包餃掂

營業中

休息中

最近屋企人係元朗見到間新開既餃子店，叫我經過時候買少少返黎試下，佢地每粒都係新鮮現包，個時見到冇曬素餃，老闆即場包左幾粒俾我👍🏻👍🏻😝試咗佢哋幾款嘅餃子，隻隻都係餡料多餃子皮薄，試咗素餃、泡菜鮮肉、芝士鮮肉、鮮肉小雲吞、惠州梅菜鮮肉、冬菇馬蹄鮮肉最鍾意食嘅係素餃、梅菜鮮肉、泡菜鮮肉、同埋芝士鮮肉素餃嘅口感好爽脆、有雲耳、紅蘿蔔絲、白蘿蔔絲等😻梅菜餃子 ，梅菜口感爽脆，唔鹹帶點梅菜既甜泡菜餃子，泡菜嘅辣度適中，啲餡勁多😆芝士餃子，每粒都食到好濃郁嘅芝士味😻

聽街坊講開左新餃子店，特登過黎街市呢邊搵下，一向鍾意食餃子嘛，整啲試下佢先。地點唔難搵，在又新街街市前少少，呢條街都好多菜檔豬肉檔咁，平時都會黎呢邊買餸。睇睇水牌，真係有好多款鮮見嘅口味喎，不過個餃子櫃好似賣得七七八八。問下老闆，佢話每款口味大約每日包三千隻🥟，賣晒就無啦，星期五六日特別好賣，好多中午已經賣晒。最後揀左泡菜鮮肉、蓮藕木耳鮮肉、冬菇馬碲鮮肉、惠州梅菜鮮肉、西洋菜鮮肉，總共夾埋一磅半。本身想放湯煮，但屋企人話想食煎餃😗，咁就開爐煎啦，放煎爐落少少水，水乾就熟啦好方便。原來一磅半🥟煎起上黎好大盤，香噴噴正呀。因為全部撈埋一齊煎，食個陣好似開盲盒好有驚喜，哈哈😆泡菜微微辣帶少少酸味，蓮藕一粒粒有咬口，馬碲爽口，梅菜鹹鹹地好似食緊梅菜肉餅咁，西洋菜水嫩香口，咁多款口味各有各特式，好難揀話邊款最愛喎。好快就比人食晒…下次黎都係一次揀幾款撈亂食先😋

最近見元朗新開左呢間外賣餃子店🥟作為餃控點都要試下專賣自家製餃子&雲吞 標榜100%新鮮豬肉手工即製 好似貨真價實咁🤭款式好多 一磅磅買～可以撈埋其他款😀一次過試唔同款都得.滾水後煮5-7分鐘就食得 肉質真係幾新鮮 有肉汁～皮嘅厚度適中 雲吞皮會再薄少少餡料比例多 咬開啖啖肉😇調味唔會太濃.特別推介呢幾款味♡ 冬菇馬蹄鮮肉餃｜冬菇香 馬蹄爽 口感同味道都正♡ 菜甫紫菜鮮肉餃｜紫菜充滿鹹香 味道好鮮♡ 粟米鮮肉餃♡ 南瓜雜菌鮮肉餃♡ 鮮蝦雲吞

最近午餐食飯都食到厭厭地,不如轉一轉午餐食餃子🥟元朗有間餃子店-----包餃掂🥟唔好睇佢鋪仔細細,鋪頭有好多唔同種類既餃子,一於揀幾款試下先！西洋菜鮮肉餃 🥟大大粒.西洋菜同鮮肉好足料 . 西洋菜菜色鮮亮, 鮮肉食落多汁.鮮肉小雲吞 😋細細粒 , 一啖一粒,唔怕食多兩粒 . 小雲吞粒粒有爽口蝦蝦同濃厚既鮮肉.韮菜鮮肉餃 🥟韮菜同鮮肉比例岩岩好, 食落口感扎實爽口, 餡料豐富飽滿,肉汁更有韮菜香味.白菜鮮肉餃🥟大大力推薦之選 ❤️可能本身喜歡食白菜, 所以必叫白菜鮮肉餃, 果然無失望, 白菜爽口鮮嫩配上同樣鮮嫩既多汁鮮肉,絕對係必叫口味.芝士鮮肉餃 🧀特別之選 西式既芝士加上鮮肉,有一種大人小朋友都岩食既感覺香濃既芝士多汁鮮肉, 芝士控必叫啊🧀🫣🫣🫣本身有沙嗲牛肉餃,但咁岩網上落單賣哂所以除咗親身去鋪頭買,仲可以網上落單啊😆😆包餃掂元朗又新街38號恆富大廈地下6B號舖

0+3 防疫政策生效後，一心想番香港既舅母終於可以番黎香港探下親，前晚媽咪喺屋企開大食會迎接幾年無見既舅母一家，乖乖女既我唔想媽咪一個人煮咁多野咁辛苦，就喺合益街市附近新開既生餃外賣店買左幾款水餃同雲吞做上湯餃。鮮肉小雲吞 ($46/磅)肉餡鮮甜又實在，雲吞皮一層薄薄的，細細粒可以一啖食落口。韭菜鮮肉 ($46/磅)新鮮韭菜味濃氣足，配埋肥豬肉做既肉餡，兩者味道配合得剛剛好。芝士鮮肉 ($52/磅)第一次見中式餃子加芝士，當然買黎試下，煮熱左既芝士溶溶地拉到絲tim, 原來都幾夾。泡菜鮮肉 ($52/磅)舅母中意食辣，泡菜鮮肉正合佢中意，獨家口味的泡菜與新鮮豬肉漿，令人回味再三，仲有清香辣勁。南瓜什菌鮮肉 ($52/磅)南瓜同什菌都營養價值豐富右可以防骨質疏鬆金菇增免疫力，岩晒一班長輩食，味道甜甜地幾特別。

元朗新開嘅包餃店好正呀😍款式多，口味都好新穎，全部皮薄餡靚，真材實料每一粒都好飽滿😋買左好幾款試下，個人覺得比較特別既口味有蓮藕鮮肉餃，南瓜雜菌鮮肉餃同埋泡菜鮮肉餃👍🏻呢啲口味都係出邊比較少食到😆

><街市買完餸 見到鋪頭有多款餃子標榜用當日100%鮮豬肉手作即製裝入盒時店員有灑上粉 減低生餃會黏住嘅機會 所以返到屋企狀能都keep到屋企人鍾意食有蝦嘅廣東鮮蝦雲吞同極上水餃皇而水餃有筍做材料👍🏻我就鍾意食香茜芹菜牛肉餃同蓮藕木耳鮮肉餃有芫荽同芹菜比較清爽加咗蓮藕個款更爽脆餃子個皮正常厚薄 唔會話一夾就穿><><><><><><><><><><><><><包餃掂元朗又新街38號恆富大廈地下6B號舖

今日買菜時見到有間新開既餃子店,作為餃子雲吞愛好者，即刻買d 試試有好多款餃可以揀，下次再試其他款今次一共揀咗3️⃣款：鮮肉小雲吞、西洋菜鮮肉餃、五色素菜餃首先講吓鮮肉小雲吞,由於我唔食得蝦，所以就揀左鮮肉餡，絕對有驚喜！可以媲美到鮮蝦雲吞! 一樣咁好食~雲吞皮好薄，鮮肉餡好足料😚😚西洋菜鮮肉餃亦係一樣好足料好鮮味😋餃皮好薄，味道剛剛好～我一個人已經食左8隻🤪準備再encore!五色素菜餃絕對好岩素食者🥕🥗估唔到個菜餡咁鮮甜！第2個驚喜位😎總括嚟講，價錢都係$46-52蚊磅 絕對係CP值高！

秋風起，又係打邊爐嘅季節啦，是日去住係元朗嘅朋友屋企聚舊，點都要幫手買d 野，我就提議試下新開嘅「包餃掂」。小店位於元朗又新街，標榜用新鮮豬肉，淥五分鐘就食得，有多款選擇，好似鮮肉小雲吞，韮菜鮮肉，白菜鮮肉，西洋菜鮮肉，泡菜鮮肉，蓮藕木耳鮮肉，粟米鮮肉，冬菇馬蹄鮮肉，廣東鮮蝦雲吞，極上水餃皇，沙嗲金菇牛肉，鮮粟米牛肉，南瓜什菌鮮肉，以及田園羅漢齋，價錢由$30-$52/磅不等。餃子皮厚薄適中，食落有煙韌感，每一隻都脹卜卜，餡料多得黎又唔會爆餡，食落肥豬肉比例亦唔算多，醃料無咩味精，相對平時係街到食到嘅健康。西洋菜鮮肉餃：相對清淡，西洋菜清甜，配埋輕輕醃過嘅豬肉，味道新鮮可口。粟米鮮肉餃：粟米配豬肉嘅餃子一向都係我至愛，香甜嘅粟米配上輕輕醃過嘅豬肉，啖啖滋味。南瓜什菌鮮肉餃：呢款餃有南瓜，什菌同埋鮮肉，組合較為新穎，菇味香濃，香甜嘅南瓜配上鮮肉，極有層次感。廣東鮮蝦雲吞：雲吞入面真係有大大隻鮮蝦，食落爽口彈牙，非常出色。極上水餃皇：餡料有蝦、冬菇絲、筍同木耳絲，非常足料。下次試埋佢地其他款式先。

📍 包餃掂元朗又新街38號恆富大廈地下6B號舖手工野永遠唔能夠用機械取代，所以我就好鍾意手作元朗包餃掂係屬於全人手包製嘅餃子餃子味道仲好有特色 買完可以帶返屋企慢慢品嚐 🥟佢地既款式包括有：西洋菜鮮肉、韭菜鮮肉、泡菜鮮肉、廣東鮮蝦雲吞、南瓜雜菌鮮肉餃、沙爹金菇牛肉餃等等因為口味配搭特別，我就每樣揀左幾粒～一次可以滿足哂我既願望laaaaa~而且每款都好有驚喜 餃子皮厚薄適中👍🏻薄中更帶點煙韌感.餃子菜肉比例平衡！豬肉餡夠juicy 咬到入面啲肉汁爆出黎 🤩🤩 呢度店舖細細但竟然係臥虎藏龍 推介推介！！

/新鮮制作•手工餃子📣📣今日專程出到元朗/去尋找呢間朋友介紹新開業冇幾耐嘅餃子既飲子店☝🏻呢到既餃子每粒都係老闆新鮮係廚房度包出嚟/每朝四點就開工架啦👍🏻廣東鮮蝦雲吞雲吞大大粒/食落蝦肉好爽口🥰d豬肉亦都好鮮味！正呀♥️我發現呢間鋪頭每款既餃字都有唔同嘅包法😝好有小時候媽媽包水餃既感覺呀！冬菇馬蹄鮮蝦餃呢隻餃好特別/老闆無將馬蹄同冬菇切到好細粒/每啖咬落去都有唔同嘅口感👍🏻呢個真心推介南瓜雜菌鮮蝦餃呢隻餃子我幫咗寶貝女order.呀女食到停唔到口/平時雪藏餃子佢冇乜點食㗎！新鮮肉就食.真係吃貨妹妹🧍‍♀️原來南瓜同埋雜菌都幾夾有小朋友既你地/不坊買啲返去試吓啦👍🏻泡菜鮮肉餃泡菜控可以試吓佢哋嘅泡菜餃/食落又唔會得個死辣/食到泡菜又食到鮮肉既甜味😂真係幾唔錯沙嗲金菇牛肉餃最後我哋叫咗呢個沙嗲金菇牛肉餃/聽個名都好少見 呢到係用騸牯牛去製作👍🏻 食落去牛肉味好香濃♥️整體來講呢度嘅餃子真係幾好食無太多嘅味精亦都唔會太重口味大家有興趣不妨落去買啲試吓啦📣📣📣📣📣📣▶️好味程度😋4/5▶️環境⭐️4.2/5▶️服務4.8/5▶️回頭率5/5📍 包餃掂 (元朗)元朗又新街38號恆富大廈地下6B號舖

路過見到啲餃子幾靚仔☺️忍唔住買咗少少試吓，味道有10幾款，啱晒一家人，個個唔同口味！加埋試左五六款，整體感覺都非常唔錯。我最鍾意沙嗲金菇牛肉餃，食落去牛肉超香滑✨✨超級軟身，食到尾仲咬到金菇，金菇剪碎了，方便進食😃媽咪都話啲牛好香，價錢都唔貴。芝士鮮肉餃同樣好正，咬落去真係見到一大pat芝士，芝士鹹香同豬肉混合之後好正！鮮蝦雲吞都好出色，入面真係包住一隻蝦😌用了十足，煮熟咗之後唔會好多油流晒出嚟，感覺健康好食。仲有泡菜鮮肉餃，咬落去泡菜醬汁味香濃，餡料好大件，但唔會成舊泡菜，冇呃秤就最好😃

有時都想偷懶唔煮飯，又想食得有營養又健康，快規靚正？朋友介紹我買每日新鮮即包，用上新鮮豬肉，而且款式非常多又創新的餃子。總並共14 款，大部分價錢 由46 起好抵食。不斷更新，有田園羅漢素，韭菜豬肉 ，泡菜豬肉 $52 西洋菜鮮肉，冬菇馬蹄鮮肉，粟米鮮肉，芝士鮮肉，鮮肉小雲吞，廣東鮮蝦雲吞我就買咗五款返屋企洗條菜，一齊煮就食得啦最令人驚喜就係芝士鮮肉，每咬開一口都有濃濃芝士 同豬肉好夾 味。泡菜豬肉辣辣地一口氣食左5 粒。廣東鮮蝦雲吞細細粒入面好大牙嘅鮮蝦。下次都一定再幫襯。

💖屋企人早餐最鍾意食水餃🥟同雲吞，今日經過又新街見到新開左🆕鋪，專賣手工餃子同雲吞，感興趣嘅都買左半磅返去試下～1⃣️廣東鮮蝦雲吞🦐 💖雲吞皮係我鍾意嘅感覺！薄得黎又滑，包住大大隻爽口嘅蝦，仲有豬肉餡，再煮完河粉就係茶餐廳標配雲吞河🤤。2⃣️芝士鮮肉餃🧀💖煮完之後芝士唔會變溶同流質，食落口感香軟🤤。我幾鍾意佢地嘅餃子皮，唔會太厚身、好似食麵粉咁🤣。3⃣️鮮肉小雲吞🐷💖呢款就係豬肉雲吞，外皮同樣薄話，內餡幾足。4⃣️沙爹金菇牛肉餃🐂 💖幾驚喜，牛肉味濃郁又鮮，配上沙爹微辣開胃，仲有滑溜嘅金針菇🍄。5⃣️鮮粟米牛肉餃🌽 💖呢個嘅牛肉一樣高質，搭配粒粒粟米。6⃣️泡菜鮮肉餃🌶️💖食落味道會辣但唔嗆，幾開胃。爽脆嘅泡菜配上豬肉好好味，感覺做煎餃都唔錯！💖佢地原料用即日新鮮食材，再手工捏製🤌🏻，係屋企嘅味道🤤！

是日去朋友屋企打邊爐，總唔可以兩手空空，咁啱經過見到有間手包餃子店，買返啲黎打邊爐就啱晒啦。呢度有好多款餃子可以選擇，相同價錢嘅仲可以自由配搭，啱晒有選擇困難症嘅我，可以買多幾款試下。冬菇馬蹄鮮肉餃 :一咬落去已經散發出好香嘅冬菇味，配埋爽口嘅馬蹄，特別好味。鮮肉小雲吞 :老闆特別推薦呢款小雲吞，食落好鮮甜，細細粒一啖一粒非常方便。南瓜雜菌鮮肉餃 :第一次食咁樣嘅配搭，微甜嘅南瓜配上豬肉，味道好有層次。廣東鮮蝦雲吞 & 極上水餃皇 :雲吞大大粒，鮮蝦食落新鮮彈牙；水餃餡料有鮮蝦、冬菇絲、筍、木耳絲等等，大大隻好滿足。