十勝牛和食料理

營業中

休息中

第1次黎到呢個商場，行左個圈，最想食就係呢間餐廳。我地6點幾去攞飛，餐廳門口已經好多人等緊位，好彩餐廳隔離有D商店可以行下街，大約等左半個鐘倒就有位喇！我地叫既都係以小食為主:三文魚+吞拿魚刺身三文魚都OK，不過吞拿魚我就覺得唔夠新鮮!牛油果火灸三文魚反卷呢個反卷都幾特別，除左面頭有舊牛油果之外，卷入面仲包住左D脆脆既炸米，幾得意軍艦&壽司中華沙律雞翼串雞翼都燒得唔串，芝埋少少檸檬汁，幾fresh!墨魚咀唐揚呢間D墨魚咀細細粒，幾有口感，又唔會炸得過左火喉!!三文魚孖寶雙拼呢個炸得幾香口，加埋D調味粉，幾好食!!總結黎講呢間餐廳既性價比都唔錯，值得試下

同女朋友行完街諗住坐低休息下，見到有咁多人等位就諗住試下，點知嗌飛嗰個淨係叫左我地號碼一次就飛左落下一個號碼，都算一坐底隔離係洗碗姐姐執碗位，由坐低到走一直係嘈到人都煩講真，坐低有杯茶好正常，佢地無都唔緊要我地舉手想叫野食，舉極都無人理仲有個好員工，佢望住我地，但幾次都直接行過當睇唔到真係隔離碗碗碟碟啲嘈聲加員工既行為嬲到上心口落單，單岩又係咁上錯野食野食仲要係極難食我同女朋友其實好少咁反感一間餐廳亦都好少會覺得樣樣野都難食到食唔落而哩間就做到哩個效果真心，垃圾店

14:00到餐廳攞位，職員話午市要落場，叫我起門口等到14:30 下午茶，當時我間職員，我唔係食下午茶餐，可唔可以入去等, 職員話唔可以，一定要喺出面排隊，諗住算啦！每間餐廳都有規矩，等到入座已經好肚餓，起餐牌點咗5個野食，再填壽司紙，交咗比一個老女職員，食完餐牌點嘅野都未見有壽司到，我就問返果個落單嘅老女職員， (可唔可以幫我跟下d壽司呀？)個老女職員望都冇望我，一路行，一路大聲講整緊啦！)於是我哋為有繼續等，等咗30分鐘左右，再問收銀個職員，佢幫我print咗張單出嚟，問我欠咩未來，我一睇，原來跟本就冇落單，叫返個老女職員埋嚟問，佢仲話我忙阿嘛，點知呀！)講完又走咗去，我哋嬲到爆，叫收銀搵經理過來，等咗15分鐘未見人，越等越嬲，再叫，終於等到一個女職員來，佢話我哋冇寫字樓，冇經理，果個職員係唔識落單嘅)，聽完就知道，點解佢哋d服務態度可以差到咁樣，根本投訴都冇用

今日黎左油塘搵野食。食舖選擇唔多，見到呢間價錢都幾平民，都有幾多野食款類揀。所以就試下喇！唔洗等，就入得去。😉見佢有幾款一人鍋既火鍋 幾十蚊就有。所以就試叫左一個喇！個湯底好一般，同無咩配料，都係得啲雜菜。碟肥牛都ok.質素唔會太差，同都幾大碟既。另外再叫左吉列炸豬扒 湯烏冬。就唔得喇。個炸豬扒係林既 😅😅個烏冬湯底無咩味。而烏冬質素好差，咬落去好硬咁。唔好味……所以無影到。😖😖另外再叫左d壽司，都算係咁既。價錢比出面平。個塊魚生都算大塊。同唔會話好差。個火炙三文魚都幾好味。海膽壽司也不會太差，可以一試。因為價錢唔貴。整體上，呢個價錢既話都可以食下。但期望不要太高囉！😁😁

近年覺得自己都要幫手愛護地球，推動環保，所以會將自己D舊衫捐贈出去。慶幸身邊有朋友一同響應。今晚就約咗呢位朋友交收，順便食埋個晚飯。正正因為係Happy Friday，特別多人出街食飯，所以等咗好耐先有位，好彩等待期間，我地都有好多話題可以傾。呢到冇兩人座位，係要搭枱既。終於都可以叫野食啦！MENU都有好多野揀。我地點咗個軟殼蟹手卷（2件），紫菜包住炸軟殼蟹、青瓜絲、飯﹐再配合沙律醬整個食，好味！見芝士鳳尾蝦餃子係超人氣，所以就點咗佢。咬落去餃子皮唔會話好厚好硬，入面有鳳尾蝦作餡，外面D汁有D似白汁，食落都有芝士味，趁熱食幾好味！串燒就揀咗串燒帆立貝，有兩串，啱啱好一人一串，配合埋醬汁，燒得幾香幾好味。可惜食落有D韌，唔知係咪燒得太耐呢？最後就係金龍蝦皇反卷，即係D飯包住天婦羅蝦，上面鋪有蟹籽，咬落去仍然感覺到天婦羅蝦係脆既，好味之餘，留有口感！D野食唔錯，而且埋單都唔貴，可以再去。食完之後，我同朋友見唔係滿座，就坐咗係傾咗陣計。點知坐咗陣之後，特然感覺到D冷氣凍咗好多，氣溫係急降，我地唯有出去埋單走人。唔知係咪想趕人走，可以早D收工呢？XP

第一次來，鰻魚飯等了足足半小時。第二次來，漏單，我問服務員幫我跟跟，問完無影。跟住加茶水，我2個杯擺係檯一角，我唔知佢眼訓定心不在焉，倒瀉到成張檯都係，然後快速轉身走當無事發生，第二個杯都唔理了，好明顯係逃走，我同我媽咪O晒嘴，放在檯邊的bb車濕了，當時人轉身就走完全無理過客人有無整濕有無熱親，大佬 熱茶黎架，你舖頭d員工搞咩啊？！最後無人理，我媽咪自己抹檯！以上係我自己真人真事，呢間餐廳服務完全唔得，出菜慢到一個點，漏單混亂，一直無改善，希望大家入去前認真考慮清楚，唔好比錢買難受！

每一次去十勝牛都唔會失望，必叫芝麻雞翼，熱辣辣脆卜卜，送飯一流！平時係叫芒果沙拉既我，今日試下魚生飯，見48蚊咁抵以為會馬馬虎虎，點知嚟到好大驚喜，滿滿既三文魚加魚子，大大粒又新鮮，絕對無話平野無好發生，食得好開心呀！加埋野飲埋單都唔使200蚊，抵呀！

今日一時興起想食日本菜，但是因為太懶唔想去太遠，所以同男朋友去了附近的大本型食。油塘呢間十勝牛挺大的，可以坐到很多人。由於是晚飯時間的關係，我們等了大概十分鐘左右先有位，不過輪候時間不算長嘅。呢個係廚師推介的餐牌，我地之前都叫過宮畸豆腐黃金燒（左上角），味道幾好的。面頭的皮煎香咗而入面包住滑滑的豆腐，加上有芝士同沙律醬做點綴，值得一試！話明係日本菜，當然唔少得壽司啦！壽司的種類都幾多，你諗得出的大致上都有，價錢都合理。叫咗餐之後，等了不太耐的時間嘢食就來了。首先是蟹子沙律（小）＄28。唔好睇少佢因為份量都幾多下，兩個人食來說都算多！而且用料十足，見到面頭有好多蟹子同沙律醬，對於鍾意食沙律加好多沙律醬的人來說一定是必食。店入面都有唔少人叫呢個食。下面底層的是青瓜絲同蟹柳。可以睇得到撈好咗之後每一啖都痴滿了沙律醬，食落去好正  不過女仔來說一定罪惡感大增～而第二樣來到的是串燒牛舌，呢個味道都係唔錯的。食落去每一啖都滲出濃濃的牛味，再加少少檸檬汁吊下味，好味得嚟又有啲清新的感覺。但係雞腎方面就比牛舌稍為遜色少少。有啲偏乾，所以唔係好推介叫呢個。手卷的話我地淨係叫咗軟殻蟹手卷。呢個比較一般，軟

每次去大本型都見到好多人排隊，今次特地早些去食，六點入座，還有好多空位，可以坐到舒適的卡位。之前見到好多負評批評十勝牛的員工服務態度，所以入來前都抱住最壞打算，落單都驚驚地。但令人意外的是這裏侍應的服務態度好好，不但有禮貌，而且主動加水。其中的一名女侍應每次遞餐給客人，都會點頭示意，值得一讚。食物方面，牛肉火鍋套餐相當抵食豐富，又配以西瓜汁和壽司，滿足想一次食不同食品的欲望。餐牌的食品大多比市面的日本餐廳便宜，而且份量充足，味道不錯。這裏絕對是價廉物美的餐廳之選。

十分惡劣嘅一餐晚飯，以後一定不會再去，原因 本人於週一於上址進食晚飯。我們2人同行(1大1小) ，2人也帶有背囊。服務員安排我們和其他人一同坐在4人枱，但當時已有2人在進食。安坐後，我點了2個火鍋餐，及後我順帶要求幫我落單的那位侍應幫忙轉去其他較闊落的位置，一來方便放袋二來火鍋餐配件較多細枱真的放不下去我才有這請求。{當晚不是全場爆滿的}, 如果這是一間良心食店，必定主動幫忙客人轉枱。他們沒有，更拒絕要求。我亦看見有其他幾張枱食客，也是只2個人坐4人枱的。當晚的現場情況是絕對可以安排到的。但侍應看也不看便一口拒絕我的要求，我繼說：如果現在不方便，可等待有枱時幫忙轉過去，當然他回應了我後，都不了了知，我開始有點不滿，再賞試問問其他侍應能不能幫忙，我總數問了4位職員，4位都不理我。但當時四週也看到有枱的，外面亦沒有人龍排隊入坐，我覺得我要求真的不過份，我只求食得舒服d 輕鬆d 也不可。之後，更過份的是，侍應們都睇到枱面已放滿了鍋，碟，碗，真的沒有空位放任何的東西了。我再建議侍應不如轉張大d 枱俾我，或者唔好再上食物住。待我食完後再通知他們再上吧，但過了不足5分鐘時間，又

約咗朋友喺大本營行街，行完之後喺個商場度搵嘢食。行到最頂見到間叫做十勝牛嘅日本嘢，睇餐牌啲價錢都幾平民，所以就入咗去食喇。侍應帶咗我哋去最入面嘅位，一間房入面得四五張枱，但一入到去就覺得焗咗啲，有其他食客覺得熱就自己較大d冷氣，但較完又太凍喎，所以都係坐出面會好啲。 好喇，講返啲食物先，叫咗一個蟹子炒飯同埋日式牛肉火鍋。蟹子炒飯嚟先嘅，炒飯個樣同味道都唔錯，份量亦充足。跟住就黎個牛肉火鍋喇，火鍋送一杯嘢飲同兩件壽司，嘢飲係指定嘅，是日係西瓜汁。壽司就揀咗三文魚壽司，三文魚夠新鮮呀！個火鍋賣相都幾靚，有個木桶裝住啲配料。木桶入面主要都係蔬菜，真係好多菜！ 另外肥牛另上， 啲肥牛唔錯呀，好好味！比平時啲連鎖快餐店嘅火鍋肥牛仲要好！得幾塊真係唔係好夠喉 失望嘅就係個爐，個火太弱，啲湯好似等極都唔滾，真係好慢呀！ 可以的話應該要改善一下！

和朋友聚會，又想吃得清淡些， 十勝因此成為了我們的首選！我叫了一個三文魚沙律冷麵，味道果然不錯！值得推介呀！環境方面尚可，但由於我們一行六人，桌子方面，似乎沒有六人餐桌，因此坐得比較迫，這是美中不足的地方。但整體而言，性價比還是比較高的！可以考慮再去！

間店。建議咁啱經過「大本型」想去呢間店試下嘅朋友唔好試下幫襯呢間店！絕對，絕對，絕對，唔好幫襯！服務差到貼地！！！1. 等叫號碼入坐時，服務員係會skip左你個號碼。好彩一直有留意佢叫嘅號碼，唔係會被skip左都唔知。2. 侍應係店度游嚟游去唔知做乜。有侍應做嘢慢到好似蝸牛咁，係間店度慢慢行嚟行去，叫佢幫手催單可以係應完你後直接行左去休息區，之後仲要冇左回事。3. 漏單。點完嘢食後完全冇同客人落過單。坐左係度等左半個鐘有多，附近遲過我地落單嘅幾枱客啲嘢食已經上左仲未有我地份。問左2次催左2次都冇反應。仲要冇侍應問你落左單未之類。直至問其中一個侍應有冇落過單先去查返落單記錄。點知，係冇落單！冇落單！冇落單！嬲得濟即刻走人去左第二度食。第一次去一間咁差嘅餐廳，俾我見識到咩叫極差嘅服務！領教完，唔會再去呢間店！極度建議想去試下幫襯呢間店嘅人諗清楚！！！一粒星都唔值！！！

一行10幾人食飯，其中一個不足2歲小朋友，2位已過70歲老人家，當中一個行動不便。某位女服務生收枱鋪枱，態度惡劣，全程黑面，抹枱時更加將枱上垃圾掃到行動不便老人家身上，我已經忍住唔出聲。鋪枱戈陣掉碗碟掉到砰砰聲，嚇到小朋友不停話驚驚，起度喊，問佢咩事，無反應，更加一句對唔住亦無，超差服務員見我地人多唔想做可以唔黎我地依張枱，無必要做咁既行為，整到老人家又嚇到小朋友，完全唔可以接受非一個服務行業員應有態度，仲要已經起依間店做左一段長日子

今日全日在油塘工作，得悉大本型內有好多餐廳，怎樣都要試一試。可是工作太忙，直到兩點多才有時間吃飯，還好，剛好是下午茶時間~選擇更便宜，看到這間有二十多元的選擇就進去了。餐廳頗大，座位很多。下午茶有多個種類選擇，大多三十元或以下就有一個餐，免加一。我選了醬燒豬軟骨拉麵~上菜了~麵比我想像中還要大碗，配兩片鳴門卷，一些海帶，菜，和重點豬軟骨~好大塊，足料! 麵比較軟身，不是很爽口，但是可以接受的。湯是奶黃色的，微鹹，味道帶有煮豬軟骨的醬~ 豬軟骨的肉柔嫩有香味，骨肉分離。軟骨的部分多卻一點也不硬，咬下不怕崩牙，還爽口呢。海帶吸引了湯的精華很濃味，好吃。飲品要了熱菊花蜜，淡淡金黃色，暖暖的，菊花香味重。喝下感覺清新，味道也很清香，雖然是“蜜“卻不會過甜，剛剛好呢。這樣吃只需29元，很便宜呢。果然下午茶是最抵食的~