北京樓 (MOKO新世紀廣場)

營業中

休息中

新世紀廣場5樓《北京樓》一向都好多人排隊，疫情期間有特別優惠，餐牌食物除點心全部75折。今日大家早放工來到，搵個靚位，食餐好的。北京片皮鴨一定不可以缺少，一整隻份量相當夠，師傅刀法不錯，片片規格好標準，加大蔥青瓜，個個食到舐舐脷。二食中一個食法就是炒鴨鬆，用生菜包起，炒得香口。點了個三層樓前菜，好有high tea feel，有酸甜青瓜，煙燻腐皮卷及香甜燻魚。海蜇頭爽脆，醉雞夠滑，賽螃蟹蛋白好香，加入陳醋更美味，雲腿津白，又香又甜又滑，酸甜方塊腩肉，夠邪惡夠惹味，瑤柱蛋白炒飯，炒得香口，米飯粒粒跳，再叫多個上海炒年糕，味道香濃好入味，甜品中的蛋白杏仁茶值得一讚，拔絲蘋果賣相吸引，香脆可口。