十大碗粥麵專家

營業中

休息中

同朋友太子行街，下午茶時間經過見到十大碗食雲吞麵就入去試下我地兩個都叫左雲吞麵因為下午茶包飲品或者一碟輕油菜，我地都簡左配飲品，凍檸茶同凍奶茶。另外叫多碟蔥花蝦米炸兩-雲吞麵好有驚喜🤩，食落完全無鹼水味麵質好爽口，呢個雲吞麵算我食過之中最好食，雲吞蝦中size,但蝦好大隻同爽口無雪味，肉都有調味唔算太重口味，適中剛剛中-蔥花蝦米炸兩，都好好食。腸粉皮好薄炸兩脆口，但略嫌蝦米同少左啲，但整體都好食。如果想食雲吞麵呢間一定係必食之選

今天下午在十大碗買1打水餃外賣，用八達通付款$56。我的八達通App已顯示成功扣款，但店員堅持沒有收到款項。我把八達通App記錄給店員看以証明我已付款，但店員仍然堅持沒有收款。我說如果已付款但未能取得貨品，我要報警處理。店員竟說「你不報警我也報警」。我和其他店內食客也嘩然，如此的服務態度對待客人，買水餃換來一肚氣。不但不好好處理問題，還弄到事情一團槽。我浪費了很多時間並受了他們無理的對待。希望和各位分享這件事，讓大家在選擇惠顧時知悉他們的「待客之道」

今次來到這家位置於這間位置於太子汝州街的雲吞麵舖。設有免費自家製甜酸蘿蔔蘿（香港什麼都收費實在少見。讚賞）酸酸甜甜非常醒胃！細蓉$35碗湯頭～大地魚湯，味道稍鹹。竹升麵～彈牙爽口，而且沒有鹼水味。雲吞～大小適中。粒粒原隻鮮蝦。雲吞水餃撈麵+ －支可樂$53水餃🥟，原隻鮮蝦加木耳絲爽口彈牙，味道不錯👍🏻蠔油，芥蘭菜，$20菜比較軟身，可能灼得比較熟。蔥花蝦米炸兩$35，蝦米腸皮薄而滑，但裏面的油炸鬼似乎非原炸，所以比較硬。影響了整體味道。總結，味道不過不失，CP值高！

呢間粥麵店近年係旺角、太子一帶堀起，之前有一次誤打誤撞入到黎食豬手麵，覺得質素唔錯，今次黎到再試佢嘅雲吞麵，依然保持到水準！對比要係麥字頭，食一碗雲吞麵店要成$50幾蚊，真心十大碗一碗雲吞麵只需要$35，而且有免費醃蘿蔔提供，真係超值！首先講咗主角——雲吞，皮薄餡當然靚，大大角海蝦用料唔馬虎，咬落去夠晒爽口；店內用上大地魚湯底，令到個湯好鮮甜，唔會太喊。略嫌個麵身太硬，有啲乾身，唔夠淰滑，要浸一陣湯食先易入口。而個麵上鋪滿蝦籽都有驚喜。雲吞麵黎講都合格有餘嘅！

天氣凍，係太子想搵d湯麵食下🍜即刻諗起好多人都讚好既十大碗由地鐵站行過去都有一定既距離為左食咩都行到天腳底都制😬叫左碗淨雲吞同炸鯪魚球即刻試下個酸蘿蔔🤔唔夠酸😮‍💨淨雲吞黎到，份量都幾多第一啖一定試過湯先，都係正常一般大地魚湯底熱度個人認為唔夠熱雲吞偏細隻，粒粒都有原隻蝦但講到好好食，又算唔上中規中矩，無驚喜又唔會失望炸鯪魚球令我幾驚喜新鮮炸起，鯪魚球既米通都好香脆魚肉佢加左陳皮仲有檸檬葉令個佢個味提升左唔少🤤

枱上有免費醃蘿蔔提供，味道酸酸甜甜，爽口開胃😄招牌雲吞麵 $35👉吃麵前先喝一啖湯，大地魚湯底名不虛傳，鮮甜美味👉麵上仲灑左蝦籽🦐👉雲吞小巧精緻，大小適中，蝦肉爽彈鮮味👉麵無鹼水味，麵質煙韌蔥花蝦米炸兩 $35👉腸粉皮夠嫩滑而有米香👉油炸鬼夠香脆👉加上豉油和蝦米的鹹香味就夠炸雲吞 (7粒) $47👉即叫即炸，炸得香脆👉蝦肉都係咁爽彈鮮味炸蜆芥鯪魚球 (4粒) $38👉加入左陳皮、檸檬葉去除鯪魚腥味👉配埋蜆芥一齊食好惹味👉大大粒，即叫即炸👉皮薄，炸得香脆#foodie #foodiehk #hkfoodie #hkfood #hk #hkfoodblogger #princeedward #太子 #太子美食 #雲吞麵 #細蓉 #shrimp #蝦 #蝦籽 #炸兩 #炸兩蔥花腸粉 #炸雲吞 #蜆芥鯪魚球 #蜆芥 #鯪魚球 #醃蘿蔔 #白蘿蔔 #大地魚 #大地魚湯 #蔥 #即叫即炸

其實光顧左好多年， 今日點左炸醬撈粗、炸鯪魚球、水餃河加個油菜呢間舖其中一個特色就係，每台都有一樽酸蘿蔔比客人免費食，一坐低，店員就放低隻用嚟裝酸蘿蔔嘅碟仔，而呢隻碟仔通常都好污糟，今次都唔例外，一放低就見到好多塵，所以必須要自己清潔乾淨先至好放蘿蔔😅酸蘿蔔的確做得好味，每次都會食五、六粒炸醬撈粗酸辣度剛好，非常惹味，粗麵有咬口，而且粗麵更掛汁，個人認為比幼麵更夾炸鯪魚球魚肉比例高，當中加入左陳皮、檸檬葉去除左鯪魚腥味，而且配埋蜆介一齊食仲惹味水餃河湯河面放左少許蝦子，令個湯更鮮甜，水餃食到木耳絲嘅爽脆整體食物水準係好嘅，但可惜服務質素就每況愈下，早年幾個店員嘅態度都好好，但近半年已經換晒人，個個做嘢都好晦氣，如果心情唔好個日，建議唔好黎食，無謂搵交嗌

十大碗其實在太子已經屹立一段時間, 至少在疫情前, 當我在附近吃車仔麵的時候已經營業, 只是之前未有吸引到電視和社交媒體的報導, 如令它成了港式雲吞粉麵其中一家熱門食肆, 證明了堅持下去, 遲早有人欣賞. 一入去先要吃這裏的醃蘿蔔, 定時更換, 免費任裝, 自然會給食客乾淨而慷慨的第一印象.這裡雲吞麵的份量比傳統細蓉多而大, 要稱讚的是其麵身和湯底, 前者口感爽彈, 最重要是完全沒梘水味, 這也令湯頭的鹹香和鮮甜味得以引發出來, 用上烤大地魚乾和蝦籽作原料, 沒有其他調味, 外表清澈而味純, 的確吸引. 雲吞件頭中等, 是在麥文記和沾仔記之家, 蝦肉爽彈鮮味, 雖在外表上沒有金魚尾, 但也合格有餘.南乳豬手炆得很好入味, 皮彈肉稔之餘也相當容易離骨, 最欣賞的是處理得很乾淨, 沒有任何豬毛附在皮上. 除了麵食外, 粥品及油器也做得不錯, 例如是今次點的蝦米炸兩, 腸粉皮夠嫩滑而有米香, 油炸鬼夠香脆, 加上豉油和蝦米的鹹香味就夠, 簡單而且直接.Ten Noodles Shop is famous for her wanton noodles and claimed us one of

見之前電視講到呢間舖既雲吞麵咁好食，咁我當然要嚟試下啦, 雖然有少少遠，但都行左一陣就到.. 果然...過左兩點既食晏時間，仍然成村人排緊隊，可能受到之前電視既影響，好..就試下你到底係咪咁堅!1)叫左一碗雲吞麵，等左一陣就到，聞到係好香既蝦籽味，雲吞藏係麵底，而麵上面有好多蝦籽，完全係視覺享受。先飲一啖湯, 夠熱，再食一口雲吞，入面有滿滿既蝦肉、豬肉，雲吞size 同出面既係一樣。可能係自己期望太高/ 受電視吹得佢太勁，係好食..但未到驚為天人既個個level...最多都係７.5分（以１０分滿分為準)2) 此店強調有自家醃製白蘿白，可惜叫左好幾次。。都係冇攞比我，至少叫到第３、４次佢先攞嚟，服務有待改善; 個人覺得咁樣唔太衛生，就咁用筷子自己攞。。。呢個位真係要改善一下。

雲吞麵店「十大碗粥麵專家」受網民熱捧，難得見到唔洗排隊，一於試下最受歡迎既雲吞麵$35雲吞麵上枱被麵蓋住，麵上滿滿蝦籽。先飲一啖湯，係鮮甜既大地魚湯，睇介紹話湯底材料包括大地魚、蝦籽、豬骨、蝦角、羅漢果、果皮、蝦乾等，難怪又鮮又香雲吞皮薄，可以透出餡既顏色，雲吞唔算大粒，有4粒，但蝦好彈牙，冇太多肥豬肉。而麵條蛋香味出，沒有鹼水味。食完一碗好滿足🥳仲試左炸蜆介鯪魚球$22鯪魚球超大粒，外層脆卜卜，內裡彈牙足料，可以食到新鮮鯪魚肉、果皮等材料。蜆介鹹香又有好多蜆肉，yummy 🤤枱面仲有醃酸蘿蔔，作為開胃前菜真係好正，酸味適中，蘿蔔爽，食左兩小碟😍食物好滿意，不過其中一個男店員勁無禮貌，而疫情關係四人卡坐打對坐，中間隔板令枱勁迫，但店員硬要把客人擠在同枱，明明有不止一張吉枱都唔比調枱，令用餐環境變得極不理想。

近期食咗好多間雲吞麵，呢間真係高質👍🏼哥哥淨雲吞，細佬淨魚蛋，我就艇仔粥加豬膶腸。雲吞高質，湯好好味😋粥同腸粉普普通通，正常味道😋魚蛋都係普通，其實推介係炸鯪魚球，不過細佬唔鍾意，佢話怕蔥同陳皮☹️食完唔夠飽，同哥哥分享一碗水餃麵，呢碗麵真高質，水餃仲好食過雲吞，而且麵上面放咗少少蝦子，真係唔比100分都唔得！呢間都有免費提供酸蘿蔔，都好好味。下次再去試吓旺角分店，睇吓係咪一樣咁正先😁😁

電視台節目介紹雲吞麵，其中包括這家。慕名而來，當然要品嘗細蓉。吃麵之前，先喝一口湯底。大地魚湯底名不虛傳，鮮甜美味。其他名家如麥氏一眾後人或何家的湯底也「清甜」，但這裡更突出一個「鮮」字，這樣吃過的細蓉湯底中最喜歡的。四粒雲吞是傳統的細蓉，小巧精緻，一口吞入口腔咀嚼，大小適中，蝦味重。雲吞麵興起於廣州，本為宵夜或下午茶的美點，非正餐飽肚之主食，可以想像細細粒好好味成為正統不是沒有因由。麵無鹼水味，比較煙韌。嗯，還是比較喜歡一眾麥x記爽口的麵多些。幸好枱上有免費的酸蘿蔔，爽口！完全達到開胃和中和功效。蜆蚧炸鯪魚球也是好味道，大大粒，皮薄又炸得香脆，內裡熱辣辣一團魚肉，比港島的羅x記或澳門的粉麵店更勝一籌。劉氏自祖父輩於上世紀七十年代由廣州來港，由街邊檔做起，已傳至第三代。聽老父說，幾十年前深水埗街邊雲吞麵檔很多，每晚多在小巷內開檔，但時代變遷，現在已近絕跡，想不到還可以嚐到昔日的味道。香港的雲吞麵一直以麥氏後人、何家各領風騷，看來今後還要加入劉家才算完滿。

星期四晚在太子附近，想起這家有名的雲吞麵，所以專程去試吓，七點多店舖差唔多滿座，兩人坐一邊，叫了雲吞麵，及笫粥，炸兩、首先，侍應拿了雲吞麵比同座另一邊遲來的客人,又不問客人是誰，炸兩先到，油條不夠脆，十分鐘後，雲吞麵到了，先試湯，很淡，跟住試麵，麵不夠彈性，比較起佐敦另一間的麵，我比較喜歡佐敦的麵及湯，雲吞反而好吃，炸兩及麵都吃完，粥還未到，原來漏咗，不明白為什麼電腦單有，但原來還要另外寫入廚房，最後粥到了，粥底還可以，但豬潤太鞋，不夠脆，豬肚也太硬，總結來說，沒有期望的那麼好吃.

慕名已久嘅十大碗雲吞麵，成日喺網上關注組見到人分享食評，今日終於有時間去品嘗一下。原來除左最馳名既雲吞麵外，粥品同腸粉都極受歡迎，特別係炸兩腸。但係是日得一個人食唔到咁多，只好留待下次，今次先點一碗雲吞麵試試。如果有食過劉森記就會知酸蘿蔔係額外醃製送俾食客，呢間都唔例外，食落十分開胃，甜酸得宜，真係會食唔停口。卒之到主角上場，雲吞麵係正宗果種比較細碗，雲吞壓底，麵係上面，仲有畫龍點睛嘅蝦籽。麵條毫無梘水味，唔會太硬，配埋鮮甜嘅大地魚湯底非常匹配。雲吞有四粒，有散尾，食落蝦同肉嘅比例剛好，而咬落都有陣大地魚嘅味道，可能係加左魚鬆？唔講仲覺得呢間係歷史悠久嘅老店，幾樣技巧都掌握得相當好。

由太子店多年前開張便常常幫襯，直到近兩年疫情少出門，沒去一段時間。今日再去，食物依然保持質素，鯪魚球彈牙、蝦米和陳皮巧妙點綴魚肉，相當鮮甜。大地魚湯底令人想喝光。但是束馬尾那位女侍應服務態度甚差，例子：入座先幫3人客登記，即使1人或2人的客人較早到達等候登記；幾檯1-2位的客人要求添補醃羅白，女侍應表示沒貨，數分鐘後，3-4人檯的客人要求添補醃羅白，她便馬上安排。食物的確仍然好吃，令人想回頭；但過程受氣，要不要再來又要想想… 可惜可惜。