十勝牛和食料理

營業中

休息中

晚上6點半左右，2人開車到油塘大本營力覓食，每次都想試下「十勝牛」，但每次都排長龍，今天真好運，不用排隊。店內很大，有很多枱，服務超快，我們坐在窗口位，觀景為平台及其屋苑。細看餐牌，種類繁多，有各種各樣的日本菜，偵查其他人的選擇，我們決定試下日本Shabu Shabu 定食（$58位），再加鹿兒島和牛壽司（$48)。本想加個蟹子沙律，大的為$48， 但是因太大，個碗比一個人頭還要大，我們決定不叫。Shabu Shabu 定食一人份包括一人一個火鍋，一碟牛肉約四大片一桶菜及金菇、鮮菇，兩件三文魚壽司，一杯西瓜汁。價錢相當平，份量可以，服務超快，另加和牛壽司質素中上級，超底食，2人共$180，有免費泊車。

同屋企人去食個晚餐岩岩入座坐左系收銀隔離對住啲職員仲要啲職員望住 甘梗系唔舒服咁樣就想調位 咁岩又有個卡位 屋企人就同個啊姨講我地可唔可以調過去我地未點野食個啊姨態度都好好 話好啊 你地坐啊然後我地就拎埋杯水坐過去點知有另一個啊姐就話下次唔好咁調位 佢地會好麻煩真系好奇我地未點餐唔洗入機改位 水唔洗你地又送多次有幾麻煩？有幾麻煩啊？當時職員都算多，客人唔多 唔明有什麼的好麻煩？個啊姐姐仲要黑口黑面咁。攪到食餐飯都要睇人面色 最後直接走人，食都唔會想食 🙂就算幾好食都唔會再黎受氣🏳️第一次系呢啲餐廳到食野 調位會比職員話麻煩 以為茶記先會發生 仲要見到佢用舊式茶記送水方法 3隻手指插入啲水杯，嘩 核突到呢 好無衛生 依家啲茶記都唔會咁啦...客人唔系大曬 但止少互相尊重吧？然後走左落樓下間墾丁茶房入面個個職員態度差天共地🤷🏼‍♀️，好貼心 好有禮貌食餐飯都舒服好多

在食物上發現不乾淨的東西，作為食客，好正常地要求更換，但服務員沒有正視問題，只是在取走後不到一分鐘，把不乾淨的東西取走，便同食客講已更換了，如果不幸的話，食落肚，導致食客有任何不適，這責任一定是歸咎貴店，請貴店正視衞生問題，另外，在這事件，某位年長店員竟然回覆碟碟都一樣架啦，好彩既係，本人發現食物上有不乾淨的東西既時候，即時拍了相片，在更換後，同相片一對，食物大細，位置，擺位都完全一樣，並即時要求店員取消食物，否則已經把這店員聲稱已更換的食物食咗落肚。

員工服務態度勁差.本人與友人今天下午原本想幫襯油塘大本型十勝牛餐室，先前都有聽聞此間餐室員工態度有問題…但今天真係親身領教過，原本我們一行五人按正常程序拿飛排隊等位，差不到排了30分鐘，原先遲來拿飛的人都巳有檯入場，但我們都未有位安排…覺得唔係好正常，於是詢問其中一個男員工，點知佢話要hold張8人檯俾其他客(拿飛係我地後面)，當時我地前面都有2個先拿飛的客人在等位，於是我地同前面那2人即時同十勝牛男職員講我地巳經等左好耐，唔係按排隊次序來俾檯，可以俾兩張4人檯(5人+2人都巳是7位)我地兩組人, 但男職員堅持要先hold住兩張檯俾8人先…我朋友同男職員理論，突然十勝牛沖出另外兩個男職員，其中一個仲搶去我女性朋友手上等位張飛，態度極之差劣…作為消費者的我只想開開心心食餐飯，我從未遇過"職員搶客人飛"這種情況，就算十勝牛廚師有幾好廚藝，消費者遇到這樣的男職員服務態度又可以接受嗎？香港旅發局一向鼓勵待客服務至上，希望十勝牛管理層可以加強培訓內部員工的服務態度，否則將來會得失更多想幫襯的客人，更會影響作為旅遊之都的香港聲譽…

心血來潮想食日本嘢，我朋友就介紹咗呢間日本連鎖餐廳，諗住出雙糧食番餐好我朋友7點半到，由於無限時段食，就問下職員可唔可以入去坐住等，佢話唔洗點等就安排咗帶位我遲咗20分鐘去到，已經見到門口排哂長龍，好彩我朋友早到少少佢有一個餐牌同埋一張手寫魚生壽司紙，上面既選擇係唔同既講咗生既食物先壽司:元貝唔係好新鮮，見到佢表面暗黃色🤔其他壽司都唔錯，可惜比係其他舖頭食到既細件，一啖兩舊都得😂軟殼蟹卷：一份6件，每件都好大舊入面包住真材實料既軟殼蟹，口感好豐富我最後外賣咗一份走跟住到熟既部分黑松露牛肉炒飯:一拎上枱，好香既黑松露味份量十足，入面都幾多牛肉塊😛但係同普通炒飯無咩分別，又炒得比較乾身不值一試！燒雞翼:一份兩串，睇落都幾燶但加埋檸檬汁，食落都好香口，唔係好覺燶味，我最後叫咗兩份食係商場入面，做到呢個價錢，其實都接受到，同埋又有好多分店，下次會再嚟食

星期日lunch time 一班朋友黎呢度食飯，平均一個lunch set四十幾蚊有前菜同野飲都算抵。但係單點佢啲壽司就好鬼貴。呢客火灸三文魚牛油果卷$46再加一即係$50蚊，但係得四小件，雖然幾好味但有啲心痛。如果叫拉麵/烏冬餐就會送兩件小壽司，今日係熟蝦壽司，味道較淡。雞扒拉麵個湯比較油，不過雞扒夠肉厚，都夠飽。鰻魚飯睇落幾靚，但係份量好少，一個便當仔上面有三舊鰻魚，男仔就應該會唔夠飽。鰻魚煮得唔太林，啲汁唔係好夠撈飯網燒牛扒定食都唔錯，牛扒夠大份。都幾軟熟，牛味ok,但愈食愈咸

話說小編同友人去到觀塘大本營行街，中午去到呢間薄有名氣的日本連鎖餐廳食Lunch。中午人流都算多，大部份都係一家大細，等左大概10分鐘終於入得！🤤小編今次揀左下面三款人氣食物，相信會有保證。-鰻魚烏冬🍜-金龍蝦皇反卷🦐-牛油果火炙三文魚反卷🥑上菜的速度還算可以，等左大約20分鐘，終於上齊，食得！一拿起筷子🥢，即刻就第一個驚喜，長短筷子。原本想叫店員換過對，但可能個日係星期日，店員臉上的心情唔太好，好在小編友人的手較細還可以應付，頂硬上。😤講返野食，鰻魚烏冬的份量還好，有兩大塊鰻魚，味道中規中矩。試一口烏冬，竟然再出現驚喜，五成熟的烏冬，軟中帶硬，同小編食開既有d出入。呢款人氣食品真心可試可唔試。🤥至於另外兩款人氣卷物，小編推薦一試，性價比唔錯！尤其係金龍蝦皇反卷，蝦好鬆脆，份量都足夠！如果想搵經濟d,環境舒適嘅地方食下野， 呢度都係唔錯嘅選擇！🥤🗣

假期唔知食咩好! 小朋友又想食日式食物~我就諗起呢間~1點多未係好多客~安排入座4人卡位!😁小朋友想食烏冬~有套餐呢！🍜揀左呢款"豬軟骨烏冬"!烏冬係平價貨, 唔太彈牙...但整體ok!😬麵餐有客壽司跟👍鰻魚壽司, 正常野~笨爸揀左"日式燒牛肉套餐"!笨爸話燒牛肉不差!可惜個湯凍左...😌我就另外叫左個"八爪魚炒飯"飯粒一粒粒的! 八爪魚鬚切得很細!連小朋友都鍾意食👍👍👍仲有必點的"蟹籽沙律"$28有一個麵碗咁大, 超足料😍😍加$5仲有芒果!!套餐有飲品, 揀左"菊花蜜", ok不太甜👍評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐⭐服務: ⭐⭐⭐

那天fd想去呢間食，我望下其實怕會貴，意外地不貴又幾抵食，雖然不是每樣都平這碗我叫的$38，幾正，係d烏冬唔夠滑朋友叫的，我試d炒烏冬，也好吃！食到底，飽哂！我朋友喜歡，但我覺得$38有點貴，特別同我碗一樣價錢。。加$6西瓜汁，幾有西瓜味，不過我朋友喜歡，其實我麻麻地。忘記影單，$141

因囝囝星期日在附近上完堂，順便試下這間店。看到他們的menu上兩個菜名一樣但價錢相差十元，叫了一個瘦瘦四眼常黑色眼鏡的服務生來問，點知佢口黑面黑之餘仲反白眼。我自問都係想了解下兩個餐有什麽不同，好正常條問題，點解佢會有噤嘅反應？我就再叫另外一個男的服務生來問，點知得來同様的回應我吔客人係嚟比錢消費，但我覺得自己好似比人當做出氣袋。呢間餐廳服務係我一生人覺得最勁差。希望他們老板請噃D有heart嘅員工，唔好趕走一班有心想來試食嘅客人

這一間聞名已久的十勝牛，這天終於一嚐！ 很多朋友都推介，十勝牛價廉物美， 就讓我一試吧！ 晚飯時間，門口已經有很多人排隊。 在等待的時候，便先看門外掛上大大的餐牌，看看待會要食什麼。大約等了30分鐘，便可以進內了，內裏每一個座位都坐滿人。先來一客韓式豬頸肉炒拉麵， 說實話，韓式的味道是沒有的。但吃起上嚟味道也不錯， 應改名為中式豬頸肉炒拉麵。再來一客鐵板芝士牛肉， 這一刻的確是令人失望至極,沒有什麼特別 ,牛肉很少,味道普通, 相比之下並非價廉物美！再來一客蟹子沙律！蟹子很多！內裏滿佈青瓜絲和沙律醬！感覺很青生！ 很好食！ 看見每個客人都會點這一份蟹子沙律,這個招牌菜的確是價廉物美！這一客蛋包飯味道也不錯！芝士可以拉絲！總括而言，十勝牛普遍也是價廉物美！但只可以點招牌菜和大眾都會點的菜！否則,點一些比較特別的菜式,便會中伏

今日朝早喺油塘嗰邊補完習，所以就喺附近嘅大本型商場搵嘢食，行咗一兩層之後，最後就決定咗去呢間叫十勝牛嘅餐廳食lunch😛😛😛我哋總共叫咗兩樣嘢，一個係散叫嘅鰻魚炒飯，另外一個就係跟餐叫嘅滑蛋雞球飯，仲配左一杯凍菊花蜜🤤🤤🤤呢個鰻魚炒飯炒得好香好好食，不過就略嫌鰻魚嘅份量唔夠多，好似要食兩三啖先至會食到鰻魚，而且鰻魚仲切得好細粒，對於為咗食鰻魚二點呢個鰻魚炒飯嘅我感到有啲失望！😢😢不過其實呢度嘅價錢都ok!兩個人加埋＄100都唔使

我第一次寫食評，一般幾好的，我都會當面稱讚，覺得不是太差就免得寫，但今次真的忍無可忍😡火鍋揾笨😡只得幾片肉，主要得菜，仲要俾最cheap嘅菜，大快活/吉野家都好過佢10倍😤火鍋無烏冬跟，加錢配話唔可以，只可以另叫煮熟的豉油湯烏冬😒從未食過咁難食&"林"過河粉的烏冬，湯底完全無味，仲要夠膽賣$42👎🏻員工衛生意識差，生的豚肉和牛肉亂放，生肉放到走囇出碟，生肉貼住餐具放，完全無諗過你要用餐具來進食🔥唔駛錢請我再來食都唔會再來，免得浪費腸胃quota😤

今日同朋友經過大本型呢頭，在商場見到間裝修幾特出既店，吸引左我地去睇下個menu，好驚喜！下午茶餐好多都係二十多元出面食拉麵閒閒地都八九十蚊，呢到既下午茶套餐一碗細拉麵或烏冬一份小食同埋一杯飲品都只系26蚊至29蚊，經濟實惠之選！ 我地叫左兩個醬汁豬軟骨拉麵。豬軟骨好淋帶少少脂肪, 入晒味, 軟骨都好脆我比較鍾意呢種有得咬口嘅, 連骨都淋就唔好食.朋友都覺得豬軟骨好淋, 好味, 同我嘅口味一樣, 拉麵都係不過不失啦, 豬骨湯夠濃都有成3件豬軟骨架, 仲有少許配菜算做抵食.第一次幫襯感覺不錯，這店內內側是落地玻璃，雖然外出無乜睇，只是商舖這裡的食物選擇的款式不多不少，主要是以食麵、日式卷物及飲品為主。

油塘十勝牛麻煩你哋公司檢討一下員工嘅質素！成個場都係員工，但冇人幫你落單。 仲要企左係門口叫左好多次先發覺原來有客人企響門口等攞位。10次去有11次都漏單。明明叫咗七件壽司，到最後同我地講淨係落咗一件單。你哋啲員工係咪唔識自己睇返張單？吹左好多次，到最後都冇嚟到！叫佢哋 cancel orders，佢走去執枱。個個員工都喺度扮忙，抹枱，將啲嘢搬來搬去，但冇一個去照顧下啲客人。成班好似hi大左咁，你哋公司係咪社會企業嚟架？不如你哋轉型做自助餐啦！