十和田總本店

營業中

休息中

食物質素不俗，但員工態度極差，無下次亦唔會推薦。餐廳四點半落場，我哋三點半入座，都未坐好男侍應就埋嚟黑面講咗句嘢，聽唔清，我哋要問另一位侍應先知道佢講四點last order。同一位男侍應上菜，黑面兼無禮，其間亦聽到佢同其他職員大聲講「做埋食得飯」，令我哋感覺不被歡迎。我哋最後食咗半個鐘就走，埋單$300+。我哋唔係第一次食，但經過今次以後都唔會再黎，亦唔會推薦。

午巿壽司套餐(配湯)墨魚,三文魚，帶子,海膽,三文魚子，赤蝦，青瓜卷，油甘魚,吞拿魚壽司套餐有好多多款唔同嘅壽司就唔使諗食啲咩都係幾好嘅選擇呢個價錢就已經食到靚吞拿魚同海膽呢啲貴價貨真係幾唔錯牛油果 (一件)自從唔知邊間壽司店開始出咗牛油果壽司之後基本上我每見到都會叫，畢竟我真係鍾意食牛油果而且靚嘅牛油果真係好難，加上牛油果配壽司又幾夾，有啲人仲會覺得點豉油Wasabi嘅牛油果係三文魚味信州蘋果梳打雖然蘋果梳打出咗好耐，但真係第一次飲，味道有幾唔錯唔會好甜

.十和田大概2017年開業，已經係香港開業左7年，成日經過，今次食左軍艦三味壽司、穴子丼、火炙魚生飯🤤埋單$433，人均216左右。..火炙魚生飯$138魚生種類多，三文魚、吞拿魚、蝦、左口魚、穴子、油甘魚、帶子、魷魚🦑、三文魚子，用左江戶前嘅做法加入赤醋..穴子丼$118價錢好抵食，脂肪少，口感相對較為清淡爽口，肉質纖細，清甜味鮮，配搭醋飯更添鮮味..軍艦三味壽司$138海膽軍艦、三文魚子軍艦、蟹肉蟹膏軍艦，海膽味道鮮甜，三文魚子軍艦帶咸香..地址：十和田總本店 (尖沙咀)尖沙咀金馬倫道42號華懋金馬倫中心地舖..

記得幾年前嚟過一次食晚餐，感覺幾好坐，同frd傾下計咁幾chill~今次嚟食lunch，同回憶中差不多，而且仲有d幾優惠嘅午市套餐🤩✨火炙左口魚邊丼 - 面頭大大塊海膽巨吸睛😻火炙左口魚邊都有好多塊，而且幾厚肉，每啖都食到魚油香；而海膽正常發揮~個餐仲跟左茶碗蒸同麵豉湯，蒸蛋熱辣辣又夠滑🥚✨午市壽司套餐 - 擺碟幾靚，滿滿壽司好豐盛🍣包括吞拿魚、油甘魚、海膽、赤蝦、三文魚、帆立貝、魷魚、三文魚籽同青瓜卷，帆立貝幾鮮甜；吞拿魚冇咩筋好易入口😋

木系日式裝潢，簡潔暖光，設有吧枱位置！午市商務二人餐 $328，有哂湯、蛋、刺身、炸物、鍋巴、卷物同飯！👉🏻茶碗蒸好滑又細嫩，綿密柔滑嘅口感，好開胃！👉🏻刺身拼盤共四款，有超肥美嘅三文魚、厚切油甘魚、色澤紅潤嘅吞拿魚、仲有甜蝦，全都新鮮又creamy！👉🏻海膽三文魚子吞拿魚蓉鍋巴海膽唔send，呑拿魚蓉綿密，鍋巴好香脆，口感層次豐富！👉🏻椎茸釀蝦膠共四件，香菇清香，蝦膠爽滑，好特別似天婦羅口感！👉🏻鰻魚飯醬香濃郁，魚肉軟嫩！👉🏻蔥吞拿魚腩手卷鮮嫩嘅吞拿魚蓉，份量多，蔥香！👉🏻味噌湯味道恰道好處，不會太咸！

今日第一次幫襯，原本都冇乜問題，入門口兩位員工分別指我坐兩個唔同位置，咁我是但揀個坐，然後門口嗰個好輕佻咁同我，咁你鍾意啦，算啦，我嗌嘢食，QR code落單，落到一半又話要重新落，可能俾錯枱號，又算，我一個人嗌咗啲壽司，最後埋單$3xx蚊，攞張單去埋嗰陣收銀個員工全程耷低頭，我話Visa俾，指住部機同我講嘟啦，然後我望張單佢話呢張係㗎啦，全程冇唔該冇多謝冇眼神交流，其實我唔太介意，問題係我埋單之前有個外國人先埋單，佢thank you前thank you後，我記得五六次都有，特別殷勤，爭啲要鞠埋躬, 令我感覺到好反感，係咪我本地人就可以要接受呢啲態度，食物質素係點對我已經唔重要，我只知道一定冇下次，唔明點解會請呢啲員工，已經完全影響餐廳觀。

十和田總本店喺尖沙咀金馬倫道好出名嘅壽司店,食材新鮮,分量合理,好似去咗一轉日本咁🇯🇵環境方面較簡單, 略覺佢張枱有啲細 但都坐得舒服去食午餐比較抵, 因為午市套餐有好多選擇而價錢ok, 比晚市扺!————————————————感想:❆ 三色丼 $188舖頭嘅招牌菜, 分別有吞拿魚蓉, 海膽, 蟹膏非常適合有選擇困難症或者咩都想試吓嘅人😆(好似我咁)賣相唔錯，刺身食材好足料,堆喺飯上面好啱打卡📸雖然望落好似三碗都好細碗，但其實舖頭嘅茶碗蒸大細都算合理,食得夠飽!食才超級新鮮,吞拿魚蓉,海膽都唔腥,蟹膏分量超多🤩————————————————整體:✦ 價格: 4.0/5✦ 味道: 4.1/5✦ 服務: 4.0/5✦ 環境: 4.0/5✦ 再訪指數: 4.1/5十和田總本店 Towada Sushi@towada_sushi地址:尖沙咀金馬倫道42號華懋金馬倫中心地舖營業時間: 星期一至日 11:30-16:30, 17:30-23:00

One of my favorite Japanese restaurant in TST香蔥吞拿魚腩丼🐟呢個丼飯味道好鮮美。吞拿魚同蔥嘅組合為呢碗丼飯帶嚟好豐富嘅風味。吞拿魚肉質鮮嫩多汁,而蔥段就令佢帶來清新爽脆嘅口感,同米飯融洽協調。醬油吞拿魚壽司🍣醬油調配得啱啱好。唔會咸到過分,吞拿魚嘅油脂好適中三文魚壽司🍣肉質肥美,油脂豐富,入口即溶❤️❤️❤️三文魚籽壽司🍣飽滿肥美嘅魚籽爆裂開來,釋放出濃郁鮮美嘅海洋滋味

🍣十和田總店之前行街經過又試食下的餐廳 週末walk in坐得好舒服 寧靜地用餐 大愛火炙 所以點了2道都有火炙的☺️不過食食下其實唔洗叫三味都ok 一個丼+烏冬都好飽肚 秘製豚肉係豬軟骨 醃得好入味！火炙都無乜挑剔 lunch人均~$170 ✿ 火炙魚生飯 $138✿ 火炙三味壽司 $78✿ 秘製豚肉湯烏冬 $88(吞拿魚 碟魚邊 三文魚)

✨ 炎熱的夏天到來，總是想吃一點輕便的和食，位於尖沙咀金馬倫道的十和田總本店滿滿日系感，多款午市套餐都性格比極高。個人推薦餐廳主打的午市壽司套餐， 師傅會因應季節和供應，作出時令配搭，充滿驚喜。🍣 午市壽司套餐（配湯）$128.0午市壽司套餐賣相吸引，壽司包括: 吞拿魚蓉、三文魚子、三文魚玉子牛油果醬卷、吞拿魚、油甘魚、穴子、炙燒左口魚和熟蝦。手握赤醋飯大小份量剛好，即使一口放進嘴裡都絕不尷尬。個人最喜歡炙燒左口魚，炙燒後甘甜魚油滲出，口感既肥美又爽口。吞拿魚厚切啖啖肉，非常滿足。🥚 海膽蒸蛋 $48.0吃過壽司後，吃一碗暖乎乎的茶碗蒸就最好不過。打開碗蓋，海膽的量給真是十分慷慨，蒸蛋內有竹輪片、蟹柳、冬菇和銀杏，十分豐富。✨ 餐廳另有多款午市套餐供應: 香蔥吞拿魚腩丼，雜錦魚生丼，三文魚親子丼，壽司拼叉燒湯烏冬，刺身拼鰻魚飯…總有一款合大家心水。🐮 #cowing吃在尖沙咀

餐廳位於尖沙咀金馬倫道，地理位置方便，今次我去食嘅係午市套餐，款式都幾多，除咗有魚生飯之外，亦都有唔少嘅定食，咁我今次都另外再叫咗一款小食嚟試試✨ 香蔥呑拿魚腩丼 💰$128飯底用咗赤醋飯，完全唔使落豉油已經夠味，塊面鋪滿吞拿魚蓉，份量都好夠，另外套餐亦都會包麵豉湯同日式蒸蛋✨ 鹽燒鯖魚定食 💰$88鹽燒鯖魚做得好唔錯，份量大之餘，煎得金黃微脆，魚質好嫩，亦多魚油，同樣依個係套餐，有包麵豉湯同日式蒸蛋🦪 吉列生蠔 💰$48吉列生蠔有四件，蠔size適中，炸得都夠金黃，粉唔會太厚

主打赤醋飯嘅十和田總本店 每次當我掛住日本嘅野食 我就心思思想去一解思鄉病😌江户前壽司 特色就係用左赤醋黎整醋香味更突出▫️三文魚親子丼 ($148)超足料三文魚丼 呢個價錢食到呢個份量OMG😮😮 三文魚夠新鮮 仲有大大粒三文魚籽 一咬噴射！🤩🤩▫️油甘魚刺身 ($68)厚切油甘魚 入口充滿油香 味道甘甜▫️火炙三文魚腩 & 吞拿魚腩 & 凡立貝壽司($15 / $48 / $28)完全可以用肥美飽滿黎形容☺️ 微微焦香味道 吞拿魚腩尤其出色 油香十足 每樣食兩舊不會太膩凡立貝好新鮮 味道鮮甜▫️海膽壽司 ($68)呢個海膽壽司好誇 $68又幾抵食海膽份量唔客氣 極度甘甜👍▫️茶碗蒸 ($28)最後整返個茶碗蒸蛋 鍾意佢滑劣劣嘅口感好有蛋香 蟹柳仲有粒白果同佢好夾🥰嘆埋杯綠茶😌

每次係油麻地做完運動都會行尖沙咀塭野食，日本野都係經常選擇嘅🥜環境光猛，但二人座位空間比較窄，要攞走檯上嘅餐具同調味料先放到野食, 希望檯凳之後可以闊落d😂火炙魚生飯（秋季限定） $138⭐️⭐️⭐️⭐️⭐️🥜打卡一流🥜入面有8款，三文魚、牡丹蝦、三文魚籽、穴子、帶子、鰈魚邊、吞拿魚同鯛魚？我估架咋，大家睇圖覺得啦😂🥜三文魚籽最加分，之後係帶子同穴子🥜啡色嘅丼飯底有微微醋香，唔係白雪雪嘅，比較粗身🥜性價比比起其他丼高（其他較貴）唐揚炸雞湯烏冬$88⭐️⭐️⭐️⭐️🥜4大舊炸雞🥜烏冬大大碗，味道都好夠枝豆 $38⭐️⭐️⭐️⭐️🥜軟硬度都好，但如果係灑返d鹽係外圍就啦

十和田總本店🍣🍱好掛住十和田既赤醋飯同刺身呀尋日特登同媽媽去左食真係大滿足呀🍱 三文魚親子丼 $148厚厚既三文魚粒同大大粒既三文魚籽鋪滿咗成個碗面不愧係新鮮直送既食材 食落好新鮮呀而啲三文魚籽一咬落去就爆汁好鮮甜既味道 再配埋赤醋飯食一流🍣軍艦三味壽司 $138蟹肉蟹膏軍艦+海膽軍艦+三文魚籽軍艦蟹肉蟹膏味都勁濃 食一件唔夠止口癮海膽超鮮甜三文魚籽大粒又爆汁配埋舊赤醋飯食 🤤🤤🍣松葉蟹三味壽司 $128蟹肉蟹膏軍艦+松葉蟹腳+蟹棒最吸引係原隻松葉蟹腳 食落啖啖肉蟹棒都幾好食🦐牡丹蝦刺身（隻） $78好大隻仲要剝埋殼既牡丹蝦刺身肉質彈牙 味道鮮甜 好正🐟三文魚刺身（三件） $52極厚身既三文魚刺身不愧係新鮮直送 好新鮮

雖然今日落好大雨，但係都無阻我哋飲飲食食嘅行程。今次我哋叫咗個午市鯖魚套餐同豬軟骨套餐另外再單點一份三文魚刺身！三文魚刺身 雖然只得三件，但係三件都非常之厚切！啖啖肉！鮮味十足，入口軟嫩🥰另外兩份午市套餐都已經包咗個茶碗蒸同味噌湯❤️ 鯖魚外層燒得香脆可口，魚肉亦都唔會話好嚡，而且嚟到係熱辣辣，吱少少檸檬汁配埋個醬汁食送飯一流！豬軟骨份量都幾多，而且肉同根嘅比例都啱啱好，入口非常軟糯，醬汁一啲都唔死鹹，送飯勁好味🤓