加東叻沙蝦麵

營業中

休息中

我一想食叻沙就一定係嚟呢間食，今日可能天氣唔太好，所以無咩人排隊，一嚟就有位啦。呢度都有幾多種麵同飯揀，但我每次無論點睇個餐牌都好似有盲點咁，眼中只睇到2號正宗叻沙！ 呢度嘅叻沙麵底可選瀨粉／米粉／油麵，而我今次就選兩溝－瀨粉＋米粉。 鍾意食呢度嘅叻沙因為湯底夠濃夠鮮甜，又辣辣哋好惹味。湯底係椰奶咖喱湯，配料有鮮蝦、魚片、豆芽、豆卜、半隻蛋、獅蚶。今日嘅蝦都幾爽口新鮮，芽菜就少咗D。獅蚶食落去真係好鮮甜，今次獅蚶有3-4粒，有時好彩會多一兩粒食吓嘅！不過就唔係次次D螄蚶都咁飽滿，今次都係得一粒比較大粒同飽滿咋！

服務非常差勁，餐廳服務員有一位年紀較大的人態度奇差。不但沒有禮貌，而且態度惡劣。店內4名員工只顧看賽馬。點了2號正宗叻沙，叻沙一點正宗的味道都沒有，且只有一種麵。只有兩片魚片，蝦只得2-3隻。湯底不濃郁反而好稀。飲品青檸梳打青檸份量極少而且只有梳打水味道中途有人在餐廳內換老鼠藥在餐廳四角。店內唯一好處是無人，可能食物難食所致。但如果要清靜且沒其他客人的話，且不介意食物難食，可以選擇這家。

本人在上環番工, 約了女朋友一齊Lunch, 但點知呢間餐廳就帶比我地一個不愉快的Lunch time. 先不說食物, 服務態度已經很差。一開始有個貌似店長上左年紀的人來Serve我地，係我地點菜既時候已經態度唔好, 好似唔休做咁。因為我第一次來食，所以問下有冇得檬粉轉米線，點知佢又好惡用隻手指督住個MENU咁話"呢個檬粉來嫁! 冇得轉。" 嘩! 我第一次來食, 問下遮, 洗唔洗咁呀。最後女朋友叫左一個正宗叻沙, 我就叫左海南雞飯。 果個海南雞飯D雞都算滑, 飯都OK的。但果個正宗叻沙真係完全唔得。一來個湯好淡, 二來湯入面仲放左獅蚶，但D獅蚶係勁腥的, 食左小小真係唔想食..。最後女朋友食左幾啖之後一齊埋單走了。本來打算係上環試下新加坡菜..點知野食又麻麻, 服務又差...真係冇下次。Blacklist. 

Having some extended family in Singapore and travelling there quite often, I have grown to appreciate their food and just recently coming back from a trip there, I found myself craving for some Laksa. Katong Laksa Prong Mee definitley satisfied my need in the form of a rich prawn laksa that's available as part of their lunch set. The noodles this time were a tad overcooked and broke easily but the soup and the toppings more than made up for it. The egg, especially the egg yolk combined with the

加東叻沙，於上環工作的OL們一定不會感到陌生。 正宗叻沙-有足料螄蚶、蝦、魚片、豆卜、雞蛋、芽菜。熱辣辣的湯頭有香濃椰奶味，當然叻沙味道也非常香濃，令人食不停口，是在香港吃過最合我口味的。 男友叫了一碗特色米暹，醬汁少少酸又帶點兒辣。很有特色，但我們還是較欣賞她的叻沙。

正宗叻沙（$70）之前去馬拉既時候，司令食過幾次laksa，從此以後，司令變到非常鍾意食laksa，但喺香港，司令一直搵唔到好味既laksa！最近，終於比司令搵到間，味道同埋視覺上都非常接近司令之前喺馬拉食既叻沙！ 呢度既正宗叻沙，有蝦、鮮蛤、魚片、豆卜同雞蛋，料都幾足同幾新鮮。而湯係非常之香濃，非常夠味，而且湯帶點稠身，睇得出係有啲料到！呢度既麵係用檬粉嚟取代黃麵米粉，咁樣就少左份膩既感覺，但司令始終鍾意食黃麵米粉多啲喇😂！而且一碗laksa要70蚊，都幾貴下，同埋可能因為係檬粉😩，司令食完覺得唔太飽喇！

喺中環反工想食碗平凡嘅叻沙必試呢間喇沙！已經光顧咗超過十次，一定要寫多食評贊吓佢，次次都保持水準！千其唔好去錯對面嗰間"xx媽媽"呀，認住有人等位果間就係喇。嚟呢都例牌一定叫"正宗喇沙"，喇沙湯底好香椰子味，麵質口感幼滑，好似米粉咁，索晒d湯，豆卜都係，一咬全部都係喇沙湯！真係食極都有，好大碗㗎！

用app叫外賣真係好方便，叫咗碗叻沙同薏米水，15分鐘就到，叻沙係分湯，湯底好好味，味濃而唔會覺得好重味精，蝦新鮮，叻沙夠爽口，果然係招牌菜，薏米水都好飲，唔會太浠，而且都有幾多薏米

修表經過MOLO街突然想食馬拉媽媽，點知去到發覺..執左？！就系無限迷惘的時候發覺對面都有間馬拉菜，于是試下～  經營模式有D似自家經營甘，老闆娘好中意同食客傾計～環境OK冷氣超勁！5點半入座所以沒等位.  豬頸肉叻沙：配既係檬粉？可以轉米粉或者油麵，我就轉左油麵，但係上到來食落發覺個湯底應該配白飯先係最夾～個湯底同平時食得唔一樣，里度既湯底椰奶味重好多，唔辣，感覺接近稀釋的咖喱汁...豬頸肉燒得時間唔多夠，然後我本身唔多食肥野，所以覺得食起身有D肥，只食左兩塊，其他俾曬老公食～😝  10號撈麵：老公話裡面只有一隻蝦再開邊.配既係油麵，老公食落話其實要轉米粉先可以索曬D汁，後悔沒轉米粉～😓仲配左一碗湯？撈汁？沾汁？湯既話太鹹超鹹，撈汁既話，撈麵裡面已經有汁，唔通係沾汁？意義不明...   串燒印象最深.yummy😌由於太重口味了，所以反而覺得沒甘入味的雞肉串最岩我口味，如果唔係太鹹牛肉同豬肉都幾好味架，口感好鬆軟，重點係個沾的醬汁，口感多層次好好味，特別係用配的青瓜沾來食，更顯得它的清甜.強烈建議店家加一道小食：就係青瓜條沾裡個醬汁～超正～   總體來講太鹹，或者海南雞飯會好D?  下

 喜出望外的中午飯 - 正宗叻沙, 想起在新加坡食過的一模一樣。午餐也有其他可選擇, 例如: 飯慕名而來, 沒有失望, 選了正宗叻沙 :蝦切開一半, 魚片美味, 豆卜軟硬適中, 渴底濃洧, 麵的粉量適中剛好。

今日因為工作嚟到呢附近，有人帶路食好野，必試呢邊出名喇沙！因為５點幾６點嚟，所有有好多位，聽聞好多名星如偉仔都成日嚟食 問咗老闆話份量幾多，所以我哋叫咗兩碗３個人食，但最後都食唔晒。我哋叫咗正宗喇沙同特色喇沙， 喇沙湯底好香椰子味，甜甜地，好味，係咁飲晒d湯麵質口感幼滑，好似米粉咁，索晒d湯豆卜都係，一咬全部都係喇沙湯！特色同正宗分別原來就係 『特色多咗兩隻蝦！』隻蝦雖然夠大隻，梅梅地痴晒殼 因為喇沙味太香啦 ～最後食到成身都係喇沙味走人～ Thank you

今日食午飯.行左去公司附近食.諗住呢間冇乜人唔洗等.入左去坐.睇下食乜.因為已經所淨冇幾既食飯時間.本想食出名既加沙.驚熱唔名時間食.咁就叫左個響牆上貼住個特價,咖哩吉列雞扒飯(另有咖哩吉列豬扒飯OR意$62),見到餐牌上有個咖哩豬扒飯$60.咁以為$60蚊果個冇野飲.到伙記黎落單.原來$62.都係冇野飲.都幾貴.心諗.如果好食.都值.先上左一碗仔咖哩汁.再上一碟白飯.最後上埋碟"吉列雞扒".見到個所謂"吉列雞扒"即時想講粗口.只係一碟炸雞粒.冇上麵包糠炸.一碟8舊左右.有兩-三舊雞皮上有幾條炸過既雞毛.雞下面仲有D血水.明顯唔係油.雞肉剛剛熟.最入面仲係少少粉色,我好後悔個電話唔差夠電先出黎食LUNCH.影唔到相.可能我唔應該響一間加沙店食咖哩吉列雞扒飯.但我只係想講.如果咁冇心做飯既.不如專心做加沙吧.不過我已經唔會再去呢一間鋪頭.$62食左碟,連茶記不如既飯.激氣到我本來成日上OPEN RICE都只係睇去邊食飯.都要專登開左ACC黎發洩我既不滿!!!!

難得相約友人短聚，在 加東叻沙食了碗正宗叻沙，湯底香濃，與新加坡的味道很相似，少椰奶味，但帶微辣。用上的不是油麵，而是粗身的米粉，掛汁力很強。材料十足，有蝦肉、魚片、蛋、豆卜和鰤蛤，真的讓我很想念新加坡的叻沙～

今日見完客戶時決定在上環吃我的遲來午餐，忽然想起一直想試的馬來叻沙，終於找了幾條街先找到，入到去大約三時半，只有一兩枱客，我見䬸牌上剩叻沙都有五六款，有海鮮、肉絲、魚旦、魚片,甚至乎牛舌都有，我當然選回正宗地道叻沙，傳統的魚片、蝦和豆卜，可惜沒有雞蛋，不然就更地道南洋風味，老實講為何會用檬粉，我又是吃越南菜？太淋太碎，同我一向吃開的Laksa好不同，我還是愛吃爽口果種。不過湯底的確不錯，正宗叻沙不可缺的獅蚶是靈魂食材，配合濃郁的味道，揶醬同辣味都互相配合。料也不少，分量都算ok, 同出面D連鎖式店比，這裡已正宗，只是魚片硬了少許。PS: 其實我一心來吃laksa,所以沒有叫其他，臨走時竟然見到小儀同金剛帶住成隊crew來拍攝飲食特輯，看來這裡的馬來食品都是有名的。

海南雞飯，飯加左soy sauce or 雞油，朋友話飯好食，但雞麻麻地，帶骨，雞肉portion好細。馬拉盞通菜煲，都幾有鍋氣，馬拉盞幾惹味。沖住蝦麵去食，但呢個蝦麵真系同我在澳洲同星馬食到既差好遠喔，湯底有d雞湯色，蝦味唔夠濃，配料一般，幾塊豬楠肉好似唔系好夾喔。以前食過laksa，印象中系ok正宗既，睇黎以後都系食翻laksa穩陣d。另外，個waiter叔叔，毫無表情，上左碟雞同碗飯，唔記得俾醬油、辣醬。