碗」的雲吞麵，但因人太多未能試到。今次嚟，碰下運氣，結果可能因為是平日的下午，人不多，即刻搵到位。店舖乾淨企理，未食已加分。因為已經是下午茶時間，便叫了一個下午茶套餐，招牌雲吞麵加油菜，再加一杯熱奶茶。雲吞麵先上，樣子已令人驚喜，竟然灑上蝦子，令湯底更鮮味。😋😋😋雲吞包有幾隻大蝦，鮮味彈牙，滿足所有味蕾。而麵是正宗生麵，彈牙爽口。👍🏻👍🏻👍🏻白灼生菜亦有水準，爽脆鮮嫩！ 😄😄😄只是奶茶略為失色，茶味不及香濃。它始終不是茶餐廳，難以比較。整體而言，是一間性價比甚高的雲吞麵店。

一入到食堂，空氣中飄嚟嘅係香濃嘅粥味同新鮮河粉嘅味道，整個食堂好有家鄉味。王牌粥入口m嘅😋 - 幼滑綿嫩嘅粥底，搭配鮮嫩嘅瘦肉絲，簡直係美味滿分！再講吓佢個牛腩河 - 分量重得嚟異常滋味，個牛腩酥軟好味到犀利🔥，搭配上個河粉滑溜溜，每一啖都夠晒彈性。嗰個蝦米腸炸兩呀，香脆嘅油炸鬼同新鮮蔥花，再加上蝦米嘅鮮味，真係香過六合彩😍！唔通過食全包，豈不可惜？皇牌炸三寶水餃表面酥脆，裡面肉質鮮美；而炸雲吞就算皮厚餡少，一樣夠哂脆口。講到雲吞河同雲吞麵，嗰個麵身呀，彈牙得來唔吸湯，真係好過癮。豬手魚片頭撈麵嘅豬手份量夠晒正！豬手嘅口感QQ嘅，有咬勁，相信啱晒鍾意咬口感嘅朋友。最後，記得搵幾粒酸蘿蔔，加喺你碗麵上，清新提味又解膩，實在係perfect match！食堂嘅咸鮮香甜，無一不精彩，每一啖都令人懷念！🍜👌🍚

今天下午經過太子，於是到這店舖。有地圖定位，所以位置不是太難找到。今天午飯時間不是太多人等位😃大約十分鐘就可以入內進餐，店舖是用二維碼下單的，比較先進😃午市套餐主要是不同的撈麵或一些簡單的粥類配搭。由於我見很多食客都是吃撈麵的，我選擇嘗試撈麵餐，麵真是一般的，有鹼水味不太喜歡但雲吞就唔錯，每粒都有原隻蝦仁，非常有實在感🤤味道都算中規中矩份量給一般女士應該足夠的，但男士就難說了店鋪都算整潔，店員服務也不差。

唔預期服務要好，但無諗過要受一個無頭髮既侍應呀叔呼喝，啲野食好好食又唔係咁囉…呢個無頭髮既男侍應就好唔耐煩，你部八達通機delay 唔係我張卡，大佬，部機你日日用，唔係我問題喎， 我等緊你，仲大聲咁問我ready 未？ 我答你準備左，你仲細細聲講 粗口 話我阻住佢…又要講出黎驚你聽唔到咁..又唔大聲啲…其實你有工作壓力，真係我無阻住你，發洩係我度….其實…..要一個食客花呢啲無謂時間 寫一份劣評 可想而知佢幾劣既服務質素 正正常常 無人期待有咩服務 只希望身為老闆既 可以知道你呢個員工係有幾惡

等了超過40分鐘，期間問過負責收錢的男人，我問前後外賣order都出了，我那單未出嘅，男人答你個order 5碗雲吞麵要時間整，唔係好似粥咁快。🤔️同嘢食快慢唔同，所以不會順order no出。再過5-10分鐘，另外一個阿姐打俾我問點解咁耐不到取，我火都黎，我一直站門外，期間完全無叫過我個number, 個男人重要咁答我。黐線！不會再幫襯！

太子呢個老區，除左唐樓之外，最多就係食肆。今日出開太子果頭買啲野，買完之後想係附近食碗麵做午餐。  行下行下見到呢間十大碗粥麵專家 ，叫得自己專家，門面又幾靚，裝修都好新，緊係要入去會一會佢。 佢主餐牌都有好多野選擇，粥、粉、麵、飯、腸粉，通通都有。想經濟實惠有午餐，晏啲入黎又有下午茶。落order係用QR code，又快又方便。佢仲有漬蘿蔔任食。 午餐-撈麵套餐 ($55) 一個套餐有一碗撈麵配雲吞或炸魚片頭。今日我就叫左柱侯牛腩撈粗+雲吞(三粒)+一罐無糖可樂。 柱侯牛腩撈粗 - 牛腩好有驚喜，唔單止份量唔少，食落仲好淋，連牛筋都入口即溶。麵底中規中舉。 雲吞(三粒) - 雲吞大大粒，入面有好大隻原隻鮮蝦。湯底充滿大地魚味。 唯一可惜係配料係選擇唔多，多三款。 不過係老區入面食到一間新餐廳，真係別有一番風味。 

喺OpenRice見到食評咁神級，不如撞日反正公眾假期最後一日，行一轉出去之後再立即過去，中午12:00嚟到店內已經有九成滿座，店舖不大，以卡位為主，乾淨燈光明亮，感覺裝修都好新。即拉火鴨絲腸粉 $32一上枱已經對眼，腸粉皮晶凝通透，薄到見到裏面火鴨絲，只須少少豉油調味，腸粉皮有米香、靭性足；配上味道咸香火鴨絲，兩者一拍即合，超美味！配食物只須加$10 熱奶茶有八成茶餐廳質素，花奶份量略少，所以口感冇咁滑，但茶味足，夠熱，收貨！神級腸粉，期待下次試雲吞麵，聽講亦都係一絕！

太子office附近真係唔少好野食，大家見我po開都圍繞著呢頭就知，今次講下成日行經的十大碗。十大碗水餃麵食水餃麵$37，麵質好彈牙😎蝦子我認為絕對係畫龍點睛之處，將湯既咸、香，甜帶晒出嚟。雖然好長氣，但佢既湯有別於hea底既店舖，真係好香大地魚粉味；而水餃又大大隻啖啖肉，真心呢個價錢有呢個體驗真係幾好，真係令人我好滿足，唔駛去到咩咩名店食家食咁浮誇啦。人愈大，愈鍾意食傳統雲吞麵食，因為嗰種鮮甜、香味，口感，係一堆米線類無法比較，層次亦唔一樣。

除了太子店 旺角也有分店 但個人比較喜歡太子店的質素 雲吞麵來說 亦是我回頭光顧多次的餐廳之一 另外每枱都會提供酸蘿蔔 酸甜適中 非常開胃解膩😋🍜蝦籽雲吞麵 $38大地魚湯底清徹鮮甜 入口舒服 有很多蝦籽 沒有鹼水味幼麵以鴨蛋製作 非常爽口 有蛋香雲吞皮薄 大大粒蝦餡 非常爽口彈牙😋🍜薑蔥豬什麵 $40豬潤厚度適中 熟的程度剛剛好 又脆又嫩滑粉腸軟糯有口勁 無騷味豬腰有預先處理醃製有底味 口感爽脆😋🍽️招牌炸両 $35皮薄香脆 份量十足 配上甜豉油 非常美味😋🍽️炸蜆芥鯪魚球（兩粒）$24外面包裹著米少碎所以炸得非常酥脆 鯪魚球也非常彈牙 蜆芥醬帶酒香很濃味

見社交平台關注組D人 基本上係頭三甲 就去試吓 叫左雲吞水餃撈麵 本來好祈待大地魚味 我覺得湯底胡椒味大過大地魚味 不過飲完冇口渴 雲吞同水餃一般 無特別 個麵最唔掂食到有D苦味 我起初以為自己自己味覺 但再食都有苦味 唔知係咪粯水味 真係覺得一般 何解被裙組捧到吟高🥲

突然想食雲吞麵，上 openrice查查， 就搵到呢間十大碗。還好今日唔駛排隊就入到。點了雲吞麵及蜆介鯪魚球。雲吞麵幼麵底十分彈牙爽口，麵上有蝦籽，湯底濃濃的大地魚湯味，配有韮黃，用料及味道拍得住出名嘅麵店。雲吞大小適中，餡料蝦及豬肉均勻，味道亦很好。蜆芥鯪魚球夠熱大大粒，外面包著米粉碎再炸，香口彈牙，蜆芥醬亦夠味，十分推介。想讚讚店家提供嘅酸蘿蔔，甜酸味道剛剛好，又夠爽口，食完炸嘢立刻解油膩。總括來說是滿足的一餐。另外店家使用refill的醬料，而非獨立包裝調味料，走塑十分愛地球，值得一讚👍🏻❤️🌍

突然想吃兒時雲吞面味道，見這裡評分高，決定一試。賣相👍🏻，雲吞系鮮蝦，4粒雲吞大部份系爽蝦，有大地魚香，湯無味精，面爽。呀妹初開時原來已帶我試過，即有記憶，比第一次來減分，但仍然算好味，值得一嘗，價錢平，下午茶抵! 但奶茶麻麻🥹酸蘿蔔加分❤️

夠曬涼爽，好最鍾意啲舖頭有吊扇空氣流通朋友叫的王牌粥，我覺得好大路，原來菜頭只是新鮮菜心。 但係十分足料嘅👍瘦肉絲都醃得好入味，拆得夠幼，粥底都綿嘅，食完唔會口渴見到冇師兄師姐食牛腩我，梗係要做個勇者幫大家試下喇 不得了❤️份量十分之足，亦都好入味簡直到唔夠喉河粉都唔會好淋，夠爽口 係幼河粉出面好少見識食，梗係食蝦米腸炸兩喇入面嘅油炸鬼都仲脆嘅蔥花同蝦米🦐都充足唔會孤__寒close up茶走，大__樂貨色，大家可以唔使嗌喇皇牌炸3寶水餃唔錯，係我啱我嘅口味炸雲吞就曳囉，個皮又大，個餡料又少我食淨雲吞好過炸片頭還好