影片
2022-10-23
40 瀏覽
聽街坊講開左新餃子店，特登過黎街市呢邊搵下，一向鍾意食餃子嘛，整啲試下佢先。地點唔難搵，在又新街街市前少少，呢條街都好多菜檔豬肉檔咁，平時都會黎呢邊買餸。睇睇水牌，真係有好多款鮮見嘅口味喎，不過個餃子櫃好似賣得七七八八。問下老闆，佢話每款口味大約每日包三千隻🥟，賣晒就無啦，星期五六日特別好賣，好多中午已經賣晒。最後揀左泡菜鮮肉、蓮藕木耳鮮肉、冬菇馬碲鮮肉、惠州梅菜鮮肉、西洋菜鮮肉，總共夾埋一磅半。本身想放湯煮，但屋企人話想食煎餃😗，咁就開爐煎啦，放煎爐落少少水，水乾就熟啦好方便。原來一磅半🥟煎起上黎好大盤，香噴噴正呀。因為全部撈埋一齊煎，食個陣好似開盲盒好有驚喜，哈哈😆泡菜微微辣帶少少酸味，蓮藕一粒粒有咬口，馬碲爽口，梅菜鹹鹹地好似食緊梅菜肉餅咁，西洋菜水嫩香口，咁多款口味各有各特式，好難揀話邊款最愛喎。好快就比人食晒…下次黎都係一次揀幾款撈亂食先😋
地點唔難搵，在又新街街市前少少，呢條街都好多菜檔豬肉檔咁，平時都會黎呢邊買餸。
睇睇水牌，真係有好多款鮮見嘅口味喎，不過個餃子櫃好似賣得七七八八。
問下老闆，佢話每款口味大約每日包三千隻🥟，賣晒就無啦，星期五六日特別好賣，好多中午已經賣晒。
最後揀左泡菜鮮肉、蓮藕木耳鮮肉、冬菇馬碲鮮肉、惠州梅菜鮮肉、西洋菜鮮肉，總共夾埋一磅半。
本身想放湯煮，但屋企人話想食煎餃😗，咁就開爐煎啦，放煎爐落少少水，水乾就熟啦好方便。
原來一磅半🥟煎起上黎好大盤，香噴噴正呀。
因為全部撈埋一齊煎，食個陣好似開盲盒好有驚喜，哈哈😆泡菜微微辣帶少少酸味，蓮藕一粒粒有咬口，馬碲爽口，梅菜鹹鹹地好似食緊梅菜肉餅咁，西洋菜水嫩香口，咁多款口味各有各特式，好難揀話邊款最愛喎。
好快就比人食晒…下次黎都係一次揀幾款撈亂食先😋
張貼
