功德林上海素食 (北京道一號)

營業中

休息中

再次相約了舊公司的一位小伙伴於星期五的晚上在尖沙咀區吃飯，這晚有點不同 - 吃素食! 對我這食肉獸來說，從來沒想過這回事功德林 - 位於北京道一號七樓，擁極緻維港海景，我自己平日都是往樓上的酒樓飲茶。二人套餐$418元，亦可單點其他菜式。吉列黑椒素扒($108): 出奇地有肉感，形，色，香俱備，與真豬扒有80%相似，炸粉香脆不厚，估計素扒也是以雞髀菇，大豆及麵粉等做出來，配以黑椒汁，香口惹味。砂鍋獅子頭($148): 紅燒獅子頭的醬汁濃郁惹味，«獅子頭»賣相幾可亂真，但實情是以什菌打成球狀，有趣有趣。生炒魚片($98): 魚片也者，估計應該也是杏鮑菇之類的菇菌，形狀相類似，但口感和味道均是菇來的，其他菜蔬無須多說，有營健康的一道菜式。木桶豆腐花($58): 這應該不用多介紹，原桶豆腐花非常幼滑，嫩而富豆香，足夠四人以上食用。

七月二日，尖沙咀文化中心有表演及攤位遊戲，全家中午時分來到這邊，本想玩樂一番。誰知，天公不造美～下大雨。唯有沿著隧道，到附近餐廳午餐。北京道一號有几家餐廳，然而為了家人健康，選了素食餐廳～功德林。才12點多，餐廳已有七成滿座了。細看，有華人，白人，中東人，也有和尚呢！和尚應該是茹素的佼佼者了！開了壺鐵觀音，洗過餐具後，一定要嚐嚐這個海苔小花生。豆丁就跑到窗邊欣賞維港靚景及迷你兵團大海報。　砂鍋鹹肉菜飯    豆丁喜歡這個鹹肉菜飯，因為有粉紅色的素鹹肉，味道似午餐肉／火腿。但最重要是鍋內混有青菜。平常豆丁很挑食，對蔬菜就十分抗拒。難得豆丁肯把菜菜都吞下去，點這個砂鍋飯，也算是值得。　　　北京素餃　   豆丁主動提出想要餃子！！！自己本身喜歡餃子，豆丁也喜歡餃子。也許味蕾的記憶可以遺傳！　厚實的餃子皮麵粉味重，而內裡深綠色的餡料有椿菜？白菜? 菜餡没有苦澀味。　一籠六件的素餃，豆丁獨佔三件了！看來豆丁很喜歡餃子呢！　　　水煮魚片  　　　素食應該是没有蔥韮蒜，但辣椒花椒薑等辛溫之物，卻可以加在素食之內。水煮魚片，且看會用上什麼食材吧！　有紅椒，薯粉，蓮藕，唐芹，豆芽，而雪白的魚片，就是片片

其實平時我好少食素食，因為怕好多油同味精，今次朋友帶我去飲茶，lunch試下都還可以。三絲炒冷麵 $88冷麵？以為是凍的，原來個名叫冷麵XD，又識多樣野。一上檯已嗅到香噴噴，令人食指大動。炒得好乾身，一點也不油，原來冷麵好好味，可能有香菇粉調味。2個人可以將一大碟清光光。功德林三併盤$158可以任選3款，有雞絲粉皮、素鵝、脆鱔。雞絲粉皮的醬汁花生醬味偏重有點厚身、素鵝熱騰騰味道不錯。脆鱔其實是冬菇乾，質感跟鱔差不多，相當神似。牛肝菌菠菜生煎包 $48內裡是滿滿的菠菜、牛肝菌，不過兩者味道不算太夾。

忽然想起齋，所以嚟食齋前一天訂枱，當日按預訂時間前來，但餐廳原來沒有做好準備，預留3人枱，只有兩張椅，要自己找其他侍應幫忙加位，從來沒有侍應主動為開蓋的茶壺加水，算吧，就不喝水好了。蜜汁紫菜火腿卷必食個樣真係好火腿，軟軟的火腿配上紫菜，還有甜甜蜜汁，味道好夾糖醋松子黃花魚都有驚喜其實係芋頭魚，用腐皮包着芋頭再炸香，雖然特別，不過入口沒有香脆感。糖醋汁結踢踢，也不太讓人喜歡。叫來幾款食物都食得七七八八，便點了一客甜品--->高力豆沙，下單的人還問我們要不要加香蕉，以為找到個有心店員，點知......等咗20分鐘，唔見個高力豆沙。跟住另一店員問我哋，截單了有冇嘢要加？我哋話高力豆沙未嚟。店員覆我哋，你要叫廚房起甜品......我去幫你哋啦。我又不是一開始點甜品，為何要通知他呢，還是算吧，一場誤會。點知又等咗15分鐘，真係想唔要個甜品，叫埋單走人。一舉手，佢哋話高力豆沙嚟緊，先埋單因收銀要埋數，咁可以理解，無謂左人收工。最後高力豆沙在眼前，一咬成嘴油，同埋無蕉嘅，明明話加蕉，繼續算吧，快點食完離開就好了。D人話食齋要講忍耐力，要心靜，同埋堅持，今晚總於明白了，食齋真係要學 "忍" 。

一直知道呢間野成日都好多人黎食，所以我一早就book定位！當日到左門口，都需要等一陣，係等緊既期間已經拎左本菜單睇定要叫咩食。一打開睇到好多樣菜名都以「肉」為名，如果有人盲中中咁黎食，真係唔知呢度係食素！一坐底就有兜海苔花生，好香，好快食曬！第一道上係咕嚕肉，雖然熱辣辣，但已經忍唔住夾件「肉」黎食，咬左一半黎睇，原來係雞脾菇，口感有少少彈牙，都同真肉口感幾似！味道唔會太酸太甜！伴菜既菠蘿同青椒炒到剛剛好！芙蓉木耳豆苗芙蓉原來係蛋白！木耳夠爽脆！三樣一齊放入口，口感好夾！豆苗份量亦都好多！砂窩獅子頭最期待既終於黎啦！獅子頭大概有4大粒！仲有大白菜一齊悶！獅子頭口感都好似肉，雖然沒有彈牙口感，但咁食好入味，而且啲菜索曬啲味，又淋，好好食。上海粗炒麵呢碟麵味道偏淡，不油膩，用黎送啲餸卻岩岩好！南瓜蟹粉魚翅盅呢碗湯黎到真係以為係有蟹粉係上面，仲要加埋啲假魚翅，真係以假亂真！蟹粉其實係紅蘿蔔粒，飲到好濃郁既南瓜味，加埋「魚翅」，好健康養身既湯！兩個人飲一盅岩岩好，如果唔係就會好飽肚食唔到其他野！

自從開始一星期食5日素以後，openrice 上既收藏餐廳8成以上都變左素食餐廳功德林開左好耐亦有幾間分店但一直未有機會去過，星期六同姊妹行完山就一齊去試左尖沙咀既功德林，一路坐車一路睇食評，所以未到餐廳未睇餐牌都已經有哂心水小菜因為大家都話份量唔大而且我地兩個都好肚餓，所以就叫左兩個前菜兩碟小炒先黎左雞絲粉皮好味啊，不過份量唔多，兩個人夾幾下就清哂再叫左脆鱔，甜甜酸酸正啊又脆卜卜小菜就係獅子球同咕嚕肉獅子球做得好似！但得兩粒....真係多個人都唔知點分.........咕嚕肉都好好味，食完一d都唔濟餐廳上菜快得驚人，服務員都好有禮貌，係一餐滿足又舒適既晚餐，下次要黎試下佢既素點心先

旅居美國嘅家姐同外籍姐夫，正值回港度假，姐夫絕少食中菜，楂筷子嘅樣子好可愛兼攪笑。 同媽媽商量，都係帶佢去見識多方面中菜，今次重係無肉嘅素食中菜呢！一家人陪佢去到尖沙嘴shopping完，就上去北京道嘅功德林醫肚，侍應帶領我地到一個臨近海景位置坐落，開揚舒適。侍應遞上餐前小食苔菜花生 ，味道甜中帶鹹，香脆惹味。點菜都唔問姐夫啦！由我話事，首先嚟嘅雞絲粉皮配上青瓜，味道唔錯，惟可惜麻醬唔夠充足。 乾燒蝦扒西蘭花，賣相一流喎，橙紅色汁液啲大蝦碌，配以翠綠嘅西蘭花好吸引。都聽過同事講，唔可以錯過呢度嘅無錫脆鱔，咬落好脆，切粗條形炸脆，一向鍾意食香脆嘢嘅我，梗係覺得好好味啦！姐夫都樹起手指公呢！但都興趣知道係咩嚟呢！侍應話係用菇類，廚師精心研究而成的。 都係甜品時間了，叫左碗芝麻湯丸給媽媽 佢話啲羌味剛好，甜度適中。原桶豆腐花又點會放過呢？真係即叫即製，所以都要耐心等候，上枱時除跟普遍有嘅黃糖外，特別嘅有清香嘅桂花糖水，呢個又係我嘅“飛佛”，咁要讚嘅梗係豆腐花嘅本身，好夠滑好有豆味 ，好果唔係聽日要返工，我想再等多一桶呢！ 落樓時，姐夫話想回美之前嚟多次喎！

成日大🐟大肉。捉咗老公黎清心寡慾。食個齋清清腸胃。撞正Green Monday 有8折堅持不加味精。不加色素。少鹽少油。啱曬多肉少菜嘅香港人。冷盤可自由配搭。一款/三款/五款。五福臨門拼盤～（大）右至左（順時針）🐔絲粉皮 凍🍆🐴蘭頭脆皮素鵝中）無錫脆鱔黑松露醬蛋白炒飯～每一啖飯有淡淡黑松露味道。飯粒粒分明。唔油膩。

放工之後約左朋友去食飯，成日都係尖沙咀食野真係有時都唔知食D咩好。所以有朋友提議去食齋，齋平時就好少食，今日就去試下。炒芽菜，爽口得黎加上有小小辣味，真係唔能夠唔叫既小菜素鵝皮脆又唔油，仲要好鬆脆，裡面包住甘荀絲、冬菇絲同木耳絲材料十足上海粗炒麵好可惜，菜比較多，但太過油膩，食左少少已經唔想食紅豆煎餅完全唔係上海個隻，好似放左好耐先煎出黎咁，自己覺得太甜猴頭菇津白甘栗煲熱辣辣咁上黎，而且煲到D食物入哂味，每啖都有滿滿既醬汁

這天，跟E先生來到位於尖沙咀北京道一號的功德林吃上海素食。 落地大玻璃窗外是有遮擋的維港海景，而且靠近窗户的都是八至十二大檯。一坐下，店員就送上茶芥花生。 雖然功德林有套餐提供，但我們還是喜歡單點。 無鍚脆鱔 $98 炸得香脆可口，裹滿甜甜的醤汁，雖然越吃越覺油膩，但不失為—道香口小食。 水煮魚片 $118 點了小辣的水煮魚片，入口微辣，非常惹味。薄切的蓮藕片爽脆可口，配上軟滑的菇片，口感對比強烈，讚！ 素仁鬆配叉子餅 $118 素仁鬆炒得香口，而且調味得宜，吃來味道濃郁，正好用來配撘香脆的叉子餅。 糖醋松子黃魚 $138 糖醋醬汁放有大量松子，而且是上檯後再澆上的，令外層的炸腐皮不會太快變腍，吃起來口感香脆，裡面則是香軟的芋頭蓉，配合酸酸甜甜的糖醋醬汁，消除了不少滯膩感，不錯！

都市人注重健康，除咗各種運動最近都爆紅，亦都好多人重視食物，多咗唔少人強調要食得健康。今次朋友要約我去好出名嘅素食餐廳，食個健康午飯。功德林喺北京到1號入面，大玻璃窗可以望到文化中心同埋海景，確係令人心曠神怡。環境好闊落，乾淨企理，令人感覺好舒適。朋友仔好鍾意食年糕，佢先點左一款雪菜冬筍炒年糕。無肉嘅炒年糕，冇如我想像中咁啖口，反而食到雪菜嘅香味。中午時間，我比較鍾意食點心。我點左份雲吞，蘿蔔酥，同埋三色餃。三色餃賣相好特別，幾得意架。雲吞係上海雲吞，即係皮比較厚嗰種。入面嘅餡料全部都係菜蓉，清清地都幾好味。三款點心當中我最鍾意蘿蔔酥，蘿蔔蘇賣相已經好好睇，表面炸得十分香脆，一咬開感覺好鬆軟。表皮鬆脆，入面軟滑嘅蘿蔔蓉熱辣辣，口感好有層次啊。另外重點左兩款比較重口味嘅小菜。麻婆豆腐非常足料，勁大碟。茄子煲雖然冇落肉，但味道有啲似魚香茄子煲。豐富健康，每人都係百零蚊鬆啲，加唔中食下素食都幾好啊！

細個嘅時候，有種葡萄糖沖劑叫「得力素」，嗰陣時大行其道，依家好似已經唔見咗，連得力素糖都無埋，不過目前健康產品五花百門，「得力素」個名應該唔喺咁多人識，尤其後生一輩。但講到健康產品，與其靠依等藥物，就不如先晌飲食方面着手，哈哈！講健康飲食，小弟就唔及老婆，佢食素都多年，雖然唔喺全素，但白肉以外，紅肉就極少食，除自家煮之外，亦不時幫襯素菜館。尖沙咀嘅功德林算喺經常光顧嘅食肆，因為以前佢晌依頭返工，反而，小弟就第一次嚟，故此，平時一向由我點菜，今次就得佢出手。北京道一號嘅食肆，賣點其一就喺靚景，嚟到功德林同樣單邊落地大玻璃窗面向維港，鳥瞰整個1881，感覺相當唔錯，只可惜今日天色灰懞懞。而餐廳環境亦舒適寫意，除咗地方寬敞，樓底高，亦無話好似一般中式食肆咁逼夾，一室以青綠色為主調，加上自然光（當然有啲陽光就更好），讓人感覺清爽。此外，唔似啲齋鋪咁滿天神佛，又「煩」（梵）音不斷，亦喺佢多嚟光顧嘅原因之一。安頓好先點一壺鐵觀音，順帶一提，茗茶每位收$15/位，小食就收$12碟，喺紫菜花生，紫菜磨碎混和啲花生，面面黐滿糖粒，鹹鹹甜甜又香脆。打開餐牌，內頁第一版就喺餐廳嘅介紹，原來，不經不覺功德林晌

愛食肉的我是時候要素食一下，正好朋友的媽媽是位素食者，本人對素食無特別研究，所以餐廳當然由他們决定，他們帶我到尖沙咀北京道1號7樓的功德林上海素食。可能是正午時分，人不算多，地方很大跟酒樓一樣，坐得好舒服，正正對着文化中心和對面海景色，心曠神怡。打開菜牌原來齋菜也能有這麼大變化，跟不是素食的樣子一模一樣，真的大開眼界。《南瓜蟹粉魚翅羹 $78》那當然沒有魚翅成份，而是用粉絲代替。西式南瓜湯喝得多，原來中手 《咕嚕肉 $108》由賣相至口感都很像真的豬肉，實際卻是由面筋煮成。咬開真的能看到一條條的「肉絲」，像真度彼高。咕嚕汁的酸甜度很平衡，沒有過甜或過酸，不得不讚廚師的手藝。《上海粗炒麵 $88》面有囗感且煙韌，味道夠濃，非常多的蔬菜，炒的火喉剛好，也沒有太油膩。《糖醋松子黃魚 $138》冬菇作魚頭、魚尾，而魚身直接換成了香煎過的芋蓉，外皮脆內軟腍且芋香濃，沾上酸甜的糖醋汁後，再配上香脆的松子仁，很好吃。《原桶豆腐花 $58》店員提到他們的豆腐花是自家製，那當然要試試，原桶上大豆香味濃，份量好足夠4人用，豆腐花沒有散開，一片片舀起來很完整，入口香滑豆味香。再配上一般少用的桂花糖水作調味，

星期六做個好孩子，帶了老媽子去嚐素。 平時帶她吃開銅鑼灣世貿的港島分店，今次就試試位於北京道一號的九龍分店，有維港靚景、有美味素菜、有舒適環境，必定令她感到一樣滿意。《蒸素餃 $28》皮簿不韌，蒸的時間剛好，沒有肉餃那般油肉味，清清淡淡的味道很清新。《橄欖菜炒秋葵 $88》這個炒得夠鑊氣，秋葵份量多，每條都爽脆而且完全無一般炒菜的油膩感，配上橄欖菜更加提味。《擔擔麵 $58》本身帶辣，但可要求辣醬另上。麵質感軟硬適中、花生醬味濃。《菜汁蒸銀絲卷 $32》由於都是想清淡些，所以沒有要炸銀絲卷，而這裡的銀絲卷就加入了菜汁，內裡帶著淡綠色，有輕輕的菜味，但沾上煉奶的話，就吃不到菜味了。整餐都不油不膩、十分健康，令我決定每星期最少嚐素一次，而功德林就最適合不過了。

星期六上半天班，下班後最愛與娘親大人四處覓食，這天愛吃健康素食的娘親就指名要去功德林飲茶。也好，功德林的晚市之前試過，今天就試試午市點心吧！  白與蘋果綠再加上竹子，整體裝潢都給人自然清新的感覺，合符素食風格。北京道一號座落海旁，採光良好，伴著日光吃午餐心情也特別好呢！  餐牌上除了各式主菜，點心種類選擇也不少，可惜部分點心只在另一銅鑼灣分店供應，無緣一試。 素菜包是將野菜跟雲耳等等砌碎混合成內餡，把包子擠得滿滿的，入口細嚼有菜香散發。 三色蝴蝶餃賣相精緻，蝴蝶餃的三個角落放上三色雜菜，裡面是金黃色的粉絲內餡，蠻漂亮的。味道不錯，但要注意放久了外皮會變得乾硬，最好一上桌便吃掉。 磨菇包造型就是一只冬菇，可愛的外觀不論大人小朋友都會喜歡。磨菇碎內餡咸香惹味，忍不住多吃了一個。  非常長的長壽春卷剛剛炸起還冒著熱氣，春卷兩端都是香脆的春卷皮，餡料像是豆腐肉混合了腐皮，口感真的很像肉碎，夠特別！ 牛肝菌菠菜生煎包底部煎得焦香，菠菜採用嫩葉部分口感細軟，再以少許黑椒調味，微辣令牛肝菌的香味更突出，推介！ 雪菜鮮菇湯麵上桌時熱氣騰騰又飄著鮮菌香，大而圓潤的白磨菇點綴在麵上，