十侍 - 棉花糖A5和牛壽喜燒專門店

營業中

休息中

棉花糖壽喜燒真係第一次食,好食之餘有啱打卡,店舖仲有好多款日式串燒可以選擇, 而且有店員會全程幫你主理和牛, 服務極佳.🍽️壽喜燒 二人前 $898前菜-南瓜、大根鹿兒島A5黑毛和牛每份壽喜燒都會附上一張和牛證書, 說明和牛產地同埋級數, 所以一定有品質保證.套餐中共6片和牛, 每片雪花都非常均勻,呈淺粉紅色. 入口牛味濃郁, 肉質軟嫩, 食既時候可以配埋餐廳準備既日本蘭王蛋, 會令牛肉入口更嫩滑.棉花糖壽喜燒店員會先將巨型棉花糖放係壽喜燒鍋中,然後係食客面前淋上壽喜燒醬, 令棉花糖逐漸溶入醬汁當中 . 鍾意佢地醬汁既調味, 甜度適中,唔會蓋過牛味.季節野菜盛合入面有蟹柳、冬菇、油揚、豆腐、娃娃菜、芋絲等, 建議冬菇同油揚可以最後食, 等佢哋完全索哂啲汁, 更加好味.另外套餐仲可以揀跟烏冬或者飯, 我哋就揀左烏冬, 因為可以浸埋落個壽喜燒鍋當中, 撈埋啲汁, 勁好食.

味道很好，很還原日本。A5和牛質素不錯，油脂和肉的比例恰到好處，加了蛋漿口感十分分順口。Staff的態度很友好，亦很健談。不得不說經理的聲音很像光頭bob，整餐飯都很想笑。味道很好，很還原日本。A5和牛質素不錯，油脂和肉的比例恰到好處，加了蛋漿口感十分分順口。Staff的態度很友好，亦很健談。不得不說經理的聲音很像光頭bob，整餐飯都很想笑。味道很好，很還原日本。A5和牛質素不錯，油脂和肉的比例恰到好處，加了蛋漿口感十分分順口。Staff的態度很友好，亦很健談。不得不說經理的聲音很像光頭bob，整餐飯都很想笑。

壽喜燒迷必試！💠💠💠💠💠💠💠💠最鍾意食嘅嘢，壽喜燒一定係榜首❤️所以生日飯都特登揀咗食壽喜燒～揀呢間係因為比佢哋嘅棉花糖壽喜燒吸引🍬真係非常之有儀式感🥰🥰嚟到第一件事先嗌杯嘢飲✨揀咗佢哋嘅cocktail~ 練 Neri❤️味道係小小酸，不過又好香嘅柚子味，再搭配gin做base, 雖然酒味會有小小強，不過酸酸甜甜好適合女仔飲🥃同埋送黎既時非常之有儀式感😍😍會用一個玻璃樽裝住，仲有煙係入面，超級吸睛😍😍😍儀式感爆棚😍😍😍另外我哋叫咗壽喜燒二人餐🥩❤️壽喜燒嘅肉係鹿兒島A5黑毛和牛西冷肉眼😍黃牛真係好好食，入口即溶，沾埋蘭王雞蛋，真係絕配😍😍壽喜燒另外仲有野菜盛盒🥗食完和牛再食返啲菜，即刻消晒啲油膩感🥰而且壽喜燒汁好好味，菜同烏冬吸收晒，超級好味🥰🥰我哋比較大食😂所以另外叫咗牛舌同埋鰻魚串燒🥰牛舌一啲都唔韌，而且好軟，不過我覺得偏鹹~ 另外鰻魚好新鮮，口感滿分✨不過已經好飽啦，所以試唔到其他～下次再試🥰最後跟餐有一個自家製嘅芒果雪糕🥭雪糕有芒果果肉，仲要甜架🥰而且奶味好濃，簡直想食多幾球😂😂最後，因為訂枱嘅時候標注咗係生日飯，餐廳竟然送咗一件蛋糕俾我地🥹🥹真係儀式感滿滿🥹好味又好食🥹🥹而且經理

🩶壽喜燒二人餐，呢個套餐真係好多嘢食，餐廳採用嘅係鹿兒島嘅高級A5黑毛和牛，每件都有一個膠袋包住，睇落都真係非常高級，而且套餐嚟講每人可以有三件，其實我覺得淨係牛肉嚟講我哋兩個女仔，都真係好容易飽😌😌😌 不過餐廳仲會送多張證書俾我哋，會證明呢一批牛肉嘅產地，係來自鹿兒島，而且佢嘅雪花好平均，絕對唔會好肥，而且佢係和牛嘅質素，所以食落去都係信心嘅保證，肥瘦平均，而且睇落都已經非常高級，我同我嘅朋友都非常期待！湯底嚟講，餐廳會用自家製嘅棉花糖，再加埋本身嘅壽喜燒汁，營造一個用棉花糖，而造成嘅鍋底，壽喜燒本身嘅汁唔多，係原汁原味，壽喜燒汁甜甜地，加埋牛肉本身嘅新鮮，真係非常入味，而且牛肉本身嘅質素非常高級，所以條調味都唔使加咁多嘢，整熟咗之後，加埋本身餐廳俾我哋嘅日本雞蛋，調味上非常足夠，唔需要再額外加任何調味，或者豉油，餐廳喺其他嘢食方面都做得唔錯，特別鍾意佢嘅白桃梳打，甜甜地加埋梳打水，非常好飲，好有日本嘅風味，餐廳係最後嘅套餐亦都有甜品！係我最鍾意食嘅雪糕，雖然只有一隻味，就係柚子雪糕，味道非常好，亦都唔會太甜，我同朋友都非常鍾意食！價錢都唔太貴，有機會再返嚟幫襯，值得推介俾大家！

今日去咗旺角呢一間舖頭，主要係食壽喜燒，牛肉嘅質素真係非常好，我會形容CP值真係好高，而且店員非常客氣，為我哋介紹唔同食物，我覺得鍾意食壽喜燒嘅朋友絕對唔可以錯過，同埋餐廳嘅位置喺旺角其實都非常方便喺地鐵站行過去都只係幾分鐘嘅路程，近百老匯戲院，食完仲可以喺附近行街shopping添🙌🏻餐廳嘅壽喜燒汁非常特別，係加埋佢自家製嘅棉花糖在家壽喜燒醬汁，去做呢一個湯底，首先店員會每一件牛肉咁樣為你即刻整，非常貼心，牛肉係來自鹿兒島嘅高級A5和牛，每一個套餐有六件，基本上就係每人3件，其實我諗淨係食牛肉都飽，牛肉賣相基本上非常靚仔，而且有證書，即刻忍唔住拎電話出嚟同朋友打咭，餐廳亦都會提供高質嘅日本雞蛋，牛肉喺煮熟之後可以點雞蛋，口感更加滑，而且湯底本身甜甜同雞蛋嘅味道非常夾，牛肉嘅油花非常平均入口即溶，食得出非常高級，冇諗過一個價錢都可以食到呢一個質素，我哋食完牛肉之後店員就幫我哋落埋本身嘅配料，呢一個套餐配料都好多，有芋絲，腐皮，豆腐，菜，冬菇，金菇，亦都有我最鍾意嘅蟹柳，我哋等大概5至6分鐘後就有得食，基本上所有配料都非常好食，因為可以吸到湯底本身嘅牛肉精華，非常入味，食完之後仲可以落埋

Bk枱揀咗慶祝生日，好好彩free upgrade 咗去坐套房一上菜嘅時候店長會問需唔需要影相拍片，仲會主動話幫手影合照之後就介紹每樣食材，重點當然係鹿兒島A5和牛！🤤有專人幫你一片一片煮，會問你鐘意既生熟度，一食落去個牛香味真係不得了！🤩直接食已經好正，沾埋蘭王蛋汁再上一層樓！店長好細心，見我哋食得慢，會問我哋需唔需要等一陣先再煮。我哋仲叫咗啲串燒，好有心機用熱石烘住，keep住暖暖哋烘住。最後仲有小驚喜，估唔到會送上一件生日蛋糕，店長又會主動幫手影相，仲等壽星吹蠟燭，然後一齊拍手講恭喜！整體性價比超高！下次慶祝想再幫襯！

今日朝早食得太飽， 晏晝只係食咗少少嘢， 4點幾就好肚餓， 突然好想食和牛😋， 去咗十侍食壽喜燒和牛。 要經過小巷搭電梯上2樓， 店內環境ok， 坐得舒服。 我哋點咗2人餐(賣點鹿兒島A5黑毛和牛)， 套餐包一份野菜拼盤、自家製壽喜燒醬汁、日本蘭王雞蛋兩隻、讚岐烏冬、自家製雪糕。另點咗白桃乳酸梳打飲品， 食物好快送上， 店家送咗前菜比我哋😙。 店員很細心， 每一個步驟講解清晰👍。 前菜有蘿蔔、南瓜、茄子。壽喜燒用棉花糖幾特別， A5黑毛和牛真係好好食😋， 難怪有證書 。A5黑毛和牛肉質嫩滑，好味😋😋😋野菜拼盤有蟹柳、冬菇、金菇、椰菜、豆腐、豆卜、皇帝菜、芋絲等。除咗A5黑毛和牛， 仲有野菜拼盆+烏冬， 最後食埋雪糕， 滿足😚。

今日去咗旺角食十侍壽喜燒，係station 21搭電梯上1樓。店舖係日式風格，門口就有一個日本武士嘅擺設，裡面有5張四人枱，環境舒服。我地點咗壽喜燒(二人前)套餐，包括鹿兒島A5黑毛和牛西冷肉眼(360g)、自家製壽喜燒醬汁、季節野菜盛合、日本蘭王雞蛋2隻、讚岐烏冬同自家製雪糕。另外點咗2杯白桃乳酸梳打。店員會到每枱幫客人煮壽喜燒，先放好大塊嘅棉花糖入鍋再加上壽喜燒醬汁煮。平時會加入壽喜燒汁煮嘅糖用棉花糖代替，好有特式。之後加京蔥，就開始放入和牛煮。鹿兒島A5黑毛和牛有6塊，攤開好大塊，肉上嘅油花分配均勻，肥瘦勻稱，仲有埋證書。店員煮好和牛就放入已打散嘅雞蛋裡，和牛沾上蛋液，食落肉質嫩滑，味道好正。食完和牛，就開始煮野菜拼盤同讚岐烏冬，野菜同烏冬吸收哂壽喜燒汁，味道唔錯。食哂和牛同烏冬，仲有自家製雲呢拿雪糕，雲呢拿味道好濃，好食。

自從すき焼森同日山興起後，正統嘅關西式壽喜燒而家開到一街都係。今次試旺角”十侍”其實係貪平 (折後給1000兩位)。當然佢又玩棉花糖又多人介紹，所以先去試吓。質素還好，感覺上鹿兒島嘅和牛比早幾年係靚咗唔少，難怪喺排名上一度超過三大和牛。不過呢度食嘢好趕，如果跟佢嘅節奏食，半個鐘其實已經可以埋單，用嚟慶祝節日唔係咁適合。

-最近去了一家壽喜燒餐廳，對於成個用餐體驗非常滿意🥳一入到餐廳 我就被熱鬧的氛圍和獨特的燈光所吸引🤣 勁有feel!!!同埋呢到啲員工都勁nice 又貼心❤️坐低左後 佢地即刻為我們準備了食材☺️之後佢地解釋了如何烹調壽喜燒的過程👍🏼又貼我地介紹了不同的醬料和調味料供我們使用🤩壽喜燒的食材非常新鮮😋我地既黑毛和牛仲有張証書🤣 勁pro甘當然啲野食質素都真係勁好味😍未食前已經可以聞到肉的香氣，看到肉變得嫩滑多汁😚配埋蘭王蛋沾黎食真係一流❤️‍🔥一入口即溶 口腔入面充滿油脂感好正😭配菜也非常豐富，包括洋蔥、蘑菇、豆腐等～這些蔬菜烹調後保持了一定的口感，增加了整體的飽足感🤭仲配左一碗白飯同烏冬黎食💛食完之後勁飽 冇諗過仲有雪糕做甜品比我地😎 係清新既柚子味 作為成餐飯既句號。除了食物的美味，餐廳的服務也令人滿意😇服務人員非常友好和專業，總是關注著我們的需求😘十侍 - 棉花糖A5和牛壽喜燒專門店 📍旺角豉油街21C號Station 21 1樓#hkfoodie #香港美食 #hkig #hkfood #hkfoodblogger #打卡一流 #打卡餐廳 #生日飯 #聚會之選 #美食餐廳推薦 #美食推

//< 十侍 - 棉花糖A5和牛壽喜燒專門店 >小編朋友想食壽喜燒，最終揀左呢間！🥰位於旺角，座位雖然唔算好多，但係都有室內室外既位置。揀好餐/食物之後，店員要快就攞曬工具同上菜～ 店員會先係顧客面前放上棉花糖，再倒入壽喜燒汁！見到棉花糖逐漸融化都幾治癒😆😆與此同時，店員亦會介紹番牛肉資訊同讓客人先將蛋🥚汁攪拌均勻待用😊——————————- 壽喜燒 二人前 $898 -唔想多想既就會叫呢個餐😇鹿兒島A5黑毛和牛西冷肉眼扒300g一共有6 塊，全部都手掌咁大，油脂豐富～職員會問你想要嘅生熟程度，每一塊都入口即溶，非常好食😋季節野菜盛盒有菇菇🍄、豆腐、京蔥、油揚、蟹柳等～ 每款每人約兩舊。全部都新鮮好食既！店員會連烏冬一次過排好炮製～烏冬略嫌份量太少，唔似2人份量🥲讚岐烏冬正常水準～店員會問你想唔想將剩餘既蛋漿整成滑蛋烏冬～ 不過我地就無喇😆自家製雪糕🍦當日係芒果🥭雪糕～ 芒果味道十分天然，好香芒果同牛奶🥛香！裡面仲有啖啖芒果肉，非常好食😋作為一餐既總結好滿意！—————————整體黎講，食物質素滿意既～ 但係烏冬份量真係可以慷慨d🥹小編同朋友都覺得單叫二人餐未必夠飽。可

之前食過一次覺得食物不錯再次到訪 食物ok 但今次用餐體驗真係好差 我係回頭客 經過今次 唔會再黎食主要係因為我地4個人女仔叫四人餐 再每人另加一杯野飲 都可以有說話聽 我地一坐低已經不停sell佢地個串燒set 我地對串燒無興趣 已經講左唔會叫 最後我地埋單個類似Manager 定老細嘅人係到問：其實你地4個女仔食個四人餐夠唔夠飽架？之前有兩個女仔黎都食左XX份牛 個蔬菜盤再打包走 係到暗示我地叫得少 去到最後都已經埋單 仲問緊我地要唔要加個串燒set 其實你預個四人餐係4個女仔都食唔飽嘅就唔好叫四人餐啦 加上我地真係覺得夠我地又唔係四個人叫兩人餐 仲每人都加左杯野飲 都要比說話我地聽成個用餐體驗真係好差如果大家想舒舒服，好relax 咁食個壽喜燒 唔建議呢間 除非四個人食超過四人餐嘅食物

成日都見到啲人去日本旅行必食壽喜燒，其實香港都有好食嘅壽喜燒啦。位於旺角嘅十侍，服務好食物都有質素，絕對值得過黎一試。二人前 鹿兒島黑毛和牛A5和牛來自鹿兒島，有證書列明產地品種，可以比客人拎埋張證書返屋企，牛肉方面有信心保證。和牛嘅雪花紋相當之靚，店員會根據食客嘅選擇，為食客煮到合適嘅熟度，唔驚自己煮而浪費哂高級嘅和牛。用棉花糖煮溶後嘅醬汁煮肉相當特別，第一塊肉嘅甜味較明顯，之後愈煮醬汁愈濃，所以之後嘅肉就會多番啲鹹味。加埋生雞蛋一齊食，肉質更加嫩滑，肉味香濃。而且肉嘅大小比想像中大，唔會話一啖就食哂，店員都會一塊接一塊咁為我地煮肉，所以都幾滿足。整個過程中店員服務都好好，留意住食客進食嘅進度，然後過黎serve。食完肉之後就食埋其他嘅配料，有豆腐蟹柳菇菜等。加埋醬汁落去煮，好快就食得，最後煮埋個稻庭烏冬。食材新鮮加埋個醬汁一齊食，食完好滿足。最後仲有自家製嘅柚子雪糕，食落味道清新，食到柚子皮，同時奶味香濃。另外仲有兩杯野飲，桃味乳酪soda同青之海，兩杯都唔會過甜，飲落清新開胃。

今日又嚟到旺角嘅📍十侍食和牛壽喜燒！呢間真係食過返尋味，耐唔耐就想嚟食呢度嘅壽喜燒😊呢次就同朋友嚟慶生，兩個人我哋就叫咗一份二人前鹿兒島A5黑毛和牛。舖頭嘅職員都好好嘅服務態度，基本上啲靚牛都一定係佢哋一手包辦幫我哋去整。一整份餐嚟到枱面賣相已經非常之吸引，而且佢嘅和牛個花紋你見到係超級靚仔。包裝裏面仲有埋和牛嘅證書資料，等大家食得安心放心有晒保證😎呢度嘅和牛果然冇令人失望，見着餐廳嘅職員拎住一個棉花糖擺喺個爐上面，再加壽喜汁淋喺上面見到成個棉花糖慢慢溶化嘅感覺真係好療癒！而且和牛嘅肉質都好香，油脂咁適中，唔會太過肥膩，加上職員幫手燒令到啲肉燒得啱啱好非常之正！而呢個二人餐除咗和牛之外，亦都有滿滿其他嘅配料，包括豆腐雜菜菇類等等，真係好香濃。而且套餐仲包埋烏冬或者飯，基本上都真係好夠飽！另外我哋仲嗌咗兩杯乳酸飲品都非常之好味，可以適當咁解除肉嘅油膩感！最尾仲有雪糕食添，係餐廳自家製嘅柚子味雪糕，呢個都幾有驚喜味道好fresh！整體嚟講十侍香港壽喜燒嚟講，我都真係好推薦！

大家食呢間嘢，千祈唔好叫套餐，係絕對唔抵！！！自己一加一盒牛688，佢所謂最抵嗰個套餐兩個人898，但係講緊其他配菜簡直係cheap到唔值返嗰二百幾蚊。得普通烏冬、白菜、街邊買嘅蟹柳、同埋普通一兩條嘅金針菇。呢個套餐值898真係有啲笑死。建議各位自己散叫都好過佢咁樣叫，食多兩串串燒得開心啲(但佢啲燒物好難食🤮和牛串燒老到超難食）最好大家都唔好去食，講真唔怪之得冇乜人在港消費😂因為同樣質素，其他除咗香港地方都食得平過佢