勇記海南雞

營業中

休息中

話說在網上睇到勇記海南雞，咁咪揸架車去試吓囉！點知搵搵唔到！都係要買外賣第一次去好彩早咋，都要買到三峽返屋企試過真係返尋味，第二次佢傍晚嚟咋嘛諗住買一隻雞返嚟點知事頭婆話要起碼等個半鐘喎咁就算吧啦！但係真係好鬼好食！冇辦法啦好食就要排隊！希望下次唔使排咁耐啦！你雞又咁滑！飯有咁好味！都係老闆誠意之作。

昨晚6點經過，見咁多人排隊今日下午我又經過，是日下午2點開檔咁啱我1點50分經過，星期日唔開，我排外賣舖頭好細，分兩條龍，一條排堂食，另一條排外賣堂食 - 已有10幾人排外賣 - 我排第四外賣 - 2點15分才開始售賣。但輪到我已是2點半第了5分鐘，有得拎半隻雞回家打開，好細隻。只是雞滑，雞無味，無質感。一啲唔平。何時可返大陸食雞?唔知飯有無油香自無興趣再試聽聞東張西望有報導過這間海南雞如食海南雞，我推介海防道熟食中心 - 文記。雞唔錯 飯有椰油香味

搬鋪前曾經堂食過一次，確實係👍🏼👍🏼，充滿黃油光澤嘅雞皮，嫩滑嘅雞肉，確實令人難忘。 今日再有機會一嘗美味嘅招牌泰式海南雞飯⋯⋯好開心。一點鐘到咗，先知道因為反應太好，令到小店不勝負荷，營業時間改在下午三時開始😱反正未肚餓，走去黃埔打個轉2:40左右折返⋯⋯點知道已經有長長人龍，分左右兩邊堂食與外賣，美味嘅招牌🐔確實引來唔少區外客。餐牌內有部份美食暫停供應，原因係太多客人追捧海南雞，老闆為了照顧客人需要，唯有刪走其他食物 🥺椰子雞湯依舊好味泰式海南雞飯好好味😋剛好今日分到近雞髀位嘅海南雞，好嫩滑。因為太肚餓加多個魚餅，坦白講味道一般，不過不失⋯⋯因為太好食再外賣半隻，晚上與家人再享用，雖然一日兩餐都係🐓🐓但一D唔會覺得悶。喜歡食佢哋啲雞，最重要係因為一啲味精都冇，食完唔口渴，相信呢個就係佢地口碑咁好嘅原因 👍🏼👍🏼👍🏼👍🏼唯一可惜嘅就係，本來佢仲有其他好味嘅食物但因為名氣大咗，多咗其他區外人來食，令到佢哋應接不暇，仲要改埋營業時間 🥺 呢啲就係出名惹來的後果啦⋯⋯

通常一有人介紹就變多人。。而家連lunch都唔做，15:00才營業，為有收工去買，仲要到店買，唔可以電話order講就講等半個鐘，實際上係等成個鐘，如果唔等得就慎重考慮因為我都等到不耐煩，吹了2次才有天光等到天黑，拿到外賣第一時間返屋企，因為就快餓死，返到去二話不說就開動雞真完全唔肥但都有啫喱效果算係做得好出色。一款醬汁帶微辣，係我係紅磡區內食過最高分的一間皆因返工在附近所以身痕去試下，特登去食就肯定唔會

放工即刻衝黎碰運氣，見到已經阻截左龍，點知店員話廚房點緊雞的數目，可能仲有得食，可以等多陣睇下有冇。點知真係咁好彩，食到最後兩隻。幸運地有雞食，好開心。一場黎到想試多啲野，叫左個二人餐，有墨魚餅同手拍青瓜兩款小食。手拍青瓜一啲都唔辣，少少油，味道合理正常。墨魚餅就有少少失望，個樣有啲頹，而且好油，冇咩特別，味道一般。當日例湯已經冇哂，送花茶，幾香玄米味，飲落好舒服。主角出場!!! 真係好滑好香，連平時唔食雞的我，都食清光！雞皮一啲都唔油，好爽，根本食左都唔知係雞皮。不論雞脾定雞胸都好滑，大推。油飯真心粒粒分明，軟硬適中，咁平食到咁高質素，真係唔洗去酒店食。

 來到近排好紅的海南雞飯店,下午三點開門三點三來到已經大排長龍💦好彩堂食比外賣,排左15分鐘左右就可以入坐,外賣起碼要排大半個鐘🙃(其實堂食的話,四點後來到已經不用排隊😏)招牌去骨泰式海南雞飯/ $52午餐附送的椰子雞湯好香椰子和雞味重點當然是海南雞,雖然無加錢叫全脾但一份雞都有脾有翼有胸可以試哂不同的部位☺️雞的分量很多而且質素好好,有雞味而且肉質非常嫩滑完全不會乾,配搭的油飯因為用了香茅和南疆所以好香但不會太油👍🏼醬料方面因為是泰式海南雞所以不同平時有三款醬,這邊只有一款但已包含平時的三款醬,個人幾鐘意,夠味而且比較方便❤️海南雞椰香喇沙/ $63配去骨海南雞,鹵蛋,芽菜和銀針粉喇沙好香濃椰汁味,不會太,配搭肥嘟嘟的銀針粉口感好煙韌同時又不會像平時麵吸收太多汁變到一pat pat👍🏼海南雞的分量和質素一樣高質💯價錢好抵,質素好好,員工雖然忙但態度都好好,不用排隊又在附近的話真是可以不斷encore😏

🐓勇記海南雞嚟過兩次都買唔到雞飯，第三次嚟終於掹車邊買到個外賣😭排隊嗰陣一直都好緊張，因為店員都答我唔到仲有冇雞賣😵‍💫最後我後邊有個特登過嚟嘅既伯伯都買唔到🥲海南雞飯 $56打開個盒就咁睇一眼都覺得啲雞好食😋用嘅係三黃雞，重雞味雞皮爽脆，有肉汁得來雞又夠嫩滑泰式醬汁好惹味，但勁重蒜味，食完隔咗好耐過後都係嗰浸蒜味🤣雞飯油飯粒粉分明，但唔知係咪因為已經最後個幾碗，啲飯唔乾好硬，食完哽胃咗幾日😭椰子雞湯 送既超級清甜，仲有濃濃嘅雞香同埋椰香味一碗真係唔夠飲，勁想買多碗飲🤫酒店級質素，平民嘅價錢，抵佢哋日日都咁多人排隊希望大家都可以食到勇記海南雞，記得早啲去排隊🤣有時間我都想去一次堂食，希望下次啲飯唔好咁硬🙌🏻

今日👀過米紙YT，專登搭巴士🚌過嚟吃。下午三點左右到，外賣🥡條隊仲長過堂食，一於堂食，排隊半小時就入去⋯⋯係逼d，小店係咁啦。上菜快，我哋乜都叫，只係冇豬手⋯⋯冇問題👍🏽，反正我唔係好想吃的椰子🥥雞湯🥣⋯⋯清甜👍🏽👍🏽👍🏽🎉去骨海南雞油飯⋯⋯唔油嘅飯，雞髀肉滑，連雞皮丶啫喱好滑，醬汁惹味喇沙⋯⋯不會太濃椰漿味，也不太鹹，銀汁粉有驚喜去骨鳳爪⋯⋯清爽，洋蔥🧅配蕃茄粒🍅爽拍青瓜⋯⋯汁醬有少許辣，爽脆口感小食拼盤⋯⋯細細件⋯⋯唔太油膩😄🤣😂😅😃😄

經過米紙加持既小店 每日都排哂長龍係前君悅酒店既廚師主理身為紅磡街坊既我竟然無食過😆實在要趁平日放假去試下係咪真係咁好食因為放工時間去根本唔會買到🥲為確保質素 依家小店連午巿都唔做3:00先開門 3:15開始外賣 真人實測 我已經早左5分鐘落去已經大約大20人排緊🥲最後買飛連拎外賣 歴時一個鐘🙈嗌左半隻招牌去骨海南雞 $90另外仲加左個油飯 $16海南雞食落真係有椰香味 超級滑連雞胸都係好滑 雞皮係彈牙個泰式汁真係一定要點 好惹味 出面食唔到 個油飯粒粒分明 不過外賣始終唔夠熱所以我強烈建議大家去堂食下晝時段唔駛等好耐 又可以再好食啲

廚師Hyatt Hotel出身 盡得五星級酒店真傳 💪雞湯足料無味精 蘿蔔 龍眼 椰子 清甜帶雞香油飯乾身 雞油味濃 帶香茅味 超香超正海南雞用上三黃雞 工序繁複 先浸熟 過冰水 再浸白滷水賣相真係靚到痴線 雞皮超爽脆 肉相當粉嫩 帶白滷水香 味道更豐富 更有層次雞斬到大大件之餘 雞胸位有肉汁 雖然冇北全日雞咁滑 但亦相當高分今次叫左半隻雞 油飯加湯 埋單 $113但$52 海南雞飯套餐 足料之餘份份都靚到可以打咭 唔係講笑 😂食半隻真係相當盡興 絕對會再幫襯 👍

Chicken was very tender and moist. I would rank this among the top five in Hong Kong and probably will see this stall gaining popularity very soon. Definitely will go through the trouble to come to this spot again. But the real highlight is the 牛腩, which is seasonal. Hopefully the chef will cook the 豬手 soon…which is also seasonal

今日放假，一家大細突然想食海南雞飯。專情揸車去食勇記海南雞。原來鋪頭搬咗隔離，今日新鋪頭開張。地方大佐好多。裝修比以前精緻。環境都比其他鋪頭舒服。我1445去到，全場爆滿。好彩仲有雞食，不然白走一趟。雞好滑，配搭d汁更加好食。雖然我唔係一個善於用文字表達，但我對食絕對有要求。我住西貢，都唔食西貢出名果間。我覺得d飯凍，相反勇記d飯好熱好香。配搭d海南雞，我5分鐘就食完。下次放假要再食😍希望可以開多間分店係西貢。我就可以成日食，唔洗揸咁遠車。

要搵好食嘅海南雞，唔係一件容易嘅事嚟架，今次係紅磡小巷入面，原來隱藏住高質海南雞！😍🥡黃金招牌海南雞飯 $53叫得做黃金雞，望落雞皮色水好夠～去皮海南雞，啖啖肉夠方便。本身鐘意食雞胸嘅我，呢個雞胸唔單止滑，仲好入味，唔洗特別配汁，今次仲叫埋秘製麻辣醬，食落胸係另一種感覺，變得更加惹味～油飯上面有幾粒乾蔥，增加咗油飯嘅口感之餘，成碗飯有陣陣嘅香味同椰香味添！仲有小食都好推薦架，例如係泰式無骨鳳爪同蝦餅，成餐加埋簡直係懶人好味首選！

好好味，地方雖小，食物質素高！推介海南雞飯，冇乜地方食到咁正！湯都好好飲，亦都可以試吓海南雞喇沙，唔算太辣，啱我口味，仲有辣鳳爪，整體好入味，老闆娘好有禮貌，仲好靚女👍🏻👍🏻😁

本身好中意食海南雞,已經試左好多間最近睇FB關注海南雞群組,得知勇記海南雞,當然要美食家出動決定黎試一試,都幾意想不到海南雞飯有驚喜,雞好嫩滑而且好入味同咪皮都好爽至於飯方面,有小小椰香味,飯粒粒幾分明,飯上面仲有亁蔥頭,好香食落口感更加好而且都幾大份下,$50黎講都算好抵食朋友叫左喇沙米線, 配料有魚片,豆卜同蝦球,都係呢D普通野啦但湯底好正呀,好香椰香味同好滑,感覺好似飲湯愛健康既我都忍唔入住飲灑D湯啦,哈哈至於環境方面,都比較細,比起大餐廳,當然呢度係坐得無咁舒服但有人情味,老闆娘好好傾,招呼好周到而且好乾淨,最緊要乾淨所以好值得再幫襯,感覺良好本身好中意食海南雞,已經試左好多間最近睇FB關注海南雞群組,得知勇記海南雞,當然要美食家出動決定黎試一試,都幾意想不到海南雞飯有驚喜,雞好嫩滑而且好入味同咪皮都好爽至於飯方面,有小小椰香味,飯粒粒幾分明,飯上面仲有亁蔥頭,好香食落口感更加好而且都幾大份下,$50黎講都算好抵食朋友叫左喇沙米線, 配料有魚片,豆卜同蝦球,都係呢D普通野啦但湯底好正呀,好香椰香味同好滑,感覺好似飲湯愛健康既我都忍唔入住飲灑D湯啦,哈哈至於環境方面,都比較細,比