影片
以上資料只供參考, 請與餐廳確認詳情
在紅磡的日式餃子小店，fusion了中式雞湯麵的做法，簡單的吃，正好配合我們吃完去看演唱會的時間。湯餃套餐配雞湯麵，轉了米線。湯餃口感柔滑，椰菜豬肉餃清新爽口，搭配大蔥牛肉餃的牛肉濃香，令人滿足。米線吸收了雞湯的精華，湯頭濃郁，讓整體風味更上一層樓，適合喜愛湯品的食客。煎餃套餐配雞湯麵，選了拉麵。煎餃外皮脆，裡面保留肉汁，韭菜豬肉餃的韭菜香氣四溢，豬肉新鮮爽口。黑松露粟米豬肉餃則帶來意想不到的奢華香氣，還有粟米的香甜味道，非常好味。搭配拉麵爽口彈滑，雞湯都喝光光。涼拌日本山藥，日本山藥清爽帶點黏液的口感，又爽又滑，搭配wasabi和醬油，不僅清淡健康，還能有效開胃，是炎熱天氣中的極佳選擇。噌係大根，蘿蔔非常新鮮無渣，炆得夠淋又入味，羅馬香甜與噌汁的鹹香相互交融，十分開胃。整體來說，這是值得一試的日式餃子小店，小食是意想不到的好吃呢！雞湯麵配餃子，是平凡中的不平凡啊！
繼續閱讀
黃埔真係有好多寶藏餐廳例如呢間餃子店 門面幾靚有啲日式嘅感覺長期都有唔少人排隊 人流不絕今次終於比我食到 地鐵站行過嚟幾分鐘就到先講結論：好食！高評價餃子店個人最喜歡的口味 1.鮮蝦帶子豬肉 / 黑松露粟米豬肉 （好似幾重本，整個配搭有層次，真心好食平時少見）2.芝士辣雞餃 （唔會太辣，仲有芝士拉絲平衡一下，好惹味）3.韭菜豬肉餃 （傳統口味一定好食，餡料好新鮮）湯餃最緊要係個湯 佢哋嘅雞湯係每日新鮮煲 雞骨雞腳仲有哈密瓜 火候夠 入口有種微甜 飲得好舒服聽人講好多時候加咗「手工」就會貴好多但係呢間手工餃子店 價錢又幾合理幾十蚊一碗 選擇又多而且口味比較有驚喜 有幾款套餐 湯餃和煎餃 仲可以另外再加配麵兩個人揀咗幾款食物share飲品方面，有幾款自家製飲品都唔錯我就揀咗金羅漢果白茶 仲要係罐裝 飲完好似真係冇咁熱氣 另外蘋果雪梨茶都幾正亦有自助茶水服務 亦有紙巾供應 （重點係佢哋嘅自製辣菜脯 好食到我哋買咗一罐）口感好爽 值得一試 （落單時 可以揀埋 可以配餃子食，唔使加錢）相信店主應該真係好鍾意日本料理噌係大根類似日本關東煮的大根蘿蔔 雞湯好入味而且大根完全冇渣餃子套餐可以加購麵食 麻辣雞絲拌麵 +30份量超多 仲有雞絲和麻辣醬 仲可以唔同面質最後啲湯真係飲晒
繼續閱讀
我唔否認因為依個舖頭名好搞笑而吸引我入去幫襯佢🤣一打開門～見到好多公仔擺設 同埋店員超級親切既招呼 已經覺得好有屋企既感覺🥹必須必須要極力推薦大家一定要加辣菜脯！！第一次見到係一塊塊既菜脯～而唔係一粒粒食落首先feel到蘿蔔既清甜～然後就feel到少少麻辣再加上好香既瑤柱🤩所有味道夾埋一齊好好味😝我當佢係餐前小食咁啪左一大碟😋湯餃套餐 $55我揀左6隻香蔥豬肉餃～湯底飲到好重既胡蘿蔔味～好好味 有住家湯既感覺😋一咬開大爆餡！香蔥既獨有香氣加埋爽嫩既豬肉味道好fresh😋涼拌山藥好好味～個汁有啲似日式嘅甜豉油如果想食重口味少少可以加埋佢放側邊既Wasabi～撈埋一齊個味好過癮！！煎餃套餐（6隻） $46芝士辣雞餃 食落真係好辣但係好惹味～同食緊韓式炒辣雞無分別🥵建議食得辣先好叫～店員有個小貼士🤭如果加埋青檸汁一齊食感覺就會解辣又解膩～韭菜豬肉餃韭菜味超級香🤩重口味人士一定要叫整體感覺好唔錯 如果經過開一定會再食🥳個人認為如果自助醬料區唔係放係吧枱中間既話感覺會再方便啲～
繼續閱讀
同fd搵食搵到間超隱世餃子神店！一試直接列入「人生餃子榜」TOP 3✨ 1）今次試咗兩款招牌——白菜豬肉餃同黑松露豬肉餃，真心冇得輸！白菜豬肉餃爆汁鮮甜，肉馅醃得啱啱好，食落完全係新鮮手作感🤓🤓2）黑松露款就更犯規，一上枱松露香攻鼻，入口濃郁但唔會搶晒鏡，同豬肉夾到裂開🤤仲要狂推佢哋嘅雞湯！飲第一啖就知冇落味精，清甜到飲完成個胃暖笠笠，好似阿媽煲嘅感覺（但阿媽冇咁好心機😂）！煎餃方面，外表金黃脆卜卜，咬落去內餡keep住juicy，最正係個造型圓碌碌超IG-able，同普通餃子店完全唔同level～環境方面走日系木調風，坐得超舒服！重點係每張枱都有部平板俾你邊食邊煲劇，仲要連筷子托都係迷你餃子造型，細節控表示極度舒適❤️ 整體嚟講，9.5/10高分推薦，扣0.5分純粹因為...食完會掛住個味道忍唔住encore，個銀包頂唔順啊！
繼續閱讀
小店裝修有特色，勁多餃子公仔，長期爆滿，超正！「夏日限定」涼拌話梅苦瓜：入口梅香清新，帶微酸，尾段微苦卻清爽解膩。山葵八爪魚：八爪魚爽彈，山葵微嗆開胃。麻藥溏心蛋：蛋黃半熟滑溜，調味入味但不會過鹹。胡麻醬拌拉麵：麻醬香濃，麵條彈牙爽口。花膠雞絲湯麵：雞湯濃郁厚實，花膠大塊啖啖爽滑，雞絲配扁麵更能吸湯。煎大蔥牛肉餃 & 煎黑松露豬肉餃：外皮香脆，餡料新鮮。牛肉帶蔥香，豬肉則混有粟米同黑松露，香氣濃郁，口感突出。大葉雞肉餃 & 鮮蝦帶子餃（湯餃）：餃子飽滿多汁，紫蘇葉襯托雞肉帶清新感；鮮蝦帶子鮮味突出，層次明顯。煎朱古力餃：甜點驚喜，外皮脆口，內餡朱古力香濃柔滑，甜而不膩，有點似鼎泰豐朱古力小籠包，但更香脆。自家製凍蔘蘋果雪梨水 & 凍青檸薏米水：甜度適中，果香清爽，解渴。
繼續閱讀