十勝牛和食料理

營業中

休息中

又系食lunch時間，今日去左十勝牛食lunch，但覺得麻麻，叫左個魚生飯，但覺得都唔系禁新鮮。呢個餐有包野飲同前菜(中華沙律)，咁我就叫左個凍菊蜜，嘩甜到呢，要溝水先ok lo。

D員工服務超差 直接咁低啲嘢食 成日漏單 等咗成廿分鐘都未到 嘢食ok啲價錢都ok 但係咁樣嘅服務態度 我一定唔會再幫襯 豬扒薄到痴咗線 菊花蜜唔知做乜鬼呀落咗幾多醣水 仲甜過我出面飲紙包菊花茶環境都ok 但係趕時間的人我就5太建議來呢間食我未食過十勝牛其他分店 我唔可以話畀你聽十勝牛好難食 但我可以好肯定話畀你聽 油塘大本型嘅十勝牛分店的服務態度真係差到痴線 如果去油塘大本營食嘢 最好都係唔好揀呢間 或者你想食好食嘅日本嘢 你對呢間餐廳5好有太大期望

今天在這裡午餐,食左四樣野，味道一般。但食完後心跳加速及面紅耳熱及頭暈，是否應該去看醫生，因為本人從未對食物過敏，於是問經理這個情況可以怎麼辦，但經理問非所答。只跟我們說這裡沒藥物提供，態度差之餘，還跟我們說他們有牌照，沒有問題。

咁岩同朋友係油塘大本型食野見到呢間店人氣好高，所以就去試下！果然係平靚正！根據我食左幾次既經驗，去呢到食野唔想排隊既話，就要係6:30之前入坐，唔係既話有排你等！呢到最吸引我既地方，就係價錢平，但又大大碟，係難得可以食飽既日本菜選擇多，真係會有選擇困難壽司價錢好正路不過我已經被其他食物吸引左麵食個d全部都好優惠！真係會花多眼亂架！同女人一齊黎一定有排揀！牛油果三文魚卷真係超級好食！牛油果大大件！三文魚又燒到岩岩好超級足料！次次黎到都忍唔住再叫！滑蛋牛肉飯男人唔食飯唔安樂！呢個飯就普通啦，濕左少少，但係分量好足夠，一定會食得飽！見到餃子好多人食果然幾好食！個皮煎到燶燶地咁，好脆重點係大約$28左右，好抵食wor朋友叫左麻醬蟹子烏冬都真係幾好味！重點係雪得夠凍唔會唔凍唔熱咁！唔錯唔錯！係呢到食飯都坐得舒服既地方夠大！但就真係要早d去食夜晚晏左去食就日日都排長龍架

從未吃過一間最低等之鳗魚飯，本人是隨口可吃魚肝油之人，但鰻魚有腥味及異味，放在午餐牌上，環顧四周也吃拉麵是$3x, 鰻魚飯$50所以不太多人中伏？若覺得鳗魚應該調高價才有優質，那你何必推出此劣等鰻魚飯？！最不屑是店員之服務態度，首先落單的3-4x 歲的中年男用眼尾望一下，沒有示意，然後行開才施施然回來「側身」極不禮貌問「吃什麼？」重點來了！鰻魚飯有問題的時候，女服務員態度沒有更低級了，叫了多聲扮看不到我，然後大力拍打，在旁執碗筷，發我脾氣？最後一個瘦小的後生服務員，說完一句對不起也沒有說。亦不期望能換另一款给我！我趕緊返工，最後付了$50 元櫃台，但再反映一次也只是一句「哦」此等劣質食店，為何仍有生存空間？！

呢間十勝牛唔係第一次來，次次來到大本型都係食呢間十勝牛，因為真係好平好抵食，所以呢間鋪真係值得推介。 場內裝橫同一般連鎖店差五多，呢間設有房仔。設計企理，坐得都夠大方。只係冷氣太凍。我朋友7點半到，由於無限時段食，就問下職員可唔可以入去坐住等，佢話唔洗點等就安排咗帶位食物類別算多，各式各樣都有（刺身，刷鍋，冷面，石鍋飯，板燒，炸物), 可一次滿足各要求。刷鍋就同出面連鎖差五多啦，冇太大特別。刺身等級同元氣差五多，五算厚身、光澤冇乜，但都五會有太多筋既。平價食店呢講--過關。今次我同朋友兩個人叫咗個鰻魚炒飯，同埋咖哩豬排飯，嘢飲就叫咗杯波羅汁。鰻魚炒飯好似係雞蛋炒飯飯底，鰻魚無骨無刺，幾香口，呢個價錢食到鰻魚炒飯真係好抵。個豬排面麻麻地，咖哩味太淡，但尚可接受係商場入面，做到呢個價錢，其實都接受到，同埋又有好多分店，下次會再嚟食

豐富的下午茶脆脆雞肉芝士多士配上凍的沙律🥗美味！加碎肉番茄通粉 &熱咖啡， 肚子好滿足👍🏻大本型缺少這類餐廳，平日的下午茶時段，服務生都忙得不可開交，每每要催促才能上菜，門口亦有人龍出現，若果只想食個快餐，十勝牛不適合了！盡管服務員入單多快，但廚房出餐和上餐的速度卻追不上，希望餐廳改善系統上的問題。

呢間十勝牛唔係第一次來，次次來到大本型都係食呢間十勝牛，因為真係好平好抵食，所以呢間鋪真係值得推介。今次我同朋友兩個人叫咗個鰻魚炒飯，同埋三文魚冷麵，驚唔夠飽再加多幾件壽司，嘢飲就叫咗杯西瓜汁。鰻魚炒飯好似係雞蛋炒飯飯底，鰻魚無骨無刺，幾香口，呢個價錢食到鰻魚炒飯真係好抵。至於三文魚冷麵，三文魚刺身切成一粒一粒，再加啲麻醬畀你撈，份量超多，雖然係頭盤，但係唔驚唔夠飽。我哋另外嗌咗啲三文魚壽司，雖然唔係話好好食，但同出面嘅平價壽司質素差唔多，為求食平價嘅日本嘢，十勝牛係你嘅選擇！ 

平價日（韓）餐廳用平價標準去評價。場內裝橫同一般連鎖店差五多，呢間設有房仔。設計企理，坐得都夠大方。只係冷氣太凍。食物類別算多，各式各樣都有（刺身，刷鍋，冷面，石鍋飯，板燒，炸物), 可一次滿足各要求。刷鍋就同出面連鎖差五多啦，冇太大特別。刺身等級同元氣差五多，五算厚身、光澤冇乜，但都五會有太多筋既。平價食店呢講--過關。40幾蚊既鰻魚炒飯做得五錯，夠香。抵食得驚人既蟹子沙律係主推，粗暴式填飽。 個人比較鐘意d炸物，抵食，又五算多油味，鮮炸。

如果唔想客人坐咁耐，不如限時啦，咁大家都明白同理解，如果唔係限時就請（妳）好好對待客人，比D耐性，客人喺嚟消費，唔係嚟睇你地做野有幾快，收，收，收，知你哋都唔休做，未夠6點已經排曬隊，不如正接來一句（外面好多人排隊，不如幫你哋埋單先好嗎？），好過梁小姐一下收晒你抬面嘅野，放上為下一抬客人準備的餐具（意思即係趕我走）😡😡😡😡太冇禮貌。今天親身體驗

該店員工究竟知唔知咩叫服務呀? 送餐時，竟然將整盤食物直接放低叫客人自已分，永遠不會先問邊個客人食咩先上餐，上餐時永遠是跨過客人的頭上，再經客人自已傳開，唔會諗到萬一意外，啲食物會倒落客人身上咁嘅服務仲好意思收加一，呢間野永遠唔會再幫襯

外賣燒鯖魚飯，返去打開，個汁寫到成手都係原來佢哋都轉左裝😕。個麵豉湯得小半碗，好似俾人飲過咁，感覺好差，同上兩次份量又唔一樣個喎，唔知係咪睇心情裝個呢🤔我原本係嗌燒汁燒鯖魚飯但係比錯左鹽燒，今次仲整得好腥。其實除咗個白飯同杯嘢飲其他都冇問題😂外賣燒鯖魚飯，返去打開，個汁寫到成手都係原來佢哋都轉左裝😕。個麵豉湯得小半碗，好似俾人飲過咁，感覺好差，同上次份量又唔一樣個喎，唔知係咪睇心情裝個呢🤔我原本係嗌燒汁燒鯖魚飯但係比錯左鹽燒，今次仲整得好腥。其實除咗個白飯同杯嘢飲其他都冇問題😂

一行十人去開飯，十勝牛等左十分鐘左右就有位啦。午餐有五款，$40-50，散叫都好平，可以另外叫杯果汁，都係加六蚊。叫左個滑蛋雞球飯，蛋好滑，雞球炸過仲係脆口，兩樣加埋好好食，雞球本身有味，食落唔寡，都幾滑。飯有超多，食哂餸都食唔哂d飯，食耐左仲會比d蛋浸到濕濕地。有個朋友叫同一個餐少飯，黎到我地兩碗係一樣的，無少過。前菜係辣味螺肉，跟埋杯飲品，加一都係$46，係商場入面有間咁抵食的店好難得。同區有間富田，食差唔多嘅野，價錢貴少少，味道都差少少。呢間cp值好高呀。

星期日嘅中午嚟到油塘大本型食飯，喺商場最高果層有間十勝牛，中午時段雖然要排隊但餐廳好大所以好快就入得去啦～十勝牛雖然係日本料理，但餐牌食物嘅種類超多，拉麵烏冬炒飯壽司壽喜燒都有，總有一款啱你心水！我哋叫咗午餐（包野飲）：咖哩炸蝦飯，同和風牛肉冷麵。和風牛肉冷麵嘅賣相相當吸晴，用咗一盤好大好重嘅碟裝住，冷麵就好似富士山咁高。不過份量無想像中咁大份，而且和風醬比較鹹，所以落果時可以慢慢落，就唔會食到最後太鹹啦～至於咖喱飯就比較普通，咖喱汁可以再多啲，蝦就有少少雪藏味唔夠新鮮。

話說尋晚入到去，安排左係房間最入的位置，入到去好局同有陣味，于是問個女仔，有無其他位，入邊有D膠味。佢就話坐問口果張。行到一半，見到對到門口正一正，食野好吾舒服，咪話吾食啦。差不多到門口，其他侍應叫我坐對住門口隔離果兩張。甘見ok，又叫我坐，甘咪坐啦。點知聽到頭先個女仔同佢隔離個囡仔講：又話吾食。仲要俾我聽到。咪即時鬧佢。平時態度差都吾理，依家仲要話我，D態度差到死.....火都黎。開開心心來食野，搞到成肚火。仲要係著住黑色恤衫，黑色褲，類似吖頭講出來。以後都吾會幫襯。