十勝牛和食料理

營業中

休息中

今日嚟到油塘揾食 於是朋友同我就嚟到大本營睇下有咩食~ 經過我地見到間日本料理好多人排隊 睇完menu又覺得幾抵食 於是我地就排隊等食😛😛😛因為係夜晚開飯時間 我地最後等左大半個中先入得😳我地兩個人叫左三文魚🍣 腐皮 海膽壽司等等 味道都好正常 但三文魚味就吾太食到 呢個價錢我就無奢求太多🤣芝麻雞翼炸得啱啱好 一入口熱辣辣 d肉汁爆曬出嚟👍🏼👍🏼👍🏼 蟹子沙律入面有吾同蔬菜 而且有海量蟹子 食落口感好豐富👅👅整體呢度價錢便宜 性價比都幾高😚😚😚推薦:⭐️⭐️⭐️

行魔鬼山之前係大本營食個飯。見到呢間有午市套餐就一試。🔸汁燒鯖魚🐟: 條魚份量幾足，不過係咪汁燒呢我就覺得只係煎左條魚然後搽啲汁上去然而，個汁一啲被熱過既感覺都冇。不過50蚊黎講齋睇份量算過得去。🔸牛肉拉面🐮: 好明顯佢冇翻淥過個麵，只係加左熱湯就上菜。個麵卷埋一pat咁，整散左之後你就會發現其實個湯唔係好夠。個湯好膩，冇日式豉油湯底既清，食落似係大學飯堂飯既低質野。50蚊真係唔值。🔸結論: 50蚊既餐唔好expect太多。

有個不是後生的男待應（全場最衰係佢，其他待應都ok），服務態度極差，落order叫佢毫無反應，比了一張壽司紙佢，已經話要點野食，佢果然轉身離開，前後要叫佢三次話唔該仲要落order，佢先死死地氣回頭，態度極乞人憎，極不耐煩，完全係唔想做，送餐永遠放枱邊緣，從來不會放入些，真係唔明白佢這樣放餐，極度危險，隨時會倒瀉，一d安全意識都冇。已經不是要求高服務，但連最基本嘅服務都做唔到，真係超趕客，以後唔駛會再去幫襯。

今日行完山同朋友尼到食，七點幾尼到，都等左十五分鐘位先有，都幾多一家大細尼食呀 座位都舒服嘅，啲staff唔算好醒目，好多都係好後生架，但都ok嘅我自己就叫左一個雜錦魚生飯，$49，唔算貴，份量都好多，魚生都算新鮮，當然尼個價錢你唔會expect超級鮮味個種，但係無鯹味，算係咁喇， 唯一少少挑剔嘅地方係略厭比較多蔥絲，我自己就麻麻蔥，所以就覺得重左啲喇haha朋友都叫左唔同嘅飯，大家一致嘅comment 都係抵食！

今日難得放假去左Devil Peak 行山，行完好肚餓見到呢間店舖好似好受歡迎咁，於是就同朋友一齊排隊等食野。雖然一開始見要等18張有諗過食其他算，但佢間舖夠大，換枱率好高，所以等左大約15分鐘就入到去🤔入面餐牌有好多選擇，有炸物、刺身、炒飯、麵、卷物、芝士、沙律，任君選擇☺️因為第一次食既，今次都點左啲推介，但真心比我想像中更好食🤔我同朋友每人嗌左個主食，外加一個小食：七味軟殻蟹卷物（$41）我個人唔太鐘意七味粉既味道，但我覺得佢落既份量岩岩好，然後軟殻蟹好脆。而我叫左鰻魚炒飯（$46） 好好食，份量好夠，仲好入味，係覺得鰻魚可以多少少。不過總括黎講，對呢間店舖印象好好，上菜幾快，野食份量足，入味，好有質素，下次有機會一定再食😍

員工態度惡劣有一位是侍應員工超級冇禮貌！我叫佢借一借位比我入張凳嗰度，佢話冇位俾我入，要我兜路入去，跟住叫我行開，叫我唔好阻住佢做嘢！其實我哋都沒有要求佢哋啲乜嘢服務,每次去用餐都是自己出去拎,完全冇額外要求佢哋服務，只是叫佢借一借佢，跟住其他員工完全不理會，話沒有負責人.......

平價日本料理🇯🇵尚可一試今日工作關係來到大本營👨🏻‍💼，工作完差吾多到晚飯時間，咁就約老婆來大本營搵食，四圍行左陣🚶🏻‍♂️，見到十勝牛好多人排隊，之前又未食過，見餐廳門口價錢都平，而附近又冇咩特別餐廳想食，所以決定拎位，去試試好吾好食等左15分鐘到🍽。入去見大部分人都叫有叫鍋物，所以叫左一個日式牛鍋，再叫左冷麵，卷物，墨魚咀🦑同活赤貝😆牛鍋食落算一般水準，牛得幾塊好少🤷🏻‍♂️跟餐壽司🍣一般啦，但杯西瓜汁🍉就認真係馬馬地，吾好飲，冷麵同卷物都可以😌活赤貝新鮮🐚墨魚咀整得好食，脆卜卜價錢平平地都可試下，佢選擇算多

今天晚餐我選擇去呢間我印象中食物一向有水準而且價格相宜嘅日本餐廳食飯，但係就食得一d都唔開心，我同大家描述下。我從商場走入餐廳已經覺得員工怒氣沖沖，當我話比waiter知我自己一位的時候佢第一句係話：「哦。」之後帶我左係中間d檯到。一向繁忙的餐廳和高人手流失率的行業令我明白這個waiter可能是新來的，不然也不至於我叫他時他會錯愕。我好肚餓，我叫左一份牛肉湯烏冬，四件散叫壽司，一份蝦雜錦天婦羅拼盤。我等左兩分鐘，期間見到一位著住黑色恤衫嘅年輕女侍應個樣嬲爆爆咁做野，手腳好快，但係態度真系好差，佢幫我落單都係匆匆忙忙，但係我都理解一間繁忙的餐廳侍應會做到踢曬腳，呢種係一d多數只著重於不停翻台，不著重顧客感受嘅餐廳都係常見例子。烏冬過左兩分鐘就到，我吃左兩啖覺得個烏冬冇味，但個湯係啡色，我就同個個女侍應講，話「個烏冬冇味，湯都冇味。l 佢個樣嬲爆爆咁講我碗烏冬「搶」左去（放在桌子上，但她的態度和速度讓我覺得是搶），塞左入廚房出餐個窿到之後就又嬲爆爆行左去。其後其他食物陸續上齊，但我一路食我一路覺得點解我出黎食飯要睇人地面色？當我投訴食物味道有問題，首先冇道歉，第二態度如此惡劣，我真係接受唔

今天因工作關係要去油塘做嘢，有位朋友住在油塘順便約他食個午餐，在公司做到遲左出去，所以約食下午餐順便聚一聚，佢帶我去油塘大本型十勝牛食tea，睇下餐牌都好抵食，價錢親民。我地叫左個醬燒豬軟骨拉麵🍜$36和野味汁雞肉飯都係$36，仲免費有1杯熱飲，凍飲加$3，我地都一樣叫左熱飲菊花蜜。傾左一陣D食物就黎得都幾快，醬燒豬軟骨拉麵都好大碗，豬軟骨很腍而味道都幾好，其實豬軟骨只要夠火喉和時間，都應該好容易做到腍和鮮嫩，但麵方面覺得不是太好，因麵煮得太耐，所以比較腍身，而且不像我平時吃的拉麵爽口彈牙，但$36都應該不要太講究吧！總之大大碗食得飽都算幾好啦⋯而野味汁雞肉飯，反而唔錯，飯是採用珍珠米，雞肉是炸左雞肉一件件放上飯上，跟著再用野味汁淋上去，所以雞肉保持脆口，飯又不會太濕，味道剛剛好，食飯時感覺有輕微辣辣地，更加提升開胃感。熱乎乎的菊花蜜甜甜地，令我覺得喉嚨很舒服，因同朋友傾得太多，潤一潤喉嚨真好，可以再繼續說說笑笑，埋單都係$72無加一，抵食！😋👍✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

十勝牛係平價日本菜嘅首選！菜式特別，好食得黎又唔會太貴。首先推介忌廉薯餅，一客有四件，件件都外脆內熱，炸粉唔會太厚之餘，入面嘅餡超級軟滑，有味得黎又唔會太咸，係每次食十勝牛都一定要嗌嘅菜式。另外推介天婦羅蝦，一碟有六隻，每一隻都非常鬆脆，入邊嘅蝦又熱辣辣。同樣地，啲炸粉唔會太厚，個底仲有好多脆脆，鍾意天婦羅嘅人千祈唔好錯過啊。三文魚腩刺身唔係大大件嗰啲，但係件件都好肥美，份量啱啱好。但係，個人認為佢嘅軟殻蟹手卷就麻麻哋啦。啲紫菜好快就林晒，七味粉落得有啲多，一入口就淨係食到啲七味粉味，軟殻蟹都有啲細件，比起元氣爭得有啲遠。另外佢個芝士豆腐上面嘅芝士同豆腐其實都唔錯，但係中間竟然有番茄醬，令成件事好奇怪，所以淨係食咗兩舊就冇再食。十勝牛係平價日本菜嘅首選！菜式特別，好食得黎又唔會太貴。首先推介忌廉薯餅，一客有四件，件件都外脆內熱，炸粉唔會太厚之餘，入面嘅餡超級軟滑，有味得黎又唔會太咸，係每次食十勝牛都一定要嗌嘅菜式。另外推介天婦羅蝦，一碟有六隻，每一隻都非常鬆脆，入邊嘅蝦又熱辣辣。同樣地，啲炸粉唔會太厚，個底仲有好多脆脆，鍾意天婦羅嘅人千祈唔好錯過啊。三文魚腩刺身唔係大大件嗰啲，但係件件

去食午餐叫咗一份， 炭燒牛扒 一口食入去 已經發覺 完全係 價錢便宜 嘅牛肉， 因為係 用梳打粉醃製過 ，令佢 size 大啲厚啲， 肉質鬆化啲 ，但係一直落去已經 有梳打粉味， 我情願畀貴啲食真正嘅牛肉 ，用梳打粉醃製過嘅牛肉完全冇牛肉味， 好似食緊快餐店嘅牛肉 ，非常失望。

管理非常混亂！話說今日1月11號，已經是晚上9.30過去食！人流吾多！服務態度極度差！到俾錢時，一個staff叫我出去櫃檯俾錢，過到去櫃檯對住態度極差既收錢員工，（大聲）不停問我地係邊張檯，係態度好差果隻，認真怒氣，我地都係第一次過去食，櫃檯號碼又係檯下邊，最後仲要我地自己過去睇翻，俾錢你地賺，仲要受氣，以後吾會去，希望你地公司可以正視應該員工服務問題！尤其收錢果位女士！

-嚟到油塘，就泊低架車喺大本營搵嘢食。 平時經過呢間十勝牛和食料理，門口必定大排長龍。可能我十一點幾嚟嘅關係，門口罕有咁唔見人龍。今次就試下呢間街坊價錢嘅日本嘢啦。 網燒牛肉、附珍珠米飯（$43）： 呢個套餐一上到枱，真係好驚喜。<大件夾抵食> 嚟形容呢個套餐絕對冇錯。牛肉算多件、又有前菜、有個麵豉湯、仲有餐飲添。牛肉夠沐，加上牛肉汁，好惹味。送飯一流 。珍珠飯一大碗熱辣辣。 麵豉湯清清地幾好入口。 __________地址：油塘大本型3樓316號舖

平時去開大本型食飯都係去個幾間十勝牛我都常去 價錢平野食又唔差而且都無限制交台時間 慢慢食都得所以都成日好多人等位晚飯時間6點左右就好拎定位 否則有排等最常叫既一定係呢個麻辣海鮮烏冬用石鍋上 每次上台既時候啲湯仲滾緊而且用料都唔少 有青口 蝦 魷魚各2隻 仲有鳴門卷同蟹柳 配菜有啲紫菜、粟米、羅白椰菜等等鳥冬就係用讚歧烏冬 好彈牙 咁樣先$54 商場鋪都算平第二最愛係呢到既天婦羅每次都必點！雜錦有冬菇、南瓜、蕃薯、荷子同埋3隻大蝦粉漿唔會厚 即點即炸 即刻食都唔覺油熱辣辣脆卜卜食好好味！仲有媽咪最愛既芝麻雞翼隻隻都好肥美 咬開仲有肉汁而個皮又脆 炸得岩岩好我好少叫牛肉鍋 因為覺得好哂時間不過早2日凍凍地又好想打邊爐就叫左個牛肉鍋係套餐黎既 除左一個鍋之外仲包2件壽司同一杯果汁 價錢大約60呢到既牛肉都唔錯 唔會好薄好肥仲有6塊都算係咁 60蚊仲平過吉野家唔怪得成日都人山人海

2個人，6點都唔夠黎到，好多位，但好快6點幾已經坐滿要等位！睇個menu 都幾多選擇，大部分都係香港人致愛既choices，重點係價錢都好親民，坐下坐下，愈來愈多一家大小黎食👨‍👩‍👧‍👦我好鐘意食蟹子沙律， 呢所以叫左個大既！大既係$38，而細既$28，黎到真係大到嚇親，真係好掂食！兩個人叫個細既可能都食唔哂✋🏻建議4個人以上先好叫大。✋🏻宮崎豆腐黃金燒$32，普通，可以再多d sauce✋🏻牛油果風沙芝士果鰻魚卷$42，大件夾掂食，味道ok✋🏻網燒牛扒$48，茶記牛扒，伏。👎🏻仲有叫左西瓜汁$6超抵👍🏻👍🏻食唔哂仲打包左個沙律番去 好抵！