北京樓 (新都會廣場)

營業中

休息中

北京樓始終係食填鴨首選，鴨香而不肥，皮肉剛好。小籠包雖然皮唔夠簿，但足料，湯肉比例Perfect 。記得一定要食佢條魚，做型靚，夠脆，個甜酸汁偏甜，但我好鐘意。特飲就無謂試，飲可樂好過!好滿足

大家對北京樓應該有認識，今次唔介紹地方，直接講菜色。金華火腿津白嫩滑多汁，火腿津白嘅火腿一般係鹹，而呢度係甜，味道似足豬肉乾，好食。👍🏻👍🏻水煮班球屬於勁辣級別，麻辣味濃，魚肉滑，加埋腐竹，妙極👍🏻👍🏻，如果芽菜改為水晶粉，呢個餸就十全十美。芝麻大餅面頭好脆，餅身鬆軟，裡面包左豬肉鬆，感覺好特別，好食。👍🏻👍🏻酒釀小丸子桂花味重，不過太漿太杰喇，麻麻地👎紅棗糕上台時間表面好濕，不過食落好煙韌，紅棗味重，唔錯。👍🏻茡齊餅好大個，成個煎堆咁，食落香口，裡面仲有椰絲，花生同埋馬蹄，口感唔錯。👍🏻👍🏻呢間北京樓菜色煮法同其他嘅北京樓寧舍不同，而且份量比較多，抵食。

片皮鴨等一個鐘但皮不香不脆配蔥好韌難吃，松子魚超細條細過手掌而且汁太酸一陣味，糖醋骨好韌，三蒸豆腐蝦完全不知道什麼東西，蝦還蝦豆腐還豆腐。。。。。。好肚餓但竟然食剩野！

現在有很多餐廳都有限時的用膳時間，大多數都是兩個半小時。所以今次六點就開始晚膳時間，因為趕住八點還枱，所以我們飛快就點了一枱食物！翡翠芙蓉三鮮 HKD178，味道一般有點過鹹，蛋白唔夠滑銀芽翡翠苗，正正常常蝦球帶子粉絲煲HKD178， 這個值得推介，因為夠鑊氣而且粉絲非常乾身，不會讓人覺得漿口的感覺，大蝦也非常爽口彈牙。北京填鴨HKD300，外皮夠脆肉身不會太乾但包鴨那塊皮就非常厚身，令人吃一兩片就感覺非常之飽肚金腿津白鍋塌二蝦豆腐紅燒粉皮大魚頭煲HKD248孜然香辣羊肉，肉質非常嫩滑而且一點羊騷味也沒有。麻辣水煮斑球韭黃肉絲炒拉麵重點：生日壽包

今日老媽子生日，一如以往地 我地都會出街食飯慶祝！今次就選擇左去試呢間北京樓，慰勞一下媽子，同時都滿足下自己既私慾。眾所周知，一般酒樓既服務態度一直比人感覺都十分差劣。北京樓係呢一方面就做得十分之好，無論係氣氛，環境抑或是服務態度都係有顯著既分別同良好。家中習慣在食飯前都會先飲湯後食飯，所以叫左個花膠湯，意想不到用料十分充足，絕無偷工減料，味道不錯，而且誠意搭夠。韭菜蛋餅，個人對韭菜類食品都不敢恭維。但見屋企人都食得有滋有味，鐘意韭菜既朋友可以一試。排骨煲味道十分濃郁，排骨啖啖肉，送飯真係一流，絕對適合重口味人士。最後係今晚既主角亦都係我最期待既一尾菜式-北京填鴨。鴨肉厚度拿捏得不錯，鴨皮亦十分脆口，薄皮略嫌有d厚，食落太韌，整體黎講亦在合格之上。總結而言，以中餐黎講，北京樓都算係一個唔錯既選擇，環境氣氛十分舒適。

一講起北京菜，我就會記起北京樓，個名順，又好食，唔講唔知原來北京樓係美心集團的！今晚當然唔係食百子千孫餐，先叫了一隻山東燒雞，太好味，雞像炸子雞咁，燒過的，皮脆，係金黃色。我不客氣的夾了件左脾，話晒係脾位，肉嫩，咬落去係肉滑，肉色白雪雪，汁都幾好，惹味。賽䠙蟹味道好清香，加埋醋就一流！最後仲叫左高力豆沙，糖多好味啲，我自己沾左好多糖，高力豆沙仲係熱辣辣的，個皮好似有啲香蕉味，好鬆軟，一咬要齒開，後尾是煙煙靭靭的，豆沙餡一般，唔係爆漿出黎𠴱種，甜度OK，北京樓真係北京樓！～完，推介指數：7～

同事生日，擬定好飲中茶嘆一盅兩件，來到新都會廣場頂樓，見北京樓裝潢較鄰店豪華，心想：貴一點也無妨吧！跟同事慶生也須體面一點～ 而且不用輪候等位：P被安排座位後，招手超過15分鐘，也再沒人招待，都明白午市屬繁忙時段，圍觀四周後發現，明顯是服務生人手不足，同事們差點有棄檯離座衝動，最後好不容易才等到和暖的茶壺端上（非熱茶）。午餐可選不多，飯類只有數款，點了小蔥炒飯，味道不算太差，但飯太乾身.. 午市有唯一指定中式點心套餐，但我們欲散點套餐外的京式點心，選擇同樣地少，冠以堂煌名字的點心，實質上桌的... 是平平無奇的飽點，且麵團多餡少淡無味且大部分上桌時只是微溫，連點心的名字也不欲記下...今餐吃的是略帶貴氣的裝潢，欣賞精緻瓷器、銀器餐具；而食物款式、味道、質素及服務 .... 一律欠奉是次消費$5xx(3人）

We went to Peking Garden for dim sum brunch.  During the morning period (i.e., before 11am), the dim sum price is standardized to HK$22 each (except some steamed dishes, such as 蝦餃 & 腸粉).  Chinese tea is charged at HK$12 per person.  The decoration and style of the dinning room is elegant and modern.  Table setting, tableware, and tea pots are all beautiful and grand.  We ordered 11 dim sum and I personally enjoy all of them.  The 潮州水晶包, 叉燒腸粉, 芋絲春捲 are the most impressive items to me.  The seati

大閘蟹餐無蟹！！！開開心心準時收工，幾個同事相約去拆蟹！因為遷就其中一位朋友，所以揀咗葵芳新都會呢間餐廳，事先打電話訂咗位！1915到埗，地方新潮型格，安排坐大廳中張6人中圓枱，餐具似西餐，蟹餐只有一款，其中一個同事唔食蟹，所以叫了幾個小菜！另外叫5個蟹餐！1925落好單！食物相繼到達，大家開開心心吹水食嘢！我哋落單本來叫女店員Sarina（佢應該負責我哋嗰區，佢好似唔係好熟，就叫咗另一個中年女店員出手落單，中間因爲蟹餐涼盤份量問題（5個餐嘅涼盤放晒一齊，都唔知一份定5份）問Sarina，佢都要問其他人！對餐廳食物都唔熟悉！食頭盤醉雞時，同事發現醬汁浸住隻蟲！即係同部長反映（佢剛好在桌旁）佢即刻收走碟雞，仲問我哋想轉邊款小食，我哋叫佢推介佢又講唔出，又無餐牌，最後我哋講換鎮江排骨！佢就換！好無主見！我哋食物都7788，主角大閘蟹2045都未到，就問下店員，唔問尤至可，一問之下，當然Sarina又問人，一個高級人仕男部長苦埋口臉走埋來！講一個壞消息⋯⋯店員唔記得攞蟹入廚房蒸，而且而家餐廳只剩4隻蟹！！！聽完真係好好好火滾！叫5個蟹餐，最後只有4隻蟹！因為店員漏單，催單時已晚，全店只剩4隻

今日同屋企人食晚飯，黎到北京樓，環境清靜，服務員都好好，有禮貌！同家人食飯大部分都係上年紀既人，所以中菜岩晒佢地，坐底後就睇睇餐牌！'食送'菜種類都算多！花多眼亂見到有北京填鴨！價錢比出面算平既於是我地就叫左一隻試試佢！事因要等九個字時候先食到，即叫即整！果然新鮮！賣相都不錯！鴨皮脆脆又多汁的，食完一舊又一舊！未停過手推介度糖醋排骨甜甜酸酸，十分開胃！雖然係前菜，但份量都算多，食多幾舊都無所謂！茶樹菇翠苗食完油膩野，來一個清菜！啖啖清香加上茶樹菇，口感非常不錯！而且仲有菜湯，令到菜苗不會乾爭爭！推介度上海炒年糕！味道不過不失，不過沒有驚喜！肉絲粉量都算多，但個汁味道比較淡，可能我食開比較濃味推介度總括而言，北京樓既食物都中上評級，價錢略高但勝在都值得，有機會大家都可以試一試！

朋友請食飯，選舉了北京樓，因想食北京田鴨，同埋之前聽人的食評都不錯。就試一試吧。店內台與台之間好寬闊，坐得舒服，之後點了北京田鴨：有點失望，肉眼睇，皮已經唔脆，似鹵水鴨就甘望落去，雖然食落皮都仲有少少脆，但北京田鴨既皮唔脆已經唔合格。甜酸魚：值得一讚，酸酸甜甜好醒胃，魚炸得好香脆，但肉質仲好滑。揚州炒飯：炒得不錯，飯粒分明，夠味道。高力豆沙：炸得不錯，入面有香蕉同豆沙，好鬆軟炸得整體不錯，係北京田鴨失分。

諗住開開心心一家人食下飯，點知一入門口已經心知不妙，企左係門口五鐘無人理，入到去收銀同佢講四位，佢俾張紙仔我，但我一路行都無人帶，要自己搵枱號。叫野食嘅時候見啲侍應又冇乜嘢，心諗應該都OK啦一路食嘢都冇乜大問題。咁我哋叫咗個雞燉翅，佢話要等一個鐘，咁都正常嘅魚翅都要等啦。等左一個鐘多啲，諗住叫佢上個魚翅，佢竟然同我講已經上咗，我哋全家都來左話冇上過喎，佢即刻入廚房佢問， ，有個經理走出嚟，佢竟然話:煲個魚翅嘅時候個煲列咗，要重新煲過，要再等多六七個字。咁我即刻cancel啦，再叫佢上個拔絲香蕉，當我見到個拔絲香蕉嘅時候，我當堂成個人呆左，點解？因為我從未見過咁嘅樣嘅拔絲香蕉。雖然其他嘅嘢食已經唔好食，諗住有個好食啲嘅甜品，點知最後更加失望。你跟北京樓我永遠都唔會再去食！

自從去完北京後，滿腦子都是京菜官府菜，特別是想吃北京片皮鴨吃北京菜的店有很多，但想到方便就腳泊車就最好找家商場內的，難得北京樓的分店遍佈港九，選了葵芳新都會商場的這家北京樓，晚飯時間七點多要等一會位，只等了大概五分鐘就有位置坐下開茶後急不及待先點一隻鴨兩個人吃不到太多但還是點了前菜小食開開胃海蜇爽口彈牙，配以花生醬和辣椒，相當醒胃片皮鴨一食，刀工不錯，厚度適中，不會太肥膩，配以青瓜京蔥醬汁更是絕妙但略嫌太慢上菜還有價錢偏貴清清的茶解濟消脂🍵滿足的片皮鴨之夜

特登book張枱同屋企人晚上撐枱腳。呢間未裝修之前，食過好幾次。今次係裝修後第一次食。感覺沒什麼分別。仍然都有我最鍾意食嘅鹹酸菜，花生，雲耳，青瓜。真係好好食。當然不是送喇，要計錢的！小蔥蝦仁炒飯由於我地屬飯桶一族，不能沒有飯氣。所以就叫左呢個小蔥蝦仁炒飯。d飯粒炒到一粒粒，完全沒有痴住。飯粒好爽口。但略嫌不太夠鹹。不過屋企人就覺得夠味。乾炸小黃魚呢個小黃魚係今次黎嘅目的。因為屋企好中意食魚。而呢度炸嘅小黃魚，又香口，又酥脆！魚肉又嫩滑。一點油的感覺都沒有。真係好正！翡翠芙蓉三鮮見隔離枱食梗一道菜好像好吸引。問左部長先生，原來係叫翡翠芙蓉三鮮。話有蝦，帶子，西蘭花， 蛋白，胞片。見幾吸引，所以叫黎試下。果然沒有失望，味道不錯。送飯食一流。不過覺得似螺片多過胞片。。。奉送醋。用來點蛋白食，可減低滯的感覺。小龍包黎得梗係要食小龍包！因為係我飛彿！呢度小龍包嘅肉味都算幾濃，包內又有湯汁。不過皮説不上夠薄。但整體還是不錯。我一個人吃了5隻😁。不過小龍包還是要趁熱食。因為有一兩隻，放到凍左先食。包嘅頂部已變得有點韌。但由於我太愛小龍包，所以照食可也😁

補祝朋友仔生日，同佢係葵芳睇完戲搵返間餐廳食晚飯，但因為睇完戲已經接近10:00, 朋友仔又鍾意食中菜所以就來呢間食，入到去好彩未收工，10:30 last order就拿拿聲叫左幾樣野食，朋友仔好細食揀左擔擔麵同小籠包一齊share食，我梗係話唔得啦生日一定要食好d既但佢堅持唔比我再叫，最後經過爭取後就比我叫多一客蜜汁火腿同芒果布丁，食物黎到，小籠包keep住水準多汁juicy, 擔擔麵都好食但今次可能廚師重手左⋯好辣呀，食左兩小碗就投降了，最好食就係個蜜汁火腿連埋塊脆片同夾包一齊食真係好好味呀，最後甜品就一般無咩特別，下次都係要早d食，食到中途成間酒樓得返我地一枱仲食緊，d職員就不停係度清潔執拾地方，攪到我地都唔好意思阻人收工，快快手食完就走勒。朋友仔下次你生日我一定會plan好d時間同行程架。