十侍 - 棉花糖A5和牛壽喜燒專門店

營業中

休息中

呢間嘢我真係嚟兩次，我都想投訴兩次！首先整體服務態度極差，其次第一次係book聖誕節嘅時候，呢間餐廳完全冇提過個客當日係會用一個節日套餐去點餐。去到當日臨近預約時間先會同返個客講話，只可以點節日套餐。呢個係第一樣嘢佢哋餐廳完全不負責任嘅一件事。第二樣就係客人知道追加牛係要加錢嘅時候佢哋講聲會好難？將臨尾去到俾錢反映嘅時候，應該係本店經理求其用兩句說話就Hea走，呢啲叫對客人嘅反映？完全接受唔到呢間餐廳嘅服務態度同埋價錢嘅態度。

之前見有朋友食過話唔錯，所以週末晏晝就黎左，但竟然得小貓三四隻，大概係餐廳位置比較隱蔽，係條唔起眼既後巷大廈內🤔▪️ 壽喜燒 二人前（7.5/10）💲898▫️ 鹿兒島A5黑毛和牛西冷肉眼 約360g以木盒裝住啲和牛，同埋佢張出世紙😳一開始侍應問想要生定係熟啲，然後就幫手煮，少客有少客既好處，就係服務周到，可以慢慢食完一輪，抖下先再繼續😌肉質柔軟細膩，不過偏重油脂感，牛味相對薄弱🐂▫️ 季節野菜盛合冬菇、金菇、腐皮、豆腐、蟹柳、芋絲、娃娃菜等🥬▫️ 自家製壽喜燒汁用棉花糖取代砂糖呢樣嘢，有Gimmick得黎又可以打卡，一開始個汁甜味為主，不過都會越煮越濃縮變鹹🤔▫️ 日本蘭王雞蛋2隻▫️ 讚岐烏冬 / 日本米飯自選烏冬本身容易痴底，加上啲汁比較淺薄，要多加留意🫣▫️ 自家製雪糕食落都有陣奶香，中間有少少柚子皮🍨▪️ 牛舌 （7.5/10）💲58厚薄適中，口感嫩滑，完全唔韌👅▪️ 雞腎 （7/10）💲38唔會好硬，爽口彈牙🐔▪️ 雞翅 （8/10）💲42隻雞翼好熱辣辣，有驚喜既係依然保持Juicy🐥🔎 整體評分（7.5/10）

壽喜燒二人套餐$898 套餐主推食鹿兒島A5黑毛和牛西冷肉眼。和牛真心正！！和牛嘅雪花紋理油脂好均勻，只係簡單嘅用熱嘅湯汁涮一涮就已經入口即溶，肉汁飽滿。和牛肉質都好柔嫩，餐廳會好細心咁問左食客鐘意幾成熟先，然後今次食左三成熟，和牛好肥美口感嫩滑。平時其他壽喜燒餐廳推介蛋咁食去令到口感嫩滑，但係依隻和牛唔洗加蛋就已經好鮮嫩！壽喜燒嘅自家制湯底都好出色，完全唔會死鹹，有埋棉花糖係湯底到，甜甜地咁非常能夠提升和牛嘅風味。餐廳推薦和牛加埋京蔥一齊食，微微烹煮過嘅京蔥冇左辛辣味，留返嘅係蔥嘅香味。和牛加埋京蔥口感更加豐富，和牛味道更有層次。

呢間壽喜燒店已經book mark咗好耐，見有人推介亦都好吸引，所以就嚟試吓。 呢間餐廳主打食壽喜燒同埋串燒，好有日式風味。餐廳入邊亦都有兩間獨立嘅房，可以嗌埋杯嘢飲同一班friend一齊傾偈。侍應們亦都好有禮貌同貼心咁樣介紹食物同埋幫我哋燒和牛。整個用餐體驗都好舒服同埋滿足。我哋兩個人嗌咗個壽喜燒二人餐同埋兩杯嘢飲A5鹿兒島黑毛和牛西冷肉眼每塊A 5和牛都好大塊，油花均勻，而且好厚。所以食落牛嘅油脂味濃郁，而且非常之嫩滑。一啖將塊牛放落口入邊，成個口都充滿着和牛非常之滿足。職員亦都有介紹和牛嘅幾種食法，可以齋食、加蛋、加京蔥、或者配飯。個人就鍾意齋食可以食到牛嘅油脂香味。壽喜燒汁亦都調校得啱啱好，唔會過甜或者過咸。壽喜燒入邊嘅甜味系列至於棉花糖非常之特別。季節野菜盛合食完晒啲牛之後就會用剩返嘅壽喜燒汁煮野菜。入邊有好多款蔬菜，加埋烏冬吸晒啲汁非常好味。烏冬亦到好好味，好彈牙。巨峰提子乳酸梳打

朋友話想試吓呢間壽喜燒，我望一望個地址，旺角豉油街～門口仲要係行入條巷仔先至上lift，心諗會唔會好伏呢？上到去個環境竟然係好decent，少少高級感但又未至於拘謹嘅感覺，同樓下嘈雜嘅旺角鬧市形成強烈對比我哋叫咗二人set，佢首先就拎咗盒鹿兒島和牛俾我哋打吓卡，和牛每人有三片，每片都獨立包裝，睇落油脂好豐富，顏色好pink pink，見到盒牛已經流晒口水每塊牛店員都會幫我哋燒，不得不提店員睇落好細個，但係烹調手勢同埋談吐都好專業同得體，一開始佢就會倒壽喜燒嘅汁落去整溶個棉花糖，令甜味平均分布喺成個鍋，第一件沾蘭王蛋汁再擺入口，肉質非常腍滑，無筋，又唔會太油膩，夾埋薑蔥一齊食更有口感，壽喜燒汁唔會過甜過咸恰到好處之後兩塊店員都會問你使唔使調整生熟度，食完牛之後，蔬菜盤同埋烏冬就自己慢慢食，店員會行開唔阻住你傾偈，成個set食完非常夠飽，但又唔會好滯，我哋叫嘅巨峰梳打都好清新解膩，成個set性價比非常高，絕對會再encore~

餐廳位於旺角豉油街豉油街21C號表參駅一樓，門口不太起眼有啲隱蔽，所以好容易會錯過，不過裏面設計時尚沉實，感覺非常高級。綿花糖壽喜燒店員會幫忙把壽喜燒醬淋上去，然後綿花糖就會溶化成糖份了，店員首先會整一塊後，問我哋生熟程度O唔OK，跟住就會再煎第二塊，非常貼心。每一盒壽喜燒入面都會有一張證書，知道牛嘅由來，是屬於鹿兒島黑牛A5級別，脂肪分佈非常好，超級美味的！有和牛的香味但絕對不會韌，牛肉風味非常濃郁，口感幾乎是入口即化，壽喜燒的醬汁超香濃，但完全不會蓋過和牛的味道！蔬菜也是超鮮甜！蔬菜品質很好，豆腐更是不可錯過。除了白飯，還有烏冬！讓你吃到最後下鍋吸滿醬汁肉汁吃的。最後的甜品，就係movenpick雲呢拿口味。

由結論講起，和牛質素極高，服務又好，性價比高，作為生日飯或者重要聚會一啲都唔失禮，食完已經即刻介紹俾朋友，放入私心宴客餐廳list😆門口有少少難搵，喺個巷仔位都轉入去。為咗避免同人迫，特登揀咗早少少嘅時段，餐廳嘅座位坐得好舒服，而且侍應好有禮貌，招呼周到叫咗一個二人前套餐，$898入邊已經包左A5和牛、野菜盤、日本蘭王、讚岐烏冬同埋雪糕🤤落單冇幾耐，侍應就擺低今日嘅主角，鹿兒島A5和牛，仲有埋出世紙真係不得了。淨係見到上面粉紅色嘅雪花，就已經非常期待，食指大動😚再來就係野菜盛合，經典壽喜燒配搭，京蔥豆腐冬菇油揚等等，期待值MAX!! 🤤當我哋仲諗緊咩叫棉花糖壽喜燒，棉花糖就出現了。原來棉花糖係用作醬汁嘅糖分，當醬汁淋落去嘅時候棉花糖就會融入壽喜燒將入邊。職員非常貼心，喺醬汁燒熱緊嘅時候，會叫我哋搞散蘭王雞蛋，用嚟點牛。另外燒牛肉嘅時候，仲會問我哋要生定熟啲，配合返唔同口味嘅客人👍初初揀咗要生啲，為左試到和牛既油香。果然不負眾望，入口即溶，油香完美充滿成個口。感謝大自然養育牛媽媽，感謝牛媽媽生咗牛仔，呢一刻成為我身體嘅一部份，幸福嘅感覺就係咁🙇🏻‍♀️最後都試咗熟啲嘅和牛，柔潤嘅感覺少啲，

上網見到呢間餐廳好多好評，今日難得嚟同朋友慶祝生日，可以襯呢個機會食吓好嘢樓下好唔起眼，但正門幾有特色，展示左一套日本武士既盔甲雖然呢度嘅賣點係食和牛壽喜燒，但係同一時間都見到好多人係點呢個「夢見鳥」串燒，聞到好香但難得今日係你慶祝朋友生日當然要食好啲啦，所以我哋叫咗呢個鹿兒島黑毛和牛A5壽喜燒套餐係鹿兒島黑毛和牛呀！！！呢度既壽喜燒特色係鍋上面放咗一大舊棉花糖，之後職員會將啲湯汁淋喺棉花糖上面等佢溶化，成為壽喜燒汁嘅一部份。個甜味會比出邊食到嘅更加融合職員料理中，我地就乖乖等食食得喇！真真係可以講係我食過最好食嘅壽喜燒牛肉，個壽喜燒汁好好味，但係又冇蓋過和牛嘅牛味，再加埋蘭王既蛋汁真係正到爆炸每食一片又會有另一片放喺你碟上，真係好滿足呀同時仲有呢個靚靚野菜盛合配搭埋，食完和牛岩岩好準備食喇真係唔知點解同樣係綜合蔬菜同烏冬都可以咁好食，每一樣都好新鮮好鮮甜讚岐烏冬加少少蛋汁，好正最後嚟埋呢個雲呢拿雪糕，大滿足！！！呢間餐廳一定encore，唔使諗強烈推介

一早book左呢間餐廳，諗住同朋友慶生，見佢有棉花糖做gimmick打卡應該幾靚咁。本身book左8pm，上到去話無枱一路等等等，等左成4-5個字，期間一路俾一個男侍應煩住，態度輕佻，完全唔尊重客人，終於去到接近8點半終於有枱，唔係好明點解book左枱都要等成半個鐘，好明顯係安排有問題。一坐低就上壽喜燒set，之後有個侍應過黎煮牛肉，態度好好多，細心同會問我哋想食幾熟。牛肉就不過不失，有肉味不過無乜驚喜。除左壽喜燒，我哋仲叫左幾串串燒，不過個牛舌串都幾燶下，食落好硬，雞翼就正正常常，成餐飯性價比低。食完呢餐飯之後去到半夜就覺得大髀生咗好多粒粒，然後慢慢蔓延到四肢都有嚴重風癩，接近20日都未好，期間睇咗四個醫生，都話係食物敏感，我本身食野無敏感，所以醫生話有機會係味精同色素，然後我就諗起呢間餐廳壽喜燒個湯底，食落甜到有d怪。希望大家重視呢個comment，我諗我會叫哂所有朋友千其唔好食呢間鋪，貼錢買難受。

壽喜燒既熱潮好似係近幾年開始盛行，以前食既壽喜燒係普通日式家庭料理，而家大家開始追求有品質既壽喜燒，高品質既牛肉，食高價壽喜燒既舖頭亦都愈開愈多。呢間位於旺角鬧市既壽喜燒專門店係一間樓上舖，走日式風格，有兩間榻榻米房間可供多人預約。我地今次兩位去試，就坐番普通沙發位，坐位都幾寬敞舒服，可能食壽喜燒需要位置比較多，我地2位坐既係4人枱。《串燒 $42 大蔥豚肉卷, $42 大蔥雞, $38 雞腎》雖然壽喜燒專門店串燒唔係重點，但見佢塊喜燒二人前份量唔多，就叫D串燒頂下肚。雞腎正常發揮，特別既係店家係雞腎上面劃左幾刀，令佢更入味，咬起上黎都絕對唔會韌。大蔥豚同大蔥雞都係咁上下，特別一提大蔥蔥香味好足，以唔係專做串燒既舖頭黎講都算合格。《$898 壽喜燒二人前》$898係兩位既價錢，以和牛壽喜燒黎講算係中上價，牛肉會有服務員幫手煮。舖頭用既係自家製壽喜燒汁，再用棉花糖代替砂糖，相當有新意。不過唔知係因為用左棉花糖，定本身店家壽喜燒汁既比例，食落甜味都幾重。套餐包左鹿兒島A5和牛 300G (大約五大塊)，如果唔夠客人可以再加錢加肉。我地今次加左兩塊肉(每塊$128)，每份牛肉都用木盒裝住，仲

提早食聖誕🎄大餐，預訂坐位時冇特別要求坐位，最後好好彩被安排坐到一間私人日式榻榻米房間，房間很大，可以坐到6人，需要除鞋坐。店舖聖誕裝飾都好靚、有氣氛。.點了二人A5黑毛和牛壽喜燒套餐、雞拼盤串燒、兩杯酒🍻、日本啤酒買一杯，有優惠加$10有第二杯，有店員細心介紹後，幫忙燒肉，先燒了兩塊後，亦會問我地要唔要休息一陣先再食，會俾我地休息一下，不用一次過食晒全部牛肉，一會兒再過黎幫忙燒剩低既牛肉同埋蔬菜烏冬，都食得好飽，好好食！

一入去就已經好有聖誕氣氛🎄「棉花糖壽喜燒」好吸引丫😍叫左個（二人前）有：鹿兒島A5 既黑毛和牛送埋張出世紙既「Postcard」俾你☺️日本蘭王蛋讚岐烏冬/日本米飯靚靚菜盤煮法：店員會預先放個棉花糖係個鍋上面，代替左灑啲砂糖😍，開爐！加入適量既壽喜燒汁，棉花糖完全溶入係壽喜燒汁😋，之後將美味既和牛放落個鍋到，個牛燒到咁上下，仲有少少紅紅就夾落啲蛋到，個和牛好掛汁，連埋啲蛋一啖放入口😌嘩～好味到呀～愛E C🤩🤩🤩（想濃郁啲可以只食蛋黃🍳）食晒牛牛就放埋個菜盤落去，索晒啲牛肉汁，好好味呀～個menu影到咁靚，驚死唔夠飽加左啲串燒（和牛、牛舌、帆立貝、鹽燒鮑魚）個鹽燒鮑魚好出色，外觀燒到好靚，食落又彈牙又有啲碳燒味～Yummy😍同埋兩杯特飲（巨峰提子乳酸梳打、鹽味蜜桃乳酸梳打）食完和牛再飲杯碳酸飲品，一個字「爽」☺️係旺角居然有間日式居酒屋feel加埋咁好食既和牛，也太高質喇吧🤩🤩🤩估唔到食得咁飽，正丫❤️❤️一定會再黎食😝😝

今次去食嘅係旺角壽喜燒— 「十待」門口已經見到一個大武士喺門口，舖頭擺設都好有特色同埋日本味道。今次嗌咗二人套餐，佢嘅壽喜燒係用A5鹿兒島黑毛和牛，而每一台都會有侍應幫你處理壽喜燒，侍應亦都會問你需要幾多成熟，咁就唔會怕太生或者過熟啦👍🏻👍🏻佢嘅壽喜燒汁上面有一個棉花糖，侍應會過嚟淋湯，直到佢溶化，非常適合打卡拍片，而甜度亦都適中。套餐嘅A5和牛總共有6塊，大約360g 份量方面，啱啱好唔會太漏，每一塊都入口即溶，睇脂肪嘅紋理就知有幾鮮嫩多汁，再加上有蛋黃雞蛋做蛋漿，增加肉嘅嫩滑感。配菜方面，有一個野菜盛盒同埋讚岐烏冬，食完肉之後，侍應會加入鰹魚湯做火鍋，索晒啲湯嘅精華。額外嗌咗一啲串燒嚟食，咁就唔使淨係食牛啦，而家每一串都係用採用高質食材，簡簡單單嘅鹽燒已經好好食。喜歡飲酒嘅朋友，可以試吓佢嘅清酒Set

作為牛肉愛好者，見到介紹寫明A5和牛緊係即刻狗沖去試😂舖頭裝飾好有特色，門口有兩個1:1日本武士相當架勢，加埋暗淡燈光令人有種神秘感😈今次叫左個2人set值得一讚店員服務好周到👍所有嘢基本上都係佢烹調。呢間主打棉花糖壽喜燒，本身覺得感覺有啲奇怪，估唔到食落唔會死甜，個汁啱啱好主角到😎淨係望落已經流晒口水🤤有灑出世紙俾你睇😂雪花油脂好平均都唔使講啦，配埋日本雞蛋擺落口即時溶左，簡直上左天堂，一個字「正」👍配菜所有都好新鮮，食到最尾個汁索灑啲A5和牛味再隊個烏冬落去🤤荔枝果梳同青檸梳打👌我哋另外叫咗少少串燒同埋吉列炸蠔，牛舌同雞腎高水準，口感滿足。吉列炸蠔係必食！外脆內嫩，炸完入面舊蠔仲保持水份同埋原身味道👍👍未食之前本身覺得會唔夠飽，估唔到未食烏冬之前已經覺得好飽😂

無肉不歡嘅我，心血來潮想食下sukiyaki, 於是就嚟左呢間十侍嚟試一試佢地壽喜燒啦😋座位都幾闊落，坐得舒服除左壽喜燒之外，都有唔同嘅串燒同炸物可以選擇嘅。我地就嗌左個壽喜燒二人前、幾款串燒、一款炸物、同兩杯飲品首先就上左個黑毛和牛先，每盒牛上面都有張出世紙，可以帶走留念🤣個牛嘅油花分布靚到我第一眼以為係假嘅😂😂個set仲包左蛋、烏冬、野菜拼盤，非常豐富😋一開始見到店名有寫「棉花糖」，都好好奇壽喜燒同棉花糖係有咩關係，原來係煮牛肉之前，會將一大嚿棉花糖擺喺鍋中，再淋上壽喜燒醬汁慢慢煮溶佢，令到個醬汁多咗一份淡淡嘅甜味😋店員會幫手煮啲和牛，煮之前都會問客人prefer咩生熟度，好貼心👍🏻我就揀咗要生啲，食落去入口即溶，但又唔會好油膩，配埋日本蛋一齊食，好似會直接滑落個喉嚨入邊咁😋野菜鍋份量都幾多，我特別鍾意食個蟹柳、芋絲、同埋啲菇，呢幾樣食物都非常之索汁～最後落埋個烏冬，撈埋剩返嘅蛋汁一齊食，好滿足🤰🏻飲品方面，我哋叫咗一杯巨峰提子梳打，同一杯荔枝海鹽梳打。梳打類嘅飲品配壽喜燒好夾，解膩之餘可以清一清味蕾串燒方面，我哋試咗個鰻魚、牛舌、雞腎、同埋豚肉京蔥卷。我個人最鍾意牛舌同埋鰻魚，厚