影片
開飯介紹
由擁有20多年經驗的資深日籍壽司師傅主理，務求用最傳統的手法，處理每天由日本空運到港的高級食材。
繼續閱讀
營業時間
今日營業
11:30 - 16:00
17:30 - 23:00
星期一至日
11:30 - 16:00
17:30 - 23:00
以上資料只供參考, 請與餐廳確認詳情
相關文章
#甜蝦丼甜蝦本身冇乜特別，味道都算正常，但份量真係好大，一碗飽足感十足，適合蝦迷嚟食。如果你唔要求太高，呢個都可以滿足你！#三文魚牛油果卷三文魚薄咗少少，令到成個卷冇咩口感，可能我期望高，但$88有六嚿，性價比其實都幾好。牛油果嘅Creamy感+三文魚再搭配蛋黃醬個味配搭得幾好，但唔係好明點解上邊要加七彩脆脆🤣#環境平日夜晚去到竟然冇乜人，但張枱有啲細，放完餐具盒同埋熱水壺之後，其實已經冇咩位，所以如果多人嘅話應該會坐得有少少辛苦。
繼續閱讀
十和田總本店主打新鮮日本料理，環境簡約舒適，木系設計同落地玻璃營造輕鬆氣氛。三文魚帆立貝魚子丼賣相吸引，三文魚用咗角切，但都幾肥美，帆立貝有4大粒，好鮮甜，仲有三文魚子。甜蝦丼用料新鮮，甜蝦晶瑩剔透，入口甘甜，蝦嘅份量都幾多。整體黎講，十和田嘅三文魚帆立貝魚子丼同甜蝦丼用料新鮮，味道都唔錯，值得一講嘅係佢哋丼飯嘅種類配搭好多，亦有串燒，小食，性價比合理，適合愛海鮮嘅朋友，但份量同細節仲有進步空間。
繼續閱讀
今日就係去咗呢間，簡直係詐騙，冇呢個打卡$268大拖羅海膽飯，話冇晒大拖羅，一心楂車嚟～就試吓其他食物吧～之前於是我便問佢散叫大拖羅可以嗎？侍應話可以，點知嚟咗個冇脂肪嘅中拖羅，我已經好有禮貌同佢講，唔好意思不如你confirm下廚師呢個係咪大拖羅？回覆係：唔好意思比錯咗中拖羅我^於是收起剛剛俾我嘅所謂中拖羅，比另一碟我，之後我仲嬲，又係一碟中拖羅冇脂肪嘅～兩個都影晒相～其實食大拖，一定係有要求先會食～同埋識嘢嘅先會食～誤導及詐騙客人真係唔應該～食咗一片已經冇脂肪～本身已經萛～買單嘅時候，我話俾收銀廳～佢立即取消咗我大拖羅$188 / 3片～我話唔使你照收返我中拖羅價錢就得^我唔係冇$ ～不過最後佢都冇收到我大拖羅錢～佢話個大廚唔喺度唔好意思😅
繼續閱讀
午市套餐唔算平，但係食物質素真係一般。叫咗一個豬軟骨湯烏冬，套餐包兩件壽司（$108），雖然好快就上菜，但係我未食過咁硬的豬軟骨🙈🙈🙏 完全食唔落，而且份量很少…加埋起黎，套餐有啲貴，唔值呢個價錢，感覺係食緊舖租多啲。雖然好少寫食評，但係真係忍吾住要寫下🥲 同埋服務態度麻麻，我純粹問下套餐壽司係咩，服務員既態度好似唔耐煩，其實午市已經唔係好多客🙏 建議改善一下服務質素和食物的質量🙏 唔好浪費一個在旺區人流多的舖位🙏
繼續閱讀
服務員黑口黑面，態度極差，好似全世界人欠左佢哋咁，出餐直接大力放係你面前，完全零交流。壽司整到好求其，例如三文魚壽司就來同舊飯分離。味道一般，劣質水平壽司。伏！
繼續閱讀