影片
電話號碼
27919887
開飯介紹
酒家座落設計獨特又搶眼的紅屋建築，自設魚缸供應活海鮮，二樓有多間海景貴賓房，與親朋聚會、舉辦生日壽宴也合適。
繼續閱讀
獎項殊榮
米芝蓮一星餐廳 (2015-18)
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
食評 (248)
誰說二人不能吃海鮮？誰說去西貢一定在週末？第一次平日的黃昏來到「勝記」，身旁的日本女友被「勝記」的燈籠迷倒了，更用上 Elegant 來讚美 。夜色下，燈籠與小燈泡確實將「勝記」的味道提升了。我們選擇坐到戶外大樹旁的餐桌，開展兩位女士的浪漫海鮮夜！當晚天公做美，而食物、環境、服務和氛圍都一樣讚，也一洗日本女友多年前在西貢食海鮮的印象！率先送來的小食拼盤有脆皮滑豆腐和西貢墨魚餅。香脆附味的豆腐皮與滑溜內層的一剛一柔拼合，正是脆皮滑豆腐人見人讚的一面，並非浪得虛名。而墨魚香氣豐厚、口感彈牙的西貢墨魚餅，我認為是邪惡中不能抗拒的誘惑，邊吃邊呷啤酒，真是一流。花雕酒醉瀨尿蝦不單擁有酒香，同時也能展現瀨尿蝦的鮮甜，細嫩的肉質帶有平衡的酒香，可見廚師拿捏的功力。而預先去除蝦殼的細心，讓不太習慣吃瀨尿蝦的外國人，也不會難於處理。預先隔除魚骨的蕃茄薯仔木瓜煲魚湯，味道清新細甜、帶有淡淡魚香，開胃舒暢！椒鹽鮮鮑魚採用大連鮑魚製作，做到表面微脆、肉質嫩彈，加上恰好的焦香惹味，的確無損鮑魚的吸引力！扇貝通常配以蒜蓉粉絲來蒸，而「勝記」的紅酒糟粉絲蒸鮮元貝，則以獨特的紅酒糟搭配，為扇貝添上鮮艷色澤，更有著酒糟豐富的層次與香氣，十分美味！上述菜式不但令兩位女士感到滿足，同時也產生飽意，可是泰式糟池鮮蝦伴香苗的糟池汁實在太滋味，不得不以白飯拌吃！上網一查，原來㤗式糟池是紅咖喱、椰奶、香茅和黃薑煮成的醬汁，輕辣重香帶甜，老少鹹宜！正當我們享受薑汁炒芥蘭之際，前方空地有幾位外籍朋友在做運動，彷彿在暗示我倆飽餐一頓後，記得要多做運動，Yes Sir！最後，還有「勝記」自家製作的桂花糕和益力多糕作甜品一切很美、只因有你！溫馨提示：以上菜式包含「勝記」的招牌菜，可按照喜好和人數寫菜單，不過記得要提前預訂啊！
繼續閱讀
2259 瀏覽
想當年拍拖的時候，來過西貢食海鮮不知多少次，後來遊客愈來愈多，坊間收到的評論是西貢是遊客去的地方，收遊客的價錢，對本地人來說性價比低，於是乎大家改去了布袋澳村、香港仔魚市場或其他遊客少到的地方。今日幸得朋友相約，在「勝記」吃了一餐既富創意亦有質素的海鮮，擺盤亦有美感，令我對西貢市中心的海鮮飯店又再改觀了！我們預先寫菜，一般會比較好，飯店可以預先準備食材。這一餐我最欣賞酒糟蒸開邊龍蝦、秘製斑⾺瀨尿蝦皇及⾦不換炒貴妃蚌，創意菜式令我嘆為觀止，而且似乎是複雜的香辛材料，份量恰到好處，並沒有蓋過海鮮的原味。涼拌蟶子皇蘇格蘭大蟶子新鮮上乘，非常爽口鮮甜，麻油味香，灑上白芝麻，更預先為我們起了肉，吃得方便。脆皮滑豆腐配避風塘酥炸茄子香口惹味，不油膩。豆腐外脆內嫩，全身灑上椒鹽。避風塘蒜粒香辣好吃，酥炸茄子本身不辣、只有酥脆，我們不喜歡吃辣的朋友也可以吃。蕃茄薯仔木瓜煲魚湯即日熬煮，湯濃郁，蕃茄薯仔木瓜混合提味的同時、令對魚腥味敏感的朋友也不會覺得有問題。金不換炒桂花蚌處理得出色，金不換味很香，添上辣椒及金不換，成功令到層次豐富，但沒有蓋過桂花蚌的鮮爽味道。酒糟蒸開邊龍蝦真令人佩服的創意配搭，「勝記」真的夠勇！若非具豐富的烹調知識實在不能！意想不到酒糟蒸龍蝦，竟然可以如此合拍！酒糟加了蝦米烹調，令醬汁味道鮮美，卻又別於外表，調至恰到好處，沒有影響龍蝦鮮味細緻的口感及味道。從來未吃過火紅色的龍蝦菜式，一試難忘！辣酒煮海花螺愈煮愈辣的花螺，辣酒煮花螺不辣不好吃！但其實食花螺的時候只會覺得香，入口並沒有過辣的刺激，除非飲埋湯汁或蘸辣椒醬吃，蘸完辣醬再蘸甜醬，滋味無比！秘製斑馬瀨尿蝦皇原來食瀨尿蝦可以無需剝殼，因為炸得夠通透，不過我們一眾淑女，還是喜歡用刀叉撥走多少蝦殼吃肉，男士們就喜歡原個吃！海花甲蝦湯浸豆胚以海花甲及鮮蝦熬出來的海鮮湯煮豆胚，鮮美無比，湯汁也被我們清碟。薑粒炒飯我們要求不辣的炒飯，店方就做了這個簡而美的薑粒炒飯，就只有薑粒、青蔥及菜粒，每粒飯都被蛋汁包着，再加上夠鑊氣，簡單就是美！桂花糕與益力多糕聞名10多年的益力多糕，的確美味！
繼續閱讀
每次入西貢必做既事一定係食海鮮，絕不能空肚而回.ᐟ 屋企人對海鮮都有啲要求，今次食完「勝記海鮮酒家」都讚不絕口👍🏻 原來勝記曾連續4年榮獲米芝蓮一星🌟 以新鮮海鮮及特別烹飪方法炮製菜式，只有呢度先食到既獨特風味😍，真係勁正.ᐟ 勝記空間寬敞，坐擁整座建築物超有氣勢😎 裝潢古色古香，流露典雅中式氛圍，餐廳更設有多間帶有露台既獨立VIP貴賓房，私隱度夠高，聽講好多名人都會黎捧場🤭❝ 小食拼盤 ❞即日起至2025年2月28日，follow 勝記 @singkeesk 即送小食拼盤一份❗️拼盤包左兩款小食：避風塘脆金磚﹑西貢墨魚餅，兩款都係必食招牌小食🌟 脆皮豆腐炸至外脆內軟，入口非常滑溜，搭配避風塘做法非常惹味.ᐟ 墨魚餅更有驚喜😍 帶有墨魚粒同馬蹄，入口彈牙同時帶有清脆口感👍🏻❝ 涼拌蟶子皇 ❞平時蟶子多數都係熱食，今次試下餐廳既涼拌做法😍 由於製作需時，想食既朋友記得提早一日預訂❇️ 蟶子肉嫩肥厚，份量超多，灼熟後再加入特製醬汁調味，味道酸酸甜甜，清新開胃😋 ❝ 椒鹽鮮鮑魚 ❞推介必食🌟 鮑魚一定要食椒鹽先夠惹味🤤 鮑魚新鮮彈牙，用左一層薄薄既椒鹽炸漿包住，微脆焦香，再添上炸蒜，大有驚喜❗️❝ 生焗啤酒尿蝦 ❞原個大煲新鮮熱辣辣送上🔥 非常霸氣✨ 瀬尿蝦size超巨型，目測有6至7吋咁長，食落啖啖肉😍 以啤酒浸透瀬尿蝦，每啖都充滿酒香，再用薑蔥胡椒生焗，令人回味無窮😋❝ 糟池汁龍蝦配脆米粉 ❞推介必點🌟 唔想食龍蝦伊麵咁悶，可以試下勝記既泰式食法.ᐟ 原隻龍蝦份量十足🦞 肉質爽彈，以泰式糟池汁調味好有特色，味道似係紅咖哩味道帶有椰香🥘 濃郁惹味.ᐟ 另外脆米粉同樣出色，炸得酥脆可口，入口輕盈，沾上糟池汁更加香口🤤❝ 自家製糕點 ❞最後餐廳送上兩件糕點😍 桂花糕賣相好靚，而益力多糕都係第一次食，估唔到咁好味，真係有驚喜✨
繼續閱讀
約埋班friend食海鮮最爽！老字號勝記拎足5年米芝蓮一星，價錢合理質素，哩度仲歡迎寵物添🐈樓面每位哥仔阿姐都好好傾！睇吓我地叫咗幾多野食黄金脆皮滑豆腐外脆內嫩，個皮薄到會發光！花甲牛肉羹超足料，每啖都食到鮮甜花甲。最驚喜係花雕醉瀨尿蝦，酒香唔會搶哂味，蝦肉爽甜到彈牙，我仲飲哂碟上花雕添🤣椒鹽鮑魚擺盤精美，外層椒鹽味濃又脆脆地，咬落非常煙韌彈性👍真心冇得輸！泰式糟炒龍蝦鉗配脆米粉，第一次食係哩種泰式煮法👍有創意；龍蝦當然啖啖肉，酸辣醬汁撈脆米口感正到爆！蒜蓉粉絲蒸扇貝簡單但鮮味十足，粉絲索晒精華。條海斑煮得啱啱好，魚肉嫩滑冇土味。 酸甜適中咕嚕肉必叫清湯雲耳浸時蔬，個湯底超甜。仲有必叫瑤柱蛋白炒飯，乾身有鑊氣，瑤柱絲多到似唔使錢咁🤣甜品喺益力多糕同柚子糕🌿清新又解膩。咁多野食人均$700左右，我地覺得超值👍
繼續閱讀
多年老字號名店，今日一試，價錢雖然唔算特別平，但物有所值。花雕酒醉瀨尿蝦，大大隻啖啖肉，蝦肉本身鮮甜細嫩，再加上花雕酒嘅香味完美襯托，齒頰留香～蝦肉上仲有爽口西芹粒添口感。泰式糟池龍蝦伴脆米粉，創新又美味嘅一道菜式。彈牙龍蝦肉以帶椰香且微辣嘅泰式醬汁烹煮，非常惹味。脆米粉蘸上泰式醬汁，好食。椒鹽鮑魚，呢度菜式係原來佢哋首創。擺盤靚～鮑魚肥美彈牙，椒鹽方式煮更加香口。西湖花甲牛肉羹，有免治牛肉、蛋白、豆腐、冬菇，仲有好多花甲肉，用料十足。蒜蓉粉絲蒸扇貝，扇貝火候剛好，粉絲配上蒜蓉，冇得輸～脆皮滑豆腐，我向來超級喜愛嘅菜式，外脆內嫩，想食完一件又一件。仲有紅燒游水海斑、菠蘿脆皮咕嚕肉、瑤柱蛋白炒飯、清湯雲耳浸時蔬，好滿足。最後自家製糕點有益力多糕同柚子糕，平時好少食到，味道非常好。
繼續閱讀