北京樓 (MOKO新世紀廣場)

營業中

休息中

前排係沙田某間酒家食完片皮鴨後感覺麻麻地，所以今日就再試試呢間嘅片皮鴨 😋 一行三人叫咗蔥油海蜇頭、小籠包、賽螃蟹、點心拼盤、蜜汁火腿、烤北京填鴨。蔥油海蜇頭 ($95) : 海蜇頭好爽脆，而且份量都合理，配埋餐廳提供嘅芥末醬食相當滋味。😋小籠包 ($75) : 小籠包每隻都幾大粒，夾起嚟無漏汁。👍🏻點心拼盤 ($125) : 拼盤有點心系列同炸嘢系列兩款，自己鍾意食蝦餃燒賣，所以就叫咗點心系列 ; 點心拼盤內包括有四款唔同嘅點心，蝦餃、燒賣、鮮蝦菜苗餃、黑松露餃，每款都好好味。😋蜜汁火腿 ($170) : 金華火腿味道鹹香，配上香脆嘅炸豆皮同蜜汁，可以用香、脆、甜嚟形容，不過可惜得五片。😝賽螃蟹 ($148) : 自己覺得呢個賽螃蟹超哂班 😍 蛋白有咬感之餘熱辣辣，而且重有好多配料係裏面。🤤烤北京填鴨 ($318) : 餐廳有餅皮同生菜提供，所以顧客可以有二種食法 🥰 片皮鴨每片都切得唔錯，鴨皮夠脆之餘油香滿溢 🤤 同上次果間真係天淵之別，唔怪得每枱客都有叫。

想食片皮鴨，去左試呢間北京樓但單點無得要半隻鴨，只能叫全隻。（二食法）Ps：落單前服務員話鴨要等45分鐘，但應該無45分鐘每塊大小都一樣，每舊都連鴨皮，冇cut開🥳配料有 京蔥、黃瓜、甜醬汁配料種類算少⋯⋯⋯肉質稍微老咗D，食得出黎！但師傅刀功還是可以的，每塊都均勻。初時擔心餅皮會唔會唔夠⋯原來係唔會唔夠 😋😋😋👍🏻餅皮唔易爛，熱辣辣，抵讚！👏🏻👏🏻👏🏻第2種食法係用生菜包肉碎。d肉碎撈埋榨菜，又辣又鹹，唔好食！包埋鴨肉係咁樣⋯好怪⋯九唔搭八⋯麻辣汁唔夠辣，唔夠濃！花生太多😹😹😹DIY 左個 PIG 出黎🤣🤣🤣⭐️都係呢種包法最好食 😋 *

有一段日子沒嚟過北京樓了，近排見人食片片鴨咁高興，今日經開不如試下食北京樓既片皮鴨啦。原來而家佢有d set dinner幾抵食包括以下幾樣野：前菜有海皇素翅羹，入面都幾多配料又唔係粉茨漿好杰個隻，好好味！素鵝海哲頭，素鵝夠脆，海哲頭亦夠哂爽口。宮爆蝦球都好惹味，但蝦只有四隻勝在小吃多滋味。北京填鴨，佢有皮有肉比你包。皮個d佢片到好薄，隨你自己口味去包加埋大蔥同醬去食。沒有花巧，係最古典個隻風味。花膠燴鮑魚，d花膠同鮑魚入哂味鮑魚係炆到淋哂不後黏牙。最後驚你唔夠飽仲有蔥油拌麵，個麵仲要係北京拉粥麵！最後甜品有合桃露小丸子劃上完美句號。一次過滿足哂我想食中菜填鴨既慾望

久違既四人限聚令，今晚黎到旺角呢間主打北京菜既北京樓，裝修用左新款酒樓模式。一入到去，人唔算多，但都有捧場客，呢間好多人話菜式新穎，而且菜款正宗，試一試便知龍與鳳。我地四人叫左個片皮鴨餐，黎到呢度唔食片皮鴨就等於食公仔面唔落麻油咁，無左個精粹。片皮鴨係切完先上，有別於其他酒樓係你面前片比你，又或者可能衛生關係。佢地既薄餅係新鮮熱辣既，夾住黎食好夠鬆軟，而且佢地既鴨油唔算多，唔會滴到周圍都係，但係配料比較少，要叫人再加先得，整體個片皮鴨係幾好既。個餐有個醉雞，食落夠香味，都好重酒味，好正宗既一碟醉雞。之後有個咕嚕蝦球，比較特別既一個菜式，好味既，粉唔厚，又炒得夠脆皮。再黎有個班塊，應該係人頭計既，四人有四塊，三人有三塊咁，條魚都新鮮，唔係外面啲行貨班塊。跟住有個炒菜苗，菜新鮮，食落有甘味。重點係個鎮江骨，好入味，個汁一流，送飯係絕配。最後既糖水比較差，得個死甜，無哂應有既香味。整體來講係唔錯嘅質素。可能最近疫情，所以推啲套餐價錢都平民好多。

當晚於北京樓叫了片皮鴨套餐，但片皮鴨很一般，完全沒有鴨香味，鴨殼我朋友帶走，但當晚回到家才發現鴨殻的肉已變酸，不知道是本來不新鮮還是沒放涼就入袋給客人焗壞了，當晚就連合桃露糖水都像水一般，一點合桃味都沒有，就只有甜味，當晚的食品感覺太差，水盡很一般，完全不值得。

因第四波疫情比較嚴重, 結果有成 2個幾月無出外晚膳, 襯住星期六, 日就梗係要出動下, 網上同電話都訂唔到位, 唯有早 D 出來搵食啦, 18:15 就去到旺角新世紀既北京樓, 好彩呢個時刻 walk in 既客唔多, 不過入到去都已經係 80% 坐滿, 望完餐牌, 最後都係揀左 錦繡年華套餐 - $498 + 10%, 感覺食物都應該唔差.先上前菜, 海蜇頭同素鵝, 不過不失, 跟住就來個濃湯海皇素翅, 但就唔多覺有幾濃湯, 但味道尚可, 始終素翅同真翅都會有少少出入, 第三樣上來既係宮爆蝦球 4隻, 蝦肉爽滑, 肯定係新鮮蝦, 口感唔錯, 第四樣係花膠鮑魚, 花膠同鮑魚都做得好好, 好入味, 爽口彈牙, 第五樣係先上小蔥伴麵, 如果呢個麵有少少辣同加少少肉碎會仲好食,  第六樣就係期待很久既北京填鴨, 可能大多數客人都係叫呢個主菜,  可能太耐無做晚市, 加上每枱都 order 北京填鴨, 等既時間係耐左 D , 而且可能包填鴨既皮都一早做好放左係出面, 又無一個蒸爐熱住, 所以跟填鴨上到枱, 鴨肉無問題, 反而包皮就有 D 凍同乾乾地總括來講北京樓都有一定既水準, 尤其夜市停左

聖誕節正日冇同媽媽慶祝26號Boxing Day同媽媽補足聖誕大餐可能太晏先去到之前有冇諗過食乜嘢2:00去到2:15入場啲嘢來得好快唔係太明白點知15分鐘嚟咗三樣嘢問經理係咪趕住落場原來佢話3.3係落場時間唔怪之咁趕其實我覺得前台可以一早講明食嘢時間只有45分鐘至一個鐘感覺食得有啲趕事實上啲嘢食係真係唔錯食評就大家睇吓啲相啦

在30/10 （星期五）政府進一步放寬限聚令至六人當天，約了朋友在旺角新世紀廣場北京樓飲茶。約11:40 到埗時雖已知酒家已無半價優惠；我覺得無乜問題；唯是待客之道則非常有問題。入去坐低時待應並無告知有時段限制；但在我們飲茶期間就說有；並告知要叫片皮鴨就要早些叫，因需時制作；到上齊點心，飯，（蟹粉炒飯、擔擔麵、蔥油餅、蝦餃和鍋貼）尚未食完；穿黑衣身型稍胖的部長已主動埋我們單；食物雖然不錯；唯是此集團多年不改的趕客手法（多年前尖沙咀海港城翡翠拉麵也是這樣），實在令人反感！決定以後不會再幫襯！

見到北京樓做緊優惠食片皮鴨可以半價 琴日放工之後就走咗去試吓 ～ 等位等咗大約三至四個字。入到去即刻落單叫隻片皮鴨 2食～大約五至10分鐘嚟到 辣紅蘿蔔炒鴨肉配生菜. 但係就比較細分。跟住再等多10分鐘主菜片皮鴨就嚟到. 因為太耐冇食過所以都有啲期待. 不過包片皮鴨嗰塊麵包就係凍嘅😭 唔知係唔係因為佢而家做因為大量生產嘅關係。我覺得冇以前咁好食啲皮燒得冇咁脆～ 食咗5舊開始就覺得有啲油. 最後都係食唔晒。 不過買單$210係的確幾平😂

🔸北京填鴨@二食 $308皮脆肉吾肥 入口油香餅皮夠薄又軟熟！透到睇到🤚🏼又吾易爛 青瓜京蔥唔夠可以再添🥒🔸芥末沙律蝦球 $228成口芥末醬幾好食😋蝦夠彈牙🔸蝦子鍋塌豆腐 $110外衣夠薄蝦子味 入邊啲豆腐食落仲要好滑🔸孜然小羊腿 $110個羊腿我覺得有少少蘇味 同埋好重孜然粉

今日我約左朋友系北京樓食北京烤鴨之後我點左雞湯雲吞比兩個小朋友食食下食下入邊有小強個店員馬上想拿走但係我都影左相之後 經理過來話幫我取消左個雞湯雲吞一句道歉都無……第一次出街係食物度見到甘大只小強好無開心

新世紀廣場5樓《北京樓》一向都好多人排隊，疫情期間有特別優惠，餐牌食物除點心全部75折。今日大家早放工來到，搵個靚位，食餐好的。北京片皮鴨一定不可以缺少，一整隻份量相當夠，師傅刀法不錯，片片規格好標準，加大蔥青瓜，個個食到舐舐脷。二食中一個食法就是炒鴨鬆，用生菜包起，炒得香口。點了個三層樓前菜，好有high tea feel，有酸甜青瓜，煙燻腐皮卷及香甜燻魚。海蜇頭爽脆，醉雞夠滑，賽螃蟹蛋白好香，加入陳醋更美味，雲腿津白，又香又甜又滑，酸甜方塊腩肉，夠邪惡夠惹味，瑤柱蛋白炒飯，炒得香口，米飯粒粒跳，再叫多個上海炒年糕，味道香濃好入味，甜品中的蛋白杏仁茶值得一讚，拔絲蘋果賣相吸引，香脆可口。

限聚令情況下呢間北京樓都全場爆滿佢話入座計90分鐘原來好抵恒生enjoy Card做7折，套餐都有折，五個人叫咗一個餐同加咗幾樣嘢埋單每人都只係$250咋！個片皮鴨啱啱上臺果時仲熱辣辣。脆卜卜㗎！！個湯都好好味，仲有個豆沙鍋餅我覺得好香！！反而個上海炒年糕我覺得佢啲調味太重到有啲苦苦哋咁！！個蒸魚都好滑好味，但我見到隔離枱個松子魚好好味咁，下次想嗌！個餐都有好多嘢食，我哋五個人都食唔曬！最值得試嘅真係佢個片皮鴨

Horrible attitude by staff when trying to make lunch booking by phone, after asking on special promotions that they posted on open rice, they sounded really irritated and hung me up before I can even make a booking. To be expected from a Maxim restaurant I guess

今次呢個肺炎疫情😷真係影響咗好多飲食業。。就如老牌食肆。。好多也抵受不住要結業。。繼續做下去的就要轉圈子想一想怎樣疫情下留住客人。。美心旗下食肆就做得很不錯👍。。就以這間北京樓為例最出名就是片皮鴨🦆。。竟然一至星期天全日也是半價。。。而且一個價錢還包括兩吃(生菜包鴨鬆)。。如果你只想食一吃。。就可以拿隻鴨殼拿回家煲粥起肉炆米今晚星期天我們兩個人👫幸好一早預訂座位否則就撲個空。。差不多八點全場爆滿。。但是每一台客也有守規則隔着1.5的距離。。。。幾乎每一台客也有點片皮鴨🦆。。因為真是為了鴨子而來。。整體服務和味道也滿意。。唯獨是餅皮如果能夠有火爐熱着就更加好。。因為冷氣下餅皮很容易凍了。。兩個人實在吃到撐着肚皮。。但是我們還要點一個香蕉🍌高力豆沙作完結。。上枱熱燙燙。。真想一口吞了它。。現在很多店子已沒有加香蕉🍌在高力豆沙內。。所以今晚也吃了回憶的味道服務上整體都唔錯㗎。。由門口帶位到侍應經理。。客人查詢落單都多謝前多謝後。。。。質素高過美心